Burgeroom (美麗華廣場1期) (已結業)

終於開放番堂食, 實在太耐無食過burger啦!!即刻諗起美麗華呢間burgeroom~ 放工黎到都幾多人食~去完cashier落單就可以坐低等食!今次同男朋友叫左1款牛肉1款雞柳burger~再試左黑松露薯條~芝士蛋漢堡聽個名以為好普通? 原來係超級大個, 差唔多有15cm咁高!而且蛋係好厚~唔係普通煎蛋!牛肉依然好juicy, 連埋個蛋一齊食更加juicy~今次係第一次食黑松露薯條, 都係用上粗薯條~而且好多芝士, 好食!不過都係鐘情芝士旋風薯條~另1個係honey mustard 大啡菇煙肉漢堡~個名好長, 好多配料, 好鐘意入面大啡菇, 覺得健康d, 同埋加左一份香味!honey mustard同雞柳好夾~呢個比起牛肉果款無咁漏, like!