Amelia Hong Kong

營業中

休息中

同朋友慶祝生日，一早打去訂位，揀左望到維港靚景既落地窗口位，涼住冷氣嘆靚景，掂。.餐廳有Tasting Menu Set，但我地想自由揀想食既野，就係主餐牌散叫.先係兩款前菜小食炭烤原隻北海道野生帆立貝 $268大大隻帆立貝鮮味十足，加埋用牛油、蒜蓉焗成，貝肉剛好烤到7成熟，看似簡單但好好味.炭烤茄子配布拉塔芝士 $158烤完既厚切茄子，加以忌廉汁同埋布拉塔芝士焗製，茄子軟身多汁、配搭幼滑忌廉同咸香拉絲芝士.海鮮意大利燉飯 $318燉飯係用圓米，廚師煮到粒粒圓米軟硬適中，海鮮濃湯汁好鮮味，仲有海鮮大蝦同蜆.特色西班牙香烤乳豬 （1/4份） $278烤到顏色紅卜卜好靚既乳豬件，影相打卡後waiter細心教我地反轉乳豬件黎切，一切就聽到乳豬皮脆既聲音，而乳豬肉質好嫩滑唔鞋口，不過略微有點脂肪，最好趁熱食.Mocktail - Pink Shady $70叫左杯Movktail飲，係蜜桃、檸檬、雜莓果汁mix成，清新果香.

自從轉到尖沙咀上班之後，發現海港城美食太多了。今天下班同事們帶我去一家據說有無敵景觀的餐廳，環境非常舒適。 餐廳位於海運大廈地下，毗鄰天星碼頭位置，可以望到維港景色，夜晚更加有燈光璀璨的夜景，可惜所有戶外位置已經被預訂了，我們只好坐在貼近戶外位置的室內地方，仍可以窺見部分維港美景。同事二話不說就擔當了點菜的任務，我們在談笑之間美食已陸續呈上。首先，來一個『他他牛肉』$188由於不習慣吃生肉，所以這個沒有嚐試，其中一位同事非常愛吃這個菜，據說味道很不錯。同事們把『他他牛肉』放在『經典蒜香多士』上吃，個人淨吃多士也覺香脆可口，真不錯。隨後來一個『法式歐芹牛油煮花甲』(約重500克) $298，香氣四溢的花甲非常鮮甜，讚！再來一個『炭烤風味八爪魚』$238，很大一只的八爪魚觸鬚啊，口感軟中帶點嚼勁，配著沙律菜一起吃，淸新又滋味哦。主食是『卡邦尼意粉』$198，意粉形狀不規則，口感軟度適中，滿滿芝香，加上煙肉的咸香，滿意又滿足。然後，今日的主角登場了，『烤三黃雞』$888，慢火烤得整隻表面金黃色的三黃雞以竹籃呈獻，很是吸引，讓人忍不住多拍幾張照片。在我們拍過照之後，店員把雞拿去解體，雞件下面

#chuchu食在尖沙咀📍 Amelia Hong Kong平日同🐷仔行完街諗緊有咩好食，係佢户外嗰個位望到有位，就入左去坐低左！靚靚維港景好唔錯！💡聽講好難book，如果要黎最好預早打電話過嚟！—————————————————————❣️ 36 小時慢煮澳洲和牛牛小排 $388配牛肝菌意大利燉飯，牛肝菌燉飯都幾唔錯的！慢煮牛小扒食落真係幾唔錯，有肉嘅咬口又鬆軟，不過份量真係有啲小，而且價錢都偏貴！.❣️ 意大利卡邦尼煙肉溫泉蛋麻花卷麵 $208卷麵似手工意粉嘅感覺，夾埋流心溫泉蛋，味道啱啱好！但係呢碟🐷覺得較普通，同埋份量都真係好小，性價比唔算高！. ❣️Mojo Mojito $110酸酸甜甜咁，都有酒味，唔係平時啲mojito咁————————————————————— 不專業評分👅好味指數: 8/10💰性價比: 6/10👍🏻推薦: 7/10 —————————————————————🏡地址: Amelia Hong Kong (尖沙咀)尖沙咀廣東道3-27號海港城海運大廈地下OTG63號舖🕑營業時間：12:00-22:00—————————————————————#chuchu

呢間係一間幾有氣氛嘅餐廳。呢間係一間集合左好多共融元素嘅餐廳。呢間係一間好有景色，好啱朋友食飯嘅餐廳。記得之前因為八爪魚呢個菜式，人人慕名而來。咁耐以黎，依然非常人氣，因為佢哋嘅食物依然保持到。今晚試嘅兩杯mocktail當然好，特別女士一定鐘意。當日最正嘅一定要點佢嘅西班牙豬，同埋佢嘅意粉。西班牙嘅豬手燒得好好，皮脆得驚人，我好記得呢個菜式令我諗起喺西班牙一間同樣係好出名嘅食乳豬嘅米芝蓮餐廳嘅味道係一模一樣。而意大利粉有好多唔同選擇，呢個肉醬嘅自家意粉就的確令人難以忘懷。當晚基本上正常嘅所有人都非常滿意，同客人食飯，最重要係整體氣氛良好。客人特別一讚佢地個蠔湯同海鮮湯，即場serve，味道又好。仲有勁creamy同口感豐富嘅蟹餅。呢啲服務的確係法國意大利嘅高級餐廳先至有，但係呢度只不過係一間海港城中價嘅餐廳。所以真係值得推薦，一去再去，不用懷疑。

我哋成班同事都幾鍾意去海港城食飯，搭地鐵只係一個站，又有得行街，又有得食好嘢。有幾間餐廳，我自己個人嚟講非常鍾意，又好坐，幾個女仔食飯就最開心，Amelia絕對係我嘅首選。首先餐廳有海景，嘢食唔錯，又唔係好貴，最重要唔係好難book位。Menu裏面都有好多嘢可以選擇，食咁多次都係覺得幾好。如果你之前未試過識，好自然一定會食八爪魚，同埋佢個牛骨髓，意粉多種都唔錯。好似嗰日我哋叫嘅，前菜點了兩個湯，一個海鮮湯，一個oyster soup，海鮮湯最得，特別係件帶子好新鮮好好食，飲完都半飽。之後點了手工肉醬意粉，又係令人驚喜 ，al Dante的味道，肉醬又唔會太過肥，個人好喜歡呢種意粉。叫了兩杯mocktail: Hakuna Matata同Pink Shady，飲落都幾好，樣就唔算太fancy，不過同menu個樣真係完全一樣。佢嘅西班牙橡果黑毛豬手真係大推，堅正，皮脆又肉嫩。本身想食燒春雞，但佢地話豬一定要試，所以真係值得信staff嘅推薦。食左咁多次，無乜伏，求其食乜都算幾好，唯獨係餐廳嘅環境比較暗，如果一大班人食飯可能會冇咁適合。如果三到四個女仔最perfect，幾個同事，如果想坐得舒

初試海港城意大利餐廳 AmeliaWaiter安排左窗邊卡位俾我地, 坐低先欣賞無敵維港靚景, 如果唔係天氣仲比較熱會想坐出面, 夜景真係好正先嗌左杯mocktail El Verde, 混合左蘋果汁/檸檬汁/蜜糖…好清新又帶啲薄荷香味食物方面, 揀左香蒜牛油焗帶子- 帶子焗得岩岩過, 配上牛油汁同蒜粒, 好香口又有鮮味芝士焗蕃茄醬茄子- 味道濃而不膩, 茄子咬落軟身多汁大蝦蜆肉燉飯- 用左正宗圓米, 食落有咬口帶啲煙韌而唔會過硬, 大蝦爽口汁又唔會過量好似湯咁, 唔錯西班牙橡果黑毛豬手- waiter細心教我地點切, 豬手食落脆卜卜啖啖肉, 肉質嫩滑唔鞋口, 水準之作

海旁有幾間西餐廳，坐室外望海環境都唔錯！但夏天就都係坐返室內舒服啲啦🤣 menu選擇好多，主要都係嗌啲唔同嘅A la carte share😙Soup : 龍蝦忌廉馬鈴薯濃湯 ($78) / 忌廉鮮蠔濃湯 ($138)兩個湯都好creamy好香滑，而且好足料，入面有薯仔粒仲有啲龍蝦肉😋 蠔湯入面既蠔肉飽滿，吾係一般蠔豉🤨🤣茄子配布拉搭芝士 ($158)鐵板盛放既燒茄子燒得好淋，配搭蕃茄醬汁同芝士，Burrata 味道唔算好濃好漏，有芝士香味又唔會太漏～Mushroom risotto ($158)一上菜已經香氣撲鼻，黑松露味道香濃，配料有不同既雜菌，risotto 口感軟硬適中，整體不過不失😌36小時慢煮無骨牛小排 ($278)一份大概250g ，比較適合2-3人分享，牛肉味好香濃，經慢煮後肉質份外嫩滑😋

星期五晚都冇人排隊嘅餐廳，一係就好貴，一係就唔好食。呢間餐廳之前本來想試，但因緣際遇下今晚冇訂位又咁岩行過搵嘢食，服務員出嚟介紹，於是就試咗。服務員基本上非常有禮貌，有個藍衫男經理更要盛讚佢細心又醒目，非常貼心檢查我哋個單係咪叫多咗嘢（上一手有一個唔小心嘅服務員打錯單兩次），呢位男經理卻非常醒目睇到仲同我哋double check。講番食物質素，感覺好差，食物味道唔係好，份量亦不足，味道好而份量少我都會原諒佢，但真係一啲都唔好食。呢個牛扒一般手工義大利麵都係一般牛骨髓配法國包，冇乜嘢食，味道亦非常咸。唔好食，好後悔叫咗食物質素中下級，唔會推介。

每次沿海港城往天星碼頭，必會經過榮獲聖塞巴斯提安之著名米芝蓮的星級食府Amelia，一直坐落在尖沙咀海港城的當眼位置，並主打製作富意大利風情之新派歐陸式料理，聽起來已經很吸引，今次決定要來吃一餐，想知道所有有關Amelia的事。Order 過後，waiter 先端來兩碗特別的西餐湯，包括有oyster soup 和 lobster bisque，我們較喜歡蠔湯，因為那只蠔實在是太鮮甜了。接著是appetizers grilled burrata，main dishes為special Italian mushroom risotto 及grill new York steak ，兩者味道也超水準。唯一可惜的是當天的調酒師缺席，唯有選取兩杯普通飲品：hakuna matata 和 pink shady 作結。

Amelia 海港城既海景餐廳夜晚一向都好有feel 比較難book今次book 到Amelia，係意大利菜，可以望住維港食飯 環境一流。亦可以戶外用餐，坐出面感覺好chillPotato & leek Soup $178Seafood soup $1482款湯感覺有d類近 都係薯仔湯Seafood soup 較為creamy d 口感濃郁Crab cake $178上枱熱辣辣 煎到好香脆既蟹肉餅啖啖蟹肉 幾好味Oxtail Ragu Grill  $178牛頰肉麻花卷麵 好特別既pasta type面質煙un 有咬口牛頰肉都好有牛味 2者好match 唔錯唔錯Suckling Pig $278係西餐廳食乳豬都係第一次lol見到好多枱客都有叫結果好有驚喜外皮香脆 肉質嫩滑帶有咸香好值得一試Hakuna Matata $70混合熱情果同菠蘿汁 微甜幾好飲Ek Verde $70將羅勒葉加入蘋果汁同青檸汁，清新口感Basque burnt Cheesecake 口感細滑 芝士味香濃帶有奶香 畫上完美句號

Amelia曾經在西班牙獲得米芝蓮一星，主廚Paulo Airaudo曾經在唔同嘅三星餐廳工作，之後自立門戶，以自己女兒Amelia名字創立呢間餐廳，並在短短開業半年摘星。香港作為亞洲地區第一間分店，當然要慕命而來。餐廳佈置好有情調，窗邊位望住無敵嘅維港景，仲有露天座位，可以吹住海風，近距離欣賞維港景色。餐廳主打意大利菜，在菜單不難發現有一些西班牙名菜，都可以食到唔同國家嘅菜式。餐廳有個酒吧，可以即時調出唔同嘅cocktail, 啱晒三五知己摸住酒杯底傾計。我地揀左忌廉馬鈴薯濃湯同忌廉海鮮濃湯。原來湯料同濃湯係分開上，海鮮係燒過，濃湯撞落d海鮮，帶有燒烤嘅香味，海鮮嘅甜味。前菜嘅蟹餅有2件，外脆內軟，切開裡面有吊滿滿嘅蟹肉，鮮甜彈牙。主菜係西班牙烤乳豬，份量比想像中大，敲落去d皮度發出清脆嘅卜卜聲，切開左d皮d肉冧到唔洗用刀都切得開。令我諗起以前在西班牙食乳豬，餐廳老細都係用一隻陶瓷碟斬乳豬。乳豬咬落去外脆內軟，豬肉好冧，根本唔需要任何醬汁，只係靠本身豬肉嘅味道已經好好味。主食係牛尾肉醬意大利粉。呢個意粉好特別，形狀似長通粉，但其實唔係通粉，咬落去口感好特別，比意粉同長通粉更Q, 好好

海港城美食如雲，食物質低都要有返咁上下色香味俱全先可以生存到，今日就去呢間美景美食餐廳！環境：餐廳充滿浪漫情調，遠望中環無敵夜景，如果係秋冬比較涼，我一定會坐戶外！服務：侍應們非常好客，有時會同你傾下計， 交流下野食，健康資訊，十分愉快抵讚！食物：有美景，食物都有返咁上下！1. 龍蝦湯，蠔湯佢地兩個湯都非常精緻，首先會放左兩碗放得美美的龍蝦同蠔係你面前，之後再分別倒上兩者的湯，充滿儀式感，亦都保持湯的温度同食材的新鮮！龍蝦湯非常鮮味，個人更加推介蠔湯，因為有2 隻生蠔浸於湯中，味道鮮甜一流！2. 焗蕃茄醬茄子作為前菜非常開胃，蕃茄醬融入水分充足的茄子，成個感覺好田園，好fresh! 3. 黑松露燴意大利飯滿滿的黑松露，香氣撲鼻，令人食不停口，very good! 4. 牛扒西餐的靈魂點少得牛，煮得剛剛好，牛肉嫩滑，十分可口！5. Drink係咁靚的環境美食下，點可以唔叫杯酒，簡直享受人生！總結：呢間餐廳full package值得讚，由環境，侍應到食物都做到盡善盡美，值得再去！ ☺

食物水平ok 雞皮脆脆地 但雞肉有d ‘鞋’ 如果對酒唔算太高要求 係個到酒一杯都唔錯 又唔算貴 而家對出可以望海 雖然側面係碼頭 有少少影響景觀 另外亦唔算多人等位 環境都算relax

慶祝朋友升職，梗係要搵間似樣嘅餐廳，位於海港城海旁的呢間Amelia絕對系好選擇。夜晚時間，望著海旁燈光秀，格外有情調。餐廳分為室外室內，仲有吧枱位，即使坐出面亦唔會熱，不過我哋當晚就揀咗室內。菜式選擇有好多，感覺好高級，價錢也不會太貴。Mocktail，賣樣好吸引，同呢個夜晚相當合襯。El Verde 是青萍果混合seedlip spice 94加上蜂蜜青檸汁，酸酸甜甜好醒神。Pink shady用seedlip garden 108混合桃，檸檬及雜莓，味道比較香味。香濃忌廉海鮮濃湯，香滑忌廉馬齡薯濃湯，湯同料先是分開上，將湯倒入湯碗，成個感覺感覺既特別，又更有美感。咁樣更保留咗湯料的原味。西班牙橡果黑毛豬，黑毛豬乳肉的肉質實在系嫩滑細膩，將刀一插落去就聽到咔喳一聲，皮相當薄脆。尤其喜歡佢嘅焗蒜，食落好似橡皮糖咁口感，充滿濃烈的蒜香，內乳豬好夾。燉牛尾肉醬特式意大利麵，第一次食呢款意大利麵，的確很有特色，燉牛尾質素高，啖啖肉，加上芝士粉，口感層次豐富，令人回味無窮。

**Amelia**5級評分好味😋😋😋😋😋回頭 🤩🤩🤩🤩性價比 💯💯💯💯成日行過尖沙咀海港城Amelia, ，可以望住維港食晚餐ge感覺應該好chill，但一直都冇機會入去試，今次難得放假一於去試下呢間意大利菜。Soup - Potato & Leak $78 Soup - Seafood soup $148湯方面，叫左兩個湯: 韭蔥薯蓉湯同意大利海鮮湯，兩個都係經典西餐湯，口感不錯，好濃味，海鮮仲有隻大蝦肉質彈牙。Appetizers - carb cake $178經典香煎蟹肉餅，淨睇就已經口水直流！蟹肉餅煎得岩岩好，口感豐富，好有層次感。Special Italian - Oxtail Ragu $178意大利肉醬直通粉果然係唔同啲，入口咬感特別唔同啲，煙煙韌韌好好味。Grill Suckling Pig $278來到意大利餐廳, 都係第一次叫燒乳豬，都無諗到乳豬賣相非常精緻，食落仲好好味，肉質彈牙，外脆內軟，夠鬆化好高質。Hakuna Matata $70Hakuna Matata Mocktail: 內有熱情果，菠蘿等，飲落好清新舒服。El Verde $70El Verd