Bella Shine (已結業)

放工又去咗觀塘搵好姊妹食飯，見Bella Shine好近好姊妹舖頭睇食評又唔錯就決定嚟試下！‌因為好姊妹食咗下午茶唔太肚餓，所以我哋就叫咗1個set dinner另外加碟意粉share食！紅酒燴梨、火炙海膽醬赤蝦沙律、風乾火腿配哈蜜瓜:赤蝦大隻又鮮甜，輕輕用火炙一炙食落香口！Parma ham唔會過鹹同清甜嘅哈蜜瓜好夾！松葉蟹肉甘荀薑湯:西湯嘅質地但可能因為加咗薑嘅緣故所以飲落有啲似老火湯嘅味道，但飲得出一絲絲嘅蟹肉😁西京燒比目魚伴輕煎帶子定食:比目魚燒得好香，火候剛剛好，食落魚皮焦脆魚肉嫩滑多汁！帶子大大隻啱啱好一人一隻，外層微微煎過肉厚鮮甜！軟殼蟹天婦羅鹹蛋黃扁意粉:有大大隻熱辣辣軟殼蟹，每條扁意粉都掛上咗超濃嘅鹹蛋黃醬食得出粒粒鹹蛋黃碎，食落好飽肚😋甜品:朱古力蛋糕同泡芙都好好食❤️玫瑰咖啡凍檸檬茶

又搵到正嘢食～平日去咗觀塘附近食午餐。餐廳夠大，座位闊落。午市套餐包沙律或湯，我哋每人叫咗一個，是日係粟米湯。粟米湯好似粟米蓉咁，味道唔錯。沙律係泡菜沙律，泡菜辣辣地，其他沙律菜新鮮，仲有粟米粒、車厘茄等等。另外仲有香脆蒜蓉包。揀左日式咖喱吉列黑豚野菜定食，黑豚肉新鮮炸起，夠香脆。最鍾意食日本咖喱，唔會好辣，飯面仲有啲紫菜碎，味道唔錯。另外叫左芝士火腿雞卷配蜜糖芥末汁，火腿雞卷有三件，入邊充滿芝士，熱辣辣啲芝士仲要係溶嘅，好邪惡。午餐仲包餐飲及甜品，甜品係芝士蛋糕及泡芙。

澳洲黑安格斯肉眼牛扒配牛肝菌燒汁.第n次食Bella Shine啦～今次食澳洲黑安格斯肉眼牛扒配牛肝菌燒汁🐮肉味不錯，嗌左六成熟，外面成熟度ok不過切到入面就有啲過熟啦，食食下有啲韌呢。個牛肝菌燒汁還不錯，配薯條份量好多食完勁飽呀🍟同事食既美式燒豬肋骨配燒烤汁賣相都不錯，佢既set lunch經常性都會轉，小編還是好懷念之前食既寶雲酥羊架...😋希望再會推出啦！前菜有蒜蓉包同青豆蓉湯，個湯又幾好飲喎，本身唔好青豆但變左做湯就好飲🥣.套餐最後有每人一份甜品或者全枱一個窩夫🧇，賣相好精緻，即叫即做有外脆內軟效果，今次係原味窩夫配oreo味雪糕，每格窩夫都配士多啤梨/藍莓同忌廉🍓，滿足啊！

朋友介紹呢間西式fusion日本菜餐廳，好似幾特別。位置寬敞，岩晒三五知己傾計。132蚊 輕煎日本帶子綠茶青芥末意大利飯 帶子夠大粒，除左煎香之外口感彈牙，最驚喜係汁帶芥末味但又唔會好怪，意外地match 。32蚊 車厘茄豬腩肉2串 豬腩肉燒過後能鎖住肉汁，夠juicy又唔太膩，配車厘茄夠fresh又開胃。78蚊 流心抹茶多士拌雪糕 又到最期待既甜品時間，凍雪糕配熱熱既多士味覺衝擊一流，抹茶雪糕都味道唔錯，頗軟滑清甜。

成間餐廳最敗北應該係負責安排入座那位男職員，其實所有客都係訂左檯，但去到都係震攞張NUMBER飛，但呢位職員又唔會跟NUMBER叫，先到唔係先入，企近門口就最快有位，佢自己又亂，淨係話執完檯擺埋杯水就OK，但起碼要搞10分鐘，好似夾硬迫晒D客企係門口，搞到好似好多人咁。。。總之未入坐已經打晒折。食物其實無特別，但佢收既價錢，淨係同區好多餐廳都更好。雖然係工廈，不應有太高要求，但餐廳內環境嘈吵，同人食飯跟本傾唔到計，檯與檯之間非常迫，服務係茶餐廳水平，似大排檔，上菜求其擺，收碟又會將D刀叉係你身旁跌晒落地...就算一心想幫襯黃店都唔倡有下次

今日特登到觀塘睇吓開倉同埋買BB野，所以一早問定夜晚試吓邊間餐廳好食，因為聽講觀塘工廠大廈裏面嘅餐廳都好有特色！當中Bella shine 性價比好高值得一試！今日平日冇諗過咁多人等左一陣位。我哋叫咗兩個意粉些，加$88就可以有個意粉套餐有飲品，蒜蓉包，蘑菇湯，仲有餐前小食嘅沙律，最令我意想不到嘅係呢個沙律都幾高質素，有隻大蝦同埋Parma ham 同埋蜜瓜。到主菜啦！蒲燒鰻魚忌廉汁偏意粉，鰻魚笑得香脆，忌廉汁海膽味恰到好處沾滿每一條意粉，意粉都係有誠意嘅手工意粉。另外一個都好特別，就係軟殼蟹鹹蛋黃意粉，軟殼蟹揸得香脆，以鹹蛋黃汁鹹甜適中第一次食呢個口味嘅意粉平時都好鍾意食黃金蝦黃金乜乜嘅人一定要試吓

本身見到係黃店，又做緊套餐優惠，晚市二人套餐有 6 折，埋單都係 400 幾蚊，所以諗住幫襯下，點知成餐飯都食得好唔開心。首先，d 待應態度非常差，成餐飯睇住你食完一碟野未，你夾起左最後一舊，都未放入口就收走你隻碟。一叫上甜品就要你埋單，我望一望個鐘，我入左黎都未夠一個鐘，唔洗趕我走掛？另外，d 野食真係唔好食。嗌個牛排 5 成熟，成件都係血水；個薑味長通粉勁奇怪，好似將 d 中式既醬放落西式既粉度咁；只係得最後果份甜品叫做正常少少。黃店係要撐，但服務態度又差，野食又難食既話，其實觀塘有好多其他選擇囉，真係冇下次！

對上一次食Bella shine已經幾年前既事，原來佢搬左地方，但最令人難忘都係佢西日fusion既菜式，今次一於帶朋友黎試。薯包外脆內軟，味道唔錯。燒鰻魚海膽忌廉汁扁意粉 $138鰻魚大大條好吸睛，食落帶軟滑口感，唔多骨頗惹味，同忌廉汁好match，醬汁有海膽的味道但又唔苦。燒雞軟骨串2串 $28雞軟骨有咬口，燒得頗香。得兩串唔太夠喉呀。流心抹茶多士拌雪糕 $78每一個豐富既晚餐唔少得美味既甜品，畫上完美句號。

高質午餐今天約了朋友食lunch去 Bella Shine。餐廳位置十分方便，在大街上面一個工廠大廈，入口不是普通工廠大廈的殘舊，是非常新淨的。餐廳讓人覺得比較昏暗，但是相對會較有情調，餐廳入面的位置也很多，最少也可以坐到30人。Lunch set A-H, 由$82 至138不等，我們都選了茴香八角洒焗鱸魚，而且餐包湯/沙律及飲品。南瓜餐湯不算好濃郁，湯身比較稀帶小許甜。法式蒜蓉包焗得香脆， 蒜蓉比例重，非常好吃。主菜方面，鱸魚焗的香滑，沒有醒味，而且充滿淡淡茴香八角味道，為主菜增添了不小新鮮的清香氣味。而配菜薯蓉同樣香滑。

好耐冇幫襯依間餐廳，我同朋友冇叫二人餐，散叫了德國咸豬手，咸蛋黃軟殼蟹扁意粉加一份雞腎串燒！首先，意粉先上，上碟賣相好吸引，有兩隻半隻炸到脆卜卜嘅軟殼蟹，每一條扁意粉均勻掛上濃厚的咸蛋黃醬汁，而其醬汁肯定自家製，有咸蛋粒粒，估唔到配西式扁意粉係出奇地夾！到咸豬手，好大隻，咸香香脆，比市面上咸豬手足足大一個碼，塊豬手皮好脆好薄，似燒走曬D脂肪，沒有食到滿口油淋淋！雖然2個人叫了2個主菜都食唔晒，要打包個豬手添

觀塘性價比唔錯西餐廳Lunch menu每星期轉款氣氛服務好坐位又舒服茴香八角酒焗鱸魚鱸魚都幾大條，煎到皮脆肉滑滑不過唯一可惜啲係好似係冇茴香八角酒味，比較似普通香煎鱸魚西班牙燒乳豬配黑椒汁食肉獸應該好like呢個，好夠份量又邪惡啲選擇乳豬皮好脆有酒樓水準，入面啲肉係超超超嫩滑跟薯條同少許沙律，相信男士都會飽跟餐免費啲是日甜品，有兩款今次係奶油泡芙同芝士蛋糕味道唔錯喎，唔會太甜泡芙夠凍，入面奶油多又滑細細件，食曬都冇乜罪惡感

約了好久不見的朋友到餐廳吃飯 一開始感覺店員態度都很不錯 餐廳的佈置格局都很有情調 一開始感覺食物味道還是不錯的 結果吃到一半 發現飯裡面有異物 一顆蠻大的螺絲⋯跟店員反應了情況之後 店員很淡定地說是維修冷氣的師傅掉的⋯難道在維修就能隨便調零件下來嗎 更讓人無奈的是居然問我們吃得飽不飽⋯搞不懂是想怎麼樣在後續的處理態度也很一般 加上隔壁桌客人一直七嘴八舌 莫名其妙還拍照 讓人感覺用餐很不愉快提前結帳離開了 外面市道一般 對於餐廳在這種環境下經營也有自己的難處⋯但還是希望餐廳可以好好改善一下！

漏Book 及提早關門唔通知都算，有禮貌道歉就可以！但是一句話無record, 然後再有個惡死阿哥極無禮貌的態度叫人走，仲話自己無惡！？！？黃店唔係大晒，黃店都有好多好多選擇！

從未想過在觀塘區有一間環境寧靜舒服的餐廳，加上侍應親切殷勤的服務，令我們享受了一頓悠然舒暢的晚餐！依家二人套餐$598 有六折優惠，非常抵食！Soup of the day 是忌廉粟米湯 ~ 啖啖粟米蓉口感豐富，配上鬆軟麵包， 滋味滿分！"松葉蟹肉沙律配胡麻汁" ~ 沙律用料新鮮味美， 松葉蟹蟹肉肉腍不鞋口，令人難以抗拒， 胃口大開！"蒜香辣椒啤酒藍青口扁意粉" ~ 青口新鮮肉嫩， 蒜椒風味濃厚， 惹味非常 ! "澳洲黑安格斯牛扒配牛肝菌汁" ~ 單看賣相已經令人垂涎欲滴，肉香四溢的牛扒，軟腍又不失煙韌，再沾上惹味牛肝菌汁，口感豐富，用心之作！另加$22的"牛油果奶昔"清香滑溜，味道超fresh！甜品是精緻小巧的Cheese cake味道也不錯！

我知道觀塘區工廠大廈內有唔少值得一試嘅，有質素嘅餐廳。 今晚就約咗我個妹去到觀塘嘅巧明街一間工廠大廈食西餐，餐廳叫Bella Shine. 呢一間比較高質素嘅西餐，一到步門口已經好多人。 我叫咗一個輕煎日本帶子綠茶青芥末意大利飯， 兩隻帶子又大又搶眼， 意大利飯有少少wasabi 嘅辣味，好特別又好creamy. 我個妹叫咗個鋪燒鰻魚海膽忌廉汁扁意粉，佢話個海膽忌廉汁令到個扁意粉特別香濃，亦都有幾片蘑菇點綴下，我眼見燒鰻魚亦都係大大件。其實上主菜之前，餐廳亦都有提供兩片蒜蓉包，香脆又香蒜蓉味。