Burgeroom (美麗華廣場1期) (已結業)

嚟到尖沙咀行街，行完美麗華商場，就搵地方食嘢😀。見到呢間Burgeroom，店面好有型，有Feel，再望下價錢，都合理，於是就人去試吓。主打食漢堡包，有勁多款揀！有牛有雞有海鮮，好多神奇嘅款都有。我就叫咗牛油果醬芝士漢堡包🍔($100)。個包真心好巨型，仲好貼心咁切開咗一半俾我，喺橫切面會見到個包好足料：厚厚嘅牛肉、厚厚嘅牛油果醬，仲有蕃茄、菜、同埋千島沙律醬。每一啖都係享受，啖啖料😝！朋友就嗌咗大啡菇煙鴨胸漢堡($105)🍔🍔！又係切足料，啖啖肉！個大啡菇都整得好好食，好Juicy！小食就點咗一份芝士直薯條($60)，好香濃嘅芝士醬😋，但又唔會太過濟，剛剛好。最後仲有杯手工啤酒($63)🍻，正！整體環境都Chill&舒服。