Burgeroom (美麗華廣場1期) (已結業)

以burger為主既食店西瓜汁同奇異果汁 各38 蚊係新鮮搾汁 生果落足料夠新鮮 落題糖分偏少 所以飲落好夠生果味 尤甘係奇異果汁偏酸菠蘿雞肉burger 85 蚊雞肉係雞脾肉黎 大大件食落軟滑 配以沙律醬 蕃茄 生菜等 而且菠蘿烤到熱辣辣 十分juicy連埋焊過既牛油包皮一齊食 口感佳鵝肝牛肉burger 158 蚊同樣地 除左有牛油包皮 蕃茄同生菜外 仲有主角 牛肉同鵝肝， 鵝肝煎得比較軟滑 咬落去充滿油花 而牛肉牛肉味十足 而且十分juicy, 食落去牛肉同鵝肝既味道十分match推介

什麼時候，巨型漢堡成了潮流，連麥記都推出了自選漢堡。之前在銅鑼灣嘗過人氣爆燈的Burgeroom的漢堡，正想去再翻尋味，發現已經開了分店在尖沙咀，我這新界人當然去九龍區比較方便，順便去棒下場。就在對著柏麗大道的美麗華商場，進駐了Burgeroom。幸好是晚上六點去到，不用等位，到七點已經好多人了。跟上次一樣點了朱古力，不過今次點的是原味和玫瑰味朱古力。朱古力味香濃，今次甜度剛剛好，不會太甜。上次無緣試Burgeroom出名的鵝肝牛肉漢堡，今次和男友人前來，當然要分享一下，怕雙份鵝肝太罪惡，只好點單份。不過，單份的鵝肝也份量十足，切開一半仍然超大塊，入口肥油溢出，極之邪惡。芝士溶在香軟的牛肉上，滋味十足。愛吃蘑菇的沒有多想就只了這客蘑菇牛肉漢堡，沒有加芝士，只有蘑菇和洋蔥，卻吃到牛肉的鮮味和肉汁。旋風薯條十分香肥，加了調味可以不點醬汁也好味。

我很喜歡吃漢堡包，一個人可以吃上整整一大個，知道尖沙咀開了Burgeroom的分店，我當然要來捧場。龍蝦漢堡+漢堡牛排。賣相非常吸引的龍蝦頭，生猛得活靈活現，大大個漢堡飽插上兩枝龍蝦肉，頗有霸氣。龍蝦肉質較鞋口，但算是鮮甜。漢堡麵包烘得香脆鬆軟，入口頗是香口。牛油果醬豐富味道酸甜香醇，陣陣醬香加上麵包非常吸引。漢堡排肉質鬆軟，但較為過煮，肉汁不算豐富但味道非常鬆軟香口。賣相非常吸睛的漢堡包，我深深愛上了。旋風薯條。漢堡包配薯條是最佳組合。旋風薯條即叫即炸，非常香脆香口，薯香滿滿，薯味十足。薯條炸得香口卻毫不油膩，味道出色。

知道尖沙咀開左間burgeroom，就即刻約埋好朋友收工黎試下，之前都聽過呢間burger唔錯，有好多選擇，睇d相都好似好正咁！！終於有機會食到啦等埋朋友收工食九點半，入面都有唔少客人，等左一陣就入去坐低左。睇下有咩食先～黎得呢度食野burger是非叫不可架啦！其實真係好多唔同既肉類可以選擇，一時之間都唔知食咩好，決定嗌一款牛同一款雞試下啦。另外見到有all day breakfast都好想試試，仲有軟殻蟹沙律，仲有芝士薯條，仲有雞翼！！結果嗌曬，三個人一定食得曬既飲品嘅選擇都有好多我地就叫左桃同菠蘿果茶同埋green tea latte桃味幾好飲，latte好重奶香，不錯不錯。先黎左芝士薯條同香辣雞翼，都係一定唔會難食嘅餐前小食～薯條等d芝士仲係半溶狀態，熱辣辣食就最正啦，雞翼皮好香脆，咬落去肉度仲有肉汁架非常有份量的all day breakfast～有炒蛋香腸煙肉大蘑菇，仲有沙律牛角包薯餅，太豐富啦同埋睇落每樣都好好食咁樣。最鐘意食個蛋同菇，蛋炒得好滑又有好香嘅蛋味，蘑菇係好juicy同濃濃的菇味，好香呀！軟殻蟹沙律都係大大份！成隻蟹放係度好震撼呀！！！外皮係脆脆地，然後個蟹入面

知道Burgeroom係尖沙咀開左分店，咁岩又係附近，所以就黎試下。雖然係新開，不過都吸引到好多人去食，入面坐滿人，仲有幾枱等緊位。我唔想等太耐，所以就決定坐室外。室外就望到樓下啲酒吧餐廳，幾好景又好氣氛。我叫左個Double Foie Gras Beef Burger 雙鵝肝牛肉漢堡 同埋 Truffle Cheese Fries 黑松露芝士薯條 一杯 Iced Peach Fruit Tea.先講個黑松露芝士薯條，好香，黑松露同芝士味都好出好重，好食，同埋重要好多好多芝士，每仔薯條都分配到芝士，呢點真係好重要。不過我就建議同人share，份量都幾多。跟住主菜就到啦，雙鵝肝牛肉漢堡 個鵝肝真係冇得頂，見到都流口水。一啖咬落去，鵝肝同牛肉啲汁流晒出黎，而且鵝肝外脆內軟，同牛肉真係配合得天衣無縫。仲有杯Iced Peach Fruit Tea，好香桃味，唔會話好甜，冇搶走左桃嘅果香味，好清新，食左咁濃味嘅野食，飲返啖真係啱啱好。食完呢餐Burger，真係非常大滿足，要抱住個肚仔返屋企，一個字，正！

呢一日放工後6點半左右嚟到都有好多位，唔洗等。坐低後諗好食咩就可以自己出counter order（相入面個三角形路牌寫住「order here」），然後會有人送餐。［Guava & Ginger Beer，各$28］喺counter落完單比完錢之後就喺後面嘅雪櫃自己拎野飲。我呢一日叫咗喺澳洲讀書時好鐘意飲嘅澳洲嘢Bundaberg ginger beer另外，如果佢有埋奶昔嘅話就好啦，因為漢堡包同奶昔係絕配嚟㗎嘛...［牛油果醬芝士牛肉漢堡，$90］心心眼mode！大到唔可以一啖擺落口，要拆散嚟食！不過食咗兩啖之後呢個漢堡令我有少少失望，因為塊牛肉又羶又唔juicy，牛油果醬又好淡味唯一可取嘅就係個包烘得啱啱好，又好有牛油香味。［粗薯條，$28］薯條用鐵籃上，睇落去份量唔多，覺得佢憑咩收咁貴，但其實食落都幾多，哈哈其實如果兩個細食嘅人嚟食嘅話，可以叫一個漢堡包同埋一至兩個side嚟share咁就已經夠喇。好似今次我同朋友一人叫咗一個漢堡包、一支嘢飲、同埋一個side嚟share，咁樣就太多喇，食唔晒，浪費咗食物

今日同朋友走左去尖沙咀食burger，聽佢講係間好出名既手工burger店。入到間餐廳第一感覺係幾高級，好有style，可能我係比佢個招牌吸引住，個招牌係真係令。除左令令既環境，食物方面亦係非常吸引。主要係sell手工buger，有beef系列、seafood、fish、vegetable系列都仲有，龍蝦、帶子、軟殼蟹、鵝肝、等等應有盡有。但我認為食burger都係食傳統口味既好，所以我最後都係簡左牛肉系列既：大啡菇牛肉漢堡。burger好快上碟，成個burger係熱辣辣。表皮麵包煎都好脆，牛肉好厚有汁好滋味，牛肉唔會全熟（牛肉係可以生食加麻！）牛肉切開大概係7成熟，肉質岩岩好好嫰。而大啡菇亦都好大舊，燒得岩岩好，唔會好乾失去菇既水份，咬落口有菇汁滲出黎，亦都好重菇味，LIKE!初初怕burger會唔夠食，所以都另外叫左軟殼蟹沙律同香辣雞翼。點知食完個burger都已經係勁飽，細食既朋友可以搵freind share一個burger，叫多個小食試下，哈哈。不過係勁飽既情況下，都好享受軟殼蟹沙律同香辣雞翼，最後仲食得哂。軟殼蟹沙律，隻軟殼蟹好大隻呀！！！！大過一個男人成隻手，我地可以切開

繼前兩天在一所餐廳一嘗手工漢堡的滋味後，這兩天便心思思想去encore手工漢堡，今次特意openrice 了一下，找來人氣頗高的burgeroom，得知銅鑼灣是總店，經常人龍爆滿的；尖沙咀則是最近新開的分店，我想應該不用排那麼夠吧？所以便去新店試了試。未料，新店的人氣也是全場爆滿，很慶興，幸運的我們只是待了一會就能入座。進餐前就先欣賞看看店內的裝潢吧，神秘的工業風，灰暗的牆身顏色，旁邊還有一個大方開揚的bar枱，是非常適合dating的好地方。點餐程序方面則與平常西餐廳點餐方式是有點不同：入座後每人會取得menu，決定購買什麼食物要走到bar枱前點餐，是有一點不方便，但卻能為我省去平常10% service charge，店內亦提供八達通付款方法，是非常方便AA制的朋友。由於不收service charge，吃貨我是非常高興，亦多點了些小吃「牛油果醬芝士薯條」我本人是喜好牛油果，沒想到牛油果和薯條是多麼配合，本想這兩款食材走在一起會很膩，幸好店方加入了清新蕃茄果肉，令整個粗薯條味道得到平均中和。再說就是主餐burger，這個我自己點了「雙鵝肝牛肉漢堡」，價錢雖然頗貴，但物超所值，鵝肝外

放工想去食好西，以解整天工作的屈悶，想起尖沙咀這開業不久的餐廳，今晚晚飯有著落了。來到這裡當然係要食佢地招牌既burger, 叫左份磨菇牛肉，成個burger成隻手掌咁大呀，麵包皮好鬆軟林林，磨菇切成片狀有口感，至於主角既牛肉外層煎香一早將肉汁鎖晒入裡面，令內層有少少汁之餘，肉質仲係嫩紅，所以仲係少少嫩滑，加上蕃茄同生菜令油利感減少。Sides 就選擇左薯條，份薯條係粗身，將芝士鋪左係薯條上面唔算咩特別，特別在份sauce 係牛油果醬，牛油果本身無咩味，所以加上蕃茄粒令醬帶點酸味，薯條點埋個醬，牛油果既口感仲有蕃茄粒加芝士既絲，成個味道相當豐富呀，比普通薯條特別好多呢。

銅鑼灣嗰間就去過一兩次而最近聽到尖沙咀美麗華都開咗一間所以就約埋朋友仔一齊去試試佢美麗華商場2樓轉過彎就見到好大間burger room, 以前去銅鑼灣嗰間舖面算細但尖沙咀呢間相反闊落，而且裝修十分特別，因為近收銀位有bar枱，真係好似外國嘅西餐廳其實兩間都一樣一坐底，就會攞餐牌係你枱面，然後選擇好食物就可以去到收銀處落單然後店員會比一張單收據同埋一個感應器俾你，只要將個感應器放喺“here”就可以咁餐廳職員送上餐點先來一杯奇異果汁奇異果汁有果籽，味道酸酸地 好開胃，而且好健康小食方面有薯絲蝦真係超級好味因為蝦炸得好脆，唔單止係蝦，連表面嘅薯仔絲都得好脆，真係好似食緊薯條咁樣。除此之外蝦肉十分彈牙，吾係雪藏蝦 值得一讚 真材實料！另外叫咗個黑松露芝士薯條，味道還可以松露松露嘅味道十分之濃，但係我就覺得有少少咸所以食呢一個薯條一定要飲多幾啖水重頭戲黎啦！我同朋友叫咗一個龍蝦漢堡，龍蝦漢堡一出場已經嚇死人，因為份量十分自大 而且佢嘅擺設亦都好吸引龍蝦漢堡好足料每一啖有龍蝦肉，龍蝦好彈牙 好爽 而且真係有新鮮嘅甜味漢堡十分之巨型配上專有嘅醬汁 令到漢堡變得特別。最早龍蝦漢堡之外伴碟嘅沙律菜都

黎到美麗華，食乜好野好兜左個圈見到好多好野食，咁岩見到有burgeroom...即時諗起佢個烤菇牛肉漢堡，今晚仲唔係你！呢度新開，感覺比起銅鑼灣店更舒服好坐，模式一樣，坐喺位睇meun,揀岩出去叫野食今晚食煙肉芝士牛肉漢堡同大烤菇鱈魚柳漢堡，再加多個牛油果醬芝士薯條呢個煙肉芝士牛肉漢堡，牛肉保持一定水準，唔乾身好juice，稔身得黎唔鬆散，煙肉就烤得硬身，同牛肉有強烈對比，一硬一軟，而且有新鮮蕃茄同菜，索索聲，一如以往，一口係咬唔晒個包嘅！但真係好好味！大烤菇鱈魚柳漢堡，呢個大烤菇仍然係小妹嘅選擇之一，佢嘅咬口同濃郁菇味深深咁吸引住小妹，而鱈魚柳外層由薄薄粉漿包住，炸到外脆，而魚柳亦能保持佢嘅水嫩感，加上有調製過嘅沙律醬配合，特別醒胃食到呢度已經飽飽地，但當個牛油果醬芝士薯條一上枱，不得了！牛油果醬經師傅調教，無咁漿口之餘帶小小嘅酸甜，配合芝士，就解左薯條嘅油膩感，加上又有新鮮茄醬嘅香甜，呢個薯條真係要推介一下比朋友！

尖沙咀開左burger room既分店位置美麗華商場內剛新開業 暫未需要排隊鵝肝牛肉漢堡鵝肝煎香，味道幾濃，入口即溶而牛肉漢堡，肉色粉紅，唔會煎到好乾，幾juicy同鬆軟還有cheese,蕃茄同菜作配料，減低油膩感其實個包都幾大，同朋友share一半食也可以！漢堡只有單點，無薯條跟碟的牛油果醬薯條牛油果一向係我至愛而牛油果醬食落無咁滯，又帶牛油果既清香加埋蕃茄同芝士鋪面實屬邪惡最初以為包既份量唔大，於是叫多個漢堡香脆雞柳漢堡好巨大既炸雞扒！上枱時超誇張呀🙈🙈🙈雞扒炸得幾juicy，而且雞扒幾厚身反而唔太鐘意呢個炸粉，係中式炸雞球既炸粉最後埋單$336兩個人食到飽飽其實叫一個burger都夠！我地都係眼闊肚窄no service charge，同銅記果間一樣點餐係自己出去叫有bar 枱位，我自己就幾鐘意而裝修都幾工業味濃一入門口既大壁畫，有一堆車軑做裝飾

香港的漢堡店，尤其是取Burger的B作開頭的，隨口說說已經有近十家。夠大堆頭既Butchers Club、平價路線既Burgerman、曾獲米芝蓮推介既Beef&Liberty……又點可以忽視銅鑼灣Fashion Walk食街中，不時排哂隊等一輪先食到既Burgeroom？醞釀多時，在Facebook及Instagram低調公佈的九龍新店今日終於Soft Opening。店子就在尖沙咀美麗華商場二樓，昔日的The Great Indian Kebab Factory（即是Starbucks對上）。　　由於位置不明顯，也未有大肆宣傳，基本上都冇咩人知咁。去到只有一兩枱客，同銅鑼灣店根本冇得比，但對食客而言無疑是喜訊。相比之下，尖沙咀店闊落得多，新開張，所有野都好新淨整潔。重點是人流不多，唔會怕嘈吵，亦唔驚會急住hea整或者等食物等太耐。不過依然係要自己出去落單同俾錢，其後會有個感應器，要嘟下枱面既Here以確認座位。　　餐牌項目有沒有新品，有什麼新品我就數不出來，因為冇收到咩公關稿定咩宣傳咁。用眼睇，午餐時段有Lunch Burger Combo，另加$30就有粗薯條及飲品。飲品有幾款