Boat Thai

營業中

休息中

尖沙咀係美食集中地, 這間位於 isquare嘅泰國食肆, 由泰國廚師親自處理, 餐廳裝修簡潔, 餐牌也很簡單, 但係食物款式都唔少。泰式鮮蝦碌柚沙律大大碟沙律相當吸引, 碌柚份量又多juicy, 啲蝦大隻又爽脆, 又有粒粒鹹香嘅花生和惹味香草, 加埋紅蔥頭同埋洋蔥粒, 非常開胃。泰北清邁雞髀咖喱湯麵咖哩湯底非常濃郁, 還有蒜片葱粒和青檸, 口感豐富有層次, 加上雞髀又滑又多肉, 湯麵是幼麵, 口感幾幼滑。泰式太陽蛋香葉炒肉碎飯香葉炒肉碎味道十分討好, 鹹度適中少少辣, 加上太陽蛋嘅蛋香, 令成個飯更添學。香茅炸雞翼和炸蝦餅都十分可口, 雞翼炸得皮脆肉嫩, 炸蝦餅更為出色, 酥脆而蝦肉彈牙, 加上酸甜就更美味。

平時行開這裡都係日式選擇多，但今晚比我發現了這間餐廳，有我最愛嘅泰式口味，先來個泰式鮮蝦碌柚沙律，有大大隻彈牙鮮蝦，加埋多汁鮮甜嘅碌柚肉，同脆口花生、椰絲，這個作為主食前菜會十分醒胃！另外小食就點了香茅炸雞翼，一份4隻，雞翼外面沾了少許香茅夠晒惹味，內裡肉質嫩滑入味主食就點了泰式船湯河，內有嫩滑嘅牛肉片，彈牙爽口牛丸，香脆長長捲曲嘅炸豬皮，配埋個濃郁湯底，吸收了湯底嘅金邊粉，真係分量十足！朋友點了泰式鳳尾蝦炒金邊粉，口味同係泰國食到嘅美道接近，鳳尾蝦肉彈牙爽口，撈勻花生碎入口又軟又脆口，大家share 可以食多幾款口味！飲品就係泰式菠蘿刨冰，用上鮮菠蘿加冰即打而成，菠蘿味道夠晒香濃，入口細滑，不會太甜，解暑一流！

全店菜式由泰國師傅主理，原汁原味呈現出正宗泰式街頭風味😀食物主打海南雞🐓及傳統船麵🍜，不過今日我太晏了，船麵賣哂🥹，不過好彩都仲有我最愛既泰北清邁雞髀咖喱湯麵😬濃郁程度不輸蝕在清邁食，但如果可以再辣D會更岩我😂泰式南京椰汁雞湯呢個湯又係出色，好正宗嘅泰國口味，我無停過咁飲😋泰北牛肉沙律食開木瓜沙津既我，經店員極力推介之下試試，又真係唔錯哦，欣賞佢酸酸甜甜好開胃，牛肉亦唔嚡👍🏻半隻海南雞必食推介💯紅咖喱魚餅我最愛既小食，去邊間都必叫的😂太陽蛋香葉炒肉碎飯我相信呢個唔會有人唔喜愛食吧😎泰式蝦膠皮蛋蝦膠彈牙，仲配上勁多酸薑超正👍🏻泰式檸檬茶及泰式奶茶都唔錯，泰奶茶係手標牌茶葉，真係唔hea哦👍🏻👍🏻👍🏻

尖沙咀真係有勁多美食，我今次去咗iSQUARE嘅Boat Thai食泰式正嘢。✏️泰式原隻海鮮菠蘿炒飯($88)，海鮮好多，而炒飯亦都好好味，菠蘿亦都好甜，配合埋啲肉鬆，同埋其他配料，令人回味無窮✏️泰式燒鮮魷魚($98)，新鮮即燒，而且燒得好靚，個色澤好正，配埋隔離嘅泰式辣醬，辣辣地，非常之惹味✏️芒果糯米飯($68)，份量食非常之符合份甜品嘅份量，唔會好似其他店勁大份飯，搞到你個甜品變咗主食咁，所以對於我依種食完主食，想要細細份甜品嘅人，就剛剛好✏️椰子刨冰($38)同菠蘿刨冰($38)，其實就係沙冰飲品，有水果嘅香甜味✏️平日下午有午市套餐，價錢比較相宜

想喺 尖沙咀 坐得舒服又食到特色泰國菜，I square 新開了 Boat Thai 正宗泰國餐廳，裝修充滿泰式地道風。餐廳廚師全是泰國人。睇睇餐牌，主打正宗泰式船麵，湯底每日是鮮製，泰式小食、海南雞也不能錯過，價錢大眾化，性價比超高！我個人特別推薦海南雞、船麵、泰北咖哩湯粉！唔使飛去泰北咁遠都食到泰國正宗風味。泰式海南雞飯必食推介！泰式海南雞係餐廳招牌菜之一，鮮甜雞味，肉質嫩滑，沾滿特製兩款醬汁之後，食落有層次，風味無窮！泰式燒豬頸肉燒豬頸肉外層脆香，肉質彈牙爽口，配上特調泰式風味醬汁，甜酸微辣，濃濃的肉味又帶清甜，非常正宗好食。泰式蝦膠皮蛋煙韌彈牙蝦膠，皮蛋香氣配合彈牙嫩滑的蝦膠，子薑又甜又腍，酥脆口感，真心好味道。泰北清邁雞髀咖喱湯麵泰北清邁雞髀美味又豐富肉汁，肉鮮甜口感豐富，湯麵幼滑，咖喱湯底好香濃，夠入味好正宗。泰式椰子刨冰賣相好吸引，椰子刨冰好特別，椰汁味濃郁，味道清甜，口感香濃，有驚喜又冰涼，非常解暑。

之前看到有食評介紹，這裏的師傅全是泰國人，而且湯底是每日鮮製的，加上個人對泰式船麵非常有興趣，今晚便來到這裏。泰式海南雞飯，雞皮爽脆，雞肉鮮嫩可口，加上泰式酸辣汁或者黑豉油，都非常美味，個人推介黑豉油，因為味道香濃，更帶起雞肉的層次感。泰式船湯河（牛肉片＋牛丸＋炸豬皮），湯頭的味道非常鮮甜可口，而且富有泰國特色，可惜河粉比較硬一點，如果河粉再軟一點更好。牛肉片和牛丸都很美味，豬皮給了湯還有點脆，不過盡快吃完比較好，否則給了湯之後就沒有這麼香脆。炸蝦餅(3件〕，外表香脆，內裏的蝦肉爽口彈牙， 10分正宗。泰式鮮蝦碌柚沙律，柚子分量充足，酸酸甜甜，是一度開胃前菜。泰式菠蘿刨冰，一邊吃泰菜，一邊喝菠蘿刨冰，如置身於泰國之中。

長假期我約咗朋友去睇最近新上映的美人魚電影，睇完戲醫肚餓就黎到Boat Thai。餐廳主打正宗泰式船麵，廚師全部都喺泰國人，聽店員介紹湯底每日新鮮製造，夠曬地道。<泰式鳳尾蝦炒金邊粉> $88金邊粉口感不錯，與配料完美配合，除咗有芽菜、蔥之外，仲有數隻蝦，蝦肉質彈牙，一旁附上青檸、辣椒粉及花生碎，青檸汁的酸味更添清新。<泰北清邁雞髀咖哩湯麵> $78咖哩湯底味道濃稠，平時好似好少食到泰北菜。湯麵有兩種麵條，分別是炸麵條和泰國船麵，兩者同樣都掛汁，加上酸菜、紫洋蔥、青檸，以及主角嫩滑雞髀，越食越辣呢。<炸蝦餅三件> $58蝦配上泰式甜酸醬，共有3件，每件蝦餅切開一半，方便入口，份量亦好實在，啖啖肉好彈牙。<泰式椰子刨冰> $38冰涼清新，食完濃味菜式後飲一啖好清爽。<泰式菠蘿刨冰> $38菠蘿刨冰相對甜度較高，酸中帶甜，口感綿密。<泰式街頭椰子粟米雪糕> $58好特別的雪糕，表面有花生粒、粟米粒及椰子雪糕，底下有椰子肉同埋椰汁糯米飯，口感豐富、椰味香濃，夏天食消暑。

約咗屋企人食飯，今次唔食中菜，揀咗泰菜。呢間餐廳由泰國廚師主理，應該幾正宗。我哋叫咗好多款嘢食，暫時滿足左去泰國嘅慾望。炸蝦餅$58- 酥脆香口，蝦餅彈牙，一定要沾酸辣醬食，正😋泰式鮮蝦碌柚沙律$88- 碌柚肉多多，爽甜多汁，配上泰式椰子花生沙律汁，仲有大大爽口蝦仁，幾開胃👍🏻泰式肉碎生菜包$88- 呢個好香辣惹味，用爽脆生菜包住肉碎，一口咬落去食好好味😋半隻海南雞$118- 海南雞肉滑滑，配上兩款醬汁，一款係醬油，另一款係酸辣，各有風味。海南雞仲跟埋一碗湯，湯好濃郁，仲滲出淡淡的藥材香味😋泰式黃咖喱牛腩$88咖喱好香濃，牛腩都煮得稔而且入味，不過如果用上有帶少少Q彈牛筋嘅部位口感會更加好。泰式鳳尾蝦炒金邊粉$88金邊粉炒得幾乾爽，少少酸，好開胃，加埋豐富嘅配料，大大隻爽口蝦肉，撈埋花生碎，好食👍🏻泰式船湯河$78湯頭濃郁，藥材味恰到好處，材料豐富有兩大塊牛肉片，肉質鮮嫩，仲有小牛丸、入晒味蘿蔔同埋炸豬皮。泰式原隻海鮮菠蘿炒飯$88菠蘿炒飯又係好正，材料足，海鮮有原隻大蝦同埋原隻青口，再加上肉鬆、腰果、臘腸、提子乾呢啲配料，配埋香甜燒菠蘿，好好味😋

今日在尖沙咀國際廣場吃晚餐, 這裏嘅食肆都有很多改動, 這間由泰國人主理嘅正宗泰國菜館, 主打正宗泰式船麵, 還有多款泰國粉麵和小食。泰式海南雞飯雞件去骨肉質嫩滑有雞味, 外皮金黃又啖啖肉, 特別吃得開心, 配埋特製醬汁, 更加美味, 雞油飯又十分香口, 年半碟嘅青瓜都新鮮爽脆。泰式船湯河湯底濃郁幾惹味, 配料都唔少, 有牛肉片, 牛丸和炸豬皮, 河粉口感都唔錯, 份量都足夠。泰式鮮蝦碌柚沙律呢個沙律份量真係好多, 鮮蝦幾爽脆, 碌柚就相當清甜, 還有花生, 洋蔥和香葱等, 醒胃又可口。小食泰式燒豬頸肉和泰式春卷, 燒豬頸肉酥香又嫩滑, 春卷香脆香口。

早幾日係尖沙咀同謙謙行完街佢話好耐無食過金邊粉， 我醒起上網睇過人介紹過Boat Thai 係由泰國人主理，所以就同佢來食。✡️ 泰式炸蝦餅 ～ 入口外層酥脆，蝦餅彈牙。✡️ 泰式鳳尾蝦炒金邊粉 ～ 謙謙勁讚，金邊粉炒得夠鑊氣味道酸甜醒胃，仲有多隻鳳尾蝦， 最喜歡放旁邊的花生碎和辣粉夠哂正宗。✡️ 泰式船湯河 ～ 有生嘅牛肉片、牛丸和炸豬皮， 湯底用左大量豬骨湯去煲，味道濃郁中帶點清甜， 牛肉淋上滾湯浸熟， 牛丸彈牙炸豬皮浸泡係湯到食好滋味，河粉連湯一起食更美味。✡️ 芒果糯米飯 ～ 鍾意食泰國菜的人一定會叫返個芒果糯米飯飯做結尾的， 軟綿綿的糯米飯上除左加椰漿仲加了脆粒加強口感，芒果仲要特別清甜，忍唔住食多兩口。🍹 泰式椰子刨冰 ～ 椰子味濃入口好清香涼快。🍹 泰式菠蘿刨冰 ～ 謙謙就喜歡菠蘿那份酸甜。

今日同屋企人晚餐，爹D話事話食泰國菜，我帶咗佢地來試這間泰國餐廳，位於尖沙咀Isquare ,位置方便，價錢又親民。泰式炸蝦餅$58香脆之選，蝦餅彈牙。泰式柚子鮮蝦沙律$88柚子多汁，鮮蝦好多蒜片同埋炸蒜，個醬汁帶少少甜，惹味得來好清爽無負擔。泰式肉碎生菜包$88爽脆生菜包住惹味肉碎，好香香茅味又一點香辣，簡單好味。海南雞（半隻）$118海南雞滑滑，已去骨，啖啖肉。泰式鳳尾蝦炒金邊粉$88金邊粉炒得好香，夠鑊氣，酸辣味剛好，最喜歡有豆乾及菜甫。泰式海鮮原隻菠蘿炒飯$88雖然唔係原個菠蘿上枱，但賣相依然吸引，大大件新鮮燒菠蘿加上足料海鮮炒飯。炒飯充滿黃薑同肉鬆香氣，好味道。泰式船湯河$78餐廳話個湯底每日是鮮製，廚師是泰國人，係餐廳主打。口味果然正宗，個湯底好濃厚，感覺就像是熬了很久的湯，河粉盡吸湯汁精華牛肉嫩滑，牛丸足牛味又爽彈，正。泰式黃咖喱牛腩$88黃咖喱好惹味，椰汁香味重，辣度適中，牛腩有口感，很好佐飯，我哋特意點了油飯撈汁，勁邪惡。總括而言，呢度嘅環境同食物都很不錯。我哋眼闊肚窄，所以我哋又食又拎，好滿足。

尖沙咀I Square 新開泰式大排檔親民價餐廳以船湯河和海南雞飯為賣點！✨餐廳的環境也很有心思，以泰國大排檔的造型而設，有那大排檔的燈牌裝飾，椅子也以休閑的籐製，很舒適！店員也有禮，開放式廚房，由泰籍人士打理。《泰式海南雞飯》$82必點推薦✨ 海南雞是無骨，雞肉很嫩滑易咬，且啖啖肉，配上黃飯和湯，風味十足！《泰式船湯河》$78必點推薦✨ 船湯河包含了三款食材，再牛肉片、牛丸和炸豬皮，牛肉片有超多塊！牛丸確實是泰式那種，而炸豬皮也很出色，放在湯上聽到滋滋聲的清脆聲音，很治癒的感覺！就連湯底也很入味，金不換的香味令湯河鮮味大大提升！河粉也是泰式那種較寬身的粉！有水準！👍🏻《泰式紅咖喱牛肉片》$88此外更有泰式咖喱，可配飯或黃飯，單點也可以！此款紅咖喱是配牛肉片，其他咖喱搭配其他食材的。紅咖喱牛肉片也很足料！牛肉和蔬菜也有很多！椰香味也很香！飲品方面也有多款泰式飲品，包括奶茶、沙冰⋯⋯《泰式檸檬茶》$25《泰式奶茶》$25泰式奶茶呈橙紅色，味道正宗！

見到介紹，呢度菜底全部都係泰國廚師出品， 船河湯底好香濃，係每日新鮮熬製，正宗泰式船麵!! 而且餐廳位於Isquare 高層既泰國菜，係商場入面環境唔錯，價錢又親民～❤️泰式乾炒豬肉片河粉 有鑊氣又惹味，即叫即炒，豬肉片新鮮，調味洽到好處，一條條粗河粉，唔會碎濕濕，又唔油膩～大大碟好味又好飽🧡泰式船湯河 一見到湯底好深色就知道味道好濃郁，生牛肉片慢慢浸熟，肉質夠嫩滑～牛丸細細粒好多粒，加埋脆炸豬皮， 滑滑河粉，特別出色 💛泰式燒豬頸肉 燒到邊邊微微焦香，肉質好彈牙，賣相靚仔，味道又好味💚泰式春卷 炸到黃金香脆既小食炸物真係好邪惡，而且餡料夠晒多，口感豐富💙泰式菠蘿创冰 菠蘿味好清新，味道酸中帶甜青檸梳打 清新青檸味，甜度岩岩好，冰涼refresh!

泰式海南雞飯 $82🍗轉髀 +$10🐓雞好滑身，當然唔小得另一個靈魂油飯，好香，份量幾多，感覺多過一碗飯，再搭配埋湯。泰式船湯金邊粉 $78湯底夠濃，係每日新鮮製，可以簡河粉或金邊粉。裡面有牛肉丸、牛肉片同炸豬皮，仲有蘿蔔，好豐富。炸蝦餅（3件） $58新鮮炸起，真係好熱辣辣，建議等一陣先食。配埋泰式甜酸醬，而且好貼心咁分成6件，方便入口。泰式椰子刨冰 $38菠蘿梳打 $38兩款都係好適合而家咁熱既天氣。QR code 落單，出菜都好快手。

今日又同我妹lunch啦，去試吓呢間新開無耐嘅❤︎︎Boat Thai❤︎︎，餐廳主打正宗泰式船麵，湯底每日新鮮製造👍🏻店內裝修舒服簡單，廚房係半開放式，入面啲廚師全部係泰國姐姐😯見到啲姐姐已經feel到正宗💟泰式乾炒豬肉片河粉 紅蘿蔔，粟米芯，芥蘭淨係呢幾款配料啲顏色睇落已經令人好開胃，配上寬河粉同豬肉片一齊炒，有泰式小販炒出嚟嘅味道👍🏻泰式船湯河(牛肉片+牛丸+炸豬皮) 推介必點之選⭐️記得飲啖湯先，用泰國地道香料熬製👍🏻好濃郁好正宗，炸豬皮香脆爽口，牛丸好彈牙，牛肉片好重牛味👍🏻泰式燒鮮魷魚 嘩🤭原條魷魚上，簡單惹味，配埋泰式酸辣汁，正跟餐菠蘿梳打 菠蘿切成小粒，方便食用好細心👍🏻