Add Some Thai Restaurant

營業中

休息中

早一星期經openrice預約。餐廳職員當天朝早有致電確認訂位安排，也確認外帶蛋糕沒有額外收費。我們8個人嗌了一個8人餐另加小食等，份量絕對足夠飽肚，食物味道就正常，不過不失。唯烤魚比較失色，出肉率較低及味道太淡；當晚為平日時間7點左右，餐廳基本上都滿座，但職員同事無論是前台接待或送餐都十分有善，服務非常有禮貌，例如主動收碟倒水等。另一方面，餐廳環境寬敞，每一枱位置不會太逼夾。當晚餐廳同事驚喜送上生日卡及即影即有，十分意外！最大加分為十分的餐廳服務。

今晚同朋友去咗工廈樓上鋪Add some Thai restaurant食晚飯🤭 地方大、空間感十足 餐廳主打抵食泰國菜 除咗單點餐廳亦有二人餐、泰式火鍋等選擇芝士shake shake薯條配黑松露醬$52粗身薯條沾滿芝士粉 鹹中帶甜 好上癮～ 配埋質地較稠嘅黑松露醬 爭住食😝Add some Thai泰國小食拼盤 $148好豐富嘅拼盤～ 包括自家製手打蝦餅、春卷、炸單骨雞翼、炭燒豬頸肉、迷你無骨酸辣鳳爪沙律、炸蝦餅🫣 每樣都有四件 性價比好高！軟殼蟹配金邊粉 $118兩大隻酥脆軟殼蟹配香口開胃嘅正宗金邊粉～ 又係大大碟好飽肚🤣滑雞黃咖哩 $108咖哩可以揀冇咁辣嘅黃咖哩或者辣啲嘅紅咖哩 黃咖喱帶濃厚椰奶香 幼滑香濃 味道溫和醇厚 另外仲跟咗兩大塊手抓餅～芒果糯米飯配雪糕 $68芒果香甜新鮮 糯米飯軟糯煙韌 仲配咗兩球椰奶雪糕🍦巨峰提子益力多沙冰 $48乳酸味比較重 提子味比較淡 沙冰幼滑

觀塘工廈一向都係臥虎藏龍，有好多不同種類的餐廳！今次就去左這間Add some Thai 食下泰國菜！泰式無骨海南雞 半隻$128兩個人食，所以叫了海南雞半隻，雞幾大隻，份量都多，可以3-4個人share 。鐘意食無骨海南雞，因為可以咬落啖啖肉，雞肉嫩滑，就算係雞胸都好滑！配上泰式醬汁，酸酸甜甜好開胃，好快就成碟掃清光！Add some Thai 串燒拼盤$178我地幾款串燒都想食，所以決定叫個串燒拼盤每樣都有！而且樣樣都有兩串，一定夠食！串燒拼盤有沙嗲雞肉串、沙嗲豬肉串、紐西蘭牛柳粒串、菠蘿車厘茄串、白菌串和炸蝦片！我比較喜歡雞肉串和牛柳粒串，除了很香的泰式醃料，沙嗲汁也出色，味道濃郁！如果多人食建議要叫拼盤，可以一次過試不同的串燒，而且價錢抵過逐款叫。黃咖喱配燒腩仔$118 配招牌手抓餅食泰國菜都會想食咖喱，今次選擇了燒腩仔。由於是分開上，所以燒腩仔的皮也是微脆的。黃咖喱不算辣，但是很香，適合不吃辣的人。手抓餅熱辣辣，而且剪開了很多塊，適合share食。芒果糯米飯配雪糕$68本身已經食到幾飽，但是見到這個十分受歡迎，忍唔住叫咗！擺碟漂亮，最重要的是芒果份量十分多，和糯米飯的比例剛剛

觀塘工廈出名多好野食，想食泰國菜就一定會去駱駝漆嘅Add Some Thai Restaurant ，cp值高份量充足，而且餐廳仲好闊落坐得舒適。泰式鮮蝦青木瓜沙律🌟 鮮蝦已經剝左殼好貼手，加左酸辣汁好開胃，但份量好大碟最後食唔哂。小食拼盤🌟超豐富嘅拼盤，好多種類咩都可以試下，個人最鍾意紐西蘭牛柳粒串及手打蝦餅，牛柳啖啖肉夠哂大串，蝦餅岩岩炸好熱辣辣，菠蘿燒完好甜又多汁。鮮蜆海鮮冬陰功湯🌟唔係好辣怕辣人士都食度，酸酸地幾開胃，兩個人分每人可以飲到兩碗。酥炸軟殼蟹炒黃咖哩配手抓餅🌟 軟殼蟹幾大隻咬落去啖啖肉，冇浸哂落咖喱所以仲好脆卜卜。個咖喱入面仲有幾款配菜，手抓餅凍左會變硬，建議一出菜就盡快食。馬拉盞炒通菜🌟出街叫菜平時都係細細碟，但呢碟炒通菜份量好足夠！仲要馬拉盞炒夠哂惹味，好快就食哂！芒果糯米飯配是日雪糕🌟芒果大大舊，冬天食唔當造所以有啲酸，雪糕嘅椰子味好香，食埋個甜品成餐飯好滿足。AST Sangria🌟寫住Add Some Thai Restaurant 版嘅sangria，冇乜酒味，好似紅莓汁咁。椰青🌟椰青水好清甜，大大個幾抵飲，入面嘅椰青肉仲可以食下。

今晚去了一間超人氣的泰國餐廳吃泰國菜，我一說是觀塘的Add Some Thai Restaurant ，個個都說這間食物份量很多真是性價比高。這裡裝修用上暖色系列給食客很舒服有賓至如歸的感覺。我們點了二人套餐～～～「頭盤」泰式鮮蝦青木瓜沙律 新鮮青木瓜絲很爽脆清甜，鮮蝦夠彈牙很貼心蝦身已取蝦殼，吃的時候好方便加埋泰國自家製酸汁很開胃。鮮蜆海鮮冬陰功湯熱辣辣冬陰功湯很惹味，材料豐富有大蝦蜆墨魚仔和草菇等，湯底濃郁酸酸甜甜帶點辣喝下特別醒神。「小食」紐西蘭牛柳粒串、菠蘿車厘茄串、越式絲網海鮮春卷、招牌手打蝦餅牛柳粒很諗身，而炸物也是很鬆脆來吃泰國菜一定點的就是炸蝦餅、春卷和蝦片，這個小食拼盤就可以一次過吃到，真的很滿足。「主食」酥炸軟殼蟹炒黃咖哩配手抓餅平常都是吃咖哩雞的，今次選軟殼蟹一樣咁正，原隻軟殼蟹已經夠吸睛啦！酥炸的特別甘香鬆脆黃咖哩帶點甜味配以手抓餅一起吃真的絕配。「泰式鹽燒鱸魚」 朋友想吃魚所以另外加了鹽燒鱸魚，原條鹽燒鱸魚非常之鮮嫩，用上鹽燒的做法除了令肉質鮮嫩多汁還帶點鹽香味，配上醬汁一起吃可有提鮮的味道。「疏菜」馬拉盞炒通菜通菜新鮮夠爽脆用馬拉盞炒特別有風味。「是日甜品」

餐廳位於工廈內，等lift上去既過程都有點痛苦，餐廳環境闊落，大大張枱唔怕坐得唔舒服，但上菜速度就一般啦，而價錢亦都屬中間價，唔貴唔平。 情人節有特別menu，計返總價錢都幾抵食，但我地唔大食既關係，都係叫返散叫野食，望到其他枱上既小食拼盤等食物，證明我地係岩既，因為真係好大份！ 雜菌炒金邊粉味道一般但鮮味，配上青檸汁會好食得多 馬拉盞炒通菜 惹味鑊氣並重，再辣多少少就完美 椰水雞湯十分清甜可口，缺點係一鍋得3碗左右，唔夠喉！ 黃咖哩配牛柳 加薄餅主菜變左係薄餅，配上咖哩好夾

近來比較少吃泰式，所以今次去有朋友介紹這一間餐廳，位於觀塘。店內裝修非常特別，中間有一個水池位，好有泰式的感覺。以傢俬以藤木為主所以比較relax。食物多元化，樣樣都想試！最後我哋選擇了二人餐。二人餐共有六道菜式：泰式鮮蝦木瓜沙律這個不是太辣，而且蝦味相對比較甜。湯類有四款，可選其一今日想飲椰皇椰青雞湯這個湯又清甜的椰皇味，裏面有雞有蘑菇的配料等等。如果可以用整個椰皇上就更加好！小食方面是牛柳粒，菠蘿車厘茄，春卷以及蝦餅牛柳比較硬身，以菠蘿及車厘茄那個是絕配的選擇，春卷鬆化，蝦餅味道相對可以蝦味濃郁一點主食：我哋揀咗酥炸軟殼蟹黃咖喱手抓餅軟殼蟹，炸得外脆內軟，咖喱味略為淡那一種，手抓餅係最出眾。一直食一直都能夠保持那個溫度。馬拉盞通菜感覺似蝦醬味道，所以都比較惹味！而通菜質感比較嫩身。最後梗係加少少錢食好啲，選擇了芒果糯米飯。糯米飯是淋身那一種，而芒果就非常之甜。也配以雪糕一起享用！

最近要添置傢俱，因此在觀塘一帶的大廈遊走，無意中在傢俬店對面發現了這間Add Some Thai Restaurant，便來醫醫肚～整家餐廳的佈置也充滿泰式風情，有吊燈﹑不同的壁畫及裝飾。午餐時間有各款的午市套餐，除了一般泰菜還有火鍋套餐呢🤩價錢都包括餐飲和自助吧～Add Some Thai Restaurant特別的地方是有一個自助吧，除了泰式沙律例如是青木瓜沙律外，還有其他蔬果，可自行配搭三種不同的醬料。另外還有湯品，今天的是椰青雞湯，非常清甜而且裡面還有粒粒椰肉呢！🤤第一份主食選了泰式拿破崙意粉配軟殼蟹，是有點混合了西式元素的料理。意粉用蕃茄醬炒勻，仍能保持麵質的咬口，加上酸甜的蕃茄醬，非常開胃之餘亦可中和了兩隻炸軟殼蟹的油膩👍🏻第二份主食選了正經一點的招牌泰式無骨海南雞飯 ，搭配了香脆的蝦片做前菜，還有海南雞飯必備的黃油飯，每粒飯粒都被黃油香氣包裹著，表現不錯👍🏻海南雞是無骨的，雖然不是雞腿的位置，但肉質仍能保持嫩滑，雞件亦有五至六大件左右，配上酸辣的泰式醬汁，完全是正宗的泰菜口味呢😆值得一讚是其中一杯餐飲選了泰式凍檸茶，茶底的確不馬虎，帶住泰式紅茶葉獨有的茶香呢！🍋❤️

這天約了朋友到觀塘吃晚飯，駱駝漆大廈這邊有很多小商店和餐廳，我們預先在網上看到這間Add Some Thai Restaurant覺得價錢很抵食就預約了。最方便就是有二人餐，而且都只是388元。泰式鮮蝦青木瓜沙律：沙律汁帶有微酸，非常開胃，而且鮮蝦已經除去蝦殼，非常方便進食，而且有四隻之多。鮮蜆海鮮冬陰功湯：湯的份量也有很足夠，每人兩碗，而且海鮮配料很豐富，有鮮蝦，蜆及墨魚，亦有菇和車厘茄，冬陰功辣度適中，海鮮亦很新鮮，首先職員會幫我們一人分一碗湯，後來到自己打算添第二碗時，職員剛好路過也會主動幫忙，非常細心。小食有四款，另外配三塊蝦片，大大塊又脆卜卜。紐西蘭牛柳粒串：牛柳粒大大粒，有咬口得來亦唔會韌，富有牛味，燒得很香。菠蘿車厘茄串：菠蘿車厘茄味道很清新，菠蘿燒過後增加了甜味。越式絲網海鮮春捲：春捲非常脆口，剛炸起熱辣辣。招牌手打蝦餅：蝦餅很大件，而且很彈牙。酥炸軟殼蟹配黃咖哩手抓餅：軟殼蟹有兩隻，大大隻，炸得非常酥脆，內裡帶有蟹肉的甜味，配上微辣的黃咖哩，還有薯仔，西蘭花，非常豐富。手抓餅份量很多，帶有煙韌的感覺，配咖哩很滋味。這個套餐如果加100元可以轉配咖哩肉蟹，本來都考慮過，

收工同老公去咗駱駝漆度食飯，新開左間泰國菜Add Some Thai Restaurant，裝修非常泰式，好在自身在泰國一樣，又有度假的感覺😌😌😌Add Some Thai 🎉🎉🎉性價比非常高，價錢非常大眾化👍👍👍咖喱 炒肉蟹 配 蒜蓉 包 必點咖喱炒肉蟹，非常惹味，咖喱味道好濃郁，同蟹融合埋一齊，好入味！ 黃咖喱上面加咗蛋，烘到勁脆嘅蒜蓉法包沾上咖喱一齊食，好夾，簡直一流👍👍👍可以再叫多份手抓餅配咖喱汁非常美味蒜茸 炒 椰菜 苗 油光閃閃，卻沒有油膩，有椰菜苗的獨特味道但沒有草腥味！軟殼蟹配金邊粉 金邊粉好有咬牙，加左韭菜同芽菜落去炒，所以好有口感。酸酸甜甜，調得好適當，相當開胃。有兩大隻軟殼蟹，啖啖肉，非常滿足🎉🎉🎉芒果糯米飯配雪糕食泰國菜點少得芒果糯米飯，$68必叫之選，大大份非常抵食，鋪滿清甜多汁的泰國水仙芒，加上軟糯的椰汁糯米飯，再配合味道清甜的椰子雪糕🍦

泰菜一直係我喜愛菜式之一。今次來到觀塘男友特別揾左間頗有名氣的Add Some Thai Restaurant 與我共聚晚餐，非常細心。食肆裝修極具泰式風情，無論佈置或餐具皆以木製；座位寬敞，中間還有個迴轉水池增加生氣。香煎手打墨魚餅   $68自家手打墨魚餅勁厚身，肉質爽口彈牙；用足功夫。香燒豬頸肉   $68豬頸肉燒得香噴噴，點上泰式甜酸醬；咬落啖啖肉兼且帶有些油脂，食到唔停口。泰式鹽燒鱸魚   $188鱸魚被粗鹽包裹著來燒，食時把鹽和魚皮打開來食；味道鮮甜而魚肉嫩滑，非常好食。酥炸軟殼蟹配金邊粉   $118軟殼蟹炸得鬆化香脆，金邊粉幼滑味道甜酸；加上青檸汁和花生豐富味雷和口感。泰西黄咖哩香煎新西蘭牛柳  $148黃咖哩其實唔喜愛食辣都可以食，它有濃郁的香料味所以特別惹味。而牛柳煎後油脂滲出，配合埋抓餅一齊食毫無油膩感；肉質好淋牛味甘香。還有薯仔、西籣花和椰菜花做配菜，用料十足。

同朋友好耐冇見，相約放工一齊食晚餐，因為我哋都喺觀塘附近返工，朋友推介左一間好正嘅泰國餐廳Add Some Thai restaurant,朋友話呢間餐廳食物分量夠，質素好，即管同佢一齊試吓👍🏻餐廳位置喺觀塘工廈上面，都幾近觀塘地鐵站，一入到餐廳，裝修充滿泰式風情，座位旁邊有一條水道，幾特別，因為我哋都幾肚餓所以叫咗好多嘢食😀首先嚟一個二人套餐，抵過單點好多，頭盤我哋揀咗泰式鮮蝦青木瓜沙律、青木瓜沙律夠晒爽脆，鮮蝦夠爽甜，醬汁好醒胃，另外我哋揀咗鮮蜆海鮮冬陰功湯，湯入面好多海鮮，非常之足料，辣得來夠香，飲完之後非常之開胃。小食有紐西蘭牛柳粒串，牛柳軟滑而有牛味，菠蘿車厘茄串，酸酸甜甜好醒胃，越式海鮮春卷，皮炸得夠晒脆，裏面餡料滿滿的，招牌手打蝦餅，外脆內鮮甜彈牙，味道好正👍🏻主食方面我哋揀咗軟殼蟹黃咖喱配手抓餅，軟殼蟹炸得鬆脆，配上香濃咖喱味道一流，手抓餅外脆內軟，點咖哩食都係勁正。除咗二人套餐我哋仲點左泰式炒金邊粉配鹹蛋黃酥炸海蝦，鹹蛋黃嘅香同海蝦嘅鮮味好夾，配上酸甜嘅炒金邊粉勁正，另外我哋仲點左泰式烤豬頸肉，豬頸肉燒得外皮有少少焦香，肉質爽滑多汁，點啲泰式醬汁勁惹味，最後到甜品時間

泰國菜一直都是香港人最喜愛的菜色之一，今天收工我們二人來到位於觀塘的這一間add some thai 試試。餐廳位置方便，適合上班一族，而且裝修的格局也很有東南亞風味，很配泰國菜的主題。我們點了青木瓜沙律，椰青雞湯，小食拼盤，馬拉盞炒通菜，肉蟹咖哩，手抓餅和芒果糯米飯。青木瓜沙律酸酸甜甜的非常開胃，而且青木瓜很新鮮爽脆，再搭上餐廳調製的醬汁和其他新鮮配菜，非常的美味可口。作為前菜很合適！椰青雞湯非常的清甜，而且椰子的香味很濃厚。加上新鮮嫩雞肉，更能散發出雞肉的清甜味。是一款很美味的湯品！小食拼盤有炸蝦餅，炸春捲和串燒。炸蝦餅和炸春捲都是新鮮即叫即炸起的。熱辣辣的，外表非常香脆。蝦餅肉質彈牙，也能食得岀蝦味。 春捲皮炸得非常香口，內裏的餡料也很豐富，非常美味！牛肉串燒烹調的時間剛剛好，外焦內嫩，而且牛肉還能保持嫩滑，牛味濃郁，很好食！馬拉盞炒通菜，這個非常普遍的泰式菜，這間餐廳也處理得非常恰當。調味火喉等都掌握得很好，通菜還能夠保持翠綠！咖哩炒肉蟹，這間餐廳選用的肉蟹很大隻，非常多肉，而且都是新鮮蟹。配上餐廳特別的咖哩醬汁和烹調手法，非常的美味可口，再配搭手抓餅一起進食，可以說是絕配！建

可能新年剛開店，泰菜無墨魚餅，ok, 算～無蝦餅？！omg。。。my飛弗呀！仲要問有無訂位？R u serious!? 我好有信心你唔駛排隊都有得食。Service：個圍欄高度足以要客人叫先落單😩好樣衰，俾人望住晒。。到此一食。。。。完！

自從旅遊放寬之後, 身邊好多朋友唔係去左日本就係去泰國玩, 搞到我都好想食泰國菜, 但係又想搵間正宗既, 經友人介紹之後, 搵到呢間位於觀塘駱駝漆既一間泰國餐廳,叫Add Some Thai Restaurant店內環境優閒, 地方相當闊落,擺設都好靚, 最緊要d 泰國菜超級正宗同惹味!必叫推介黃咖喱雞, 串燒同埋佢地好出名既既芒果燸米飯!椰青鮮蜆雜錦海鮮冬蔭功 ($98)呢個一上到菜已經好香冬蔭功同椰汁味, 同埋熱辣辣好岩冬天飲, 而且入邊係超過勁足料, 例如有新鮮花甲, 青口, 魷魚等, 微甜帶上正宗既冬蔭功味, 如果想食再辣D, 可以食佢另外一款A.S.T 串燒拼盤(($178)呢個拼盤有勁多小食, 包括香燒泰式沙嗲豬/雞肉, 紐西蘭牛柳粒串, 菠蘿車厘茄, 香燒白菌串各兩串, 仲有泰式炸蝦片添, 每一串都非常出色, 特別係燒菠蘿, 甜到不得了,牛柳粒都燒得非常Juicy, 而且佢地有配上特製既咖哩醬,好惹味呀!而且佢其他串燒都燒得好出色, 份量更係相當之誇張, 岩哂Gathering一班朋友share, 絕對唔會失禮.黃咖哩香滑雞肉配招牌手抓餅兩件($108)最鍾意手抓餅配咖哩