影片
開飯介紹
餐廳主打韓國fusion菜，加入了西式、日式的煮法。口味偏甜，與傳統韓國菜截然不同。其招牌菜包括韓式厚蛋三文治、招牌牛肉汁蛋包飯等。
繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
有關獎賞計劃
影片
相片
芝士蛋卷蛋包飯
海鮮煎蔥餅
Banchan & Cook 小吃拼盤
+6.3K
+464
食家推介
上個星期六放假🗓️，入咗東涌行街🚶♂️，呢度個商場好抵買🛍️，買嘢行街行到攰😮💨，入咗Banchan & Cook食左個晏🍽️。套餐內容見到好豐富🤩，今次就嗌咗啦📋烤牛肉蛋包飯真係香到飛起🥩🍳，牛肉唔乾唔鞋👌，蛋滑得黎又包住成個飯🍚，好足料👍。蒜香炸雞只叫咗半份🍗，但係份量都大大份好抵食💰，外脆內嫩😋，蒜味重但唔搶🧄，好有韓式feel🇰🇷燒醬油黑毛豬白切肉配大醬生菜🥬，燒醬油黑毛豬就係驚喜位🎉，啖啖肉夠味😮，配埋生菜、大醬一齊食🥗，真係夠清新又開胃😌。甜品方面，提拉米蘇唔太膩🍰，啱晒食完重口味之後用黎清一清🧊飲品方面，士多啤梨紅桑子梳打夠酸夠醒神🍓🫐🥤，白桃甜蜜梳打就啱啱好唔會太甜🍑，好match成餐嘢👌整體嚟講，環境舒服🛋️、味道正😋、啱晒想歎番餐韓式又唔想太heavy嗰啲人🙆♂️。重點係$398套餐真係超抵💸！食齊晒以上咁多樣嘢，兩個人食真係飽到行唔郁🤰，建議三至四個人一齊share更完美👫👬，啱晒週末約埋friend一齊慢慢歎~😋👨👩👧👦
繼續閱讀
2025年6月22日 星期日呢個週末去左東涌一日遊，去左好多地方，返到東薈城已經差不多7點，就決定係果到食埋晚飯先走行到3樓竟然見到banchan & cook，突然間好想食蛋包飯同炸雞，見到暫時都唔需要等位，所以冇諗太多入咗去，遲少少啲人都開始要拎飛等入座坐低慢慢睇餐牌見到裏面有好多唔同種類嘅食物，當然包括我期待嘅蛋包飯同炸雞，另外仲要咗紫菜包飯、飲品同甜品添，價錢唔算太貴，而且店員都話呢個份量足夠兩個人食點完餐等咗一陣飲品就首先嚟到，分別係左邊軟綿綿紅豆豆花沙冰同右邊既紅豆鮮奶沙冰外觀已經令人垂涎，底層係冰涼細膩既豆花沙冰，口感介乎豆腐同雪糕之間，綿密細緻上層擺放左滿滿既紅豆同輕盈鮮奶油，再以薄荷葉點綴，清新感十足一口食落去，豆花既香滑同紅豆既香甜係口中融合，冰涼解暑又不失層次感右邊就係紅豆鮮奶，樸實卻深得人心底層紅豆飽滿、煮得軟糯，配埋順滑鮮奶，口感豐富飲用時可隨意攪拌，令到紅豆同奶香融合，係一杯令人安心既甜飲，適合不喜歡太甜既朋友，清爽又有滿足感之後蛋包飯就登場，係芝士和牛漢堡蛋包飯，成塊蛋鋪咗喺飯上面，店員幫忙用刀一切開，成塊蛋就完美包住晒啲飯，滑蛋帶住淡淡嘅牛油香，夠晒柔軟，配埋飯一齊食簡直一流至於中間既芝士和牛漢堡排，厚厚一塊和牛漢堡排煎得啱啱好，外脆內嫩，肉香濃郁，咬落去仲有肉汁爆出嚟，滿口幸福感！！呢個係明太子蟹肉紫菜包飯，個壽司一上枱就令人眼睛一亮，上面淋左滿滿明太子醬仲有橙紅色魚卵，大啖咬落去蟹肉鮮甜、明太子鹹香剛剛好，米飯軟糯又夠味，超有層次，會令人默默一口接一口咁食食韓國菜當然唔少得有炸雞，我哋要左韓式蜜糖味炸雞，外皮超脆之餘，雞肉juicy唔嚡口，蜜糖醬甜甜地又黏身，食落甜中帶少少鹹，超有層次連底下既薯條都沾滿醬汁，好邪惡但好正！！最後甜品有開心果芝士蛋糕，蛋糕本身帶淡淡綠色，口感滑溜綿密，入口即融上面灑滿開心果碎，唔單止加咗香氣，仲有啲脆脆口感，咬落去層次感好豐富味道方面芝士味濃郁但唔膩，同開心果香味融合得好自然，而且甜度啱啱好，唔會太甜，食完唔會有負擔埋單每人百幾蚊，性價比幾高
繼續閱讀
前幾日同小朋友喺東薈城shopping完，打算食埋晚飯先返屋企，因為小朋友最鍾意意粉同薯條，於是揀咗⭐️Banchan & Cook⭐️嚐吃套餐 $398主食四選一(烤牛肉蛋包飯／橡果黑毛豬卡邦尼意粉／煎雞扒泡菜奶油燉飯／玫瑰醬海鮮年糕)我地揀咗橡果黑毛豬卡邦尼意粉，黑毛豬肉質特別嫩滑，意粉汁加埋蛋黃汁香濃幼滑，意粉煙韌度煮得啱啱好有骨/ 無骨 炸雞半份芝士🧀炸雞新鮮炸好，外皮香脆內裡肉質嫩滑好juicy，連伴碟嘅薯條都炸到啱啱好！燒醬油黑毛豬白切肉配大醬生菜厚切嘅黑毛豬肉質嫩滑，用新鮮嘅生菜包住，加埋韓式辣醬一齊食，真係好惹味，另外仲有蒜片同青椒粒可以增加口感Banchan & Cook 提拉米蘇Tiramisu香甜幼滑，二人份量啱啱好自選飲品兩杯焦糖脆脆鮮奶咖啡白桃甜蜜梳打
繼續閱讀
$398 豐富韓式嚐吃套餐 有主食 炸雞 甜品 同飲品🍸🍳烤牛肉蛋包飯餐廳招牌係蛋包飯logo 當然食主打名物店員專人服務現切 蛋汁流心滑溜🥚加埋醃得幾入味芝麻牛肉🐮伴沙律🥗🐔無骨炸雞半份味道多選擇 有原味🌶️甜辣🌋火山🧀芝士🍯蜜糖🧄蒜香 揀咗特別柑橘炸雞🍊酸酸甜甜夠開胃 脆炸無骨啖啖肉🐷燒醬油黑毛豬白切肉配大醬生菜生菜大塊爽口🥬夾住半肥瘦黑毛豬🐽油香混合韓式大醬 🍰提拉米蘇糕面似黑森林蛋糕有朱古力卷脆脆🍫偏實心忌廉 較少咖啡酒味🥃🍓水果梳打白桃梳打用上新鮮桃粒🍑桃肉果蓉新鮮士多啤梨粒🍓配紅桑子糖漿 冰爽梳打🫧兩款都啱晒夏日
繼續閱讀
逛完書展嘅下一個週末 輪到去東涌Citygate 買到一袋二袋 揾咗間坐得舒服嘅韓國餐廳 食二人套餐-🍗 無骨蒜香炸雞炸雞一共有七款口味 半份有七件 外皮酥香唔油膩 雞肉軟嫩juicy-🥘煎雞扒泡菜奶油燉飯我對泡菜辛辣情有獨鍾 將佢加入risotto 減低飽滯感 食落嗦嗦聲 更爽口開胃-🐷燒醬油黑毛豬白切肉配大醬生菜比起脆炸德國鹹豬手 醬油豬腳係另一種滋味食法😋 半肥瘦白切肉加蒜片/青陽辣椒/泡菜 再加菜包飯醬一齊食 勁有青草幽香 豬皮啖啖軟嫩Q彈-🍰開心果芝士蛋糕開心果同芝士蛋糕 兩樣都鍾意🥰 開心果碎充滿堅果香 蛋糕奶滑有mascarpone芝士嘅滑溜綿密口感 中間有軟心效果-🫘紅豆豆花鮮奶咖啡紅豆粒起沙 鮮奶咖啡香滑 飯後嚟一杯 確係very good
繼續閱讀