Bella Shine (已結業)

本身見到係黃店，又做緊套餐優惠，晚市二人套餐有 6 折，埋單都係 400 幾蚊，所以諗住幫襯下，點知成餐飯都食得好唔開心。首先，d 待應態度非常差，成餐飯睇住你食完一碟野未，你夾起左最後一舊，都未放入口就收走你隻碟。一叫上甜品就要你埋單，我望一望個鐘，我入左黎都未夠一個鐘，唔洗趕我走掛？另外，d 野食真係唔好食。嗌個牛排 5 成熟，成件都係血水；個薑味長通粉勁奇怪，好似將 d 中式既醬放落西式既粉度咁；只係得最後果份甜品叫做正常少少。黃店係要撐，但服務態度又差，野食又難食既話，其實觀塘有好多其他選擇囉，真係冇下次！