BTS美食站

營業中

休息中

今日去九龍城既潮州舖買野，點可以唔食埋泰國野先走呢！😌入左呢間泰國餐廳，原來都係小曼谷既～個裝修幾有特色！首先叫左個泰式酸辣鳳爪，揀左少辣，酸酸辣辣幾開胃，鳳爪份量都好足，好爽口，唔錯👍🏻主食叫左泰式豬手飯，豬手炆到好淋好入味，滷水料既味好香，d汁撈飯真係好正！！側邊仲有d酸菜，配飯都好正唔少得既泰式炸蝦餅！😍大大舊好抵食，份量十足之餘，係好足料、啖啖既蝦肉，好彈牙架！泰式煲仔翅，表現比較普通，好似碗仔翅，但入面有花膠既～最後叫左甜品，椰汁西米糕，好香既椰汁味，唔會太甜幾清新，完美作結😚

由於太耐無得去旅行嘅關係，又好掛住泰國喎，唯有去九龍城搵食，九龍城最多泰國菜，今日就搵左呢間泰菜😁位於宋皇臺站，站一出就見到以BTS為主題嘅餐廳，非常易搵又方便明爐香檸汁蒸桂花魚用烤魚爐上枱，條桂花魚有隻半手掌咁長，肉質都幾嫩滑，高湯加左超多蒜同辣椒喺入面，加上兩片青檸，酸酸辣辣好惹味，食到尾啲魚肉入晒味，少少都唔可以剩低👍🏻生蝦刺身生蝦非常新鮮，啲蝦肉好爽好彈牙，點埋個泰式醬汁食真係一流，話咁快就俾我地清左😋泰式沙嗲串燒只係點左雞肉同牛肉，燒得啱啱好，肉質都幾軟嫩，唔會靭，配埋佢個沙嗲醬好好味，佢沙嗲醬係花生味較重，好香濃👍🏻豬肉碎生菜包食泰菜點少得生菜包，生菜新鮮翠綠，肉碎都炒得好夠味原隻芒果糯米飯啲糯米飯上枱時仲係熱辣辣的，加埋椰汁食好香呀，啲芒果都好清甜泰式冰奶茶 & 青檸沙冰係泰國嘅味道呀😂飲品唔算太甜，不錯

好耐無食泰國菜啦！趁HAPPY FRIDAY約埋同事去九龍城，一早BOOK左呢間BTS美食站。餐廳以泰國地鐵站(BTS)為主題，餐牌設計精美，圖文並荗。牛丸牛肉船粉招牌菜式之一，必點之選！湯底色澤偏深好香濃，麵條彈牙又爽口，配料有牛味濃郁既牛丸、汁多味美又滑嫩既牛肉等。椰汁雞湯微酸中又帶點微辣，夠哂開胃，雞件嫩滑好JUICY，仲有大量雜菌，椰香十足，飲落味道層次相當豐富～招牌海南雞雞皮滑而不厚，雞件肥美滑嫩，連雞胸肉都好嫩滑，有驚喜！我鍾意蘸上特式醬汁，更為惹味。泰式馬拉盞炒椰菜苗即叫即炒，鑊氣十足，椰菜苗新鮮爽脆，夠嫩唔會韌，加入馬拉盞同炒，味道更具層次～椰汁西米糕拼泰式千層糕椰汁西米糕軟滑清甜，充滿斑蘭葉香；泰式千層糕煙煙韌韌，軟糯Q彈，正！

BTS美食站今日好想食泰國嘢，泰國嘢梗係去九龍城食啦，又好食又正宗，網上見到呢間評價都唔錯，咁我哋一於就食下啦😚泰式生蝦刺身~$108生蝦刺身非常新鮮，大隻又多肉，啖啖肉，點埋佢嘅醬，酸酸辣辣，非常惹味豬肉碎生菜包~$90呢個有驚喜，肉碎入邊有少少洋蔥炒埋一齊，啖啖都食到洋蔥，好香，夾埋生菜一齊食完美😌牛肉沙嗲串燒~$17牛肉沙嗲串燒，沙嗲醬係另外上既，牛肉都幾冧喎，幾好食雞肉沙嗲串燒~$17串燒唔會燒得好乾，燒既時間拿捏得好好，再點少少沙嗲醬，Perfect match，yummy明爐香檸汁蒸桂花魚~$218桂花魚好滑，冇咩骨㗎，另外加埋香檸汁酸酸甜甜，勁開胃，想叫碗白飯嚟食添啊小曼谷原隻芒果糯米飯~$72糯米飯係暖暖嘅，芒果非常清甜，加埋椰汁，作為飯後嘅甜品，簡直就係圓滿嘅一餐😊青檸沙冰~$32青檸沙冰唔會太酸，10分解渴😋泰式冰奶茶~$26呢個唔錯喎，唔會太甜，我最鍾意就係飲泰式奶茶啦👏🏻BTS美食站 🏠：九龍城南角道11號地下☎️：27167838

由於屯馬綫開通，九龍城的人流開始轉多，很多區外客都會來到九龍城遊玩及吃飯，因此寫了一系列的食評，介紹九龍城的美食，歡迎關注。串燒@$17，有豬、牛、雞可供選擇，即點即製，需時10分鐘，個人覺得雞肉味道比較好，保持肉汁鮮嫩，豬肉燒得比較乾，如果時間短一些更好。小曼谷海南雞飯$78，油飯味道十足，自家製的海南雞飯醬，更是非常惹味，雞肉份量比較少，如果雞肉份量多一點就更好了。泰式煲仔翅$98，裙翅份量都算多，湯底味道清甜，可以加些芽菜和醋，便可提升味道的層次。原隻芒果糯米飯$72，糯米飯是熱騰騰的，這個值得一讚，加上10分多的椰漿，和原隻的清甜芒果，就是滿分的芒果糯米飯了。

位於九龍城嘅小曼谷出名好好食😋, 最近開左新店”BTS美食站”喺正正宋皇臺站出口隔離, 地點方便到google map都唔使開呀, 工業風裝修, 食物質素超班.🦀泰皇咖哩法包軟殼蟹泰國名物麵包蟹嘅變奏法包軟殼蟹, 法包焗到奇脆無比, 裝滿美味嘅濃濃咖哩, 軟殼蟹at least有兩隻嘅份量, 又脆又啖啖肉勁好味呀.🍖泰式豬手飯另一個必食item非li個豬手飯莫屬🤤, 雖然我成年無得去泰國但我夠膽講佢係exactly泰國味道, portion仲要係大份嘅. 豬手皮腍軟又充滿骨膠原, 夠唒多滷水汁喺飯底, 滷蛋+酸菜+芥蘭齊唒, 勁正宗好味.🍢串燒 雞腎Li枝雞腎完全改變唒一向要小小牙力咬開嘅印象, 想講點解可以做到咁易咬而又帶點爽嘅口感?? 點都要嗌返串呀.🥤椰汁🥥沙冰, 泰式奶茶大大杯泰式特飲, 除左味道夠唒正之外, 一定要讚店員拎黎時有提及到特別調較左小冰小甜, 唔係擺低就走左去👍🏻👍🏻👍🏻, 同埋肥叔叔經理真係超熟悉運作+好有耐心.

自從有了宋皇臺站去九龍城吃飯都變得更加方便這次去了就在B出口的BTS美食站此BTS不是kpop組合的名字而是泰國地鐵BTS牛丸牛肉船粉湯頭很濃 正宗泰國風味加上炸豬皮 完美還原在泰國吃到的味道海南雞飯（加$10轉雞髀）雞肉超嫩滑又有雞味 沾點泰式酸辣醬更惹味油飯很香口 配的冬瓜湯胡椒味重明爐青檸汁蒸烏頭味道酸酸辣辣 非常惹味 下面還一直有火煮著最近天氣轉涼 吃這個一流飛天炒通菜去泰國必點的 最喜歡看飛天的上碟表演這裡的飛不飛天不知道 但絕對夠鑊氣

突然好想食船粉呀以前去泰國玩最鍾意食船粉打卡 疊到好高嗰種太耐冇得去玩 唯有喺香港搵下啦上網搵到呢度有船粉 不過就唔係細細碗嗰種唔緊要啦 食得番隻味就得喇嚟到門口 見到好熟口面嘅歡迎公仔原來都係小曼谷嚟😂飲啖湯先 係呢隻味喇😭牛肉牛丸船粉 好多料 河粉夠滑叫左個海鮮孖寶牛油蒜蓉燒蟶子超香牛油味 蟶子唔係太大隻不過爽口鮮甜 加啲泰式醬仲好味燒脆皮白鱔好厚好肥美 皮燒得又香又脆咬落去有豐富魚油飛天炒通菜好夠鑊氣 唔會太咸

今次應該係第二次食呢間我覺得九龍城其中一間最好食泰菜之一嘅BTS美食站!呢間鋪真心長期滿座，食物選擇多之餘味道亦相當唔錯，價錢適中。今次黎叫左個小曼谷炒飯，呢個炒飯好有特色，似喺泰式嘅蛋包飯，外面包住嘅蛋皮煎得好香，入面炒飯嘅配料亦非常豐富。整體味道唔會話太鹹，啱晒我哋口味！另外叫左個必點極上燒安格斯西冷牛小排，依家熟度可以選擇，我地就揀左五成熟，不過我覺得下次可以揀7成熟，口感應該更好。牛扒份量非常多，比較少有喺泰國餐廳可以食到燒牛扒，仲要喺高質嘅扒。今次第一次食呢嗰泰式燒魷。本身以為係平時會見到嘅比較幼身少少嘅魷魚筒，但係佢呢款喺厚肉，咬落好有滿足感！最後叫左個明爐烏頭，雖然唔辣但係風味10足。魚都幾大條，但唔會話好好鞋好老，上台之後滾多幾分鐘熟度就剛剛好！側邊嘅配菜索咗啲魚汁湯汁好正呀。

“九龍城泰國菜”，呢6個字硬係就有種魔力，隔一排就會喺腦海閃過，所以基本上癮起就會走黎九龍城搵食。今晚食呢間都係第一次，喺正地鐵站出口，我諗如果唔係今晚落雨，我都未必有位，因為據聞屯馬線開通後九龍城旺到不得了。喺得九龍城做泰國菜，食物水準一定要有番咁上下，呢一間都唔例外。首先講呢個燒安格斯西冷牛扒絕對係無得彈，牛味豐富，超級juicy，份量又多，仲有陣陣既燒烤味道，我個人建議揀7成熟，味道會更出色。小曼谷炒飯都幾有特色，佢係一個蛋包飯，裏面包住海鮮同炒飯，飯好香海鮮料又多，十足豐富。燒原隻鮮魷食得出係新鮮魷魚，完全無雪味，燒得好香有炭燒既味道，肉感彈牙，好出色。明爐烏頭就一向都係我泰菜至愛之一，因為我好鍾意食物一路食一路都仲係暖暖地既感覺，條烏頭大條配菜又多，肉味一流。最後仲叫左兩串串燒豬肉同雞腎，味道一樣唔錯。今晚非常滿足，下次癮起呢一間可以再encore。

餐廳：BTS美食站 (九龍城)地址：九龍城南角道11號地下前排去咗銅鑼灣嘅小曼谷泰國美食站 @minibangkok 食泰國菜🇹🇭，得知佢哋喺九龍城有一間食更地道船粉嘅分店，緊喺唔可以錯過啦😋呢間BTS美食站 @___93ieo 開咗大約4年，餐廳以泰國曼谷地鐵為主題🚇，而BTS就喺曼谷地鐵公司嘅名，入到餐廳見到好多裝飾同佈置都喺同曼谷地鐵有關，佢哋個餐牌亦參考咗當地地鐵線路圖嘅設計，勁有特色😎✝️牛丸牛肉船粉 $63呢間餐廳嘅與別不同之處緊喺有其他分店無嘅船粉🍜，湯底用咗壓爛嘅豬紅同椰漿整成非常地道嘅泰式風味，仲加入咗牛柏葉，尤其九龍城區住咗好多泰國人，啱晒佢哋嘅口味👍，唔好以為望落豬紅色就會好濃味，其實食落又唔差，仲幾惹味吸引，牛丸同牛肉份量仲要好多，絕對抵食，推介大家試吓香港好少見到嘅正宗泰式船粉😋✝️泰脆炸豬手(細份) $128炸豬手喺餐廳嘅招牌菜，有細份同大份，細份都已經有成隻豬手份量🐷，餐廳仲好好預先切開十幾舊，3-4個人share都夠食，香脆嘅皮包住少少嘅筋同脂肪，同埋酥香嘅豬手肉，配埋泰式涼菜同泰式炸蝦片，呢個價錢都真喺平🤑✝️椰汁雞湯 $85椰汁雞湯舀到7-8碗🥣，入面有啲

九龍城的BTS以泰國地鐵站(BTS)為主題，餐牌設計亦以地鐵路線圖為靈感，供應多款價錢公道的泰國菜式。開左宋皇臺站之後，黎呢度食飯好方便，就在地鐵口。餐廳開在小曼谷旁邊，是小曼谷的姊妹店.牛丸牛肉船粉,湯底濃郁，河粉吸收晒湯底精華,入面既牛肉丸又彈牙,牛肉片嫩滑重牛味，入面仲有大量芽菜，口感豐富！明爐香檸汁蒸桂花魚，一大座連湯蒸魚好吸睛，檸檬清新帶出魚的鮮味，辣得好爽，桂花魚肉質實正，嫩滑又鮮甜，泰式酸辣特色勁惹味，熱辣辣滾住食更滋味。

嚟到九龍城緊係食泰菜，依家地鐵開左個宋王臺站方便好多，一出站就見到呢間BTS美食站好旺場就入去試下鐵板豬頸肉炒芥蘭一上枱係比佢份量嚇親，好大碟！幾乎係一般食肆量既一倍。用鐵板上菜特別新鮮熱辣，好香既馬拉盞，味道惹味得來又唔會過鹹，芥蘭下面係滿滿既豬頸肉好正好足料柚子沙律食泰菜點小得柚子沙律，份量又係多得驚人，應該係用左整個柚子？而且柚好甜好多汁，配埋酸甜既泰式醬汁同炸花生，炸蝦米，椰子絲等等好開胃！

成班人玩完一日獨木舟，餓到痴線。清水灣嚟九龍城近近地，就是但入咗一間泰菜。入到黎發現乜原來又係小曼谷集團嘅，不過即係質素都有保證啦🤣所有食物都同小曼谷嘅差唔多，正常發揮，而且食得飽個肚。不過由於餐廳好多人，所以都少少迫，但上菜時間都可接受。一大班人share嚟食，食到好多款，唔會好貴，都幾抵食。

宋皇臺站開通咗之後食呢間餐廳就要排隊了🥲上次試咗豬頸肉撈麵好好食今次試另一款人氣 牛肉牛丸船麵麵底一大舊無煮散...個湯係濃嘅材料都足 有牛肉 牛丸 牛柏葉同事叫咗同我一樣嘅 佢個麵都係咁好扣分啊🤨🤨