Bella Shine (已結業)

食肉獸既我又搵到好野… 就係超過份既。💥牛扒放題 $268💥放題包龍蝦🦞一份、甜品及飲品，但牛扒、豬扒、湯、薯條都係無限追加👻👻 問你死未，老娘今日我食咗一份龍蝦🦞2件牛扒🥩一件豬扒再加兩碗湯🥣再一份甜品🍮 回哂本啦🤣🤣牛扒軟淋多汁，好重羅勒香草🌿既味道，但因為薄薄的，所以平時食開7成既 要叫5成會較好🤪豬扒唔會死實，味道都唔錯，今日既湯係青豆湯，出奇咁好飲，佢完全係無青草味，仲係即叫即打既湯，非常有誠意👍🏻👍🏻龍蝦配有鵝肝多士，就算無得追加都好滿意啦😎

昨晚同bestie去左觀塘開拓美食地圖～試新餐廳🥰見到壁報板寫住原本$598二人餐限時40%off，包肉類主食、意粉、前菜、甜品、飲品，當然要試下啦🥳第一次飲紫薯湯，個湯好濃稠，用紫薯煲嘅餐湯都幾特別😛 特別鍾意佢塊烘到脆卜卜蒜蓉包🍞初初以為只會係細細碟既前菜，估唔到會係一大～碟既沙律，好足料🥗而個安格斯肉眼扒我地order左7成熟，完全唔會太韌或者咬唔開，但鐘意食生啲既就可以跟侍應哥哥推薦叫5成熟～雖然聽落明太子煙肉忌廉汁扁意粉好普通，但簡單野先最試到一間餐廳既功力嘛！🍝 呢碟意粉絕對要襯熱食，襯佢仲係熱個陣就撈均勻啲醬同意粉🤤跟餐甜品：我地食完仲傾左超耐計，侍應哥哥期間都不斷幫我地添水，最後竟然請我地食左個窩夫🧇 超驚喜🥰🧒🏻🧒🏻

心血來潮想食西餐，記得之前同同事去過工廠區嘅西餐廳，食過真係可以返尋味，於是今次帶埋阿媽一齊再去過。 間餐廳位於工廠大廈入面，一出𨋢口就發覺得係世外桃源，就好似去咗一間高級餐廳咁。 我哋今日嗌咗個二人晚餐，首先頭盤有紫薯湯，師傅好有心思，連紫薯湯都幫我哋拉埋花，紫薯湯好香濃，湯底又滑，配埋蒜蓉包做點綴。 另外呢頭盤就係芝麻醬沙律菜配煙三文魚，用返一個沙律醒醒為先。意粉方面，因為三揀一，所以我哋揀咗明太子煙肉忌廉扁意粉，呢個簡直好有驚喜，佢個忌廉汁煮得十分之好，配埋明太子嘅香，真係想將個意粉加底。 另一個主食方面，我哋就嗌咗西冷牛扒，五成熟，師傅烹調得非常之到位，外脆內嫩，而且個牛嘅質素係十分之高，最後我哋仲加咗少少錢改個甜品做窩夫，暖粒粒嘅窩夫，配埋上面球雪糕，係一個好好嘅甜品做總結。

叫了一個巴馬火腿，一個三文魚帆立貝餐，一個牛朳餐，除了餐湯外，其他的都幾難食。冇冷氣，似焗桑拿多D，係街邊食野都冇咁辛苦。見D員工都係度自行潑涼，真慘。$750食D咁既野，原全唔值。不會再去

呢度坐得好，食物選擇多，味道又唔錯！午餐包湯或沙律，仲有飲品及甜品。前菜有蒜蓉包，香脆夠熱，蒜蓉味好香。揀咗一個湯一個沙律🥗是日係紫薯湯、香濃紫薯味，好好飲！沙律好大份，有車厘茄、沙律菜好新鮮！每人揀咗一個午餐▶️日式照燒雞肉配椰菜絲沙律比得包$92好大份，照燒雞肉好夠味，肉質又夠滑！比得包入面有椰菜絲、蕃茄、青瓜，好fresh!另外仲有脆條, yummy!▶️紐西蘭羊西冷配芥末籽燒汁$108賣相好靚，羊扒煎到粉粉地好靚！肉質夠林，味道唔錯！仲配有香脆薯條🍟及沙律菜！甜品仲每人有兩件，Oreo 乳酪雪糕及泡夫！午餐抵食！

疫情之下難以出埠旅遊，連去隔離嘅澳門都麻煩！而一講起澳門，我就會諗起魚翅同燒乳豬.係官塘返工嘅小師妹報料，話巧明街有間樓上餐廳有西班牙燒乳豬供應，連除問佢正唔正，佢話未試過，因為最少落單半隻，怕食唔哂.於是我做定打包外賣嘅心理準備，去唔成澳門食燒乳豬，唯有去去官塘會一會哩隻西班牙燒乳豬.望望本 memu 想點嘅菜式不少，最後除咗半隻燒乳豬之外，再點咗軟殼蟹天婦羅咸蛋黃扁意粉，黑菘露磨菇湯.黑菘露磨菇湯濃郁之餘黑菘露味較重.軟殼蟹天婦羅咸蛋黃扁意粉用上較幼身嘅意粉，夾自己心水口味，因我唔太欣賞粗身同較闊嘅意粉，一入口咸蛋黃味慢慢滲出，之後滿口咸蛋黃味，而軟殼蟹外脆內軟，滿意.原以為燒乳豬要等好耐，但只係等大約 15 分鐘已經上枱，比心目中預期快. 相比起澳門黑沙灣法蘭度餐廳嘅燒乳豬，最起碼眼前嘅乳豬係熱，因為食過幾次澳門燒乳豬都係凍.皮薄，超脆！脆皮下嘅豬肉鬆軟，入口即溶，雖然餐廳提供黑椒汁，但即使唔點茨汁亦好好味，因為乳豬本身已經醃製過.我經常講，依家D燒味，經常出現"假滿足"情況，即係望上去好似份量足，但食落根本無咩肉，得D皮同骨，但眼前嘅乳豬，豬肉份量不少，唔係只得皮同骨，質素甚至

手快快飲完碗湯唔記得影相📸️ 惟有無相咁形容😅 呢個係 $248 +10% service charge 嘅120分鐘任食餐 大部分野食都可以encore，除咗小龍蝦🦞是日餐湯係紫薯湯，一上枱未開始飲已經聞到濃郁嘅紫薯味，成碗深紫色，飲落仲有啖啖紫薯蓉，都稱得上色香味俱全👍🏻 餐湯配埋蒜蓉包，脆脆地唔錯跟住落嚟係小龍蝦配鵝肝沙律🥗，小龍蝦肉質爽口彈牙，但鵝肝就唔算飽滿，可以煎多陣，迫埋啲油脂出嚟會更好主菜可以揀牛/豬，我揀咗牛扒配薯條，7成熟。再encore咗一塊豬扒，食到好飽。甜品應該每日唔同，今日係cheesecake 加一口泡芙。細細份一啖食落口，唔會漏😋大食嘅你真係唔可以錯過，唔夠飽可以任食，或者試下啲串燒都得🤣🤣

考慮咗好耐到底食2人餐定 $248 任食餐，最後大家都想食牛，就決定叫任食🐮🐷🍟白湯紅湯都係西餐常客，紫湯真係第一次飲🤣 都算有驚喜 飲得出好足紫薯味，有啲未溶曬，變咗紫薯蓉，口感level up👍🏻👍🏻 但略嫌只有紫色，加小小綠色點綴會更加吸引😛😝龍蝦配鵝肝多士係惟一無得任食，一人一份，不過我唔食鵝肝，所以都無咩所謂。龍蝦啲肉都爽口，唔錯牛扒第一次叫咗5成熟，但上枱比較似7成，同相象有偏差🤫 但第二次同職員溝通後，佢建議我地叫3成熟，上枱感覺好好多😬😬 小建議，大家想食5成可以叫3成熟😜 甜品以精美做賣點，一啖食落肚，食多都唔覺肥😎 以呢個傾位任食，其實都算抵🤩🤩

好耐之前食過bella shine, 最近再同同事食Team lunch, 食完非常失望....首先去到餐廳愈坐愈熱 問侍應話原來有幾部冷氣壞左😓 出面30幾度行到黎仲要弱冷氣..間餐廳仲要半open kitchen 啲熱氣攻晒出黎 完全無食慾.... 前菜個salad同蒜蓉包都正常 但主菜我同另一個同事叫左個豬肩肉伴薯容 黎到兩個份量完全唔同 一個好多配菜 一個近乎無😓佢分量唔多 但超多汁 成個dish都係淡味 薯蓉更加無味...... 最後因為我起openrice book枱話有85折 到埋單竟然話要1點前或者2點後埋單先有折 book果陣完全無講明囉... 一次好唔愉快嘅經驗 唔會再幫襯 亦唔想再有人比人呃😡

餐廳：Bella Shine (觀塘)地址：觀塘巧明街114號迅達工業大廈2樓B室適逢節日嚟到呢間觀塘工廈西餐黃店食lunch，本身上網見佢哋12點開門，但12點正去到果陣佢哋都仲未開，所以計計埋埋有十幾個食客喺工廈大堂到等咗十分鐘😖食之前喺Openrice訂咗位lunch time有8折，本身一心諗住去食lunch set，上IG同埋FB又無見佢哋節日有特別安排，點知入咗座先知佢哋全日只做一個set🤔，咁都無計啦，都入咗座，又預計間間餐廳都會爆棚，所以只好照食喇🤷🏻‍♂️呢個set原價$598，8折就照有，另外照計原價加一，所以埋單兩個人共$538，lunch time嚟講價錢睇落就有啲貴，因為本身都喺諗住只喺食佢哋$78-$142一個嘅lunch set，不過睇吓啲食物質素點先✝️煙三文魚紅菜頭沙律先嚟嘅喺沙律🥗，一兜兩個人share唔算大兜，另外加咗胡麻汁，感覺落得有啲重手，食到底有啲鹹😵，三文魚算幾新鮮，不過只喺得三小片✝️青豆忌廉湯以為節日嘅菜式會好啲，點知見到餐湯已經得啖笑😂，好彩本身對青豆都無話特別反感，但見到隔離枱就飲都無飲過🙈✝️澳洲黑安格斯肉眼牛扒配牛肝菌汁成餐飯唯一覺得唔

同朋友去觀塘區食飯，知道工廠大廈很多特式餐廳，見到這間bella shine很多人，所以就決定入去嘗嘗。環境昏暗，氣氛不錯，服務員非常有禮地接待我們入座，並介紹我們可以選2人餐，有六折優惠，好抵食，我們二話不說就決定要2人餐。首先先來餐湯和沙律南瓜湯配蒜容包南瓜味濃郁，麵包是法國麵包，蒜蓉味香，這配搭一流。煙三文魚紅菜頭沙律配胡麻汁煙三文魚煙燻味香，唔乾，嫩滑，紅菜頭很鮮甜，沙律菜新鮮，再配胡麻汁，很清新，然後就到主菜。澳洲安格斯肉眼牛扒配牛肝菌汁我們選了5成熟，剛好適中，牛十分有牛味，而醬汁亦提升了牛扒的味道，口腔滿滿的肉汁及肉味，人生一大享受，再配埋薯條，很滿足。蒜香白酒煮白蜆扁意粉最愛蒜香味，蜆肉新鮮無沙，配埋意粉，很鮮甜，少許辣味，令我們已經飽了九成也把這意粉吃光光。最後就是餐飲跟甜品甜品拼盤今日甜品拼盤有忌廉泡芙及藍莓芝士蛋糕，芝士蛋糕有濃濃的芝士味，加上藍莓酸酸甜甜，再黎一個泡芙，滿足了女生喜愛吃甜品的慾望。玫瑰荔枝特飲有玫瑰花香加荔枝角味，很清新很特別。OREO奶昔奶味濃，勁蛋Oreo，一點也不馬虎，夏日首選整餐都很滿意，會要黎🤤

這間餐廳食評一向都好，今晚跟老公來這裡一起享用晚餐。頭盤已經很有驚喜！「日式醬燒赤蝦」雖然是熱食，但口感仍然保留了一點刺身吃法的那種鮮味，感覺很特別！「黑松露忌廉蘑菇湯」也相當濃郁！主菜我點了「流心布袋芝士車厘茄意大利飯」，帶點酸味的醬汁恰好中和了芝士很膩的感覺，同時又很巧妙地保留了味道中不同的層次和口感。老公點了「石燒肉眼粒」，除了份量十足之外，牛肉放在石板上燒可以自己控制肉的生熟。而且肉的質素非常不錯，就算不及甚麼頂級和牛那般，也足可算是入口即溶且肉味十足了。配上淡淡油香的「櫻花蝦炒飯」，的確令人整個口腔都是食物留下的香氣！最後以「雪糕窩夫」為甜品作結，我倆都吃到捧著肚子離開餐廳。

過開觀塘做嘢就去探吓啱啱轉咗新工嘅朋友😉梗係一齊食個lunch至捨得走啦！！佢帶咗我去公司附近工廈一間西餐廳😀面積唔算細都坐得幾舒服！我哋每人點咗一個set lunch😃😃朋友要咗✨水牛城辣汁雞扒竹炭漢堡 $92✨配 可樂！跟咗餐湯係好creamy嘅蕃茄濃湯！沾附上嘅蒜蓉包啱啱好！黑色造型嘅竹炭包包好趣緻😛配上水牛城辣汁嘅大大塊雞扒好鬼惹味！加上脆脆薯條＆沙律菜！食完都咪以為會唔夠飽！！而Be就要咗✨美式烤豬仔髀配燒烤醬 $96✨配 凍奶茶！跟餐要咗daily salad！同樣伴碟有薯條＋沙律菜！一碟有成三件即烤豬仔髀🐽肉質有嚼勁！塗滿咗BBQ sauce夠哂風味！最後仲有唔知係好nice嘅店員送 定 跟餐嘅甜品😍😍係精緻嘅小件檸檬芝士蛋糕＋忌廉小泡芙！完滿咗一個午餐💛

又去觀塘工廈覓食，今次搵到呢間Bella Shine，係巧明街入面！午市有set lunch食，價錢合理，包埋餐湯或沙律、餐飲、同埋甜品是日餐湯: 椰菜花忌廉湯味道濃郁，飲到好濃椰菜花味，但可惜比較稀，口感一般，但用蒜蓉包點嚟食都唔錯嘅美式烤豬仔髀配燒烤醬主菜份量都唔少，烤豬仔髀有4支，肉質好嫩，可以輕易切開食，用手拎住食亦得！燒烤醬帶點甜味，更香口，啖啖肉非常正！伴碟仲有薯條同沙律，薯條新鮮炸起，香脆可口！仲有埋沙律食，所以係一定夠飽甜品有兩款，每款一件檸檬芝士蛋糕🍰: 酸度適中，蛋糕幾有口感，唔會好腍忌廉泡芙: 外皮唔脆，但味道唔錯，可以一啖食哂1點前埋單 / 2點後入座仲有85折添，認真抵食！

工業風裝修，幾型格，我中意呢個裝修。喺半開放式廚房，見到廚房都幾整齊。今晚人唔多，好似包場咁，所以啲嘢食都好快上枱。今晚點咗好幾個串燒試吓：最愛嘅大啡菇，絕對係即叫即整，熱辣辣的。輕輕加海鹽調味，已經好好味。蕃茄包豬腩肉 - 成日都話蔬菜配肉類係好夾，車厘茄清甜多汁，夾入豬腩肉一齊食，唔會覺得太油膩。再來有雞腎，其實略嫌淡咗少少，好似冇加調味咁，但都燒得好香。醬燒雞軟骨，基本上必食，一貫嘅惹味。最後追加個鹽燒牛舌，又係食串燒必點嘅。有4大片，調味啱啱好，燒得惹味。食到最後有點膩了，如果可以厚切更正！桂花烏龍茶