Bella Shine (已結業)

服務質素欠佳，人客超多但服務員少，無耐性招呼，環境擠迫，嘈吵得很，湯普通，沙律汁少，主打牛排也韌。無一樣食品令人回味，沒有質素可言，難以置信其他好評何來，絕對一次交易！

話說我係牛魔王黎，聽到任食牛扒就去試，餐廳環境暗暗地，仲好岩同朋友或者情人黎食。 香草牛油焗波士頓龍蝦個龍蝦d肉好彈，配上淡淡香草汁， 第二道係鵝肝凍批多士個鵝肝就細咗小小，不過食依個餐鵝肝也不是重點 五成熟的美國安格斯肉眼，肉味好夠同比想像中大塊，原先以為任食會好細塊。最後我叫咗三輪，都係咁大塊。 最後是日甜品係藍莓cheesecake。飽到上心口 另外，餐廳服務好好，侍應收碟同給水的速度好快同好好禮貌。 總括而言，HKD 268 位安格斯牛扒任食，一定唔可以同米芝蓮比，但依個價錢，餐廳環境、食品質素同服務都合格。

今日約咗個朋友食lunch，朋友喺呢頭返工，所以就帶咗我嚟呢間餐廳試試下晝會有set lunch供應，價錢貴，包括左餐湯或者沙律、主菜、飲品同埋甜品咁我同朋友分別每人叫咗一個餐，今日嘅餐湯係番茄湯，酸酸甜甜嘅開胃沙律菜都幾新鮮朋友就叫咗個西班牙辣肉腸忌廉汁鮮蜆肉扁意粉但原隻蜆連殼， 都幾鮮甜，醬汁Creamy辣肉腸味道香濃我自己就叫咗個燒烤豚肉扒配蜜糖芥末燒汁個豚肉扒都幾厚切，估唔到仲有兩大塊咁多，仲會配埋薯條最後就係想甜品，會有朱古力蛋糕同埋泡芙呢個價錢包括咁多嘢食，性價比都幾高

朋友生日,簡左呢間黃店慶祝. 係觀塘工業區地點好方便就腳 地鐵站出去五分鍾就到了本身都仲糾結緊到底食set dinner for 2定係牛扒豬扒任食餐其實都唔差得遠,就簡左後者,可以任食沙律菜.呢個餐係12分鍾無限任食USA安格斯肉眼牛扒 & 西班牙黑豚肩扒另每人一份香草牛油焗波士頓龍蝦半隻鵝肝凍批多士餐湯薯條無限追加額外可追加$78任食生蠔 & $48麥啤$238星期1-4$258星期56日坐低無耐先黎個餐湯先,雖然佢無講係咩湯,但好似係青豆湯.唔差,但我唔太好忌廉湯的. 朋友就喝光光~~~蒜蓉包好香 但不夠脆以下呢份係每人一份既沙律菜好好好新鮮 仲可以REFILL鵝肝凍批 呢個好好食呀 鵝肝凍有小小酒味 配上脆卜卜蒜包 好正龍蝦係細細隻 焗得好香呢個餐係有位員工好有誠意走黎SELL我地既但我好鍾意食沙律菜 所以昏左呢個 仲要REFILL左幾次!!!哈哈左邊係豬扒 佢係用薄豬 有小小失望 以為係厚豬不過調味幾好 唔會好咸亦都唔會那到塊肉無晒肉既質感右邊係牛扒 真係好大塊 整左5成 不過肉質唔夠淋 但係好好重牛味我唔鍾意佢將咁新鮮脆卜卜薯條墊係一塊岩岩煎起既0扒上面呀 會索晒d油以下兩

今天跟同事想吃西餐，就早點12:00去了Bella shine，如果1:00一定沒有位。今天餐牌除了西餐亦有fusion 日本菜，看下去覺得菁芥末牛柳粒野菌意大利飯 $82及西班牙辣肉腸忌廉汁鮮蜆肉扁意粉$88 十分吸引，就叫了。前菜有蒜蓉包，非常香蒜蓉味，而且香脆。沙律有不同的菜，如火煎菜，紫椰菜、青瓜粒、車厘茄、車粟米等，今日加入了波羅，非常表清新。主菜菁芥末牛柳粒野菌意大利飯非常有驚喜，意大利本身充滿了忌廉汁，同時有粒粒洋蔥，而牛柳粒以菁芥末掉味，非常有新鮮感，牛柳粒煮得剛好，整體這道菜是十分滿意的。另外西班牙辣肉腸忌廉汁鮮蜆肉扁意粉我就十分喜歡忌廉味，扁意粉有咬口，淡黃色，而且掛汁。西班牙辣肉腸比較salty，但配合意粉別就剛好。鮮蜆肉肉眼看都有5-6粒，沒有冰鮮雪味，算是不錯。

收工後專登去觀塘工廈搵好西食😋 方便apm通過對面即到👍🏻 好耐無食過2人👩‍❤️‍👨套餐，這裡有喎😌 sweet sweet 「煙三文魚紅菜頭配胡麻醬」少有紅菜頭沙律配上新鮮沙律菜🥰「紫薯湯電蒜茸多士」外貌相當可疑😲 但出奇地好味😂🤣「澳洲黑安格斯肉眼牛扒配牛肝菌汁」7成熟😋外脆內軟😍 配上粗薯my 飛佛♥️♥️「香辣蒜片茄乾西蘭花炒長通粉」香蒜吸引香口👍🏻👍🏻yummy「甜品-泡芙/提子乾芝士餅」備註：🔺套餐十分抵食👍🏻👍🏻🔺另有任食牛扒套餐，好吸引😋決定下次來試下🤣😂🤣

巧明街有好多工廈都有好的美食, 去了Bella Shine, 餐廳地方都大, 座位充足, 叫了兩份午餐, 一份香煎盲鰽配紅花忌廉汁配薯條套$98 , 另一份朋友想食素, 叫了香辣野菌西蘭花燴茄醬尖通粉$82。 頭盤叫了一份湯, 一份沙律, 餐湯今日係粟米忌廉湯, 食得出有粟米蓉, 不是罐頭湯喎, 食得出用栗米打成, 味道特別香, 食到栗米肉, 配蒜蓉包沾上湯一齊食, 蒜蓉包夠香脆，陣陣蒜蓉香。沙律菜有火箭菜和清甜橙肉，好開胃，主菜先來個香煎盲鰽魚, 煎得好香脆, 唔會好乾, 肉質鮮甜,沾上紅花忌廉汁, 味道清淡, 唔會搶過魚鮮味, 又可令口感更易入口, 配菜有粗薯條, 份量都多, 旁邊還有炒過的青豆, 有啲麻油香味。另一主菜, 以素菜為主, 有三色彩椒, 鮮菇, 用了濃郁的蕃茄醬炒, 加了辣粉調味, 口感都頗辣, 但非常惹味, 越辣越想食。最後還有甜品，有兩款添，一件係檸檬清香蛋糕，另一件係忌廉泡芙，好味喎。

今日在觀塘區有點事所以約朋友在一間餐廳傾談一下，於是在附近找了一間比較安靜的西餐廳，位置也相當特別在工廠設置的西餐廳，真的配合最近潮流喜的工業風，我叫了幾樣菜式沙律汁酸甜度合適在夏天，餐湯味道正常水準不過不失， 蒜蓉包 味道濃沃淡淡牛油香味，意粉分量較少麵質偏硬，但蜆味十足，燒春雞 入味juicy, 外皮鬆脆肉質嫩滑而不老， 但黑椒醬汁偏辣牛扒份量足大大件，生熟成數剛好， 肝菌汁味道偏向清淡，適合女士們可借餐廳沒有粗鹽提供只有幼鹽， 感覺上不夠完美而薯條配菜味道不錯外層非常之咁鬆脆而且夠粗大真的好有滿足感。

第一次嚟 因為見openrice 寫2人餐半價 🤣🤣🤣 比個post吸引左去食地點方便就腳即日約左位朋友試試2人餐環境好好又闊落 😊坐得舒適$598 半價😌 前菜揀左salad of the day 係煙燻三文魚雜菜沙拉三文魚total 4片每人都分到2片👍如果沙律多d黑醋就好😆餐湯好似係忌廉碎洋蔥西蘭花😂（唔太記得）味道不錯👌出色係烤蒜蓉包 熱辣辣👍🏻Mentaiko carbonara 意粉熟度剛剛好蟹籽同多mix 得好好十分cream 牛排揀左5成熟有點過熟 但肉汁流出 正😌 推薦特飲 玫瑰荔枝 朋友話呃like一流 又好飲

平時想夜晚食呢間一般都建議訂位，因為好多時walk in 一係要等好耐，一係就無位。首先我覺得佢地有樣野好窩心就係會送消毒洗手液比客人，單係呢個舉動就已經好貼心。其次係啲staff真係好helpful 而且勁Nice👍👍佢既野食質素都好高，牛扒煎到岩岩好，唔會好生又唔會好熟，而豬扒亦都好鬆軟，佢個蟹沙律真係好好味個汁好正，龍蝦亦都好新鮮，超彈牙👍😆最後個老細仲送左個甜味比我地食😮真係無預計過😂😂如果拍拖唔知去邊食，我建議可以試下呢間😁

多年前食過再回來，就近APM後面位置既BELLA SHINE工廈餐廳，入面都坐位都多而且環境都唔錯，第一眼都覺得夠乾淨。每個set 有主菜自選一款主菜點選沙律或湯跟一杯飲品價錢都不貴都可以容納多人，地方都乾淨沙律菜夠新鮮，其實都幾清新架蒜蓉包真係脆到咬落去係有聲，熱熱來到聞到好香蒜蓉味。香煎龍脷柳來到好熱呀同好快就送到真係好香好脆口，金黃色剛剛好炸到有的骨入口都係脆卜卜原條上小心有骨，外脆內軟嘅魚肉配埋薯件真係好味道香草法國黃春雞春雞燒得好香剛剛好，做到最表面既皮脆口春雞肉質嫩滑唔會好乾身配有薯條夠熱而又外脆內軟個底有青豆伴一起員工服務也不錯很有禮

今日要見一個好耐冇見嘅朋友仔於是就去咗我嘅地頭觀塘搵好嘢食我朋友話呢一間叫做Bella shine 嘅餐廳性價比好高想試吓咁就同佢上嚟啦餐廳係位於港貿中心對面工業大廈2樓地方非常就腳好近地鐵站出電梯門口左邊就已經見到餐廳嘅招牌下晝7:00餐廳都坐夠左七八成今日我同朋友就叫咗個二人晚餐當然如果你唔想食夜晚餐嘅話佢都有其他嘅套餐同埋散叫嘅套餐會先上咗一下蒜蓉包同埋是日餐湯今日係南瓜湯，飲得出係將新鮮嘅南瓜打成茸，非常之鮮甜配上蒜蓉包簡直是一流依頭盤就有呢一個煙三文魚沙律配上麻醬煙三文魚嘅份量都多配上一大盤沙律菜感覺好清新主菜方面我哋叫咗一個澳洲安格斯肉眼牛扒配牛肝菌汁我哋叫嘅係五成熟牛味都算香濃唔算好乾肉眼扒做非常之厚身另有配上薯條同埋沙律菜另外我哋叫咗一份明太子煙肉忌廉汁扁意粉呢個意粉做得相當出色忌廉味好creamy配埋明太子 食落去口感好豐富真係唔錯最後仲有一個甜品做結尾佢就係窩夫配雪糕我哋今次揀咗既係係Oreo雪糕佢嘅窩夫做到外脆內軟熱辣辣嘅窩夫配上凍冰冰嘅雪糕簡直係冰火五重奏另外呢個套餐仲配上兩杯飲品而家仲做緊半價嘅優惠平均只需要百幾蚊就可以食到呢一個咁豐富二人餐真係好抵！

之前返工食過呢度嘅午餐，唔錯，今次同朋友食dinner都決定食呢間，咁啱碰上有openrice 二人餐半價discount 正食物水準正常發揮，餐湯、餐包、煙三文魚沙律唔失禮，係個蕃茄湯偏酸少少，我冇咁中意。主菜就有一扒一意粉選擇，性價比幾好。叫左蒜香白酒白蜆扁意粉，唔夠flavour，出唔至蒜同白酒香氣，味道略嫌寡淡，份量又少，每人分得一兩啖。(所以我都忘記咗影相)羊西冷就份量合理好多，肉汁juicy，濃羊味，我like 嘅。不過上到枱已經唔夠熱，煎得亦悄欠火候，出唔到燒烤個種caramelised flavour。 不過我本身係對西餐好高要求嘅，平心而論，以呢價，三百幾蚊兩個人，真係抵食甜品拼盤不予置評，都係攞吓氣氛姐，唔係餐廳主攻。

朋友約食午飯，依家午飯時間周圍都十分旺場，唔少工厦餐廳質素都幾好，今日揀咗Bella Shine😄餐廳位置方便，觀塘Apm出口行過馬路就到，裝修工業風，低調舒適，餐廳係Open Kitchen,可以睇到廚師烹調食物，有八款午餐選擇，包餐湯，主菜，甜品同飲品，一時前離座或二時後入座，仲有八五折😄煎原條龍脷魚配檸檬牛油汁原條龍脷魚估唔到咁大條😂,原條煎香,金黄乾身，肉質嫩滑無骨，調味唔重，蘸埋檸檬牛油汁，魚味更突出😋美式燒春雞配燒汁燒春雞半隻，燒到脆皮，上面搽咗少少燒烤醬，另外仲有黑椒汁可以蘸，春雞有肉汁，唔鞋口😋，配菜BB筍同肉豆都好好食👍，薯條就淋咗少少喇🧏‍♀️午餐餐湯係蕃茄湯，蕃茄味濃，唔太稠，有粒粒蕃茄粒，配香脆蒜茸包，而甜品係小蛋糕同泡芙😋

服務態度差1) order 牛扒已經講左要 medium rare, 伺應奇怪反問要 3, 5, 7 成幾多成熟2) 語氣冇禮貌, 基本餐廳唔會咁講野食物味道同茶餐廳差唔多, 不值一試