影片
更多
2021-10-15
38 瀏覽
近排愛上食日本菜，朋友介紹左呢間餐廳俾我，話一定要試下。餐廳除左食物高質之外，店員既服務仲好好，今次真係冇介紹錯😂明太子煎蛋卷（$78）蛋香香濃而且嫩滑，包住好多好多既明太子，雞蛋本身冇調味但加埋明太子既咸香就岩岩好。肉厚活3年凡立貝（$138）一黎到見著哂火以為咩事，原來係貝殼底有酒精啫喱燒住，黎到擺底影完影就岩岩好食得，凡立貝唔只個殼大，連舊肉都好大，除左舊肉大仲好鮮甜。但要快手d食，如果唔係好快過熟～炭火燒拼盤6串（$180）雞心：幾爽口同煙韌雞肝：口感粉粉地，入口甘香雞頸：口感有d似筋，幾彈牙自定制免治雞肉串：外層乾身，裡面充滿肉汁而是略帶咸味，點埋隨碟既日本蛋黃令味道更有層次雞軟骨：唔同平時食一粒粒果d,三角一塊，平平時食既更加脆口雞中翼：雞皮燒到好乾身而且充滿炭火既香味，入面仲保留住肉汁，師傅技術一流👍特上刺身盛拼盤7点盛（$680）有齊大拖羅、中拖羅、A4和牛、牡丹蝦、鰹魚、平目、池魚，每款有兩片，如此豪華既組合令人未食就已經先流口水中拖羅色澤鮮嫩，一放入口隨即慢慢係口腔內溶化，魚香同魚油既味道都幾平均而最邪惡既大拖羅脂肪分布有如雪花和牛咁靚，入口即溶，脂肪味道濃郁，仲肥
明太子煎蛋卷（$78）
蛋香香濃而且嫩滑，包住好多好多既明太子，雞蛋本身冇調味但加埋明太子既咸香就岩岩好。
肉厚活3年凡立貝（$138）
一黎到見著哂火以為咩事，原來係貝殼底有酒精啫喱燒住，黎到擺底影完影就岩岩好食得，凡立貝唔只個殼大，連舊肉都好大，除左舊肉大仲好鮮甜。但要快手d食，如果唔係好快過熟～
炭火燒拼盤6串（$180）
雞心：
幾爽口同煙韌
雞肝：
口感粉粉地，入口甘香
雞頸：
口感有d似筋，幾彈牙
自定制免治雞肉串：
外層乾身，裡面充滿肉汁而是略帶咸味，點埋隨碟既日本蛋黃令味道更有層次
雞軟骨：
唔同平時食一粒粒果d,三角一塊，平平時食既更加脆口
雞中翼：雞皮燒到好乾身而且充滿炭火既香味，入面仲保留住肉汁，師傅技術一流👍
特上刺身盛拼盤7点盛（$680）
有齊大拖羅、中拖羅、A4和牛、牡丹蝦、鰹魚、平目、池魚，每款有兩片，如此豪華既組合令人未食就已經先流口水
中拖羅色澤鮮嫩，一放入口隨即慢慢係口腔內溶化，魚香同魚油既味道都幾平均
而最邪惡既大拖羅脂肪分布有如雪花和牛咁靚，入口即溶，脂肪味道濃郁，仲肥過我個腩
第一次食和牛刺身，雖然牛味無燒肉/火鍋食到既咁濃郁，但就無諗過佢既肉質會係拍得住魚刺身既咁幼嫩，日後有機會既話會想試下A5和牛同A4既分別
有蝦王美譽既牡丹蝦味道甘甜，口感爽彈而黏口，令人覺得滿足
鰹魚刺身比較少日本餐廳入面會食到，魚皮輕微灸燒過之後帶幾分焦香，半生熟既魚肉肉質嫩滑，入口即溶
平目亦即係左口魚，灸燒既就食得多，通常食幾件就會俾佢既油脂搞到好膩滯，而刺身既就無呢個問題，魚味亦比其他魚類刺身相對清淡，岩晒個d又想食刺身又怕魚腥既麻煩友😂
池魚肉質結實得黎又不失肥美，口感好似食緊舊肥豬肉咁正
海膽汁燒蠔（$118）
將大大隻既蠔皮面燒到脆卜卜，裡面係岩岩好熟入口係充滿炭火既香味同生蠔本身既鮮甜味，再加上咸中帶甜既海膽汁，一邊食一邊想叫碗白飯😂
雞湯卡邦尼拌烏冬（$88）
配塔幾新穎，烏冬爽口彈牙，卡邦尼汁忌廉味濃而且帶煙肉既咸香味
明太子牛油燒飯糰（$72）
飯糰燒得香脆，入口充滿飯香同陣陣既焦香味，配埋明太子既咸香帶少少辣既味道，食完仲想再叫多一件
柚子雪葩（$38）
有淡淡既柚香味而且仲有果肉同柚皮，感覺好清新
雞蛋布甸（$38）
充滿蛋香同忌廉香味，最鍾意個焦糖微微帶苦,唔會一味死甜👍
張貼
