Add Some Thai Restaurant

營業中

休息中

放工想食下泰國野,上網搵到呢間位於工廈裹面既泰國餐廳, 入到黎第一眼係覺得呢度好大好闊落.我地兩個人,佢都安排左個卡位比我地. 裝潢都以木既色為主.好似入左大自然咁.感覺好舒服當日係有2人餐提供,不過因為唔係全部都係我地想食既…所以決定散叫厡隻大蝦冬蔭公湯酸酸辣辣好惹味, 蝦都大隻唔差, 我地兩個人都可以每人飲到兩碗左右肉鬆大蝦波羅炒飯份量十足, 肉鬆多到滿出黎. 咖哩配薄餅薄餅好夠味, 就咁食己經好味. 咖啡正常唔會話係喊咖哩芒果糯米飯最有驚喜係呢個!!!!椰子味雪糕,入面仲有椰肉!!當食完一堆咁重味既野食之後, 食佢會覺得好清新!必定要點!糯米飯都好煙韌，芒果就正常.呢餐係食得好飽既一餐, 下次會點多D小食, 但係芒果糯米飯係必點

我地叫左炒金邊粉，冬蔭功豬頸肉湯河同一人椰子雞湯海鮮火鍋⋯⋯個炒金邊粉初初食落酸酸甜甜咁係唔錯既，但之後食埋啲海鮮，就覺得有啲伏伏地，因為啲魷魚有啲腥，其他海鮮又好似白烚咁冇調味🥺個火鍋份量足材料正常，一個人食一定夠飽，湯底清甜但唔太夠椰子味，不過食食下其實都有啲愈食愈淡既感覺，朋友試左少少話覺得太清淡，好似清水烚肉咁......最大敗筆係個位金髮戴眼鏡嘅女店員，我地唔係要求你要笑面迎人海底撈式殷勤招侍，但起碼要有基本禮貌同尊重顧客，我地一入門口佢就西口西面，我地話book左4位，佢就目無表情，硬邦邦就咁彈幾個字出黎：「掃安心出行，量體溫」，好似命令緊我地做野咁，果陣我地個心已經嚇左一嚇...到食完之後我地去門口埋單時，自問都有禮貌講哂唔該，佢依舊一粒聲都唔出咁同我地找續，塊面西過葉劉，多謝都冇句。如果呢位店員當日係身體不適或失左聲先會咁對待顧客，我地絕對諒解，唔係嘅話希望你地可以嚴正提點佢注意自己嘅態度，我地明白今時今日飲食業難做，所以都好想身體力行支持多d良心店舖，但你地都要做好本份，提供返有質素嘅服務先得架！

原本諗住簡單慶週年紀念，食下泰國嘢，睇open rice 其他人嘅食評都唔錯喎。就試下book枱先，見有得選擇剔慶祝紀念日，梗係順手剔咗先啦😅我哋早到咗一小時，店員細心安排我哋入座。室內環境好有泰國感覺，地方舒適。我哋兩個都唔想諗食咩…見有二人餐，就叫呢個啦…唔使煩諗食咩😋再加48蚊升級甜品椰汁芒果糯米飯配是日雪糕(係椰子粒粒雪糕)😘其他食物方面個人覺得，酸辣鳳爪沙律，鮮蜆海鮮冬陰功，招牌手打蝦餅，泰式金邊粉配鹹蛋黃酥炸大海蝦，馬拉盞炒通菜都唔錯。食到飽飽，店員問我哋幾多週年紀念，話佢地會寫響跟住上嚟嘅甜品上面，甜品嚟到真係好勁驚喜，靚到呢…最後佢哋再用話幫我哋影相，.....點解佢用佢電話影嘅! 唔係用我部電話咩？原來佢公司會送一張即影即有嘅相俾我哋做記念。令一頓平凡嘅晚餐，變得有點不平凡。😘

兩年前比朋友帶到黎呢度吃泰國菜，味道一般般，水平中規中矩，今次機緣巧合下，又再嘗試Add Some Thai，今次真係比我好大嘅驚喜，食物水準有好大進步！我同朋友吃左個晚市二人套餐，每款菜式都好好吃！頭盤：酸辣鳳爪沙律 和 鮮蜆海鮮冬陰功湯呢兩個開胃頭盤鳳爪沙律夠清爽，醬汁好惹味，冬陰功湯唔係好辣，特別適合我地唔係好吃得辣嘅，我地嘅胃口全部打開曬！小食：紐西蘭牛柳粒串，菠蘿車厘茄串，越式絲網海鮮春卷，招牌手打蝦餅一次有選擇口味選擇，牛柳粒串同蝦餅最好吃，牛肉好嫩，燒得好入味，菠蘿好大塊，蝦餅炸得啱啱好，金黃色好靚加上擔擔蝦肉，好滿足，春卷都係炸的好好食主食：泰式炒金邊粉配鹹蛋黃酥炸海蝦之前在泰國吃過街邊鋪的金邊粉，嗰次每日都會去吃一次，真係好正宗，估唔到在Add Some Thai 都可以吃返呢個口味，金邊粉好得夠乾夠入味，海蝦都好新鮮口感扎實！蔬菜：馬拉盞炒通菜自己本身鐘意吃通菜，所有評價可能會偏頗，味道啱啱好，炒得好惹味！最後埋單$426，價錢都可以接受！

內用位大約10桌左右，平價餐點選擇多樣化，套餐皆附一杯飲品(可加價換)，整體口味偏重×還不錯吃×擺盤文青📸-本次餐點🍴🔸️#椒麻雞腿 這道是套餐系列-附泰國香米、飲料跟四道小菜，主菜是微厚的椒麻雞腿，口味偏辣沒什麼麻感，外皮因淋醬不脆，而小菜有金錢蝦餅/高麗菜/打拋豬/半顆蛋，打拋豬很下飯👍-🔸️#嘎拋豬起司軟法3顆軟法×脆薯條×飲料，軟法的外皮不會很紮實，麵包體佔比偏低，一咬下去就是滿滿的起司香，內裡則是開胃的辣香打拋豬❤️-🔸️#國民鐵鍋飯 搭配兩種口味，中間有顆半熟蛋(上菜後要盡快拌開)，底部有點鍋巴香，主要是黑胡椒的香氣，男友點過兩次-🔸️#飲品 點套餐系列皆有一杯NT.30的免費飲料，這次加價換泰奶跟榴槤奶茶，泰奶的茶香夠，榴槤奶茶的像榴槤糖融在奶茶中(甜度太高)，喝起來很泰🥤

餐廳採用藤椅、吊扇，以及營造日落黃昏的感覺。微風一吹，仿似綠野原林。馬拉盞炒通菜馬拉式蝦醬幼滑，通菜爽脆，味道偏濃但可接受。酥炸軟殼蟹配金邊粉兩樣材料無法融合。軟殼蟹調味單一、金邊粉還有碎蛋及小蕃茄，以別一貫做法，帶酸又帶甜。香燒豬頸肉外皮未算焦脆爽口，而且油脂未有迫出，容易出現飽膩感。泰式鹽燒鱸魚上菜如原圖。鱸魚外皮被打開，粗鹽灑到魚肉上，每一口都帶苦，難以吞嚥。此為再度光臨，但兩次的體驗相差甚遠。不過，點選的食物也盡不相同。綜合兩次經驗所得，炸物如蝦餅、咖喱會比較出色。

❗️唔好BOOK位❗️❗️唔好BOOK位❗❗️唔好BOOK位❗未試過咁差嘅體驗1️⃣衛生問題：一坐低叫完嘢食，上咗前菜，就有隻*曱甴*爬上枱。同職員反映，職員竟然帶着手套拍落曱甴度，之後有冇換過手套再上菜就唔知啦🤥曱甴拍唔死，只係叫我哋換位解決件事。我明白工廠大廈衛生可能冇咁好，但係見到其他食評都有遇過曱甴，咁即係唔係單一事件啦2️⃣食物質素：基本上冇一樣好食，冬陰功湯最差，完全冇冬陰功嘅香味，以為係羅宋湯五個人埋單一千食到一肚氣

佈滿泰國風情嘅餐廳 空間感十足環境、食物、價錢都好吸引🙂✨假日套餐 $208 +1之前食開晚市 星期日黎嘆下午茶都唔錯套餐包左好多款小食 、湯、沙律、主菜✨椰青清雞湯真係估唔到咁足料 成個鍋好有驚喜‼️成個湯好清甜 仲有椰肉、菇、雞 ✨拼盤🥢曼谷炸蝦餅蝦餅勁厚身 超級爽口彈牙 推薦🌟🥢素菜春卷🥢炭燒雞肉串加埋沙嗲醬味道一流😍🥢泰國柚子菠蘿沙律沙律略嫌乾身🥢泰國柚子青木瓜沙律🥢燒菠蘿粒車厘茄串略有烤過 酸酸甜甜✨泰式無骨海南雞飯伴🍍蝦片海南雞滑嫩 飯改為黃薑飯更好😍有埋泰式辣醬都係一個唔錯選擇蝦餅即炸好香口🍤黎到觀塘駱駝漆不妨考慮一下😋呢邊lift又唔洗排長龍好快上到去餐廳好闊落 食得好舒服‼️

約左個好耐冇見嘅舊同事食lunch,諗住搵間坐得舒服啲，冇甘迫嘅餐廳。搵到間起觀塘駱駝漆一座9樓食泰國菜，上網見佢環境唔錯加上我哋都好鐘意食泰菜，就決定訂呢間。上到去見到環境果然幾好，好寬闊而且裝修好有泰國風味，可惜食物真係麻麻地。泰式冬陰功豬頸肉湯河，啲豬頸肉又韌又肥，冬陰功湯底全完唔係冬陰功味，配料只得幾舊豆卜同一條菜，另泰式炒金邊粉配軟殼蟹個軟殼蟹有點油膩，但價錢一啲都唔便宜，八十幾蚊一個套餐完全唔值。八

同媽媽一齊行吓觀塘，諗住去一間未食過嘅餐廳，就上左嚟試呢間樓上泰國餐廳，上到嚟感覺好感覺好舒服👍🏻店員都好有禮貌👍🏻呢間餐廳我下次都會再去😊我同媽媽唔太肚餓，所以叫左一個餐兩個人食，海南雞飯嚟到有驚喜，不但個樣靚而且好好味😋餐飲就叫左泰式檸檬茶😆，味道應該唔係人人接受到😝睇你鐘唔鐘意泰式茶嘅味道另外加幾蚊叫嘅印度薄餅就真係好麻麻啦😂😂我哋都另外加左一個豆苗，好好食👍🏻⋯⋯一定要叫環境唔錯啊😊⋯⋯一個休閒嘅下午就咁過左啦❤️

我哋一行四人去咗觀塘搵餐廳食飯，記得之前上網睇過呢間餐廳嘅評價都唔錯，所以就決定去嘗試下。入到去餐廳環境幾闊落，燈光有少少昏暗，特別有情調，我哋好快已經決定咗叫四人餐泰式鮮蝦青木瓜沙律作為頭盤，呢個沙律真係幾開胃，酸酸甜甜鮮蜆海鮮冬陰功湯冬陰功味極重，好啱一啲食辣人士泰式小食拼盤(手袋蝦餅、春卷、泰式炸蝦片、一字骨雞翼、迷你酸辣鳳爪沙律、豬頸肉)個小食拼盤實在勁多款式，所有食物都炸到好香口泰式無骨海南雞份量好大，而且非常入味，好想配埋油飯，但係考慮到仲有好多嘢食，所以冇嗌飯泰式雜菌炒金邊粉即炒即上菜，嚟到嘅時候仲係熱辣辣，非常夠火喉！黃咖喱鹹蛋軟殼蟹佢會按每個人嘅份量而分配，食得好有儀態，打卡一流馬拉盞炒通菜炒得好惹味，馬拉盞味超有泰式風味。

同朋友起觀塘玩完Party Room🧸，出黎好多餐廳都要排長龍，原本唸住求其搵間坐得舒服嘅就算☺️，嘢食就不抱有期望，但今次呢間餐廳真係好正👍，唔駛排長龍，入面環境好有泰國feel😆，我地四個人就叫左四人餐😋首先，我地揀左泰式鮮蝦青木瓜沙律同鮮蜆海鮮冬陰功湯，青木瓜沙律賣相好好👍，味道酸酸甜甜，青木瓜絲好爽脆，然後冬陰功湯唔係好辣（可能我比較吃得辣）整體頭盤對我黎講幾好~😍小食同主食我地揀左串燒拼盤，泰式燒雞，海鮮菠蘿炒飯，同黃咖喱鹹蛋軟殼蟹，呢個份量對我地四個人非常足夠🥰，串燒拼盤燒雞都夠味，相信都經過好長時間醃製，菠蘿炒飯同軟殼蟹，菠蘿好甜，完全冇唸到軟殼蟹配鹹蛋黃竟然咁好吃，真係重點讚下！👍最後有我地揀埋馬拉盞炒通菜，味道都唔錯，通菜幾嫩，之前吃開大排檔都比較老，呢間嘅通菜就好好！

好耐冇去過旅行啦，呢個時候每年都會去一次泰國玩，但返黎香港又要隔離，想止旅行癮點算好，唯有吃返個泰國餐，之前聽過朋友介紹，觀塘工廈有間泰國餐廳幾好吃，今次就黎試下，我叫左一個Lunch Set 黃咖喱燴牛筋牛肋條配白飯，其實我去過好多餐廳啲牛肋條都好鬼韌，咬到牙都痛埋，但係呢間啲牛肋條完全唔韌，而且黃咖喱好香好重椰香味，係我吃過最好味嘅黃咖喱然後我再加點左泰式蒜蓉炒豆苗，上菜時就聞到好重蒜香味，鹹度啱啱好，豆苗亦都好嫩今次真係好滿意，下次有時間會再試下晚市啲嘢吃

😡😡😡開開心心一家人食飯一行十人，由訂枱、入座、點餐都係提及過有最低消費$200。我買左蛋糕侍應話要$200切餅費，係幾貴但唔緊要啦都買左，就食完個陣侍應解釋係有最低消費我哋唔夠（$17xx），所以點都係要收我哋$2000，俾個建議我（反正都係要收不如叫多啲嘢食拎走）。一家大細有老有嫩唔想做潑婦，更加唔想老人家唔開心，是旦叫多少少野拎走算。Ps: 其實錢唔係問題，問題係比人感覺亂收錢，$200切餅費演變成最低消費人頭$200。成件事係覺得佢呃人錢，就算嘢食幾好食都係錯晒。

今日同男朋友去行街，一直都唸唔到吃咩好，見到有個泰國餐廳傳單，突然之間就想吃返個泰菜，平時我地吃泰菜都起九龍城吃，一直擔心其他地方啲泰菜唔夠正宗，但我地都第一次見到有“泰西” Fusion菜，好得意。入到去唔駛排隊，環境好大，我地叫左泰式酸辣鳳爪沙律，泰式小食拼盤，海鮮菠蘿炒飯同埋馬拉盞炒通菜，份量對我地黎講啱啱好，唔多唔少，最令我地驚艷就係馬拉盞炒通菜，通菜好嫩味道鹹香，唔會太過鹹，鳳爪沙律非常清爽，好開胃！下次都會再幫襯！