2DP (已結業)

今日在尖沙咀逛街，再走進位於尖沙咀厚福街的2DP。 餐廳裝潢好文青，以木枱木椅為主，座位闊落又坐得舒服。 所以係尖沙咀行街累了，在這裡歇息一下，吃點東西來個甜品，又可以精神滿滿去血拼了。看到門外的海報，我也決定來一個蜜瓜碗•農場牛乳刨冰 (HKD108)。半個蜜瓜，上面舖滿晶瑩圓碌碌的蜜瓜跟哈蜜瓜，有青綠有橘色，好誘人…… 下層是軟綿綿奶味很重的刨冰，北海道的奶味果然很重。 蜜瓜碗牛乳，又清又甜又多汁!刨冰入口即溶，涼透心也令心情即時變得超級爽。

午膳時間隨同事到尖沙咀吃飯，試了一間素食甜品餐廳「2DP」。餐廳裝潢時尚，素食甜品主題成功吸引到不少年輕人，特別是女性的注意。 午市餐牌有六款主菜供選擇，連沙律/餐湯及餐飲不過百元，以地舖來說定價合理。因主菜是素菜，所以棄沙律 (菜) 而擇餐湯是更平衡的安排。「蘑菇湯」留有少量蘑菇碎的口感，味道稍較預期清淡。以「烤豆腐三文治」作主菜，小編還記得曾在他處吃過以豆腐作「包」的創新做法，所以對今次的出品或多或少帶點期待。最後豆腐三文治以平實型態出場，難免少了一份 WOW 的感覺。包點以烤豆腐為重心，食感稍實，未算突出。反而相伴的彩椒味道鮮嫩帶甜，連帶輕醃過的酸椰菜，為包點增分增色不少。伴碟菜方面，沙律菜以香醋提味屬常見的做法。以薯條一同呈上本來亦十分正常，只是在講究健康及卡路里的餐單上出現則有些格格不入。餐飲「薰衣草烏龍梳打」可算是特色飲品。輕唊一口，先嚐到薰衣草的花香，繼而烏龍茶味慢滲而出。梳打中放入雜莓，最後予以酸香清新的味道作結，不錯！現代人追求飲食健康，偶爾吃一頓素菜已是潮流。「2DP」在提供清新素菜的同時，又有其他花茶甜品選擇，難怪能吸引不少年輕人，可以試試！

到此一遊，一進門口，燈光充足，感覺像咖啡店格調，open kitchen , 對衛生有一定的要求！這間店是素菜主打的fusion~餐牌上都無乜選擇，叫左個薄餅，物如其名真係夠曬薄，2個意粉，每人一啖就無曬，份量比較少，性價比一般，對女仔來說都不太夠，難怪有幾台人都食無幾耐就走左！有史以來最快捷的dinner。明白在尖沙咀經營一間餐廳並不容易，亦支持本地小店，但租約一般最少1年，，要回本，真係要全面地考慮下，建議份量增加多d~

大餐過後，總是想吃得輕盈點，減輕腸胃負擔。故趁今個周未未有約聚會，來一個Green Saturday，減低平時大吃大喝的罪惡感。位於尖沙咀鬧市的2DP，主打素菜，午市部分套餐更有營養師幫手設計菜式，營養與美味兼顧。餐廳有很多款不同的素菜，由薄餅、意粉、小食、甜品，一應俱全，相信非素食者也能找到心水的菜式。2DP採用Open Kitchen，舌頭品味美食，眼晴則可欣賞廚師烹調食物。其外，還有吧枱座位供選擇。藜麥雜菜沙律配夏莓油醋汁 ($78)沙律顏色十分奪目，以紅色為主調，打破了一向沙律只有綠色的既有形象，故於視覺上非常吸引。一般的沙律以芝麻醬或千島醬作調味，但2DP則捨棄傳統沙律醬，自家調製夏莓油醋汁，的確，帶來了味覺驚喜。沙律汁酸酸地，加上莓果味道，十分開胃。另外，沙律中蔬菜類食材外，還加入藜麥及好油脂，更有助提升飽足感。桌上還放置不同的調味料，客人可根據個人口味使用。洛神薄荷橘子 ($42)我一向都十分喜愛喝花茶，貪其味道清新，又易入口。由於加了薄荷，令洛神茶的味道更為清新。而且一杯份量也不少，可以點一客茶，慢慢品嚐，在2DP享受一個悠閒的下午。餐牌在此：

雨季來臨了到處都是濕漉漉的最適合躲在室內來一點清爽的素食簡單度過一下難得的假日-瑪格麗特芝士薄餅蕃茄醬濃郁餅皮造得得很脆口可惜整體感覺比較乾-黑杞子蜜糖菊花茶絕對是喉嚨不好的恩物而且喝完整個心情都舒坦了

休閒下午茶朋友初一十五要食素菜但又吾想食啲咁死板既素菜剛好朋友係尖沙咀返工就話想食呢間餐廳開揚有lunch set-他他醬素魚枊漢堡HKD88好脆，夾菜，夾蕃茄，魚枊有有魚質感包夠熱，配薯條既炸仲有沙律伴碟，好清新餐配湯，南瓜湯加18可以飲特式飲品咖啡伯爵奶茶茶夠濃味出奇地夾，有配一粒一粒芋圓好煙韌甜品蜜桃窩夫，窩夫夠熱，脆。蜜桃好甜，配雪糕一冷一熱好爽。抹茶雪糕配茶好特別有杯少少凍茶可以，茶味甘香，冇蓋過抹茶本身既味道雪榚夠企身，不過因為倒入茶溶或苦

今日得閑特登走咗去尼間以素食為主嘅餐廳食嘢，去到嘅時候見到啲侍應以為佢哋係食客，點知當佢一出聲先知原來佢哋侍應，服務態度幾好，當我同個friend睇緊食咩嘅時候佢都會主動走過來向我哋推介，唔似其他餐廳嗰啲侍應淨係會企喺度hea下hea下。嗰個侍應就介紹咗食個黑松露意粉同埋素牛漢堡。先講講個意粉，賣相幾好，完全啱我用黎打卡。原先以為係睇得唔食得，點知食落去都幾好味，好食過嗰啲大型西式連鎖店，份量就一般，不過健吾健康我就唔清楚，一開始以為啲黑松露味會好濃郁，好難頂，點知食落之後，又唔會淨係食都得黑松露味，色都有強烈嘅菇味，值得一試。到嗰個素牛漢堡，雖然佢唔係用牛肉去整， 但係竟然估唔到佢可以整到好似一個真牛肉漢堡，雖然價錢比一般漢堡為貴，不過我覺得個份量好足夠，又有沙律又有薯條，適合一啲鍾意食漢堡又唔想肥嘅人。

與好友在尖沙咀晚飯，感覺總是欠缺一份甜品，於是來到厚福街，來這著名的店舖朝聖一下。過往曾多番聽聞厚福街這店，除了午餐及下午茶外，最為人談論就是甜品，久久也沒到訪，希望是次到來，望能證實一下。進入座下後，店內經已滿座。眼前都是主色為白色的裝修，配合著乾花或茶葉類的擺設，顯得清淡中很有典雅的味道。在這個甜品的餐牌上，有著甜品、茶飲及小食，我們各人選擇一杯茶飲及一份甜品，並熱切期待這裡的味道。巴塞隆拿紅桑莓伯爵紅茶，舉起精緻的玻璃杯，伯爵紅茶的獨有茶香，已經直撲入鼻腔，入口除了茶香，帶有點酸酸甜甜的感覺，隨之就是紅桑莓的果香，嗅覺與味覺的三重味道組合，簡直是頂尖的享受，被這種感覺迷住了。焦糖燉蛋伴普洱朱古力意大利雪糕，焦糖雖薄卻很脆，焦糖味香卻不是太濃，焦燶的香味配著甜味剛好，再加上微暖的燉蛋，口感已經很要好，燉蛋的滑及蛋香，更加是絶配。普洱朱古力意大利雪糕，初嚐是朱古力味，不濃不厚，再嚐感覺到茶香夾著朱古力味道而來，越是多一口，兩者混合的味道，就越是更為顯出互相的配合。雙色紫薯奶茶，好友說茶味雖不及伯爵茶，茶香及茶味很香很濃，當中的奶又香又滑，再加上紫薯的味道，非常有立體感的口感，完全意想

2DP stand for 2decimalplacest。之前經過幾次厚福街，見到這間有落地大玻璃的素食漢堡店都好想食，每次都見到坐滿好多人。今次下午時段來，人不多，可以靜靜的用膳。店內裝潢簡潔明亮，牆上的櫃子展示了很多中式茶具擺設，感覺把中式茶品更現代化。餐單上也不少可供素食者適用的餐點。素牛漢堡伴薯條 $102漢堡包選用麥包，焗至微脆，健康之選。中層夾著薄薄脆片和芝士，有層次感，素牛扒用上紅菜頭、蓮藕、燕麥等混合而成，吃起來也有五分似肉的質感。吃漢堡包也可以吃得好健康。焦糖燉蛋 普洱朱古力意大利雪糕 $62燉蛋好滑，雪糕茶味甘濃，雪糕不是混入茶葉碎屑，而是朱古力脆粒。味道好特別，值得一試。雙色紫薯奶茶 $48紫薯好幼滑，原來是紫薯和黃心番薯壓成薯蓉，配上充滿茶味的奶茶，都好夾！紅棗桂圓桃膠 $38最近滋補養顏都會選擇桃膠糖水，這裡都有！味道甜甜，紅棗加上桂圓香味四溢，桃膠十分軟滑，喝了這杯非常滋潤。

同中學同學係尖沙咀聚會，食完晚飯梗係要有下場，於是經過2DP唔係好多人，所以就入左去坐下食甜品。鐵觀音青蘋果茶壺蛋糕呢個tea set 包括鐵觀音雪糕，茶壺蛋糕同埋凍茶。雪糕奶味較重，茶味適中。原本以為只係得雪糕有茶味，點知連茶壺蛋糕外層嘅mouse 都有淡淡嘅茶香。入面包住青蘋果果肉同朱古力蛋糕，酸酸甜甜令到成個蛋糕唔會好膩。鐵觀音雪糕配焦糖燉蛋食焦糖燉蛋最鐘意就係食佢面頭嗰片焦糖。佢塊焦糖面燒得好脆，敲落去有打爛玻璃嘅感覺，好正。但係蛋又好滑，唔錯。Peach mojito 用新鮮桃整成嘅野飲 桃嘅份量好多令到桃味濃郁。青懧為成杯野飲帶黎左夏天嘅感覺，refreshing 。不過我覺得青檸要自己篤多2篤先夠味。整體黎講，幾好飲。Rose tea latte 單係睇賣相已經好吸引，淡淡嘅baby pink 包住泡沫同玫瑰花瓣，好夢幻。佢地用white tea 整嘅rose latte 同平時用開紅茶嗰隻唔同，佢無紅茶咁香濃嘅茶味，但係咁樣反而突出左玫瑰花味同甜味。不過對於鐘意飲茶嘅我黎講，紅茶做rose latte 會比較啱我心意。

今天一大早就去了見工🙏🏻希望順利呀~闖關後肚子餓得連聲炮發，急急腳去搵野食🤭烤意大利青瓜及南瓜薄餅88適合清新怕肥的女仔，瓜菜不致太熟所以還很好吃，加上芝士，蕃茄醬塗脆餅底，一個吃完很簡單。加12迷你田園沙律和餐湯藜麥沙律🥗新鮮有菜甜，很健康。椰菜薯仔湯熱騰騰，綿綿質地，椰菜花味突出。加22炸魚手指只有兩條但炸得好脆呀，醬帶酸好醒胃。跟餐熱洛神蘋果茶微酸，顏色很美。食後感：中午沒有晚市般繁忙，可以讓人寧靜寫意好好吃飯喔！

尖沙咀厚福街一向好多美食，平時經過見到地鋪有一間食糖水同埋甜品，而且有素食提供嘅餐廳叫做2DP，今次終於有機會去試吓。食飽飯就去睇下有乜嘢甜品試吓，見到甜品餐牌分門別類列明不同糖水，當中包括小清新、芭菲、滋潤養生同埋原葉奶茶系列，多款選擇。女士們嘅我們最鍾意食滋補養顏嘅糖水，所以我叫左一個熱嘅黑杞子桃膠雪梨糖水。黑杞子桃膠雪梨糖水用一個木盆裝住，附以餐具，飲一啖湯亂笠笠。當中包括黑杞子、琥珀桃膠同埋滋潤雪梨🍐，而匙羹上還有一些配料點綴，夠晒特色。雪梨好入味，口感爽口 ; 桃膠好林，糖水唔會太甜，味道剛剛好。而朋友就叫咗一份焦糖燉蛋，我都唔執輸試一啖，燉蛋好滑溜，而且味道好Creamy。最後埋單只係$120就可以試到兩款甜品🍮，位於尖沙咀區屬於價錢合理，而且有質素嘅糖水舖。

試下新素菜館。外表新穎，無咩人等位，內裡好光猛，開放式水吧。坐高枱無問題，一行坐左3pairs包括我地，叫菜開始感覺間店好嘈，隔離個女仔講野好大聲，兩個人食飯加上平排座都要咁大聲溝通，坐隔離嘅人真係好慘，我同朋友講野都聽唔到對方嘅內容，隔離方枱又4個人也一樣笑聲大，呢餐飯感覺好難受。但發現出去埋單近門口返而無咁嘈，即係證明牆壁反彈返d聲我地坐高枱嘅客就食哂。落單快野食來得更快，枱細碟細但叉刀太長好容易墮地，就住就住好攰。價錢較貴，因為味道一般和麻麻地。比較好食係蕪花果芝士沙律。pizza呢款餅底第一次食，咁鬆化嘅，有點唔習慣，脆過餅乾。nacho 配豆腐乾第一次食，有點唔習慣，怪怪的。米薏粉第一次食，牙齒好難對焦咁咬落去，所以食都好攰，但好有菠菜和芝士味，但個樣怪怪，朋友話味道麻麻，但我覺得可以啦。兩杯飲品都係一般。拿拿淋食完就走，下次咪搞，怕怕。

這一間餐廳是以素食fusion菜為主題的餐牌菜式大多走健康路線，喜歡健康又好味的，這不妨是一個好選擇。香草醬雜菌薄餅 $106因為想試一試清新健康的pizza, 所以就點了這一個佈滿香草醬和菇的pizza, 本身對青醬並沒有過大的冀望，因為青醬那股草青味是不能去除的。 但吃了第一口，令我十分意外的是草青味不會太強烈pizza底脆脆的，和傳統的不同，口感像餅乾，十分滿足的配搭。炸薯條配香辣蛋黃汁 $58這一款薯條的辣蛋黃醬，不算太辣但滋味度十足。配上熱辣辣剛炸起的薯條，是一個不錯的選擇。洛神蘋果冰茶 $42本身對洛神花的飲品已經十分喜愛這杯冰茶為整頓飯消除了所有的膩感，亦為口腔帶來一份清新。

夜晚八點幾黎到，安排左高檯位置，不過間野真係好嘈耳仔都頂唔順叫左士多啤梨窩夫伴唔知咩雪糕（我唔記得左）因為無意大利鐵觀音雪糕，所以轉左其他雪糕，都幾好味，仲有D燕麥係隔離伴住窩夫整得一D都唔香脆，好一般另外個焦糖燉蛋配潽洱朱古力意大利雪糕好可惜，燉蛋竟然一D都唔香又唔滑好鬼難食都唔係平開果D口感同味道反而雪糕都幾有茶味，雪糕仲有朱古力碎片甘，都OK 不過呢間野我應該唔會有下次