Bella Shine (已結業)

平時都好少食工廈餐廳，呢間又出名又多人，晚市基本唔訂枱唔使食餐廳選擇多dinner set for 4 已經有好多野食是日餐湯係紫薯湯飲落唔會太甜，都夠濃郁餐飲有四杯，可以加錢叫特飲除咗普通咖啡或茶，薑啤都唔使另外俾錢呢個沙律就比較特別，個汁係腐乳汁初頭以為會好奇怪不過食落都唔會好咸，幾開胃上面仲有啲雲耳😹清酒煮蜆作為前菜就真係唔錯無乜沙以為好細兜，點知都幾多炒通心粉就麻麻地，茄乾同西蘭花，好似食齋咁😹但味道ok牛扒叫左7成，好食👍🏻肉質夠嫩黑豚肩無乜肥肉，食落唔會太油膩個汁都幾好食👍🏻甜品二選一，即叫即整賣相幾靚，食落都係同其他地方差唔多😹但勝在夠足料

觀塘工業大廈內的日式和風系西餐廳蕃茄濃湯, 牛面肉長通粉, 鮮果窩夫甜品每份套餐跟餐湯同牛油法包 今日係番茄濃湯,用新鮮番茄打成湯再隔渣,飲到啖啖番茄鮮香但完全無渣既~牛面肉番茄醬長通粉 都係用新鮮番茄做既醬汁去炒長通,每條長通都掛滿醬汁,濃濃番茄鮮香配以慢煮牛面肉 先慢煮再煎牛 肉質煮到非常軟淋 肉質嫩滑 肉汁仍然保留到甜品係抹茶雪糕配格仔窩夫淋上焦糖醬 口感脆加焦糖汁相當美味平均消費$300評分8/10觀塘巧明街114號迅達工業大廈2樓B室

之前曾經到訪過Bella Shine 一次，印象很好，今天來了觀塘工作，心思思又和同事來了吃午巿套餐。我們一時半左右到達，坐下後，便研究一下餐牌。我們點了水牛城辣汁雞排漢堡、香煎金目鱸配紅花忌廉汁，跟餐本身可跟湯或沙律，餐飲一杯，及甜品兩件。水牛城辣汁雞排漢堡：嘩！上枱時非常給睛，份量超多，主角雞排漢堡麵包非常鬆軟，雞扒肉質鮮嫩，有肉味，加埋配菜一起吃，十分滋味。香煎金目鱸配紅花忌廉汁：這個主菜很有驚喜，鱸魚柳煎得火候十足，吃時點埋紅花忌廉汁，入口更感到魚柳鮮味十足，廚師烹調得宜。薯條炸得外脆內軟，也值得一讚。餐湯：今天是椰菜花湯，口味清新，傳來陣陣菜香。跟湯還有蒜蓉包兩件，咬落卜卜脆，蒜蓉焗得非常惹味。沙律：沙律菜非常新鮮，配埋酸咪咪的沙律汁，夏天吃是最好不過的。甜品：有兩件，分別是泡夫及芝士蛋糕，份量細細的，配上餐茶慢慢嘆，果然令人有大滿足的感覺。

琴晚去觀塘apm行完街  好肚餓 就叫左個朋友開openrice睇下附近有咩好食咁佢就見到呢間係apm格離既bella shine既西餐廳好似幾多like我地又行完街好攰 見近近地 就廢事再行黎行去 膽粗粗咁入左呢間餐廳食! 一入到去果陣見到間餐廳都幾大 幾靚 環境唔錯 侍應都好有禮貌咁我地就叫左個軟殼蟹天婦羅蛋黃意粉 軟殼蟹份量都好夠 又夠熱夠脆 個意粉都係高質素非常好食另外我地仲叫左個什錦海鮮帶子茄汁意大利飯好足料 個飯好有味 係其他餐廳好難食到有呢個質素最後我地仲食左個甜品 埋單都係300蚊 平靚正

2人餐$598, 但有6折!最後埋單$418三文魚沙律, 都幾多三文魚牛排都幾出色, 好大塊, 有12安士, 肉質鬆軟好juicy蒜香白酒煮白蜆扁意粉就好一般, 蜆肉唔多. 係多三色椒

開始成為觀塘上班族嘅一份子後，我嘅美食地圖可以慢慢喺觀塘到擴展板圖啦=͟͟͞͞( ๑`･ω･´)今次喺Lunch Hour試咗呢間＼Bella Shine／因為唔係好肚餓所以叫咗Lunch menu 嘅＼越式醃菜配蜜椒汁豬扒法包三文治／跟餐湯或沙律同是日甜品主菜嚟到嘅時候真係嚇親咗我哋好！大！份！我以為得包加少少沙律菜估唔到仲有薯條🥺🤣法包好鬆軟豬扒好厚而且煎得啱啱好仲有肉汁添！加埋佢嘅蜜椒汁甜甜哋好夾好好味醃菜叫係畫龍點睛，醃菜中和到大大塊豬扒嘅膩，好食～薯條偏幼 炸得乾身香口都唔錯因為太飽我同朋友就冇食到嗰甜品，每人100頭埋單真係幾抵又好食！叫牛扒8oz嘅都係$145。呢間絕對係觀塘食晏嘅好選擇～

最近想食西餐但又唔想咁貴，見到依間價錢覺得幾吸引所以就去咗食～😋同朋友個點咗個軟殼蟹天婦羅鹹蛋黃扁意粉同埋燒紐西蘭羊西冷配蒜蓉汁🤤 因為我哋都驚唔夠食所以就加多$88將其中一個轉做套餐頭盤係日式醬燒赤蝦、芥末八爪魚沙律同埋鵝肝多士。值得一讚係日式醬燒赤蝦嘅肉質好爽口，配上特製醬汁真係好香口🤤 完全係食過返尋味🤤餐湯係黑松露忌廉蘑菇湯🫕 黑松露味道好突出但同時唔會遮到忌廉蘑菇嘅味道😍到咗正餐啦，果然冇令我失望，鹹蛋黃嘅味道做得好好，本身我減緊肥都擔心會好油膩，但係佢可以做到油而不膩！真心抵讚👍🏻👍🏻 雖然算係重口味嘅食物但配上意粉之後變得好香口，另外軟殼蟹好香脆，份量仲要好足夠😍😍 睇落啲意粉好似好多汁會好漏但千祈唔好咁諗，意粉汁係預備得啱啱好，食完之後成隻碟勁乾淨🤣羊肉方面，我本身係麻麻地羊肉嘅羶味，但食咗一舊之後真係喜出望外，冇羶味之餘亦都帶出到羊肉嘅香口，就算本身對羊肉冇興趣嘅人都值得一試🤤🤤飲品方面我哋叫咗杯士多啤梨奶昔，飲落去淡淡果肉，飲得出真係真材實料冇落香精🤤 要甜品就有兩個小泡芙同埋芝士蛋糕，小小地作為飯後甜品真係好開胃🤤值得一讚嘅係，雖然佢屬於工廠大廈但係裝修好靚，絕對

約咗舊同事lunch， 不約而同想食西餐，揀了Bella Shine， 在巧明街舊工廠區樓上。 裝修，氣氛唔錯。餐廳提供午市套餐， 大約有八款。午餐包括 蒜蓉包 +湯/沙律+dissert+ 飲品蒜蓉包焗得好香，外脆內軟。 朋友嘅餐湯係椰菜花打成， 味道唔錯。沙律菜爽脆，還有玉子粒， 甜甜地幾特別。煙火腿鮮蝦肉香草醬炒扁意粉上菜速度好快 ， 又夠熱 。香草醬入口清爽， 意粉軟硬度適中， 每條意粉都沾上香草醬汁， 朋友越吃越滋味。蒜香檸檬焗鮮三文魚露筍卷， 配刁草忌廉汁以焗香的三文魚卷著蘆筍， 賣相精美， 蘆筍是很清甜， 三文魚魚味濃郁， 蘸些刁草忌廉汁更添美味～ 配菜還有炸粗薯條， 沙律菜， 非常豐富！凍奶茶，凍檸茶味道正常， 都是打工仔必點提神 餐飲～甜品有忌廉泡芙和慕絲蛋糕，也是一份完滿嘅午餐。😋👍

每次一放lunch，觀塘都會逼爆人，今日12點上到餐廳，未有人，原來岩岩開門，不出半個鐘，餐廳已經坐滿人，大部分都係白領，想出來relax下點解我會話抵食呢？因為佢既set lunch由$82-142，包湯/沙律、蒜蓉包、主菜、飲品，甜品，好豐富，最後我同友人揀左c餐炙燒三文魚配明太子卡邦尼扁意粉，同埋D餐和風照燒汁雞扒配玉子燒定食樂園單好快就上咗餐湯、蒜蓉包同埋奶茶，餐湯係椰菜花忌廉湯，淡淡椰菜花味，夠熱，配上熱辣辣既蒜蓉包好好味，餐廳對待餐湯同餐包都係認真既。奶茶一般，茶味唔夠，亦唔太夠熱。意粉好creamy,質素好過出面好多收百幾蚊碟既cafe，三文魚量多，而且岩岩好熟，加上明太子好香，份量睇上去唔多，但食落好漏，兩個人share岩岩好！照燒雞扒配玉子燒有驚喜，雞扒好多肉汁，雞皮燒到香脆，切開4件方便食，玉子燒上有熟洋蔥，煮到好淋好香甜，玉子燒偏甜，吸收啲雞汁好味，飯係珍珠米，無咩特別甜品竟然係泡芙同埋芝士蛋糕，味道唔係有咩驚喜，但係就令人好滿足，值得一讚！賣單每人100蚊左右，好抵食，食左個full set餐，餐廳都無話限住用餐時間幾耐，食得輕鬆，環境都幾好，好坐，係放飯一個好

今日去觀塘食西餐廳Bella shine,位於地鐵站嗰間10分方便。中午有套餐選擇，包埋沙律或者湯，主菜飲品甜品，選擇都好多！先上了沙律，沙律 10分有誠意，分量有一大碗，配上了芝麻醬同吞拿魚茸。沙律菜10分新鮮，咬下去取卜卜的，很是開胃！叫咗個忌廉汁煎三文魚蘆筍卷配炸薯條，煙三文魚煎得香口，卷上了蘆筍，路上吸收了煙三文魚的汁，配上忌廉汁，好夾！薯條炸得香脆，加埋茄汁食，是很好吃的小吃。另外叫了個煙肉配鮮蝦肉扁意大利粉，蝦肉份量10分多，蝦肉爽口彈牙。扁意大利粉吸收了煙肉的油香，很是入味。仲用上了乾小紅茄，酸酸甜甜，岩晒悶熱的天氣。套餐甜點是小泡芙同埋忌廉朱古力蛋糕仔每樣2粒，同友人share 岩岩好呢。我鐘意佢份量剛好，不會太飽。最後來杯涷coffee, 慢慢吹水，好寫意的一餐。

觀塘食飯真係好多選擇，繼續同朋友周圍搵食〜呢間Bella Shine 想試好耐，但walk-in 好難有位，記得要book定枱❤︎ 叫咗兩個主菜，另加錢轉Set，有埋餐湯前菜飲品甜品〜紐西蘭羊西冷，雖然係羊，但一啲羊羶味都無❤︎肉質好嫩有肉汁，而且好容易切開，份量又多，塊羊架超厚，食完都飽咗法國黃春雞配蜜糖芥末汁❤︎好得意，上面放咗啲木魚片，好似食緊章魚燒咁〜鮮鮮鹹鹹，配個蜜糖芥末汁出奇地夾！成隻雞燒得剛剛好，肉唔會好老，點埋個醬，好開胃好好味。黑松露湯，味道好濃郁❤︎前菜拼盤，Wasabi章魚同隻大蝦好正，啖啖肉

朋友係觀塘返工，係附近相約食飯，搵搵下見到網上好多好評既呢間西餐廳，就諗住黎試試啦... 首先個環境係唔錯既，一入到去覺得好大，不過位置係工廠大廈，要行樓梯有個大黑板畫公仔，同埋寫set dinner 有discount2人6折4人8折黑板上既畫似係即日畫既～有6折就當然要嗌2人餐啦，有沙律，餐湯，餐包，餐飲，主菜，意粉，甜品睇落好豐富熱檸水沙律幾吸引，亦幾足料，不過有一啖煙三文魚好似有少少腥 .. ⭐️⭐️⭐️主菜我地簡左豬扒，一心諗住係厚身既豬扒 .. 點知勁薄，茶記豬扒咁 .. 大快活扒餐既水平 .. 唔多掂 .. 薯條係m記既薯條 .. 但一樣唔好食 .. 似係翻炸翻叮 …⭐️⭐️意粉都okay, 有好多蜆，味道都ok既⭐️⭐️⭐️總結就係，overall食物水準算一般，只係個價錢唔係好值 .. 就算6折左，加一後都要$400咁上下，個主菜咁既質素，加上餐湯偏酸偏淡，唔係好值回票價既感覺 ...不過可能牛扒會正路d既建議大家簡牛扒

今日黎開觀塘區，聽聞好多樓上美食鋪，就順便同男朋友食埋個晚飯 搵到呢間Bella Shine, 網上已經見到佢有個二人套餐好抵食餐廳地方好大，環境闊落，座位都好多，我地黎到即時就可以入座簡約既擺設，都好match成個裝修風格廚房係半開放式，可以睇到煮野食既過程，衛生程度有保證。另外有一大塊黑板，寫住二人餐有6折優惠我地就直接簡左食二人餐$598 六折優惠，有一個沙律，餐湯，主菜，意粉，飲品同甜品main course B 西班牙黑毛豚鋤扒配黑啤燒汁Pasta3)蒜香白酒煮白蜆扁意粉南瓜湯連蒜蓉包，雖然味道稍淡，但整體黎講算唔錯煙三文魚紅菜頭沙律配胡麻汁沙律，有個靚靚既三文魚花，無論打卡定味道都沙律菜幾新鮮，有紅菜頭，粟米，蕃茄仔等等配料，有驚喜，份量亦多蒜香白酒煮白蜆扁意粉意粉份量唔算多，但蜆就算偏多，意粉同蜆既比例差唔多有一比一一上菜就飄來濃濃既蒜香，蜆肉亦新鮮建議店家可以增加意粉既份量西班牙黑毛豚鋤扒配黑啤燒汁黑啤燒汁好入味，食到真係有啤酒味幾特別黑毛豚鋤扒比想像中薄，不過份量好多，起碼有4大塊，肉質亦唔錯 軟硬適中豬扒加上黑啤燒汁一齊食，感覺上好似一邊飲住啤酒一邊鋸扒咁，風味十足

今次嚟到觀塘食西餐，晚市時段，全間餐廳都滿坐，服務員都好快咁安排左位置，倒水，服務周到👍🏻👍🏻Menu 其實有好多選擇，仲有牛扒放題，當然我都係揀個set dinner 就算🤣🤣⭐️日式醬燒赤蝦，日本芥末八爪魚沙律，鵝肝多士⭐️赤蝦燒到半熟，仲好新鮮味，赤蝦仲有好多膏Tim ☺️☺️鵝肝唔係煎到燶晒嗰隻，而係清清淡淡，令到鵝肝會更出味道,一向夾埋多士食，簡直絕配❤️❤️⭐️黑松露忌廉蘑菇湯⭐️黑松露加湯，好香噴噴🤣⭐️香煎加拿大豬鞍，配蜜糖芥茉燒汁⭐️$278豬鞍超Juicy,勁淋👍🏻👍🏻好好味😋⭐️石燒美國頂級肉眼配櫻花蝦炒飯⭐️$258自己可以控制牛肉既成數，一般我自己就7成左右，肉質鮮嫩，配埋個櫻花蝦炒飯，無得頂👍🏻👍🏻碗炒飯一粒粒，功夫勁🤣🤣份量好足夠，大食男人一定夠食，夠飽

工作關係又到觀塘, 選擇了一間就近地鐵站的西餐簡單地食個午餐.餐廳的燈光比較暗的, 加上唔少特色佈置, 充滿情調, 幾適合傾下密計, chill下. 整體都乾淨整潔.前菜的沙律份量都唔少, 伴有和風芝麻醬, 沙律菜加上粒粒玉子燒增加了口感層次, 不錯.烤焗啤酒味春雞配脆炸洋蔥圈半隻春雞唔會太細隻, 烤焗得剛好, 皮脆肉嫩, 加上孜然, 香草等調味粉, 更有啤酒麥香, 不沾醬已經夠味.洋蔥圈炸得香脆, 內則充滿洋蔥既焦甜, 令人想食更多燒龍葵菇牛油果配黑松露炒蛋農夫包三文治漢堡中的炒蛋, 炒得嫩滑, 濃濃的黑松露味令整身更美味, 牛油果及龍葵菇亦配搭得十分好隨套餐送上甜品: 泡芙及朱古力蛋糕泡芙凍凍地, 入面的忌廉如雪糕般. 朱古力蛋糕味道都唔錯. 總結: 整體味道及份量都剛好, 裝潢亦令人想多坐一回, 下次有機會試試晚餐💛💛💛