Bella Shine (已結業)

自從疫情開始已經有幾個月沒有到餐廳吃飯。今天終於約朋友人飯聚! 在家煮飯的日子每天都是中餐, 心裡是非常懷念西餐的。於是我跟友人就去了觀塘Bella shine, 質素一定有保證!香煎豚肉排配蜜糖芥末燒汁 (Kim 子推介指數4/5)今天的前菜是沙律及青豆湯，是非常清新的選擇! 主菜選了香煎豚肉排配蜜糖芥末燒汁，十分期待。主菜賣相吸引得難以形容! 大大件豚肉，油脂含量適中，油花分布更均勻。豚肉肉質有存度，要花點功夫才可切開，但是入口細緻軟嫩，肉汁更飽滿。西班牙燒乳豬配酸椰菜(Kim 子推介指數4/5)這道菜的賣相非常討好，金黃色的乳豬脾置於木托盤中間，下方是酸甜開胃的德式酸椰菜，配合香脆的薯條，令人食指大動。豬脾已平均分成四小分，方便客人食用，乳豬皮的特色是皮薄及少脂肪，烤焗過後非常香脆，豬脾的肉質十分嬾滑，而且油脂量較低，最適合女性不過。一口乳豬、一口酸棷菜，正好能中和肉類的飽肚感，二者十分配合，還有炸成香脆的薯條，是一道不能錯過的菜式。跟餐還有二道甜品，朱古力布朗尼蛋糕和忌簾泡芙，細心地以bite size的分量呈上，一口一個，味道還不錯呢！

觀塘區食盡無數工廈餐廳，大部份工廈餐廳裝修比較普通，但這間餐廳一看門面，沒太特別，但一入內，令人眼前一亮，兩個士兵是整間餐廳既靈魂人物，很特別欣賞餐廳善心，免費送搓手液，見好多食客都好自律，沒有很多人取，留俾有需要既人內裏工業風裝修，簡潔乾淨最喜歡半開放式廚房，可以望到廚房內乾淨嘅環境，令人食得放心Set Lunch Menu 多選擇，套餐包湯或沙律，主菜，甜品，飲品， 好豐富朋友點了酸汁啫喱吞拿魚配梅子冷麵我食了一口，吞拿魚煙燻既味道，很夾梅子冷麵, 帶有和風嘅感覺南瓜餐湯送上蒜蓉包南瓜夠香濃，蒜蓉包熱辣辣香煎豬豚扒配蜜糖芥末燒汁豬扒煎得夠香口， 有炭香味，一流薯條炸得香脆set lunch 包飲品最後送上甜品, 最驚喜忌廉小泡芙， 咬一口，內裡忌廉夠香滑，估不到set lunch甜品夠誠意整間餐廳每樣食物，甜品，甚至乎環境都值得稱讚 以後可以做我的飯堂

見佢係觀塘屹立左咁耐，comment 都好好，當母親節食飯去試下，係openrice 訂，有個四人餐七折同二人餐五折的優惠，去到職員講原來只能選一（老實講單點或其他餐牌都幾貴）咁無計啦，叫左任食牛扒個餐就算，一人二百六左右（連加一）有龍蝦半邊，鵝肝多士（冷盤）同牛扒同豬扒，ummmmm 口味問題吧，真係麻麻地，不論火喉控制（3成5 成7 成都有叫）或本來肉質，我會揀大家樂個牛扒餐…

觀塘樓上餐廳都試過不少， 今天中午約了朋友聚餐， 帶咗我去《Bella Shine》。 環境唔錯幽暗中又帶點氣氛。餐廳做推廣，一點前或兩點後結帳全單八五折！我哋週不時都係兩點先食午飯，啱曬！南瓜湯唔算好濃郁，帶少少甜， 再加焗得香脆嘅蒜蓉包， 啱啱好！跟沙律， 沙律醋汁酸酸甜甜十分開位。豬軟骨味噌湯拉麵$82去西餐廳吃拉麵還是首次， 原因梗係老友記推介😁 朋友喺呢度附近返工，間唔中都會過嚟食午餐。 果然湯底夠正宗， 味噌湯唔會太鹹， 有香濃嘅豬骨味。 豬軟骨份量好多。 拉麵幼身夠煙韌。 配合醃蘿蔔和荀更添美味👍👍西班牙乳豬配酸椰菜$138端上枱嘅時候散發出香噴噴烤焗嘅味道， 乳豬髀好細隻， 肉質好嫩，皮好脆又鬆化。 附設黑椒醬汁更添惹味。 粗薯條非常香脆。 酸椰菜主要係解膩，但個人覺得偏鹹唔夠酸。餐飲凍檸茶， 也可選汽水。限制情況下，餐廳坐得比較鬆動， 感覺較為舒服 寧靜。加上普通一頓午餐都可以吃到西班牙烤乳豬， 相當有風味!😋

上星期同朋友去官塘工廈食飯，近期推出了優惠4人套餐及任食牛扒套餐。今次我地選了4人套餐，食物款式，賣相及味道也不錯。煙鴨胸蜜桃粟米沙律，新鮮既沙律菜配酸酸甜甜既沙律醋，非常醒胃。香草忌廉煮藍青口，雖然青口煮得有少許過熟，但香草忌廉汁很冶味。脆焗德國咸豬手，外皮脆卜卜，肉質及味道很好，但份量就比較少。龍葵菇黑松露忌廉汁扁意粉，黑松露忌廉汁香濃，意粉軟硬適中，好好味。朱古力鮮果窩夫，賣相及味道不錯，可惜窩夫很快唔脆。

呢間其實一直都bookmark左，但見到價錢係觀塘黎講都算有d貴，所以就一直都冇去到。點知比我見到openrice有優惠做緊二人餐半價，就即刻book 左黎食！當時book左7點鐘，一黎都唔洗等就有位入到去都已經有10個人左右食緊，餐廳環境都唔錯，目測都有足夠坐位。我地點左個二人餐，餐湯、餐包、沙律同埋甜品都係定好左冇得揀嘅，而主菜同意粉項目就各有3項選擇。點完餐大約五分鐘就已經上左個餐湯同餐包。我食嗰日係南瓜蟹肉湯同埋蒜蓉牛油多士。飲得出個南瓜湯係自家制嘅，因為飲嘅同時會Feel到d南瓜蓉。個湯唔會話好咸或好甜，個味道係比較貼近平時食到嘅原味南瓜，成個湯充滿好香嘅南瓜味，配埋個蒜蓉牛油多士就咸淡適中。最佳組合之南瓜蟹肉湯&蒜蓉牛油多士至於蟹子蟹肉沙律，係我個人覺得成餐最中意嘅一道菜因為真係超足料同埋好新鮮我本身係覺得個餐半價，質素應該會變得比平時差左，點知完全唔係！佢個沙律係勁大兜之餘，仲要係落左好多蟹子同蟹肉，沙律菜都係由好多種組合而成。配埋個胡麻醬真心冇得輸，好開胃又健康我成頭係一個人食晒唔比男朋友食超足料開胃又健康蟹子蟹肉沙律到主菜肉眼扒，由於我唔係好中意食太生就叫左七成。佢睇

邀請朋友飯聚，老伴再一次地提意美心集團的翠園或朝庭。小的不是對集團不滿，只是兜兜轉轉總是吃著相同的味道，卻放著整遍森林之美食於不顧，實在太也要不得。於是自己遂把責任攬上了身，首先問一問諸多要求兼怕麻煩的老伴須否揀在住家不遠的範圍，再查詢會否有泊車的需要。列出條款便再從網路搜尋。在食評網中常見到「Bella Shine」總是名列前茅、人氣爆燈，於是這回小的預先訂位，邀請朋友一同去當白老鼠。雖然觀塘廠下開了許多食肆，但大部份客流都歸中午上班一族的人潮，及至晚上便變得人跡罕至。這家「Bella Shine」也不例外，其地點座落倡旺的巧明街。從地鐵站直入APM商場，識途老馬地直闖角落通往港貿中心之扶手梯，到達地面便已經是巧明街。而餐廳就正處於對面馬路的廠廈2樓，相比其它更深進的樓上鋪，「Bella Shine」有地理上的優勢。只可惜於閒日晚上，餐廳仍逃不過小貓三兩隻的宿命。未夠七時抵達，朋友們早已安座。入場時見到碩大的廳堂居然沒有幾檯食客，心中對之已有點側然。最難忍的是直往內進，四周居然傳出陣陣濃烈的異味。小的非常不好意思，因此為自己選擇，卻迫著所有朋友一起中伏！瀏覽餐牌發現有二百多元兩小時任

上網睇呢間黃店告急中 就同屋企人一齊去左食lunch 入門口staff會幫手度體溫 幫跟入座午餐都算豐富 有湯有主菜 野飲同甜品4個人 一個叫左漢堡啤酒薯條餐食 包皮係竹 入面漢堡都juice 同出面水準差唔多 唔驚喜亦都唔失望 令人回味無窮既系個薯條 🍟 個薯條比較特別 表面脆卜卜 同平時食開既唔同 值100分 可以去試下。第二個人叫左泰國紅咖喱配珍珠飯 雞肉麻麻地 蟹蟹地 不過個汁相當唔錯 個飯好似煲唔夠 硬左d 評分20 第三個叫比目魚野菜定食 呢個我試過真系非常唔錯 未落檸檬之前 比目魚入口即溶不過有小小甜 但都好好味 😋加咗檸檬之後 亦酸亦甜 有種特別既口感最後一個系西班牙燒乳豬配酸菜呢個乳豬外脆內軟 好juice 不是過薯條就正正常常 評分90分 酸菜麻麻哋Total食左447 唔算貴值得一試

今晚一行四人去觀塘工廈食好西。平日仲諗住唔會咁多人，點知上到黎坐滿一半啦，好彩有訂位。睇餐牌原來呢度有任食牛扒同豚肩扒，仲有薯條餐湯任食，不過女友人唔係咁大食，所以都係叫咗個四人套餐。先黎煙鴨胸沙律配蒜蓉包，沙律菜新鮮、蒜蓉香脆充滿牛油香味餐湯係忌廉南瓜湯，仲食到小小南瓜蓉白酒煮青口，睇唔出一盤可以有咁多青口，淡淡既白酒香，一口接一口，食極都仲有主菜揀咗Prime Rib eye, medium 熟度啱啱好，肉質嫩淋;另一個主菜揀咗豚肩扒配黑啤燒汁，個汁好特別有淡淡啤酒味，肉質juice,唔會乾爭爭香辣車厘茄龍蝦肉長通粉：唔太辣，似茄汁煮長袲粉最後仲有甜品：朱古力餅鮮果窩夫配雪糕，窩夫香脆，配雪糕好好食

本身因為網上介紹$238任食牛+豬扒先黎食點知上網book俾佢取消左都唔緊要，打電話問 職員話要分2round 黎食. 一係就6點幾 一係就8點半後. OK 照bk 等到8半食8半去到覆到左 點知個帶枱店員係咁係門口度彈出彈入 根本想confirm下都難到confirm左 要等. 都明既 等15分鐘左右都算啦 但一等就等成半個鐘先入得.點知 最後到入枱個下先講 ！係無得供應任食牛+豬扒！話落左廣告之後太多人黎book枱食 唔夠供應心諗：唔係呀嘛？！ 落得廣告唔係就預左會多客人黎食？明明電話講個陣都知 仲話會分兩輪咁食 1.你預左個時間要我bk枱但又唔係快俾到我 2.明知我係為你落廣告既任食先黎 你預計到無 你就一早係電話/我黎到confirm booking個陣講啦 點知去到入枱先講？！.Fine！見成夜晚9點咁晏.而家疫情周圍都close曬無野食 加上佢又做2人set dinner半價照入去食啦～係就係叫做有湯 頭盤有蟹肉沙律 主菜有幾款揀（揀左牛排同蛋汁意粉）有甜品 有野飲.點知 個意粉碟就大 但啲意粉得幾條牛扒一般大細 但無味 兼有少少雪藏味 連我味覺唔係敏銳既人都食得出最後甜品

友人推薦喺公司附近嘅餐廳，試下無壞啊一行三人，要咗個任食餐，都係要咗牛扒🥩⋯同行朋友話味道普通啊，點值啊。計我話⋯佢真係食懵咗，二佰幾蚊一塊就話啫，俾你任食喎⋯唔通俾塊和牛你咩🙄今次晚餐，相當唔錯啦。

志同道合的朋友一齊支持黃店！ 一行四人叫了四人套餐: 有湯, 沙律, 青口， 咸豬手，肉眼扒，意粉 (唔記得影相), 甜品, 飲品; 簡直大滿足！ 每道菜都非常美味，份量又足, 三樣主菜都食唔曬，覺得有點浪費！鴨胸蜜桃沙律: 沙律菜非常新鮮 😋香草忌廉煮青口: 我比較喜歡傑的獻汁，所以這個忌廉汁對我來說有點稀，但青口食落仍有忌廉汁味 😋咸豬手: 個皮焗得非常脆口，好似乳豬皮咁脆，推薦 😋肉眼扒: 我們叫了七成熟，完全恰到好處, 完全不"鞋", 塊肉仲好 juicy 😋黑松露忌廉汁扁意粉 (唔記得影相): 好味 😋Waffle: 即叫即整，入口還是脆的 👍😋4人餐仲有7折，upgrade 咗個肉眼扒，每人都只須 $224, 超抵！

觀塘工業區上樓西餐廳我點左燒豬手配黑椒汁：豬手皮好脆，肉質好嫩滑，真係好用心！另外點了燒牛舌，大大件，又厚又多汁又香口再加一份晚餐-石燒鹿兒島和牛西冷配櫻花蝦炒飯原來係俾塊整熱左既石，等顧客自己燒。 可以就自己喜歡的生熟度來燒。和牛肉質豐盈，正！ 櫻花蝦炒飯亦炒得好香！前菜都好新鮮，蝦肉同湯都有誠意！唯獨上菜太快，我地食唔切，導致有部分食物凍左， 好可惜！ 服務態度友善，只係個日突然太多人，佢地做唔切啦！

weekend食飯，唔算好多人，但都坐左5-6枱。野食幾大份，我同朋友點左生蠔，沙律同豬手，送兩件蒜蓉包。藜麥秋葵青蘋果合桃沙律配杏脯汁（$82）：好大碟，啲汁酸酸甜甜，幾開胃。生蠔好細隻同好瘦脆焗德國咸豬手配蜜糖黑椒燒汁（$228）：個皮好脆，份量好似唔太多，但食落係啱啱好，豬手啲肉唔知點解掂下就散開晒，整體味道ok嘅。食物味道ok,但可以再改善。

午餐.食物一般 服務很差 慶祝節日的心情完全被影響.經Openrice book了12點到達時店員告知要1點交枱.大概12:15pm下單.看到餐牌寫1點前離座可有85折向店員詢問今天是否仍有折扣店員說要問問看.一直等 等不到店員的回覆 也等不到食物的到來大概12:30pm 終於送來了餐湯和麵包等到12:40pm 才送來第一個主菜至於我的扁意粉 則要12:46pm才送到.鄰桌比我們遲來 食物卻跟我們差不多時間送到懷疑是故意等著一次過煮.吃了一會 店員走來說幫我們點餐飲並提醒要1點交枱(即是只給我們15分鐘的時間吃啊).再問問店員是否有85折又回覆說要問問看終於 店員回覆說要1點前 "起身走"才能有折扣想向店員確認是否要到外面收銀結帳她沒有回答 只是再三強調要"起身"才有折扣.之後餐飲和甜品都飛快地在1點前送到店員也飛快地把用完的餐具收掉我們也飛快地在1點結了帳在確認單據的價錢和是否有折扣時店員一副不耐煩的語氣說"折左俾你地喇"😒😒😒食物這麼遲來 又一直催促我們離開只有15分鐘的吃飯時間 實在太過份!這樣差的安排和態度即使有折也不會想再光顧!.1) 蒲燒鰻魚海膽忌廉汁扁意粉鰻魚味道不過不失