Burgeroom (美麗華廣場1期) (已結業)

超超超好食漢堡今日放工同男朋友行開尖沙咀黎到美麗華商場入面既Burgeroom食晚餐環境型得黎又帶點Chill既感覺，用車呔做間隔顯得額外特別黎到Burgeroom，男朋友話一定係要試最出名既王牌漢堡-鵝肝牛肉漢堡（$168）牛肉既肉質細膩而柔軟亦非常厚，咬落去口感一流，鵝肝味道濃郁，入口即融，配搭上濃厚既芝士，蕃茄，生菜等配菜，十分足料，不愧為王牌漢堡而我就試另外一個非常出名既蜜糖芥末大烤菇煙肉牛肉漢堡（$120）個包真係好大個！牛肉一樣又厚又好食，煙肉夠晒脆，配上無敵大烤菇，個包十分鬆軟，咬落去有唔同質感同層次，蜜糖芥末醬令到個包既味道更加多元化！ 最後叫多個黑松露芝士薯條 ($68) 同 蜜桃冰茶($38) 薯條一送上黎仲冒出陣陣既煙！非常新鮮。粗蕃條配上黑松露配上邪惡既芝士，真係好好食！而蜜桃冰茶好香桃味但美中不足係有少少太甜，如果叫少甜效果會更好！總結：味道 9/10環境 8/10服務 8/10總評 8.5/10人均消費 $150元左右

·無人不曉的老字號美式漢堡店🇺🇸——𝑩𝒖𝒓𝒈𝒆𝒓𝒐𝒐𝒎對呢間嘅印象就係豪華版嘅真·巨無霸🍔仲有超長嘅餐牌 漢堡分成五大類✋🏻多達40款可以揀！1️⃣牛2️⃣魚、海鮮3️⃣雞、鴨4️⃣全素5️⃣素肉可能係全港最多選擇嘅漢堡店(?)🫣《🥓蜜糖芥末大烤菇煙肉牛肉漢堡🐮》💰120包身表面烘得好香脆 而入面依然係好鬆軟嘅質感麵包帶有牛油香同少少甜味🍯大啡菇係𝙠𝙞𝙣𝙜 𝙨𝙞𝙯𝙚 烤得非常𝙟𝙪𝙞𝙘𝙮💦菇味濃郁牛肉一睇就知幾厚身 目測至少有2𝙘𝙢厚度🤏🏻肉質完全唔乾身 咬落去啖啖都係肉汁熟成度亦控制得啱啱好 中心顏色呈微粉紅再加埋半溶嘅車打芝士同煙肉嘅鹹香 夠曬邪惡ﾍ😈ﾍ《🦀軟殼蟹漢堡加菠蘿🍍》💰117+10連軟殼蟹都係巨型𝒔𝒊𝒛𝒆 😳大到包皮都覆蓋唔曬全隻蟹炸漿唔會過厚 炸得金黃酥脆💛中間仲有蟹膏甘香嘅味道😋鮮味十足配埋酸酸甜甜嘅他他醬 入面嘅酸瓜粒可以起到平衡作用⚖️雖然係油炸但一啲油膩感都冇 果然係廚師推介💁🏻‍♀️《🥑牛油果醬芝士薯條🍟》💰68𝙂𝙪𝙖𝙘𝙖𝙢𝙤𝙡𝙚 & 𝙘𝙝𝙚𝙚𝙨𝙚呢個配搭簡直係𝙥𝙚𝙧𝙛𝙚𝙘𝙩 𝙢𝙖𝙩𝙘𝙝🥰牛油果醬加咗檸檬汁🍋同番茄🍅好開胃仲可以中和返芝士醬帶嚟嘅膩感🧀濃味得嚟又帶點清新🤩呢個真係大推！

今次dinner時間嚟到工業風嘅Burgeroom食美式burger特量芝士牛肉漢堡 $115- 漢堡如其名，唔止芝士特量，成個漢堡份量都好大件，配正常漢堡有嘅內餡：蕃茄、生菜、千島醬- 話明特量芝士，啲芝士真係多到好似瀑布咁，而且溶咗之後鋪滿成塊牛肉，好滿足- 牛肉特厚，保守估計起碼有1.5cm，啖啖肉，而且唔乾唔柴，唔會食到好口渴菠蘿燒烤醬牛肉漢堡 $98 (加芝士 +$10)- 份量一樣大大份，絕對食得飽- 內餡同其他口味一樣，配生菜蕃茄，本身配埋生洋蔥，但朋友唔食洋蔥，同職員講聲就可以走咗佢~- 菠蘿夠juicy，食落味道好夾牛油果醬芝士薯條 $68- size一樣大大份，兩個人share就會好啲~- 薯條厚身，粉漿薄- 芝士份量好慷慨，多到可以每一條薯條都沾滿芝士，芝士控絕對要試啊- 牛油果醬好fresh，感覺係原個牛油果打成做醬，食落無添加~荔枝冰茶 $38- 飲到荔枝肉，唔係淨係水果糖漿- 甜度適中推薦去開附近行街嘅朋友嚟食，餐廳仲做緊lunch burger combo優惠，加$30就有薯條同飲品，好抵食

行過見到呢間嘢幾靚咁，就同朋友入咗去試吓。成間舖頭好有工業風格，喺度打卡都幾靚🤣-🥑 牛油果醬芝士牛肉漢堡 $100作為牛油果超級愛好者嘅我，一見到呢個漢堡就忍唔住嗌😋 個漢堡超級大個，食咗半個已經飽咗一大半。牛肉大塊得嚟仲好Juicy，而且個牛油果醬都比得一啲都唔手軟，啱晒鍾意牛油果嘅人！連平時唔鍾意食牛油果嘅朋友都覺得呢個牛油果醬好好味，值得一試～-🌶️ 墨西哥辣椒芝士雞柳漢堡 $98朋友就叫咗呢個漢堡，我一開始仲驚過墨西哥辣椒會搶晒其他味，但估唔到整體味道好夾，個墨西哥辣椒令成個漢堡更加惹味👍🏻 個煎雞柳都仲好Juicy，加埋酸瓜蕃茄等配料，成件事就冇咁膩😋-🍟 黑松露芝士薯條 $68啲薯條炸得好香脆，加埋黑松露同芝士，簡直係絕配！-🍹 菠蘿冰茶 $38呢杯茶唔會太甜，都唔會飲到好假嘅水果糖漿味，整體清清地咁，啱晒食完漢堡之後解膩。-整體來講，食物質素都幾好，而且環境都好唔錯，係同朋友一齊食飯嘅好選擇👍🏻-味道: 8/10服務: 7.5/10環境: 8.5/10回頭率: 8/10總評: 8/10💰人均消費: $170

食漢堡包梗係食個質素高㗎啦，年紀越大，食嘅嘢就要求越高，今日嚟到尖沙咀，一定要去Burgeroom食啲高質素嘅漢堡包。高質漢堡包可以好貴，但係呢間嘅價錢只係屬於中價，真係好抵食㗎。餐廳係半自助式，自己排隊下單後，食物就由服務員送上，非常方便。首先叫咗個大烤菇芝士牛肉漢堡包，用好厚、好juicy嘅牛肉，加上新鮮嘅蕃茄同埋生菜，覺得好滿足，蘑菇同牛肉係好夾，真係一分錢一分貨。跟餐加埋薯條外脆內軟，充滿薯條 嘅香味。再加一杯鮮奶綠茶，香濃嘅鮮奶，加埋綠茶嘅香味，真係不錯配合。鱈魚手指配他他醬，好脆喎鱈魚手指，好新鮮鱈魚，好鮮甜，加埋啲他他醬，帶出鱈魚嘅鮮甜，真是有一番滋味。再來一個吉列大蝦沙律，菜好新鮮 、好脆口、菜種類又多，加埋大蝦一起吃，真的絕配。

🍔🍄🐮🧀大烤菇芝士牛肉burger呢個burger非常足料😍🐮牛肉夠厚 而且有滿滿既肉汁🍄大啡菇好juicy!!!幾樣配料都好合襯👍🏻_🍔🐔🥑 雞肉牛油果醬burger第一次嘗試牛油果醬配搭雞肉成個感覺好新穎🤣食落去好飽飽🤰🏼雞排有點似茶記親切既味道🤣_🍟旋風薯條薯條炸到外脆內軟😋睇落份量唔大 其實實際份量都唔小🤣_🍹荔枝梳打本身怕甜 所以叫左少冰少甜但係味道仍然好fresh_🍹蜜桃冰茶

又係食漢堡包嘅時間🍔 放工後黎到美麗華嘅burgeroom同朋友短聚，依度地點方便、餐廳內裏環境也不錯，適合同朋友傾偈談心☺️我哋random叫了兩個burger + 薯條 share食：1️⃣大啡菇芝士牛肉漢堡聽個名都知呢個配搭唔會出錯😌 黎到既時候好似比我印象中細個D!?!? 但整體味道滿意，好欣賞佢個醬汁，突顯牛肉同啡菇既鮮味👍🏻 朋友食慣生肉😂😂 覺得牛肉好似有點過熟🫢 但我認為還好😎2️⃣菠蘿鱈魚柳漢堡我好中意依個burger😍😍 原來呢個配搭可以咁match，菠蘿令人覺得好開胃，而鱈魚柳炸得香脆但魚肉依然好滑，很好吃🙋🏻‍♀️🙋🏻‍♀️3️⃣直薯條不過不失，份量也很多，我地最後都食淨幾條😂😂🫢我地仲叫咗杯奇異果汁同樽裝飲品，店員亦唔會趕我哋走， 可以慢慢繼續傾偈👍🏻👍🏻👻

同朋友嚟食晚餐冇咩特別食物推介/負評不過兩個人都坐得好舒服 食得好開心😃芝士薯條🍟同朋友share我哋都覺得偏細味道唔差 但冇咩驚喜$60 覺得偏貴朋友話 但牛油果醬漢堡好食我個大啡菇煙鴨胸漢堡都好食 加上出邊食唔到不過兩個漢堡都好厚 我哋都食到幾狼狽加上我個煙鴨胸 中間有啲位咬唔斷就要成舊拖出嚟食真係想食得有儀態啲都唔得😂😂😂然後我哋飲埋杯啤酒🍻Orion 唔苦又好夠氣 好味覺得都好滿足總結係 食漢堡同老友食最開心如果約會 就可以食其他展露儀態嘅食物比較好🥴

之前食過一次，已經冇咩印象，但係朋友再三話超級好食，咁就一定要再挑戰下啦環境好有美式酒吧嘅感覺，播住唔大聲嘅英文慢歌，舒服得黎又唔影響傾計，其中有2面車軚特色牆，令到個場變成西部牛仔聚腳點咁樣門口仲有個打卡位呢～牛油果醬芝士薯條，就咁睇好似好少醬，但係其實食到最後都有醬嫁！！成個底都係芝士醬，正！漢堡，一定要試個牛堡先知正唔正宗嫁呢～揀左個雙層芝士牛堡，芝士係溶曬係個肉上面，一層牛肉目測有2.5CM厚，非常juicy，雙層只係牛同芝士，菜嘅比例會少左，食到中間會有小小膩，朋友仔係肉食者非常開心，但係本人下次叫單層就夠BBQ菠蘿雞堡，有菠蘿就冇得輸，加上生洋蔥，甜甜咸咸辣辣，味道非常豐富，雞扒仲要煎得好香好脆桃味梳打，正常汽水，冇咩特別

同朋友行到尖沙咀美麗華見到呢間主打burger嘅餐廳，一於入去試吓。工業風嘅裝修，放咗好多車呔同壁畫，一走到去就見到好大個開放式bar枱，有好多唔同嘅酒，另外晚上6點前會有happy hour，適合情侶或一班人聚會，飲到咁上下就叫返個burger食👍🏼黑松露芝士大烤菇煙肉牛肉漢堡因為我哋叫咗2個唔同嘅burger share 食，餐廳都預先幫我哋切開2份，非常之大個，一啖咬唔晒成舊😂牛肉上面果層加咗黑松露醬，而生菜果層就有牛島醬，可以試到2款唔同嘅味道。牛肉厚身多汁，口感非常豐富😋大烤菇鱈魚柳漢堡加咗蕃茄，芝士，生菜同沙律醬，魚柳好厚，香脆又皮薄嫩滑👍🏼牛油果醬芝士薯條🍟熱溶芝士加上牛油醬，香濃嘅芝士與其他餐廳唔同，冇拉絲但就算放耐咗都唔會硬晒，個人比較中意

離遠已見到大大個霓虹燈招牌 餐廳行型格路線 有啲似賽車場嘅感覺🛞🛞有超級多漢堡包揀 覺得唔夠配料仲可以加錢配自己想要嘅配料😋仲竟然有素食嘅漢堡揀另外仲有小食同沙津可以叫 呢度好多款食物都用左芝士製作 好邪惡但係我中意🤭另外牛油果醬都好吸引到我出面飲開啲水果茶得個甜字 好似飲糖水咁 呢度嘅果茶唔錯 甜度啱啱好之餘仲飲到好重茶味👍🏻好解渴好中意佢個牛油果醬😍好清甜幽香同滑身 再加啲芝士 蕃茄碎 好夾好有驚喜雞塊醃得剛剛好 亦冇肥肉👍🏻其實唔使點芝士醬已經好好食 但加埋芝士更加出色鵝肝我自己一直都好中意🥹竟然可以比我食到鵝肝漢堡❤️鵝肝入口即溶 味道香濃 漢堡扒本身好結實 切開時唔會散唒 好香牛味包底亦唔會做到好乾👍🏻上枱時已切開左一半 方便食用呢個組合真係好令人滿足🥹另外亦有沙津菜👍🏻兩個人叫左一個漢堡 兩份小食已經好滿足好飽喇😂

午飯時間，想搵間坐得舒服啲嘅餐廳，就嚟到美麗華嘅burgeroom。呢到裝修走工業風，又有霓虹燈，好適合打卡，不過今日我自己一個就唔係幾好意思啦哈哈。🤭今日揀左蜜糖芥茉大烤菇煙肉牛肉漢堡、扭扭薯條、水蜜桃冰茶 。呢個lunch對於一個女仔嚟講好似有啲太豐盛，但我要獎賞下自己工作嘅辛勞。 漢堡好足料，熱辣辣，好滿足！舊肉夠哂肉汁，生菜夠新鮮！扭扭薯條分量充足，美中不足係炸得有少少偏乾身。水蜜桃茶夠冰凍🥶Long lunch 舒舒服服坐左個幾鐘，員工招呼都好好。🤗其實佢個lunch set都幾吸引，不過我鍾意食扭扭薯條多啲所以先散叫，大家可以考慮叫番set，經濟實惠啲。下次happy hour要同同事落嚟飲野 🍻 🍻

最近胃口幾好，就約下朋友去食漢堡包！去到尖沙嘴好出名既Burgeroom，鋪頭係美麗華二樓，遠遠就已經見到門口大大個牌，店面好大，座位好闊，坐得舒服！餐廳多用輪胎佈置，好似去咗美國汽車城咁！一睇份menu……嘩！有超多款漢堡，真係多到唔知點揀～我地叫咗兩款漢堡，一個係「黑松露芝士大烤菇煙肉牛肉漢堡」（$130），漢堡嚟到，超大個呀！牛肉好厚身，而且勁juicy，配埋煙肉同大啡菇，各種口感都齊備，好有滿足感！個包好難放曬入口，所以我地都係切細塊分嚟食咋～另一個叫咗「軟殼蟹漢堡」（$115），嚟到又要「嘩」一聲，隻軟殼蟹大到呢……每啖都有大大嚿既蟹肉，塊皮亦炸得十分之脆！配埋蕃茄生菜中和返，就唔會覺得太過煎炸，十分美味小食我地叫咗一客「香辣單骨雞翼配蜜糖芥末醬」（$60），雞翼唔算太辣，上枱時非常脆身，又熱辣辣，配埋芥末醬就更加香，作為小食十分滿意雖然唔係叫咗好多嘢，都十分飽肚同滿足，下次要再嚟試下其他漢堡！

嚟到尖沙咀行街，行完美麗華商場，就搵地方食嘢😀。見到呢間Burgeroom，店面好有型，有Feel，再望下價錢，都合理，於是就人去試吓。主打食漢堡包，有勁多款揀！有牛有雞有海鮮，好多神奇嘅款都有。我就叫咗牛油果醬芝士漢堡包🍔($100)。個包真心好巨型，仲好貼心咁切開咗一半俾我，喺橫切面會見到個包好足料：厚厚嘅牛肉、厚厚嘅牛油果醬，仲有蕃茄、菜、同埋千島沙律醬。每一啖都係享受，啖啖料😝！朋友就嗌咗大啡菇煙鴨胸漢堡($105)🍔🍔！又係切足料，啖啖肉！個大啡菇都整得好好食，好Juicy！小食就點咗一份芝士直薯條($60)，好香濃嘅芝士醬😋，但又唔會太過濟，剛剛好。最後仲有杯手工啤酒($63)🍻，正！整體環境都Chill&舒服。

今日同朋友嚟尖沙咀行街，好耐無行美麗華，發現原來美麗華開左好多新餐廳！仲見到burgerroom 之前有都想試好耐，就決定同朋友入去😚呢度裝修好有特色，感覺有美國既feel睇餐牌先發現原來包既選擇種類都幾多，同朋友都有選擇困難😂所以都係揀左廚師帽推介嘅兩個熱門款朋友揀咗大烤菇芝士牛肉漢堡佢已經切開，一打開畫面好震撼，個大烤菇同埋塊牛肉真係1:1朋友一食，已經好多汁🍔佢話好正，仲分咗少少比我試，呢個真係整得好好味！而我揀咗軟殼蟹漢堡，一送到黎唔小心「哇」咗一下，原來軟殼蟹係咁大塊🤩打開見到嗰種震撼！原來蟹入面都有好多蟹膏😋同埋佢個炸粉入邊啲蟹肉係真係好多，好足料！小食我地叫左牛油果醬薯條😍薯條上面真係好多醬😋😋😋超正的我哋仲叫咗兩杯嘢飲，一杯係蜜桃梳打一杯係荔枝梳打味道都不過不失最後埋單$412, 呢個價值配上呢個食物得質素，絕對係值！