Bella Shine (已結業)

已經黎過幾次但經過琴晚我決定唔再去一枱人 叫扒 有叫3成有叫5成3成的朋友續食已經叫緊第4塊的時間5成的我同友人坐等左1個鐘先上第一塊再過多半個鐘 第2塊都未上就吹我地埋單唉~大約等到8個字-9個字果陣揾左同事去跟跟 都係等到一個鐘多d 先上第一塊今次令我太失望之後第2塊上的時間叫5成上副枱變9成又硬又軔，真係咬到牙痛都食唔落，明白的周5貴司係full場，但我覺得唔係咁做囉，點解同枱叫緊第3第4塊的時間，我地叫5成的第一塊都未黎，什至薯條都唔分開上住比我地先呢

平日晚上到了觀塘的 Bella Shine，試試這裡的西餐。7:00 pm 到達只有數枱客，但8:00 pm 走數全場爆滿。點了一個 pasta, 一個 riosotto, 其中一個轉了套餐($88)，有湯、前菜、餐飲及甜品。先來餐湯，是黑松露雜菌忌廉湯。這湯菌味甚重，就像吃打碎的菇菌。松露味也濃，如果湯身可以更厚更好。蒜蓉法包烘熱鬆化，蒜蓉香味濃，與忌廉湯合襯。前菜1是芥末八爪魚沙律配搭新鮮，不像平時啲沙律清淡而悶。蜜糖芥末蓋過沙律菜青味，與中和了芥末八爪魚的辣。前菜2是阿根廷紅蝦。蝦身大隻，有淡淡海水味，蝦頭的蝦膏份量多，吃到有鮮甜味道，前菜來說都誠意十足。前菜3是鵝肝多士，多士薄脆但不太熱，鵝肝薄切，份量剛好，不會太膩。軟殼蟹天婦羅鹹蛋黃扁意粉($138)的鹹蛋黃味濃郁，意粉上有粒粒鹹蛋黃，扁意粉質地彈牙。軟殼蟹一大只，份量夠二人分享，新鮮炸香，蟹肉非常嫩滑，咬下有蟹膏香。什錦海鮮帶子茄汁意大利飯($132)湯頭用上意大利蔬菜湯煮淋意大利飯，湯頭的茄味帶來小清新感。海鮮有帶子、青口、魷魚及魚塊。我最愛青口，雖然體積小，但它為意大利飯帶來海鮮的鹹香。甜品的忌廉泡芙夠凍不會太甜，

觀塘雖然好多餐廳選擇但好食嘅西餐都唔係易搵一入到呢間Bella Shine 佢嘅環境比想像中溫馨幾岩二至四人靜靜地食飯今日唔太肚餓 所有野都係散叫叫左兩樣食物 分別係牛小排同意粉牛小排非常鮮嫩 大概五成熟加埋檸檬汁吊味就更加充滿肉香有配沙律就冇咁油膩另外叫多份軟殼蟹咸蛋意粉軟殼蟹有成差唔多兩隻 大隻到見唔到啲意粉咸香好足份量夠兩個人食有多 野飲叫左Oreo沙冰 呢個味道相比之下就比較淡食完後另上甜品好滿足嘅一餐🍽

牛扒放題120分鐘……入座落單足足坐咗40分鐘都未有嘢，找服務員問，佢仲問我想點，有人去催單，但演變廚房大駡戰，熟客有得食，還可添加，生客坐足40分鐘要催促先話攞別人客的扒來……唉！中伏

是日食生日飯，揀左任食套餐頭盤唔錯，特別個蠔好夠味平時食開生蝦沙律係凍，哩度就係室溫，唔知有無問題，但感覺怪怪地，畢竟蝦係生既，室溫存放既話，食既時候都有少少擔心，但味道係唔錯既，調味適中**唯獨牛扒太多筋，每三啖就有一啖咬唔開，基本你切既時候就會知，而豬就太乾，有d似食柴皮，反而主菜係敗北之作，可能因為係任食要調節成本，但我個人認為，若然要因為任食而要減低質素，咁不如唔好搞甜品屬正常其實唔算貴，但如果追求較高質既牛扒，哩個價錢可有更好選擇另外有位少數族裔既男侍應態度好好，值得嘉獎，其他就一般，可能星期五客量較多P.s 本人並沒有接受由餐廳所提供的款待或會員優惠，以及本人乃第一次於該餐廳進餐，並不是其餐廳之會員

去開觀塘，試下呢間黃店～平日夜晚去都差唔多full曬本身而家鋪頭dinner set for 2做緊折扣，雖然係抵食，但我同朋友都唔太肚餓怕份量太多，廢事浪費食物了～叫左個1個set dinner前菜有鵝肝多士、芥末八爪魚沙律、日式醬燒赤蝦鵝肝既味道唔會好重無好油既感覺，對於平日怕鵝肝味道太重既人黎講係易入口～黑松露忌廉蘑菇湯配蒜蓉包呢個唔係好稀果種湯，有咬口😛香煎加拿大豬鞍配蜜糖芥末燒汁👍🏻👍🏻豬鞍熟透都keep到粉紅色，肉質嫰滑😛 另外單叫左 軟殼蟹天婦羅咸蛋黃扁意粉Perfect match! 雖然係咸蛋黃醬，但唔覺好油膩，軟殼蟹都多肉食😋green tea latte，奶味偏重～最後叫左個雞軟骨～跟餐送的甜品，檸檬cheese cake同雲呢拿泡芙，為整個晚餐畫上個完美句號😎臨走前見到💛

1.南瓜濃湯 完全唔香2.牛展腐乳汁沙拉 個醬都唔知咩來3.黑松露蘑菇義大利飯（OK）4. 燒酒煮硯同清煲冇分別5.軟殼蟹蛋黃醬意粉 （呢個最唔掂，個蛋黃醬同你食緊傳統月餅個蛋黃一樣味）6. 西班牙豬扒，泊得住翠華7.美國頂級肉眼扒 5成熟 同食花園餐廳個D冇方便 可能仲差Waiter 服務態度差 完全冇禮貌 見到張檯冇位 比我地的感覺係要我地自己處理 其實我地係會幫手 但係唔代表比客人印象咁差 收盤又完全唔講聲 冇啦啦隊隻手過來 就咁攞走 餐具唔乾淨

首先，訂咗枱19:30，19:25到店，店員係確認咗訂座電話先安排入座，但坐底後10分鐘，即19:35就收到店舖打電話嚟: 請問你仲嚟唔嚟？乜唔係入咗座就會確認嫁咩？連個客入咗去都唔知。🤷🏻‍♀️🤷🏻‍♀️之後4人點咗個2人套餐+1人餐，咁係包咗甜品既，之後到21:00已經食好哂主菜，一直都冇店員上甜品同朋友生日，有預備咗蛋糕，21:30店員A👩🏻話last order有冇野加既時候，就已經同佢講咗未上甜品同蛋糕，之後過咗10分鐘，有個店員B👩🏼比張單我地check話要埋單，再一次同佢講未上甜品同蛋糕。再過10分鐘，店員A👩🏻就過嚟話差唔多時間要離開(因堂食到22:00)，我同朋友都非常驚訝，再三講未上甜品同蛋糕，佢先如夢初醒咁，最後22:00先上到甜品同蛋糕，仲要個蛋糕出哂水，擺明就係拎咗出嚟一段時間唔記得攞過黎，之後有店員C👨🏻大叫話: 十點啦！仲食？我哋唔想比人罰錢呀！生意係咪咁做呀？你收哂錢，又唔上甜品同我地個蛋糕，依家唔係我地冇提你地，講咗3次先嚟，成大半個鐘先上到，唔係我地想食到22:00，係你地唔上菜，仲大聲夾惡，你一係就比個外賣盒我地拎走，而唔係咁趕客，仲有個店員C👨🏻唔知

逢星期五特別多人外出食lunch。去了2間都預定就沒有位，往apm覓食的路途上，同事醒起樓上有間不錯的餐廳。望完地下水牌都唔肯定，要再check openrice才肯定沒有去錯地方。沒有訂位也立即有位，好彩！先來甘荀湯及凍飲。凍飲無乜冰唔夠凍，西班牙乳豬唔係咁易食到，不可不試皮，不像廣東乳豬，un un地，但肉質幼嫩。呢啲risotto ，唔係我叫，唔知味道如何。但睇個portion … 食完仲有2款甜品。

臨別秋波，想同同事食返餐好嘅lunch farewell，就book左呢間西餐。我叫左個burger，因為之前食過覺得唔錯，但今次呢個burger有少少失望😞首先，個包toast得唔夠熱，包個texture 太dry。好彩個牛漢堡夠牛味同有汁！為左增加口感，廚師係牛油果醬加左taco餅👍🏻再加埋d juicy 蕃茄就已經足夠😎 整體來講，除左個包有d 失望，其他都算滿意👍🏻

𝒲𝑒𝓈𝓉𝑒𝓇𝓃 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝓌𝓊𝓃 𝒯𝑜𝓃𝑔餐廳裝潢用左好多木系既傢具再加入大量黑色元素，配埋黃色既暗燈，有格調得黎幾有情調。同工廈既入口好唔相襯。𝘣𝘰𝘰𝘬 左位12點黎，可能啱啱開冇咩人，但食到12:30左右已經𝘧𝘶𝘭𝘭 𝘩𝘰𝘶𝘴𝘦。佢既𝘴𝘦𝘵 𝘭𝘶𝘯𝘤𝘩 有齊前菜、主食同飲品，而且定價合理。𝑨𝒑𝒑𝒆𝒕𝒊𝒛𝒆𝒓可以揀湯🥣或者沙律🥗再配蒜蓉包。是日餐湯係青豆湯，好少餐廳會用青豆呢個食材做主調。湯非常濃稠，加入左少少酸味既材料黎平衝青豆果種單調感，飲完覺得好健康⚕️。-𝑴𝒂𝒊𝒏🌟炙燒三文魚配明太子卡邦尼扁意粉 𝗦𝗰𝗼𝗿𝗰𝗵𝗶𝗻𝗴 𝗦𝗮𝗹𝗺𝗼𝗻 𝗮𝗻𝗱 𝗠𝗲𝗻𝘁𝗮𝗶𝗸𝗼 𝗶𝗻 𝗟𝗶𝗻𝗴𝘂𝗶𝗻𝗲 𝗖𝗮𝗿𝗯𝗼𝗻𝗮𝗿𝗮 ($88)佢既擺盤好靚，上面鋪左2塊薄薄既炙燒三文魚🍣同埋加左好多三文魚粒黎豐富口感，可能三文魚本身有少少腥味，所以餐廳加入左明太子黎𝘣𝘢𝘭𝘢𝘯𝘤𝘦 番個味道。個人幾欣賞佢既扁意粉，仲𝘬𝘦𝘦𝘱 到彈彈既口感，唔會話一咬就爛，伴埋卡邦尼汁一齊食味道好夾😁🌟黑西哥牛肉漢堡配牛油梨醬 𝗠𝗲𝘅𝗶𝗰𝗮𝗻 𝗕𝗲𝗲𝗳 𝗕𝘂𝗿𝗴𝗲𝗿 𝘄𝗶𝘁𝗵 𝗴𝘂𝗮𝗰𝗮𝗺𝗼𝗹𝗲 ($108)𝘣𝘶

店舖非常隱蔽，要不是OpenRice ，斷不會知道此店的存在。店內算寬敞，上餐速度也快，都好適合趕住返工嘅我。我叫左個lunch set餐湯幾好飲，個蒜蓉包十分之香！不過，個拉麵十分平庸，不過不失啦，早知唔叫拉麵。湯底味道一般，絕對係唔濃郁。拉麵麵身雖然爽，但係一d都唔入味，而且太爽又變咗有啲似咗鹼水麵口感，唔係好係拉麵果回事，下次如果再去嗌意粉餐可能開心啲。d豚肉煙鴨胸就正常啦，無乜特別。飯後送個甜品，在我不知情下幾驚喜，個芝士蛋糕幾清新。加了一九十幾蚊，見佢算好坐，下次比多次機會佢，試吓其他餐唔知會唔會好啲。

因為都係喺同一區返工，所以午餐約左朋友係呢間餐廳一齊食。哈！然後俾店員問左句”先生係咪一位？” 我答 “唔係丫，兩位😊”友人係遲左少少，始終office 有d 遠，冇計喇。send 左menu 俾佢落定單，黎到就一齊開餐😋餐湯同蒜蓉包，唔錯既餐前菜香煎比目魚伴白酒忌廉汁煎過既比目魚表面好脆口，入口又小嫩滑，有如此對比口感幾好，只係骨出奇地多，扣左d 分紐西蘭羊西冷配芥末籽燒汁冇諗羊都有西冷，比較少有羊燒到medium，色澤對比明顯，口感Juicy加埋芥末汁，立即令羊肉變得辛辣而濃郁跟餐野飲小驚喜，食完個餐仲送甜品，brownie + 泡芺Menu，好似會regular 轉環境都唔錯架之後約frd 觀塘食都係keep 番1+1 呢個組合好，易有位食到好野😙

🤦🏻‍♀️ 諗住Happy Friday 點知俾間餐廳搞到冇哂心機，呢間餐廳既食物味道一般，連店員既態度都好一般一行4人點了4人餐（$988 / 8折）前菜🥗沙律用左辣腐乳做醬，而蜆肉不過不失（有少少沙）主菜點了羊 同 黑毛豬扒，羊肉酥味重，質感還好 🐽黑毛豬同想像中好大出入，賣相同味道都比較似茶餐廳質素，薯條同麥記既一樣🍴 黑松露帶子意大利飯比較好食（+$28）甜品點了 🥞岩鹽焦糖焗鬆餅 配曲奇雪糕✨味道幾好，但鬆餅食到中間有舊好似膠飲管的物體😰💫 性價比低 質素麻麻💫 店員唔知係咪心情唔好 態度都麻麻

諗住睇戲之前食飯先，醒起附近嘅Bella Shine，行返過APM 都好近呢～叫完嘢食之後，店員都好快就烘好外脆內軟嘅蒜蓉包呢～今晚我哋兩個叫咗香草法國黃春雞配蜜糖芥末燒汁 ，食嘅時候用刀叉好容易就可以起到雞肉，雞肉有淡淡嘅香草味，肉質唔會好乾身，而且上面仲有木魚絲，一齊食嘅味道原來都好夾呀～仲有流心布袋芝士車厘茄意大利飯，車厘茄香甜多汁，加埋香濃嘅芝士味，好吸引呀～平時食意大利飯會太淋或者太硬，今晚呢個口感啱啱好，下之次可以再叫呀～最後仲有忌廉雪糕泡芙同芝士餅，今餐兩個人嘅份量都啱啱好，食飽飽出發去睇戲嚕～