BTS美食站

營業中

休息中

泰國嘢真係食極都唔厭今日又出咗嚟九龍城搵食，喺南角道見到BTS美食站，工業風設計，都幾新穎，QR code落單簡單方便。泰式柚子鮮蝦沙律你先來返過開胃菜，大大碟嘅柚子沙律，柚子夠清甜，配埋大蝦、椰絲、花生等等配料一齊食，好有口感又開胃。蝦膏海鮮炒飯炒飯炒得夠均勻，又夠乾身，加埋蝦膏令到炒飯更加鮮味，海鮮配料好多，有魷魚、蜆肉、蝦，差唔多啖啖都食到海鮮👍🏼黃咖喱牛腩黃咖喱香而不辣，老少咸宜，咖喱汁夠晒濃郁，牛腩又淋又入味，如果唔係叫咗炒飯，整碗白飯撈汁仲正🤣原味烤酥餅個人應為酥餅配咖喱汁正過蒜蓉包😂椰青-好清甜入面啲肉都好嫩

宋皇臺站開通後，去九龍城就方便得多，去九龍城當然食泰菜！今次去BTS美食站，原來也是小曼谷旗下。看到地鐵圖好掛住泰國呀！泰式滷水豬手飯 $78豬手非常腍同入味，入口即溶，還有滋潤冬瓜雞湯，好有泰國風味。泰式鮮蝦柚子沙律 $98柚子沙律在小曼谷也是常食，多汁的柚子配彈牙的鮮蝦，還有椰絲、花生粒配搭，開胃及有層次，而且有辣度選擇。豬肉丸肉片船河 $65船粉也是去泰國必食，看這個湯式夠深色濃郁，麵底有不同選擇，選了金邊粉，肉片、豬肉丸味道不錯。泰式炸蝦餅 $75蝦餅也是十分推介，大大件相當彈牙。

以前去泰國成日都會坐BTS🚈周圍去，今次哩到九龍城南角道食BTS美食站，平時下晝lunch都會跟同事車嚟食下船麵，今次一於試吓晚餐。睇完餐牌自己QR code落單，三條友不知不覺叫咗好多嘢食，本身想叫埋豬手但最後放棄咗，怕食唔晒🤣✅泰式柚子沙律先來返個開胃菜先，我鍾意食柚子，所以多數食泰餐都會點，配埋花生椰絲大蝦食好有口感，酸酸甜甜夠晒開胃。✅泰皇咖喱法包軟殼蟹 軟殼蟹份量好多，啱啱炸起非常之脆口，法包外脆內軟，點埋咖喱嚟食一流👍🏼咖喱椰香味好足夠微微辣，人人都啱食🥰。✅冬陰雞湯顧名思義就係冇咗隻（公）蝦，如果唔食蝦嘅朋友都可以揀呢一個冬陰雞湯，酸酸辣辣非常醒胃。✅鐵板豬頸肉炒椰菜苗泰菜必食椰菜苗，呢度仲可以揀鐵板上keep住個溫度熱辣辣，豬頸肉嘅份量都好多。✅串燒每樣揀咗啲，串燒豬牛雞、泰式香腸、雞全翼、雞腎、安格斯牛柳粒，即叫即燒上枱仲熱辣辣，今次搶着嚟食嘅竟然係泰式香腸，好味到想再叫多兩吋但係已經好飽。🇹🇭BTS美食站 (九龍城)🧭九龍城南角道11號地下

放工約咗舊同學食飯，大家回歸到九龍城感覺特別親切，而嚟得九龍城就當然係食泰菜🇹🇭。我哋其實無乜心水食邊間，最終揀咗位於宋王臺站一出就見到嘅「BTS美食站」。店長哥仔招呼唔錯，好好人。餐廳環境幾好，以泰菜館來講佢算好好坐，一啲都唔逼夾。再者，我留意到呢度裝修以曼谷鐵路🚇同齒輪⚙️為主題，幾有心思。餐廳採用QR code落單，我再睇吓啲餐牌發現佢好似係小曼谷嘅姐妹店，咁即係信心保證啦🙈。BTS呢間舖主打水上市場船粉，食碗麵簡簡單單，飽肚又美味。泰式清湯粉($61/雙併)，由於今日唔想食重口味，所以揀咗清湯🍜，清湯味道不俗，清唔等如淡，佢應該係豬骨湯，再加啲胡椒香，幾好飲。麵底方面有得揀粉絲，口感爽彈，食完都唔會滯住，我高度推介。餸料亦有得自選，我要咗牛丸併牛腩🐮，兩樣都OK，而且份量唔少。我哋另外仲嗌咗堆泰式沙嗲串燒🍢，包括豬、牛、雞、雞腎同翠玉瓜，每款各一串，每串$17。串燒味道幾正，肉質燒完無變乾同變嚡。佢哋大大串，算幾抵食👍。幾款之中我覺得雞肉同豬肉最好食，沾埋沙嗲汁食無得輸。泰式馬拉盞炒椰菜苗($86)，椰菜苗嫩綠清甜💚，配以馬拉盞炒變得惹味，但諗落應該叫豬頸肉或咸肉炒先划算，多款肉

天氣開始涼涼地, 我同朋友都會想食D少少辣既野諗起辣野, 就會諗起泰國菜, 而諗起泰國菜, 當然會諗起九龍城啦依架有地鐵去九龍城咁方便, 當然一諗起就可以去食到啦我地出左地鐵站, 諗住過對面揀一間, 見到有間有魷魚遊戲既木頭人, 咁得意, 就入去食先係用APP落單的, 都幾方便雞肉+牛肉沙嗲串燒-各$17燒得好香口, 兩款肉既肉質都好嫩滑, 沙嗲醬都調得好好, 整體配搭一流 鐵板豬頸肉通菜(馬拉盞)-$95本來我地淨係諗住食通菜ONLY, 點知比朋友睇到有味有豬頸肉都係貴少少啫, 咁咪試下, 原來豬頸肉都唔少, 咁堅抵, 而且有少少豬肉香滲入馬拉盞通菜度, 好好味, 而且用鐵板上保持到個溫度, 我覺得有驚喜豬肉碎生菜包-$90豬肉個調味好香口, 而且豬肉都幾嫩口, 包生菜去食真係令人食不停香葉辣椒雞肉炒河-$77炒得幾有鑊氣, 而且雞肉都唔少, 唔錯, 最重要係用粗河粉, 我最愛, 但唔係好食得辣既朋友要注意, 我地只係叫左少辣啫, 但我都覺得好辣下, 所以要睇住自己能力去叫呀總結, D間BTS都幾方便, 而且美味都唔差, 原來有時是但入一間都有唔錯的驚喜的

泰國BTS鐵路與宋皇臺站連接了，一出地鐵就見到餐廳門口個吹氣公仔向我們揮手。晚市時段，入到去坐下覺得新淨企理，環境唔錯。打開餐牌，首先叫個必點的冬蔭公湯（$105），湯有三隻虎蝦和秀珍菇，虎蝦都幾大隻，而秀珍菇份量不少不過有點韌。草菇咁貴，現在已難找到一間肯落草菇的泰國餐廳了。湯很濃郁，夠酸夠辣，湯渣例如香茅、檸檬葉等不多，飲得暢快。另外叫了泰皇咖哩法包軟榖蟹（$168）和泰式濕炒牛肉河（$77）。軟殼蟹好大碟，有10件軟殼蟹，一個裝滿咖哩雜菜的法包和紅白蘿蔔絲，夠曬份量。軟殼蟹油炸過，雖不是脆卜卜，但也香口。法包頂部是碗蓋，未蘸到咖哩汁所以很香脆，碗的部份索飽咖哩汁又好濃郁，咖哩汁香而不辣，很好吃，也很飽肚。濕炒牛河最驚喜的是那闊河粉，大大片，有口感。牛肉嫩滑有鑊氣。九龍城眾多泰國餐廳，這間可以再來。

呢一日收工同朋友去九龍城呢個泰菜勝地食飯， 呢頭附近除左打冷，唔少人都會嚟食泰國菜，見到呢間小店用泰國嘅BTS地鐵站做賣點，主打泰式小食，望落都好吸引咁，一於同朋友入去食飯醫肚。頭盤就叫左個好地道嘅酸辣粉絲海鮮沙律，配上魷魚同青口、蟹柳等海鮮，食落酸甜開胃，不過都幾辣，粉絲吸曬汁好好食。秘製滷水豬手煲非常大份，用煲仔上枱，熱辣辣， 豬手都好肥美，滷水醬汁好入味。炭燒豬頸肉都相當唔錯，豬頸肉燒得好香口，肉汁豐富，表面仲好香脆，醬汁好濃郁，酸甜開胃，令豬頸肉減低油膩感。另外我仲叫左杯芒果沙冰，朋友就飲青檸菠蘿沙冰，芒果味好香，不過較甜，但食辣野飲就幾夾。整體嚟講食物好地道，份量都幾多，非常抵食，下次都可以試下其他菜式。

今日朋友請食飯，去左BTS美食站！成條街都係泰國美食，依家有埋地鐵站去既時候都好方便。意想不到的是原來同小曼谷係打通，都可以叫小曼谷既野食，BTS就有更親民既菜單，例如泰式船河粉，泰國海南雞飯等等，我諗都係$60-$70一碗。我地一行4人，所以緊係會叫多d😬 叫左泰國冬陰功湯，成鍋黎，辣得黎夠過癮，仲有Gas不停坐熱佢！好味道🤫 最令我驚奇嘅係海南雞飯，佢嘅雞極滑！強烈推薦一定要食！食到停唔到口。搶哂！pad Thai夠哂開胃，酸酸甜甜，好正常😜 至於個咖喱軟學蟹包就好惹味，不過要食得快啲如果唔係會好容易林哂。最後朋友叫多咗一個烏頭，有啲酸菜味嘅感覺，不過不失。食完呢餐除返一人都係$170左右，我覺得算係食泰國菜來講算平嘅一間！可能因為選擇比較多。同埋都好多元化😋 老闆又好似好親切，幾好😌

🔸青木瓜沙律一定要叫一款泰式沙拉開下胃，今天選擇了青木瓜沙拉。如果不太能吃辣的朋友記得要選少辣，我吃下去覺得還蠻辣的，因為蠻多辣椒籽黏在青木瓜絲上面（大概譚仔小辣程度🌶）青木瓜絲爽脆，裡面還有幾塊大番茄，整個清新又開胃🔹明爐桂花魚特地選了貴一點的桂花魚，果然吃下去不一樣！肉質非常滑，而且是我喜歡實一點的口感。魚肉淋上很多汁，裡面還有很多野菌，底下還鋪滿了椰菜，用來吸湯一流。火爐一直燒熱著魚也不會變老，可以一直吃到暖暖的魚肉很開心。美中不足是打開魚身看見魚肉有點淡粉紅色，煮得不夠熟🙈🔸豬肉丸肉片船麵（轉金邊粉）船麵是泰國特色湯麵之一，船麵湯跟滷湯有異曲同工之妙，卻沒有那麼油膩和甜。我們選擇了豬肉的配搭，上面有大量豬肉丸和肉片。肉片完全不會老，咬下去依然juicy，豬肉丸也很彈呀。最喜歡的是大量的豬潤，每一塊都大大塊，又不會粉，最適合女人補身😚

Geo條👅評分：⭐️⭐️ ⭐️ ⭐️(5⭐️最高）豬肉丸肉片船河 $63海南雞飯 $78酸辣牛小扒沙律 $123串燒：雞全翼 $22 雞肉+豬肉沙嗲串 $17 + $17椰皇沙冰 $36泰式冰奶茶 $26去九龍城食泰國嘢是常識吧😂今次去呢間BTS，嚟到已經聞到香噴噴🤤叫咗幾樣嘢，樣樣都幾大碟😂唯有食餐勁，真係飽到爆肚🤣首先嚟咗豬肉丸船河，個湯底幾濃郁幾鍾意佢果湯底，肉丸彈牙，肉片正常發揮，最驚喜係有豬潤，豬潤都冇腥臭味都唔錯！船河仲有碟炸豬皮，脆卜卜零食咁！海南雞幾滑，平時唔食皮都試咗佢一吓滑嘟嘟嘅雞皮，幾嫩細滑，鍾意食雞皮嘅朋友仔一定會鍾意，雞肉唔會鞋幾好食😋最緊要果海南雞汁，係重點一定要點，酸酸辣辣好開胃👍🏻酸辣牛小扒呢個必叫，佢啲牛肉半生熟，一啲都唔癡牙，配埋佢沙沙哋感覺嘅酸辣醬汁，超好食！食到最後會真係覺得辣同有啲鹹，但又好正，真心要試🤤雞全翼串燒必點，好香好脆又有肉汁，雞肉同豬肉串都唔錯，大大舊肉😜椰皇沙冰叫咗少甜，唔會過甜，感覺幾fresh，幾天然！泰式奶茶就一定勁甜，偷飲咗一啖，鍾意甜咁朋友仔可試😊

BTS美食站九龍城南角道11號地下疫情既關係已經有成年幾無得出去旅行，自己最掛住既當然係泰國啦，所以定期就會黎九龍城搵食，今次就試左呢間BTS美食站泰式柚子沙律沙律既份量都幾多，除左有柚子之外，仲有埋大蝦，柚子好新鮮非常清甜，食落好開胃，當飯前小食就岩晒啦冬陰雞湯黎食泰國嘢又點少得冬陰功湯呢，呢個湯非常足料，除左有雞之外，仲有好多菇類同埋蕃茄仔，非常濃郁，而且飲落唔會覺得太辣鐵板豬頸肉炒椰菜苗(馬拉盞)呢個真係十分推介，本身已經好鐘意馬拉盞炒菜覺得好香，餐廳仲要用鐵板上更加惹味，而椰菜苗本身都好嫩，唔會太硬食落岩岩好，豬頸肉方面，食得出係有醃製過既，好有誠意泰皇咖哩法包軟殼蟹望落已經覺得好吸引，軟殼蟹炸得好香脆，配埋個泰式黃咖喱真係好match....食完蟹仲可以食埋個沾滿咖喱汁既法包，雖然好邪惡但真係一流各式串燒自己最鍾意食嘅就係牛柳粒串燒，好重牛肉味口感好嫩，而且又唔會燒得太熟搞到好韌，師傅控制得岩岩好。。另外，蒸臘腸就食得多，估唔到泰式燒臘腸原來都好有驚喜，好正呀

今晚突然好想食泰國菜，特登黎到九龍城，上網搵到呢間BTS美食站，見到好多好評，一於試下先！.牛丸牛肉船粉幾乎每枱必點既招牌菜式～船粉份量十足，大大碗好吸引，湯底香濃富層次，充滿香料芳香。麵條爽滑都幾彈牙，唔會過腍，配料豐富，推介嫩滑牛肉、彈牙牛丸。.豬肉碎生菜包係我每次食泰國菜必點菜式之一，可以選擇辣度，好貼心～豬肉碎加入泰式香料再炒香，香濃又惹味，配埋新鮮生菜同食更惹味！.泰式木瓜絲沙律味道鮮甜酸辣非常醒胃，木瓜絲口感爽脆，配以紅蘿蔔、花生粒等，味道層次相當豐富～.泰式燒牛仔骨軟嫩多汁勁JUCIY，帶點焦香又有嚼勁～.牛肉、豬肉沙嗲串燒兩款串燒醃得入味，肉質Q彈，香氣十足～

一杯沙冰，一碗船麵，彷彿打開了隨意門，讓味蕾來到泰國街頭，這是我到訪BTS美食站的感受。BTS美食站是九龍城近來人氣最高的泰國餐廳之一，BTS美食站提供各式泰國料理，但深深吸引著我的是牛丸牛肉船麵，再來杯蕃茄仔沙冰，滿足。泰式咖哩和串燒比較尋常可見，至於經典美食船麵可不是處處有，傳統香料熬湯，再加上新鮮豬血，因此湯頭看起來黝黑深沉，嚐來有點藥膳的香氣，再慢慢滲出一抹酸微微，一抹甘甜，湯頭滋味很不賴。牛丸牛肉選麵我選了金邊粉作為麵底，金邊粉的嚼感滑溜彈牙，跟我在泰國所吃的雷同。牛丸，牛肉，牛柏葉給得不手軟，牛肉帶有粉嫩色澤，即使被熱湯燙過，仍嫩而不老。牛丸的牛味發揮得淋漓盡致，彈勁到位，爽口的牛柏葉輕易吸飽湯汁。炸豬皮單吃香香脆脆，十分涮嘴，若加在船麵裡吸飽湯頭也好吃，酥中帶軟，又是另一種風味。用天然食材調配沙冰是BTS美食站一大特色，蕃茄仔沙冰使用多顆蕃茄仔攪拌，把蕃茄仔的香氣完全釋放出來，每一口沙冰都能品嚐到濃濃的蕃茄味，喝完充滿元氣。喜歡單純品嚐芒果香的朋友，可以選擇透心涼的芒果冰沙。芒果冰沙濃郁極致，裡頭還有些許芒果果肉，香甜味美，入口細緻順滑。經典的黃咖哩雞肉，最下飯的泰式料理

宋皇臺站開左之後去九龍城變得好方便於是收工就黎試下泰國菜😋原來店名BTS唔關韓團事 而係泰國地鐵嘅名🤣店入面都有一大面泰國地鐵路綫圖 長知識了💡而睇到散叫餐牌 就發現其實係同隔離小曼谷一樣嘅不過如果想食輕便啲 呢間就多啲船河選擇～見到有個海鮮孖寶$219都幾抵 於是就叫黎試下～可以係A同B兩邊四揀一 最後我地揀左蟶子同鮑魚😋蟶子有三隻 每隻都幾大而且肉質厚實 牛油蒜蓉好香😋仲有魚乾係面一齊燒 幾有層次感😂而鮑魚有兩隻 一樣都有魚乾係面亦有蒜香 咬落鮑魚好爽口 推薦🤩呢度啲海鮮都幾鮮 真係可以一試👍🏻咖喱幾香但椰奶味同香料味都唔重而且係唔辣嘅 怕辣嘅朋友可以試下～😛而軟殼蟹有6-7件 而且每件份量都唔少岩岩炸起上好脆 蟹味都好香🤤而法包內餡鬆軟 外層又唔會太硬好適合夾埋咖喱一齊食！包同咖喱比例亦啱啱好👍🏻食泰國菜我一定會嗌Pad Thai😋金邊粉炒得不錯 唔會太濕蝦有三隻 都幾大隻同幾鮮味👍🏻————————————————————————總結整體味道都不錯 價錢都幾合理👍🏻個人覺得係融合左香港煮法嘅泰菜 所以香料味唔會好重 值得一提係啲海鮮真係幾鮮味！要試下😋

今日去開土瓜灣做野，緊係過埋去九龍城嘆下泰國菜！😋間野幾得意叫BTS，好耐無搭🥲睇menu先知原來都係小曼谷黎既～今次食蠔d，試下泰式鐵板蠔餅先～佢相比起潮式蠔餅，係無咁脆，不過蛋香味好重！加上粒粒蠔仔係算幾新鮮～如果蠔肉可以再飽滿d就正喇！😚另外都叫左個飯，揀左泰式豬手飯，係炆到好淋既去骨豬手，入口即溶，餸飯一流👍🏻仲有必食泰式炸蝦餅，估唔到係咁大舊，食完一舊已經夠晒飽！食得出係用好多蝦膠整，無落好多麵粉，好正👍🏻再叫左個泰式酸辣鳳爪，有得叫分汁，方便唔食得太辣既我地haha，但叫左少辣，都係好辣～～所以有得分汁好細心！！😚食過幾次小曼谷都算keep到質素，係幾唔錯！