Amitie Kitchen

營業中

休息中

地方唔算大，但係就多多人幫襯，相信係質素高前菜已經有一份麵包set，牛角酥，白麵包，同埋竹炭餅乾，都唔求其，樣樣食晒，好少有咁闊綽嘅麵包前菜。如果係手製，都幾讚！叫咗香脆鱈魚牛油漢堡配他他醬沙律一上菜，個漢堡包高度層層塔咁，見到大大塊脆口嘅鱈魚，食到啲魚嘅肉好實淨，新鮮或者質素高先做到咁嘅效果，而且咁大塊都唔會好粗糙，啲火候拿捏得好好。而且搭配買沙律牛油他他醬，食落唔會好乾。最欣賞係佢麵包焗得唔錯，就咁食都覺得好味，而且佈滿芝麻喺頂，更加好食另外，食左個燒菇焗鮑魚帶子蝦意大利飯三款咁吸引嘅海鮮，每件都烹調得好精緻，而且樣樣大大粒，唔會吝嗇。本身配龍蝦汁，臨時改咗做周打魚汁，變咗白汁為主。相信如果有機會試翻龍蝦汁個味道會更加出色。佢意大利飯嘅軟硬程度都適中，而且唔會太過多水，可以令啲飯融會左喺個汁入邊。仲有一樣仔細位，就係佢啲沙律菜好新鮮，爽口，所以欣賞佢唔單止主菜好食連配菜都唔會遜色👍🏻

尖沙咀h8真係好多野食。今次試左Amitie Kitchen,都幾特別,係我未食過既口味。叫左個帶子意大利燴飯,帶子燒到焦香,有成3隻咁多,意大利燴飯加左蟹膏,而且份量唔少,蟹膏均勻咁包住每一粒既飯,好味道!飲味叫左matcha 朱古力,面頭有matcha粉加朱古力粉,真有創意!簡單係度食一餐,仲有餐湯同埋麵包,麵包仲可以搽果醬或牛油,好正呀!呢度氣氛環境都唔錯!價錢亦唔會太貴,唔錯唔錯!值得來!

今晚黎到厚福街想食西餐，去左H8 9樓呢間Amitie. 環境裝潢都幾好，係枱密左少少😆都係快快脆食完下場再傾Amitie Dinner Set Menu同Main Menu都係二百幾蚊咁上下，不過包多好多野😀食落都幾豐富！三款餐包：口感都幾豐富。黑色脆條輕巧乾爽，有淡淡芝麻香。黑色圓包外層脆皮，內層口感綿密，食到好多layers, 幾濕潤。牛角包好香牛油味，可惜唔係最熱辣辣嗰時食，唔係更正😋前菜：巴馬火腿、布冧沙律伴紅莓黑醋汁Parma ham好香，夾埋香甜嘅布冧一啖食🤪好味！特別想讚讚啲沙律菜超級新鮮，用料充足&新鮮👍黑醋汁質地都好厚，Yummy餐湯：大樹薯仔忌廉湯幾特別的味道，好飲但講唔出係咩味（似洋蔥湯又有薯仔香😆）, 問番先知係大樹薯仔，Creamy, 幾特別主食：B. 香煎北海道帆立貝伴蟹膏意大利飯（$258）三粒帆立貝煎得好香。意大利飯掛汁，每啖充滿蟹膏味。粒粒分明，偏煙韌有咬口餐飲：熱情果芒果茶Twinings茶包無得輸，聞落非常香熱情果味😇飲落又唔太甜~ 泰式青芒果蝦軟殼蟹沙律（$138）最驚喜嘅菜式🤩賣相、分量、用料都贏曬，估唔到西餐廳都有咁正嘅泰式菜！軟殼蟹jui

有返晚市堂食最滿足就係去咗食好西，好開心好豐富呀雖然2個人食但都食咗好多嘢，好飽～我地叫咗美國頂級牛柳、明太子雞翼同埋日式芝士年糕。牛柳造型係心型好特別，味濃多汁明太子雞翼  炸得金黃色脹卜卜、裡面裹著滿滿既明太子、咬開香脆既外皮、明太子既鹹鮮味充滿左整個口腔。。正！芝士年糕味道好香芝味濃郁，椰汁流心球椰味香濃，咬落去有好多椰汁爆出黎

一坐低店員就好有禮貌咁比左D Menu我，仲自動送上兩杯水比我哋。🗒食物同飲品既選擇有好多，SET餐既選擇亦有好多，揀左好耐先揀到D食乜😆我地ORDER左以下2款MAIN COURSE，有前菜、餐湯、主菜、飲品👉💁‍♀️香煎北海道帆立貝伴蟹膏意大利飯 HK$258-💁‍♀️意式煎香黑毛豬火腿卷蝴蝶粉伴黑松露蕃茄汁 HK$288-首先，一ORDER完，店員就送上餐前包🥐🥖🍞，佢嘅包有三款，由鬆軟到脆香嘅口感都有，牛角酥又香又脆又鬆軟，好香牛油味、餐包搽埋牛油同果jam同樣好食，而餅乾條亦都好脆口。🍵跟餐餐湯:蘑菇湯，好滑好香好濃郁菇菌味，好好飲好Creamy。🥗🥙跟餐前菜:巴馬火腿-布冧沙律伴紅莓黑醋汁：餐廳標榜用水耕菜，好新鮮火，配埋難得一見嘅紅布冧，好夾，parma ham少少咸咸地，個黑醋汁酸酸地又幾好食。😌😌檸汁醃蝦伴牛油果-牛油果creamy，蝦爽口，口感豐富。香煎北海道帆立貝伴蟹膏意大利飯：帶子煎得剛剛好，非常香！而且好大粒好鮮甜，不是全熟但又不是太生，食到帶子半生熟果種最鮮甜的狀態，好正！意大利飯又索哂d蟹膏味，好多汁又好食。🤩🤩意式煎香黑毛豬火腿卷蝴蝶粉伴黑松露蕃茄汁:煎香黑

襯放假，去尖沙咀厚福街覓食去到H8棟大廈見到有個廣告寫住「主廚係5*酒店任職多年」一於入去試吓上到去環境都唔錯估唔到有set lunch好抵！包餐湯、飲品仲有甜品後悔今次無加錢轉呢啲甜品🍮大家記住試吓見到OpenRice 好多人推介呢個餐包所以都決左加一個試吓$15 有3款唔怪之得咁多人推介佢做熱門美食真係好食！送上嚟嘅時候仲係熱架特別係呢個最鍾意呢個餐湯都好飲好濃郁可以揀沙律或者餐湯好似日日唔同我揀咗魚比目魚最岩我無咩骨又唔會腥好嫩滑個醬好食，好夾個魚連個配菜都好好食煎得好香，絕對唔係硬又無味個啲🤫特別係茄子推介至於朋友就揀咗牛睇相都知好食賣相100分跟餐+$15 仲有杯latte，味道不錯食完主菜，仲會送上甜品係朱古力忌廉泡芙，呢個就普通啦所以建議大家轉其他蛋糕呢到價錢同普通cafe差唔多但味道質素真係高好多推介大家去試

生日飯，又係睇評語，選擇book位食這間西餐，包沒有什麼特別，沙律都可以，我們還特意加錢轉了龍蝦湯，極其失望，如果不需要加錢，感覺可能還好，但是加了價錢都只能夠是這個味道，就有點遜色了。意大利飯個質地係OK，但係又唔覺得有味道？個蝴蝶粉蕃茄好酸，舊肉好鹹。😣😣甜品等咗勁耐，餐飲非常失望，以為加$15會好少少！環境唔算太大，都整齊乾淨，西餐來說，沒有太特別，12安士嗰塊牛，都真係幾垃圾。食一次已經很足夠了🥲🥲🥲

尖沙咀餐廳選擇好多， 係我千選萬選嘅情況下，俾我揾到間品錯既西餐。 今日同個細胃朋友一齊食，所以都係叫輕食比較多。 首先叫了一個凱撒沙律+蝦， 沙律菜好fresh 好爽口， 大蝦有3隻， 彈牙之餘， 仲真係好大隻🤭 頭盤仲附上左三款麵包， 有牛角包、 芝士條。 之後仲揀左樣香煎法國鵝肝多伴車子醬， 鵝肝油脂豐滿， 車子醬的酸甜味道起到一個很好既作用。 再加上法包一齊食， 鵝肝嘅油滲入麵包入邊， 好正加膽松蟹膏蟹肉忌廉汁意面， 意粉一上枱已經覺得個汁好濃郁入味， 再睇到個海膽直頭心心眼， 一個字， 讚！

今日嚟到H8呢間餐廳，原來主廚之前喺五星級酒店做👨🏻‍🍳😝落咗單冇幾耐就送咗盤餐包✨三款麵包都暖暖地，對於鍾意食包嘅我嚟講超加分🤩牛角酥又香又脆又鬆軟🥐、餐包搽埋牛油同果jam同樣好香🥖、香草脆條herbs味夠👍🏻主菜我哋貪心咁嗌咗有齊三款海鮮+大啡菇+risotto嘅烤燒大啡菇、焗釀鮑魚、北海道帶子、虎蝦意大利飯伴龍蝦汁🥰第一次見risotto放喺大啡菇上面食，又幾得意～🍄超juicy，飯creamy得嚟炒得幾香口😍海鮮全部都新鮮👍🏻鮑魚煮得好夠霖唔會咬極都咬唔開、帶子亦非常鮮甜～之後嗌咗款油封鴨髀配蒜味薯蓉伴藍莓醬～油封鴨表面香口、薯蓉蒜味都幾重，朋友鍾意蒜味覺得唔錯😋鹹鹹地嘅鴨肉點埋酸酸甜甜嘅醬好夾😝味道夠平衡、唔會膩～最後甜品嗌咗宇治抹茶cheesecake～茶濃又夠滑🥰係比較mini、不過$48算係咁🤔總括嚟講係滿意嘅一餐✌🏻

約朋友午餐，去了尖沙咀厚福街8號H8 - 9樓~Amitie Kitchen義大利菜/法國菜/扒房，朋友推介這餐廳食物味道很好。店內環境簡約，座位清潔寬敞，直角玻璃窗，自然採光非常舒適，播著悠揚音樂，使人客放鬆心情享受美味午餐。服務員禮貌招待，推介是日午市套餐，也可選擇菜譜其他款式佳餚，特色飲料及甜品等。午市套餐有餐湯/沙律追加餐飽加$15是日南瓜餐湯，非常幼滑香濃，入口舒服順喉，美味極佳。沙律菜多款，色彩鮮嫩，新鮮甜脆，沙律菜上伴著兩塊煎三文魚，提升開胃感。套餐還可追加餐飽，麵包脆條、牛角飽和餐飽，三款各有特式，伴湯和伴沙律吃，倍增滋味。冬陰功大蝦義大利麵$108義大利麵彈牙浸入香濃冬陰功汁，更加惹味，配上鮮甜爽口大蝦，還有車厘茄、草菇、洋蔥粒、香草提升美味口感。辣蕃茄汁軟殼蟹意大利麵$108洋蔥粒、黃紅椒粒、秀珍菇、材料豐富，特別一讚義大利麵吸入甜酸辣的蕃茄醬汁，非常惹味。軟殼蟹炸至香脆，肉質鮮甜嫩滑，外脆內軟又肥美多汁，是絕配的美食。套餐加追飲品~抹茶紅豆冰$20 / 凍抹茶牛奶朱古力$20濃香抹茶味加上粒粒淋滑紅豆，平衡濃味的口腔，倍感舒服和飽足。濃香抹茶味和濃濃朱古力極為配合

🧚🏻‍♀️今日朋友同吃貨嘉嘉慶祝生日，book咗呢間bookmark咗好耐嘅餐廳一試～由於餐牌太多選擇，我哋決定揀個二人餐咩都唔使諗🧏🏻‍♀️🥐🥖餐包呢度嘅餐包仲暖暖地，仲要有3款、牛油同士多啤梨果醬比你食🥹 超級有誠意！個牛角包加埋士多啤梨醬真係不得了😋好怕好快食飽嘅我都即刻食哂！🐖巴馬火腿配蜜瓜巴馬火腿正正常常～似10個月個種～個蜜瓜就出奇地甜😍🐮12安士美國安格斯肉眼扒肉眼扒煎得好香，有微微炭燒味🤤下面嘅薯蓉都好香滑，蔬菜都烤過，好好味🤤🦐虎蝦、海膽、龍蝦忌廉汁意粉虎蝦冇咩雪藏味、亦冇甩頭～海膽份量正常，龍蝦汁味道都正常⋯食到呢到已經好飽好飽🧇🍨雜莓窩夫配士多啤梨雪糕窩夫係即叫即整～所以上碟後都仲係熱嘅，窩夫筒雪糕一熱一凍，好正！唯一係士多啤梨雪糕有啲太甜，我同朋友就食唔晒🙈🧚🏻‍♀️總結，食物質素中上但又唔算太貴～可以同朋友放工聚會🫶🏻🫶🏻🫶🏻

Amitie Kitchen尖沙咀厚福街8號H8 9樓9/F, H8, 8 Hau Fook Street, Tsim Sha Tsui前五星酒店廚師主理的Amitie Kitchen, 食物出品水準有保証。以親民的價位, 便吃到五星酒店的味道一值回票價。一個人來未能點太多食物, 所以的先點了一份SALAD,雖然放在SALAD CATEGORY ,但像小食比較多。香煎西班牙墨魚仔沙律伴辣肉腸$88 , 西班牙墨魚仔彈牙, 辣肉腸片鹹香惹味,下面是火箭沙律菜。如定義為SALAD, 菜份量添加多些比重更PERFECT 。如果有雞肉OPTION 就好了, 我喜歡白肉, 但MENU上都是SEAFOOD 同紅肉多。法國藍青口伴白酒忌廉汁配蒜蓉多士$158, 一人份剛剛好, 有500g 左右的MUSSEL, 藍青口細細粒肉帶海水鹹香味,本身有法包跟, 個白酒忌廉汁要用麵包蘸來吃。最後ORDER iced lemon tea

位於尖沙咀厚福街H8，來到呢家樓上fusion西餐廳，簡單低調嘅裝潢配搭高CP值的食物，12點到平日lunch時間見附近白領人士都揀呢到進餐幾人氣旺盛!呢到lunch set 有好多選擇，今年11月天氣仍然好熱，想食得清爽啲叫左個泰式豬頸肉稻庭冷鳥冬 $98+熱情果芒果紅茶(跟餐飲，蕃茄濃湯)之後店員細心推介左個烤燒西班牙粟飼豬鞍扒蜜桃莎莎 $168，炭燒得岩岩好好juicy，性價比算高+ Hot Americano $0 (跟餐飲，蕃茄濃湯)見到廚司推介前菜有泰式青芒果+蝦+軟殼蟹沙律$138 ，即炸軟殼蟹好脆好新鮮開胃，正~望望晚餐menu都非常吸引，價錢合理，有機會再encore!!

收工約了閨密食飯傾心事🫂，行到厚福街向上望就揀中了這間西餐廳，估唔到也不錯，環境舒服😌「餐前包」特別欣賞這個餐前包，細細個小小熱，好好食！ 仲要有3款不同口感，軟法包，芝士棒🥰「時日餐湯-白羅白忌廉湯」這個湯香濃白羅白味，西湯好少飲到的味道，但忌廉味creamy 😍「紐西蘭肉眼扒」肉質香淋，易咬口，叫了5成熟有少許over cook, 不過岩我唔食血淋淋🤣 外燒至網紋， 好吸引😍「炒煙肉椰菜仔」少有這件菜，一粒粒椰菜仔用上煙肉炒上，相當野味👍🏻備註：🔺環境舒適，適合聊天好地方😗🔺店員nice 👍🏻🔺價錢抵食！親民價！

厚福街同H8有眾多餐廳林立，見呢間食評普遍好好，一於嚟試下。平時淨係見到餐廳用英文名，係掃code果下先見到中文名寫住聚夢工房，大概是老闆們的想法，呢間餐廳就係dream came true。餐廳的燈光是偏暗情調路線，枱面有盞燈做點綴。因為朋友近期on diet，所以最後點左一份set dinner一份沙律，食完之後發現其實份量都唔細。點餐後，餐廳率先送上一個麵包盤，雖然係免費，但絕不馬虎，麵包仍然是暖笠笠，仲配埋牛油同jam。香煎西班牙墨魚仔沙律伴辣肉腸，墨魚仔彈牙，辣肉腸味道不錯，唔會死鹹。Set dinner 有白蘿蔔忌廉湯，前菜就要左紅布冧巴馬火腿沙律。餐廳標榜用水耕菜，的確好新鮮，仲有難得一見嘅紅布冧。白蘿蔔忌廉湯有驚喜，飲落真係啖啖白蘿蔔味，冇諗過白蘿蔔可以配忌廉湯。主菜要左法國青口、 磯煮鮑魚意大利麵， 青口同鮑魚份量十足，調味有少少辣好香口，略嫌意大利麵炒起嚟太油。最後跟餐加錢要咗個柚子芝士蛋糕，細細件，清爽柚子味，仲食到有柚子皮，為今餐畫上完美句號。