BTS美食站

營業中

休息中

本已酷愛泰菜，加上想念泰國旅行，近來馬不停蹄吃泰菜。想吃正宗泰菜，第一時間會想起九龍城。這兒滿街滿巷都是泰菜，恍如置身小泰國。這家BTS泰菜，是小曼谷泰菜的分店，目測廚師都是泰國人，食物都洋溢着濃濃的泰式口味。無骨海南雞飯這裏的海南雞飯是店舖的熱賣首選，自然是必點的了。貴為鎮店之寶，海南雞果真非常嫩滑，肉味亦比其他店的香濃。油飯亦煮得不錯，粒粒都晶瑩飽滿。滷水豬手煲跟海南雞一同列為鎮店之寶的滷水豬手煲，不論賣相或是味道都同樣出色。排得滿滿的一煲豬手，香氣滿分，豬手軟軟滑滑的，豬皮更是入口即化。墊在豬手下的是嫩綠的芥蘭，充分吸收了滷水豬手的精華，超級美味。泰式馬拉盞炒椰菜苗炒得嫩綠無比的椰菜苗，保留著爽爽脆脆的口感，加上鹹香的魚露和馬拉盞，整體味道完美配合。兩人吃了上述三款菜式本已非常飽，但是吃甜品卻有另一個胃。最後來了一碟椰汁西米糕和泰式千層糕，兩款糕點同樣美味，為這晚的泰式晚餐畫上完美的句號。

今日去九龍城搵野食，經過呢間BTS美食站見到隻小曼谷公仔，於是入去想食返碗船麵😋-豬肉船麵，湯底好濃👍🏼夠哂入味，有豬肉丸、豬潤、豬肉，好多餸😋配左河粉😋忍唔住飲多幾啖湯-生菜包豬肉 ，食泰國菜點少得生菜包😁份量超大，炒得勁入味，又夠辣喎😋生菜又多又新鮮😄-泰脆豬手，好正😁炸到脆卜卜外皮又好肉，仲配埋炸蝦片😋叫左細份都好大份既量😄啖啖肉-龍眼冰，唔錯喎😋夠甜夠凍-Thai tea 食泰國菜一定要叫👍🏼

心血來潮想食泰國嘢，就決定出九龍城搵泰國嘢食。鍾意食泰國嘢嘅朋友仔對九龍城一定唔會陌生，最後我朋友決定試下依間「BTS美食站」，因為俾佢menu嘅設計吸引咗。餐廳俾左係門口間細房仔我地，所以冷氣非常之足夠😆雖然有好多野都想食，但兩個人又唔會食到太多野，所以最後點左三樣野，分別係「小曼谷海南雞飯」、「泰脆豬手」、同埋「泰式香葉炒肉碎」再加兩杯泰式奶茶。「小曼谷海南雞飯」：😉😉😉😉😉個人覺得係必食既，因為一上菜你就見到啲飯唔會煮得太濕/太乾，食落仲好香，因為佢地應該落左好多香料去煮個飯，配埋個辣醬味道一流。「泰脆豬手」：😉😉😉依碟我就覺得不過不失，兩個人食叫左碟細嘅，都有半隻豬手，每人都食到4/5舊，但個人就覺得有啲乾身，食落有啲肉都幾硬，以價錢黎講性價比唔高。「泰式香葉炒肉碎」:😉😉😉😉本身自己好中意食泰國既炒肉碎，所以每次幾乎係必點，同埋覺得一間泰國餐廳炒肉碎都做得唔好既，其他野食都唔會好食得去邊😌好彩，無令人失望，食落熱辣辣，香葉都非常之香，加上份量都算幾多下，又係必點嘅👍🏻個人評分（滿分為5）味道：😉😉😉😉環境：😉😉😉😉員工友善度：😉😉😉😉CP值：😉😉😉😉

同閨蜜💖去9龍城按摩😍點小得搵返間泰國野黎食今日第一次是搭宋王臺地鐵站一上去就見到呢一間🤣即刻試下先💃🏻2點半去到都幾多人🥳🥳呢到係自助落單🔥開頭有少少唔習慣但其實而家越來越多店舖都係自助落單反而叫嘢食嘅時候仲方便左諗右諗又唔驚比個侍應比語氣你聽🤣原本諗住入嚟食過lunch set算點知又好想食明爐魚🤣🤣我地叫左少少辣🔥味道啱啱好唔會太咸👅魚都幾新鮮🤩跟住就叫咗個牛丸牛肉船麵🔥⭐️勁大碗🤣湯好甜😍雖然以前去泰國一個人麵食3碗🥳🥳但呢到的sz 係泰國的3/4倍🆒牛丸爽口牛肉清甜重有牛柏葉🤟🏻🤟🏻串燒都唔錯💖沙嗲醬好重花生味👅唯獨係雞軟骨嗰個調味重手左有少少鹹👻最尾仲叫咗個椰皇超級清甜但即係夏天必備🤩

之前被店名騙了 以為食韓國嘢🇰🇷店長聲線非常響亮 而且好好態度💯有2個招牌都想試 最後3個人一致試咗呢個先😹下次一定會再食埋個牛肉牛丸船河😋✨燒豬頸肉乾麵🐷✨泰潮鹵水豬手飯平時不吃乾麵的我也被吸引了😍有陣陣蒜香味 唔算油跟餐有碗湯同龍眼冰/茶我哋點餐前專登問咗係咪燒豬頸肉先點餐 果然無令我哋失望燒得好香口 入味 撈蛋麵食無得輸同事話豬手飯同係泰國食嘅一樣有菜有蛋好豐富湯就重味精可以唔洗飲 盛惠$48💁🏻‍♀️

難食到一個點......咖哩似漿糊、冬蔭功再味精重到飲唔到第二碗、蠔餅炸粉多到似火山爆發、蟹肉炒飯無蟹肉又似碟頭飯、生蝦差不多$100得六隻咁大把、係串燒稍為正常。返屋企飲咗一大杯消化酵素解毒，啲味精仲搞到hyper咗好耐都瞓唔到覺。仲有係啲職員講野好粗魯，大聲回應咪講咗話電話落單囉！未食完就俾定張單要埋，成餐飯無食到一個鐘，唔會有下次

星期日夜晚，本身排隊中，實在等唔到堂食轉外賣牛肉船河有哂牛丸牛肉通菜炸豬皮基本野，少有見到牛柏葉湯底係我喜歡的濃湯，唔係醬油溝出黎果隻串燒一船，乾得滯，都係小曼谷燒的海南雞飯都係雞太乾，個油飯ok

又帶住已經準備好放假嘅心情～ 出發去BTS食lunch~ 因為見BTS menu 有啲選擇係比較少有🤣 不嬲鍾意食船河嘅我嗌咗無骨海南雞船粉($48)，估唔到咁平分量都幾足料😋 金邊粉口感好正，不過好快索曬啲湯，如果多啲湯就Perfect🤪 雞就有啲乾，下次都係叫返豬肉或者牛肉穩陣啲午餐本身包龍眼茶/龍眼冰，我加$5轉咗凍泰啡，surprisingly 好好飲😱 冇得選擇甜度但本身已經啱啱好BTS 仲有賣啲小食，炸豬皮睇落都好吸引🥺

uber eat 外賣 。 牛肉 牛柏葉 牛丸船河，同湯分開裝，幾好 ，味道都吾錯，但 全部 河粉 都碎曬。。。😱😱😱😱 叫咗半隻海南雞~雞肉幾滑但味道比較淡 ，點汁吾錯， 但係隻雞斬都好大件， 係咩玩法!?!? 蝦片好好食...不過原來係辣嘅...越食 越辣omg...🤣 生菜包 唔辣不過好好食~~~ 炸豬手脆卜卜好味道 旁邊嘅蘿蔔 木瓜 拎咗嚟夾 生菜包一流!! 炸豬手 連舊骨都舐 埋!!!!!嚿骨仲要係甜甜地正呀 !!!!

今次因為朋友係住九龍城先入黎食咁岩遇上限聚令冇得堂食所以我哋決定外賣返屋企食今次我哋三個人叫咗三樣餸分別係豬手煲、泰式鳳爪、炒河粉😊呢三樣餸味道都唔錯，而且價錢尚算便宜因為店舖而家做緊外賣優惠所以買左三樣嘢都只係$250，好抵食呢三樣嘢入邊最好食係炆豬手煲即使係外賣，個份量都唔算少。而且啲豬手皮同肉都十分之滑佢嗰個滷水汁好好味，連放喺底嘅芥蘭都吸收到滷水汁😋😋炒河粉就正正常常，味道都唔錯泰式鳳爪上因為我哋有人食得辣，所以叫咗少辣總括嚟講呢間野都十分之抵食😋下次再食嘅話都一定會叫炆豬手煲

其實小編知道九龍城一帶食泰國嘢就必定係特別多✨，所以今日就特登收工過去九龍城，想食泰式海南雞飯🍚，而且呢一帶間間都有得食，只可以作比較🧐。其實小編曾經都有食過一間去骨海南雞飯，但因為立場唔同🙄，所以都係唔幫襯，而選擇另一間店。呢一間個名叫做「BTS美食站」🍽。✦✦✦✦✦✦✦✦✦✦✦✦✦✦🎈 BTS無骨海南雞飯  $75調味醬方面只有一款就係最常見既海南雞醬，酸酸辣辣，呢款就必定食海南雞飯必有👍，如果冇佢既話味道就比較單調，不過有啲餐廳係有三款唔同既醬，口感唔寡又豐富🧂。另一方面，餐廳既海南雞飯竟然咁唔小心有骨，而且仲要細細支，如果一唔覺意就會吉親，小編見到之後都食得有啲心驚膽跳😥。通常揀食無骨海南雞飯就係想一啖食到雞肉既滑嘟嘟質感，又可以食到海南雞肉既獨有味道，但係有骨既話，就點都會稍為有失色😲。另外，海南雞飯通常都會跟一碗湯，胡椒味十分重，刺激一下口腔👄。✦✦✦✦✦✦✦✦✦✦✦✦✦✦從地區質素嚟講，九龍城泰式餐廳差唔多間間都有去骨海南雞飯🍗，而令人驚訝既就有骨刺呢個問題，而且可提供既醬汁亦都唔多🤨，重點既海南雞亦都比區嚟講未算係出色。而餐廳都仲有好多泰國菜可以食，希望廚師可以再更細心

好多年前，有段時間間唔中都會去九龍城嘅小曼谷食泰國菜，貪佢質素平均，價錢公道，而且分店多，總有一間喺左近😂。早排去開九龍城，見到小曼谷隔離呢間未食過，就諗住試下，一坐低，發現檯面上居然有小曼谷嘅 menu😮，原來又係同一集團。叫咗燒豬頸肉乾麵配龍眼冰，其實我唔係好知乾麵嘅正宗食法，見到隨麵送上嘅上湯，就好似食撈麵咁，將一箸箸麵條放入湯入面食。乾麵嘅麵質非常彈牙，仲有好多我最鍾意食嘅芫茜同蔥粒，好食👍。豬頸肉就冇得輸啦，肉質肥美兼有燒烤嘅香味😋，特別一提佢哋嘅醬汁比較重酸梅味，辣味相對好輕，好啱我嘅口味。至於龍眼冰就正常地甜，龍眼肉亦正常地冰涼清甜。埋完單，同店員吹左陣水，佢話兩間店嘅menu 有啲唔同，客人兩間店嘅食物都可以叫，仲話因為曼谷呢個名唔可以註冊，所以港九新界都有唔少泰國餐廳叫小曼谷，叫我要認住佢哋個紫色大象招牌喎😆。

👩🏻‍🍳BTS無骨海南雞飯+龍眼冰💰$48.SORRY~😳 此BTS不同於那BTS，講既係泰國既BTS地鐵啊🚇 店內裝修都頗有特色，係以BTS站為主題，有種輕微既泰國風情🥳.海南雞飯有驚喜，由於肥豬減肥，所以油飯轉做白飯，評價唔到油飯質素如何，但雞肉真係好味🐔 首先份量多，我碟飯大概有7-8舊雞，而且真係超嫩滑，滑身有口感，配上秘制海南雞汁，肥豬完全KO🤣 而且價錢實惠，經過九龍城不妨一試💛

星期六特登過嚟九龍城食嘢，心血來潮想食船麵，就嚟咗呢間食，原來係名氣泰國菜小曼谷嘅分店，喺正隔離。兩點嚟到都等咗一陣，我哋兩個叫咗兩碗牛丸牛肉船麵，要金邊粉，同叫咗個細嘅炸豬手，仲有個椰青同杯椰皇沙冰。船麵湯底個色好濃，飲落反而唔算重口味，唔咸，都幾好，不過個人比較鍾意喺尖沙咀嗰間重口味。牛肉牛丸都好食，金邊粉份量多，同啲麵唔會煮到過龍，仲幾彈，好食。另外仲有啲芽菜，香料咁，整體都相當唔錯。另外炸豬手啖啖肉，炸到個皮好鬆脆，不過有啲位太咸。第一次食，都幾好，不過覺得德國豬手嗰種煮法好食啲，下次可能試滷水豬手，冇咁熱氣。配埋椰青同椰皇沙冰好解渴🥰下次嚟再試其他款式。

又去九龍城食飯，都好夜喇，就去到哩一間收得好夜嘅船河店。我簡稱船河店其實即係指食泰式粉麵嘅地方。去到見到原來佢係屬於另一間泰菜店小曼谷旗下。之前食過小曼谷，覺得一般，所以我通常食正式泰國菜都會去番泰皇閣。叫咗船河，海南雞飯同串燒同飲品。價錢以粉麵嚟講唔平，串燒仲要每款兩串起，飲品冇得跟餐，兩個人都叫唔到好多了。嚟到發現原來份量都好大。船河我覺得好抵，因為入面已有牛肉牛丸牛栢葉，好多我愛嘅豆芽通菜同九層塔，非常大碗，而且湯底好濃，好味，麵好多，好飽！本來我覺得$58貴，但後來覺得幾值，而家食個車仔麵都要。串燒都係好食，十幾蚊一串，沙嗲汁正。海南雞飯就唔好，貴過船河，份量大，但飯同雞都好一般，要七十幾。飲品芒果沙冰幾好。佢服務都係唔錯嘅，係近排平價餐廳中算中上。但，但但但但但！有一樣嘢令我好在意。就係話說我喺門口睇咗餐牌先入去，坐低俾我嘅竟然係小曼谷餐牌，係冇粉麵嘅，咁我就問佢你係咪有哩間自己嘅餐牌，佢俾咗我，好冇事照叫。後來兩個男仔嚟食，又係冇粉麵餐牌。唔知係唔係因為佢哋唔知，兩個人叫咗半隻雞兩個油飯仲有豬手同串燒。可能佢哋真係好餓，但如果見到另外一個餐牌會唔會選擇叫海南雞飯同豬手飯呢？