반찬앤쿡 Banchan and Cook (東薈城名店倉)

營業中

休息中

🍴ᴍᴀɪɴ·招牌牛肉汁蛋包飯 $88﹟欣賞佢星期日都仲有lunch set既選擇🥳個餐會包一杯咖啡或者水果茶👍一上碟, 店員會好識做地問你洗唔洗影張相, 之後佢就會拎把刀仔🔪出黎係蛋中間輕輕界一下, 之後就會望住未完全凝固既蛋解放出黎🤤個主角蛋白飯都幾高質, d蛋真係滑得黎都有蛋香, 蛋下面既炒飯都好足料, 有紅蘿蔔粒, 翠肉瓜粒同埋d牛肉粒粒, 一乾一濕撈埋一齊再加埋個汁, 味道不錯🙊旁邊仲有幾舊牛肉, 都夠腍同入味🥰🍴ᴍᴀɪɴ·鰻魚蛋包飯 $112﹟鰻魚對比起牛肉飯確實係有d比下去, 條鰻魚個底部既質感有d似橡筋🙈有d難分開佢做細細件, 太韌啦😂同埋皮既部分多過肉...所以食落麻麻地🤔個蛋包飯既發揮都係保持水準, 而鰻魚飯係配茄汁, 但如果佢pat牛油果🥑可以美觀少少會更加好😂

東涌難得有韓國菜見到餐牌吸引立即入去試下Dinner Set 餐牌(附送咖啡/水果冰茶)如果想飲其他嘢可以加錢本人選擇左水果冰茶，今日系柚子水果茶安格斯牛扒蛋包飯✅賣相相當吸引，香氣撲鼻，牛扒份量都算多✅見到牛扒好紅以為好生，原來唔系，食落岩岩好，嫩口，黑椒味香✅平時食開嘅蛋包飯隻蛋都系全熟的，呢間餐廳的蛋包飯系流心，一切開半熟蛋就流出來，店員仲好窩心，系幫忙切開前會先詢問食客洗唔洗先影相👍👍✅雞蛋配合燒汁很美味，雞蛋好滑甜辣炸雞年糕薯條✅薯仔配有蕃茄醬&沙律醬，沙律醬好味，唔漏，食到停唔到口✅炸雞份量多，選用左無骨雞，方便食客，甜辣味道剛好，食曬成碟都唔覺得漏總括餐廳價錢合理，味道可口，一定會再食

12月啦⛄️，同朋友又來了，食Pre聖誕大餐🎄！新出的聖誕套餐，好抵又好味😋，Omurice+ Staple Food+ Main Course + Drink = $486☄️..📍聖誕龍蝦蛋包飯🦞📍（必叫）青醬滑蛋好出色😋，第一次食呢種口味，勁正！龍蝦🦞極度鮮甜，肉質彈牙👍🏻！豬肉炒飯超多料，整體我俾200分！.📍安格斯牛肉漢堡🍔配薯條🍟📍漢堡牛肉香濃多汁，香草調味獨特，包體外脆內軟💓！🍟薯條香脆可口，熱辣辣，配合芝士松露口味醬汁，正🤤！.📍泡菜芝士豬肉鍋🍲📍芝士混合粟米泡菜，口感豐富，酸酸辣辣。炸豬排好酥脆，卷埋芝士一齊食🤤，味覺最高享受！.📍熱朱古力🍫📍口感好綿密，濃稠，朱古力味香濃！好岩冬天！.📍另外再叫忌廉卷🧁📍甜品一樣好高質好好味😭好感動！好濃牛奶味既cream🥛高密度，軟綿綿，配合紅豆蓉，幸福感up😋👍🏻！..食物質素真心好好，環境小清新，CP值高，真系令人想經常來！

本人住左系東涌十多年難得有韓國菜餐廳😍見佢新開幕即刻入去試試🥰💡Dinner Set餐牌 送飲品，選擇種類還可以💡安格斯牛扒蛋包飯賣相非常吸引，牛肉份量都算多，牛肉味香，但肉質不算太嫩💕💕店員很窩心會先詢問顧客需唔需要影相，再幫顧客切開。平時蛋包飯的蛋系全熟的，但呢間餐廳的蛋包飯一切開就睇到蛋系流心的，頓時吸引左唔少！蛋包飯送飲品，但忘記拍照😂😂💡甜辣炸雞年糕薯條味道十分滿意！份量岩岩好！唔好睇佢咁少，2個人食落岩岩好，一啲都唔覺得漏😄 薯條可點蕃茄醬和沙律吉士醬！一定會再幫襯

東涌新開左一間韓式餐廳，經過見到裝修好靚，今晚特登就黎試吓。今次有幾個frd一齊！因為可以叫多啲嘢食！見好多張枱都幾乎有order 一道菜，就係整得好精緻ge厚蛋三文治，食落又確係有驚喜，蛋應該有調過少少味黎，蛋既口感講落亦非常好，實淨唔會碎！真心推薦！跟住有大蝦菠菜面，呢到既特色係。芝士會跟據我哋想食幾多即場刨落去，只要你吾叫停佢就真係狂刨落去！菠菜味道做得濃郁，索曬落寬條面度，味道都好夾，出色，而且蝦又鮮又好大隻！呢堆海鮮淨睇到相就知好足料！差啲跌出黎咁！有我最仲意食既八爪魚！仲有粟米粒撈芝士。真真係perfect match ar! 仲有青口同洋蔥圈！最後重有滑流流既蛋包飯，上菜後佢會係你面前先湯開個蛋，即時見啲蛋汁爆出黎。牛肉又吾會硬！又夠入味！同埋年糕炸雞配薯條有點幾好既係啲雞炸得剛好，吾會炸到乾！又夠肉汁！另外薯條有蛋黃醬點又係好fit！飲品我揀左焦糖coffee，雖然係夜晚，但實在吸引，果然有質素。佢個面既焦糖仲好脆！真心正！另一杯就normal既latte 一定會再食同一定會飲個咖啡！

東薈城二期開了很多特色的餐廳，今次我食左呢個韓式fushion菜，這間餐廳走文青路線，除左有傳統韓國美食。仲有蛋包飯、意粉、厚蛋三文治等等的fushion菜！！餐廳裝修雅致，仲好適合一班女仔去打卡。韓式厚蛋三文治($68)：鍾意食甜蛋的你一定唔可以錯過呢個三文治, 厚蛋嫩黃質感柔軟，味道甜甜地，配上蜜糖芥末醬令人一口接一口等不下來。蛋包飯炖牛肋骨：店員一切開就聞到滿溢著蛋汁包住香噴噴嘅炒飯，鷄蛋非常嫩滑加上香濃嘅牛肉汁，帶少許甜味。牛肋骨軟霖入味，肉色潤澤令人食慾大增。青醬大蝦意粉：蝦大隻之餘肉質爽彈結實，又不失蝦味。意粉軟硬適中，我最爲喜歡的是這個青醬，有吃有啖啖的羅勒味道之餘，令意粉食起來富有層次。餐廳的飲品都唔錯的，味道都好清新的，絕對唔係得個靚字！！！

這間餐廳開業只二星期多，但已經光顧了5次，真心喜歡這裡，原因東涌沒有這類型的餐廳，試了第一次，餐廳內環境，擺設，坐位讓我感到舒服，食味質素也不錯，最喜歡這裡咖啡，所以當想揾嘢食時，又要諗埋要嘆杯好咖啡，就不自然諗起呢度，响東涌消費來講性價比算高了！(相片分享係我呢幾次體驗，之前沒有打算寫評，所以無刻意記錄其他詳細資訊，纯表達個人感覺……)

東涌Citygate 有間蛋包飯餐廳新開張, 食early dinner不如喺度食個蛋包飯先搭S1.>韓式厚蛋三文治個蛋非常厚身勁吸like呀!! 微辣芥末醬味道適中同煎厚蛋好夾, 下午茶淨食li款三文治🥪真係有夠飽肚der🐷.>招牌牛肉汁蛋包飯勁多韓式牛肉汁包圍整個蛋包飯, 一切開啲蛋漿流哂出黎完全蓋哂炒飯🤩超juicy, 牛肉其實係一條連骨嘅tender牛柳, 店家自製嘅牛汁食味道好豐富.>炖牛筋骨飯朋友嘅燉飯都唔錯, 牛筋骨炆得腍身, 而且係一咬啲肉勁易離骨, 係平時韓式料理最常採肉質腍軟嘅部位. 冬菇薯蔔都入哂味, 珍珠米份量勁多呢! > 玫瑰鮮奶咖啡☕️好香玫瑰味x咖啡香, 奶泡打得厚厚的👍🏻.>法式焦糖燉蛋鮮奶咖啡☕️面頭充滿焦糖香氣, texture更似震騰騰嘅燉蛋, 甜度十分適中好易入口, 推介!!!!

店內裝潢以木材為主調，簡潔而清新，當中最吸晴的是乾花作裝飾，環境唯美優雅，彷彿置身於韓國咖啡店。韓式厚蛋三文治配沙律 ($68)厚蛋非常厚身，目測有成1.5cm厚；麵包塗上芥末沙律醬，味道香甜且帶微辣，認真開胃，從而令蛋更加香，為味覺帶來新刺激。招牌牛肉汁蛋包飯 ($88)飽滿的蛋餅放在炒飯上，煞是誘人，一看心動，很想趕快咬一口。店員待客人拍照後，會從中間切開，可看到外熟的蛋皮內裡仍是水漾般嫩滑，真令人食指大動！入口蛋味濃郁、嫩滑柔軟，底下的炒飯還加入了牛肉粒和蔬果粒，非常好吃，是令人停不了口的美味！法式焦糖燉蛋鮮奶咖啡將法式焦糖燉蛋融入咖啡中，賣相吸引！咖啡上有層薄而香脆的焦糖，入口滲透著甜美的焦糖香氣，口感層次豐富。

<Banchan & Cook>📍東涌達東路20號東薈城名店倉3樓334號舖(總店係銅鑼灣時代廣場)哩間韓國小清新cafe今年開左係銅鑼灣隔左幾個月就再到東涌開第一間分店可以見到佢地好有實力所以咁受歡迎💪🏻小編試左個招牌牛肉汁蛋包飯幾好食😋但估唔到個牛肋骨飲仲好食 好濃牛味👍🏻不過最有驚喜嘅一定係個厚蛋三文治💛好香蛋味 仲加左日式嗰種千島芥末醬☺️甜品嘅忌廉蛋卷好軟熟 不過啲紅豆甜咗啲飲品要左荔枝紅茶同Oreo沙冰 都唔錯👌🏻

去開東涌outlet執平貨，聽講入邊開咗好多間新嘅餐廳，所以就同朋友去咗其中一間食韓國嘢嘅餐廳試吓。叫得韓國餐廳入邊貫徹傳統嘅韓式設計，餐廳幾大，座位分隔得幾好，一啲都唔侷促。厚蛋三文治呢個三文治真係唔講得笑，蛋嘅厚度忠厚個夾住佢嗰兩塊麵包，拎上手感覺非常厚重，但係食落就一啲都煎到硬晒嘅感覺，而且蛋味都非常濃厚，鍾意食蛋嘅人一定要試吓。咖喱吉列豬扒飯豬扒外層香脆，肉質嫩滑，咖喱汁係甜咖喱味，適合唔食得辣嘅人食，而且份量都好足夠。燉牛肋骨飯牛肋骨肉燉到非常淋身，輕輕用咗一次已經離骨，方便之餘牛肉亦都充分咁樣吸收晒啲醬汁，食落非常juicy。另外叫咗玫瑰花茶同埋柑桔梳打，玫瑰花茶花香撲鼻，飲落清新，最啱食到飽飽之後飲，另外柑桔梳打嘅冰凍梳打加埋柑桔肉亦非常之爽。美好嘅一餐。

假日同媽媽到寧靜的昂平, 坐吊車看大佛 (吊車嘛...難得有香港人專屬優惠), 差不多日落時份就落山去東涌搵食! 剛好發現一家新開餐廳, 原來當日 Grand Open, 就帶媽媽試試蛋包飯吧!韓式西餐路線, 裝潢清新優雅, 用上暖色系乾花裝飾, 另每枱都有一朵同色系鮮花及小草, 溫馨雅致! 韓式厚蛋三文治 $68 ~ 該有3寸厚吧, 喜愛這蛋唔太甜, 滿滿蛋香, 特別欣賞麵包與蛋之間的醬, 有點點芥辣味道但又不嗆喉, 非常欣賞!炖牛肋骨飯 $108 ~ 牛肋骨入口即化, 超級軟嫩, 滿滿的油脂, 濃濃的牛香, 配上有米香有咬口的珍珠米, 感覺好滿足! 我同媽媽平常唔食蘿蔔, 怕草青味, 但呢碟蘿蔔比我倆食至一件不剩...咖喱炸雞蛋包飯 $108 ~ 媽媽嫌個咖喱辣, 唔係平常日式甜咖喱, 比較辣但不嗆喉! 炸雞外層超鬆脆, 雞肉嫩滑滿有肉汁, 奄列蛋滑不溜口, 名不虛傳! 紅豆忌廉蛋卷 $48 ~ 食完辣食點甜中和一下 (藉口), 蛋卷鬆軟有蛋香, 忌廉幼滑, 紅豆粒粒飽滿夠淋, 超滿足! 法式焦糖燉蛋鮮奶咖啡 $38 ~ 又香又滑, 滿有焦糖燉蛋味, 不過有點甜! 濟州柑橘梳打 $

好耐冇入過東涌行街 朋友話嗰度岩岩裝修完 好多野睇同行 店外望落好簡單 入到去簡單得黎好清新嘅感覺 仲有唔少乾花嘅裝飾 小清新 文捐風 感覺好舒服前菜佢有啲酸羅白青爪個啲 食落好酸 勁開胃 韓式厚蛋三文治有兩大舊三文治 個蛋係超級厚 好正 入面搽左芥末醬 估唔到個醬同個蛋出奇地勁夾 仲有淡淡蛋香味 招牌咖哩豬扒飯份量好大 仲有好多件炸得好鬆脆嘅豬扒 個咖哩汁唔錯 送飯一流 甜得黎有啲辣 但個隻辣係令你食完會想繼續食🤤咖哩炸雞蛋包飯一上到枱 個staff會幫我地切開個蛋 睇住入面啲半熟嘅蛋漿流出黎好治癒嘅感覺 蛋味濃 好滑 配合啲咖哩汁食 一流 入面個飯都足料 有啲牛肉粒係入面 令到成個飯口感再豐富啲 炸雞好香脆可口 甜品紅豆忌廉蛋捲好鬆軟 入面嘅cream又滑又香 夾埋啲紅豆蓉黎食都唔會好甜 而且細細件 岩岩好飲品方面士多啤梨沙冰好有少女風 賣相好靚 而且飲落酸酸甜甜 味道清新 唔會係假糖漿味 棉花糖朱古力朱古力味好濃郁 但唔會死甜下次仲想再黎食其他野食😋

知道東涌citygate 最近新開不少店舖，正要到來血拼!肚餓之際經過這間最近開張的韓式西餐廳!裝潢精緻 而且骨子；旁邊的女孩雙眼發光嚷著嚷著就走進去了。坐得舒適，確係無械可擊~當然要先來一杯棉花糖熱朱古力chill一chill!棉花糖微微燒焦，加入拉花熱朱古力上，一百分漂亮!嘆朱古力之時，小食上台啦～韓式厚蛋三文治!確係非一般既厚! 一口咬厚蛋，蛋甜身軟，配上芥末蛋黃醬，滋味啊～招牌牛肉汁蛋包飯~!蛋包飯係我最愛之一!要做一個美味又好看既蛋包飯好難拿捏，蛋心不能太生，否則太軟；又不能太熟，否則沒有流心。完美蛋包飯莫過於這樣一切開，蛋醬流心，僅熟。配搭牛肉汁好好味!然後要來的是青醬大蝦意粉!待應哥哥即場幫我地刨芝士上去，作為芝士狂當然要瘋狂落，待應哥哥真係等到我叫停先停。大蝦足有6，7吋長，蝦頭充滿肥美蝦膏，肉身彈而爽!意粉軟硬適中，配青醬味道十分夾!最後，食飽要再chill下，當然需要果茶。呢杯水蜜桃茶，甜度就剛好，解飽之餘又香，十分醒神。

難得近排東涌疏爽好多，行步路都唔使逼餐死，係濕平血拼嘅好日子，行咗咁多間outlet，係時候唞唞食個晏，就去咗新area度，見有間韓國嘢今日開張感覺好文青，又可以打吓卡扮吓嘢一埋位就上咗醋漬開吓胃，酸酸地幾過癮估唔到韓國料理都有咖喱，吉列豬扒好脆，腸仔形狀又得意，咖喱微辣好好味厚蛋治真係名符其實超級厚，仲搽有少少芥末嘅牛油，畫龍點睛誘人飯聚嘅蛋包飯，見到又想劏開，又唔捨得所以waiter代勞，揭開神秘面紗嘩！點忍呀？醬汁好有牛味，連飯都用牛肉汁燴煮好有咖啡味嘅綠茶latte水蜜桃梳打都好清新忌廉好好味呀由於佢地新開張，所以有得抽獎，大胃抽到一碟牛肉蛋包飯