1988 (已結業)

今日黎到觀塘一座無諗過會有餐廳既工廈食晚飯, 沿住小斜波的停車場上去, 這裡竟然會有餐廳, 哈哈…..仲要有好多人TIM呀, 醒目既我地好彩有訂位JA, 因為係網上見到呢間餐廳好爆. 望望餐牌有好多不同種類既菜色.首先我地叫左泰式生蝦$48(4隻), 肉質爽口彈牙, 再點埋自家制泰式辣醬, 酸酸辣辣好開胃.跟住我地叫左海南雞$98(半隻), 嘩….非常肥美, 肥美得黎唔會油膩, 肉質嫩滑, 而且仲淡淡肉TIM AR.叫返碟菜先, 我地叫左炒泰國椰菜苗$88, 份量一D都唔少, 食落爽口清甜, 再帶點蒜香味.哈哈…今日有雞有菜又有蝦, 咁點少得叫返碟魚呀, 我地叫左呢到比較出名既泰式烤魚$158(原條), 大廚非常有心, 已將成條骨起左, 食落就淡淡肉, 而且肉質非常滑, 烤既時候大廚還將藍薑 & 香茅放左魚裡頭, 所以每食一啖都充滿著香茅既香味, 食之前還可以加少少青檸汁, 味道會更加鮮, 另外如果鍾意食辣, 可以點自家制泰式醬, 如果想食多少少味既, 就加少少鹽, 食清D既就乜都唔好加, 哈哈…….最後想特別讚下此店, 雖然店子少少, 但味道&品質一D都唔差, 而且出餐仲好快TIM,

由個女介紹係今晚第一次去試下，係工廠大廈地下，位置非常不便，叫咗泰式鳯爪，冬陰公湯，炒金邊粉，生蝦，串燒，及青咖哩雞配薄餅，全部味道非常一般，生蝦更加可以話難食，而且除咗湯之外，其他食物都吾熱袛係微暖，但最最最難食係青咖哩雞，咸到根本食吾到，同個待應講，佢再去同廚房講，答案係，呢道菜本身是咁味道，完全冇當是一回事，真係食到幾無奈，比完錢3人$521，食物同服務都吾好，環境又好普通吾值咁價錢，但吾會再有下次亦都希望睇食評人士小心，最慘吃完返來口渴得好緊要，大家小心小心小心

唔知老闆係咪1988年出世，又或者1988對佢地有d 乜特別意義，所以餐廳以此命名呢。上星期同幾位好友食飯做冬同慶生，揀咗呢間1988，地址少少難搵，係觀塘工廈入面。 好彩事先約埋朋友一齊去，由觀塘行過去要d時間。壽星女未咁快到，我地先叫住 d 嘢食。叫咗:1. 串燒 雞豬串各二 (每人分到一小件，點埋醬好食d ，都幾入味)2. 肉碎炒飯 (有少少辣，份量幾多，5個女仔一人分d ，都分到兩細碗)3. 小食拼盤 (有蝦餅，春卷，乜都有d , 每樣都試到件，趁熱食好d)4. 炸軟殼蟹青芒果沙律 (好開胃，軟殼蟹好大隻，酸酸甜甜，份量都唔少)壽星女黎到，追加:5. 咖哩牛柳條 (好味丫，咖哩唔係太辣，牛柳條好冧，但又唔會煲到無晒味，我因為有濕疹戒食牛肉好耐都試咗，牛柳份量唔多，一人一件架咋)6. 炒金邊粉 (普通啦，茄汁底，少少油)7. 蒜蓉包 (要等一陣先有得食，幾香蒜味，啱啱焗起好香脆)8. 因為買咗蛋糕，要叫一樣甜品先可以唔洗收切餅費，叫咗西柚蒟蒻配蜜糖撻 (記住要兩樣一齊食，就咁食其中一樣會過酸/過甜😌)呢晚食得好開心，臨走侍應係門口擔心我地唔識路仲"教路" 添。 P.S. 觀塘工業

最近食左唔少令人驚喜既工廠大廈餐廳前幾日先食完間環境唔錯既西餐今次又跟朋友推介去左間泰國餐廳次次我地都係去九龍城老地方以後又多個泰菜選擇地方有D偏僻 不過都快行到去因為朋友帶路平日都坐滿 睇黎都有唔少人發掘到呢到坐低就發現杯墊等都係寫住merry xmas同埋印埋餐廳名幾有心思同花成本喎！有個禮物仔紙盒我同朋友以為係戒指原來係唔同味道既茶包 幾窩心大路小食都有齊好似蝦餅墨魚餅等等都有串燒4串五十幾蚊都平呀豬同雞我地揀左各二食雞肉一撕就開就知D肉有幾鬆化佢個調味唔會令人好口乾果種濃點埋附上既沙嗲醬味道更加惹味又唔會好油 幾推介連豬肉D肉都係咁香軟生菜包係泰國食物必叫啦但咁大盤生菜包就真係第一次見次次都係慳住慳住咁包D豬肉碎仲多過生菜豬肉肥瘦一半半見到好多肥部份但食落意外地又唔油肉碎乾身但調味又好夠刺辣得黎因為有生菜既新鮮中和返第一次食哂D生菜D包仲有一半所以叫店員比多碟生菜我地淨係食呢個都飽飽地朋友話想食咖哩黃咖哩同青咖哩各有特式本身個餐牌係黃咖哩牛腩 但朋友想食雞所以店員幫我地轉左黃咖哩雞又係大大碟 D咖哩汁多到就黎瀉出黎佢呢個咖哩唔係好重香料好辣既咖哩比較杰身因為椰漿既比例幾多入面有

很久沒有吃泰國菜，觀塘區難得有間新式的泰菜可以在午餐一試，便訂座一嘗！位於工廈區當中1988，位置可能有點隱蔽，但其實並不是啦，找對了大廈入口走進去，沿路都有指示哦！我們大概中午十二點到達，餐廳已有人客在用餐，檯面上一張張的訂位名字，看來訂位是必須的一坐下看到鄰座的客人在吃海南雞飯，我雙眼發光，看得到的又白又滑，我要吃哦！午餐的選擇不算多，有7款可供選擇。7款也是泰國常見的菜式，最後我們選擇了黃咖哩牛腩配白飯及海南雞配油飯各一。跟餐附有飲品，意外地梳打系列等都不用額外加錢。我們各自也選了青檸梳打黃咖哩牛腩配白飯，好大的一碟哦！濃濃的咖哩香味好吸引，吃落有椰子香味，微辣，不吃辣的飯腳也可以吃。牛腩咬下勁淋！油脂滲出，好香口！這就是看到都想吃的海南雞配油飯，雞肉立立令的，好吸引！看到雞肉剛熟，粉嫩白滑！吃落果然滑滑的，雞皮爽口的，雖然邪惡，但都忍不住全吃下！海南雞配上黑醬油及泰式海南雞醬，帶點酸辣的味道，好開胃！又好吃！用來撈飯可把飯全吃掉呀！青檸梳打也不賴，青檸味道足夠，清新好喝！

幾個朋友都講過呢間新開既1988泰國菜好好食，之前平日夜晚無booking就咁walkin左想黎食，點知full booking，連平日夜晚都full應該真係唔少野，心思思想再食，今日放假，又有野去觀塘整，咁就緊係食1988啦！兩個人1點前到，好彩仲有位！唔洗等即刻有得坐，見到其他人d set lunch 大大份，超正，我地叫左一個木瓜沙律雞扒飯同埋蜆湯飯。木瓜沙律唔辣，雞扒份量非常多，亦好食！辣蜆湯超正！蜆勁大隻，絕對無hea你，有成10隻，個湯辣得黎勁清甜！仲有粉絲係底！吸曬味，勁正呀！野飲叫左西柚梳打，唔會太甜，大大杯，勁正！整體黎講都好抵又好好食!一定會再黎！

又一閒觀塘工廈隱蔽餐廳，這間1988提供精緻的泰國地道特色菜，Menu 選擇精簡。這個黃咖哩牛腩飯，外表俏麗，加上少許椰奶，令咖哩汁很香甜，牛腩也很松鬆，不太淋也不韌，剛剛好，整體味道一流。一碗飯另上，飯撈咖喱汁更加香甜容易入口，飯和黃咖喱汁全清。來一杯青檸檬梳打，嘩！青檸檬真係特別酸，不過越飲越甜，原來啲糖沉晒底。蜜糖撻配上西柚啫喱，其實配搭有點奇怪，這個蜜糖撻連cream食很不錯，小小果糖味，食入口有一種椰絲蛋撻的質感。餐廳受地方所限，環境一般，不過比起外面的工廈森林，這裏有一種森林以外讓大家歇息的感覺。服務也很殷勤，整個餐連飲品加甜品都是＄85，在觀塘來說也是非常可以。

室內環境不錯，唯門口裝修工程飄來的油漆味大殺風景！當天Miss了確認訂座電話，服務生貼心send來WhatsApps提醒，讚👍🏻！食物有水準，份量很好，不會細細碟！今晚點了青木瓜沙律、海南雞、燒豬頸肉、大蝦金邊粉、炒椰菜苗、檸檬撻。特別點名：海南雞— 雞滑之餘，個醬係好好味，咸辣適中！燒豬頸肉 —肉嫩唔乾，個汁又係佳作！再次力讚服務質素，離開餐廳時，因工廈客𨋢已鎖，服務生主動帶我們離開工廈迷宮，巧貼心！

依間食店唔難搵，但都幾隱蔽。入到店內唔算大，幾光猛，簡單擺設，唔迫，整體嚟講都坐得幾舒服，但不幸地我坐喺一個長喇叭前一張枱，雖然音樂唔算大，但都幾煩厭🙉介紹完環境，就講吓食物喇…蝦餅($56): 一切落去就feel到個蝦餅好彈手，咬落去堅彈，味道都唔錯，但最敗北係用牛油紙墊底，牛油紙係唔索油嘅，放底嗰兩舊俾油浸住生蝦$48): 食生蝦個汁好緊要，但依個汁我就覺得唔夠杰燒豬頸肉($56): 嚟依度食飯，好大原因都係睇相，見人post碟豬頸肉出嚟好吸引，所以一定會叫啦，但講真，有啲失望，肉太淋，冇咬口，味道都Ok,但個汁可以重口味啲就更好炒雜菜($78): 正常炒雜菜鮮蝦炒金邊粉($88): 好味，但汁收得唔夠，有少少濕。整體嚟講，依個價錢有依個水準，都推薦大家嚟試吓。如果大家想試，最好book定位，我星期一去食，都90%full5碟餸+2杯青檸梳打連加一，$416埋單

今日難得早收工，又想試下新野，就去到觀塘一帶睇下有咩好西吃，一路上都見到好多唔同國家既菜式，但最後好都揀左，位於工廠大樓既一間泰國餐廳。因為個日都好早黎到，所以唔洗點等位就入得，一入到去裝修好簡潔，好舒服既感覺，第一感覺幾好。之後就點左一個生菜包，豬勁肉先，前者肉好多，不過有少少辣，而豬頸肉就煎到脆皮，好正。跟著點左個好大份既波羅炒飯，同pad thai , 2個都炒得好有獲氣，同高水準。冇得輸最後點左啲小食拼盤同炒菜，蝦餅要再點，因為炸得好好食。而且走既時候，待應會好体貼咁教你點樣離開，呢樣服務真係好好。

同朋友講開想食泰國野但又冇時間出九龍城朋友就介紹左呢間泰菜朋友提我過左一點半後先去食因為午飯時間唔book位真係會多人到冇得食於是聽朋友話去試試入工廈時完全唔知會有餐廳 但轉角即時有surprise呢到既lunch menu原來會過一排就轉豬頸肉飯 食落唔乾 加埋啲蒜粒仔同少辣既汁味道更豐富咖哩牛腩飯 咖哩椰香味濃個汁撈飯一流牛腩汶得夠林夠入味 整體呢個飯冇得輸👍🏻泰式鳳爪用牛油紙裝住 感覺衛生啲鳳爪入哂味 食得辣既人就岩哂墨魚餅原來想嗌蝦餅點知冇於是試呢個墨魚餅墨魚餅即叫即製夠彈牙建議唔好點太多泰醬免得蓋過墨魚味泰式咖啡 ☕️泰式奶茶試得多，咖啡未試過呢個咖啡都ok,加上奶泡口感幾滑熱檸檬蜜 餐廳用既唔係普通菜蜜蜜糖唔太多冇蓋到蜜糖味 甜酸度岩岩好最值讚係嗌呢兩杯野都唔係額外加錢👍🏻呢餐真係滿足到我食泰國野既慾望🤤

Lunch time 同兩個同事搵到呢間餐廳，大家都未食過所以就試下。我地叫左：海南雞飯黃咖喱牛腩飯滷水無骨豬手飯三個飯都好好食：一. 海南雞飯既雞肉唔鞋又無雪味，但油飯普通，係三個飯入面比較無咁特别，但都算好食。二. 咖喱飯既牛林得黎有香牛肉味，好似炆左好耐咁，咖喱都好香，有香椰汁果，薯仔林得黎入味，大家都覺得呢個可以翻兜。三. 豬手飯既豬手都林，但豬皮仲有d煙un，滷水汁都好香。另外飲品我地叫左西柚梳打，青檸梳打同奶茶。兩杯梳打都好fresh, waitress話有新鮮既西柚汁同青檸汁喺入面，奶茶就麻麻地，可能我地飲唔慣泰式奶茶。餐廳環境舒適，不過同事話有少少熱同焗，我覺得okay。

觀塘工廈咁多上樓既餐館，點解會簡中呢間去食，究竟佢有咩咁吸引呢？就係佢啲擺設！餐廳除左野食要好味之外，當中佢店裏面既擺設同埋餐具都係其中一個我考慮既元素，好治癒呀食得泰國餐館，梗係要食返個包生菜肉質一啲都唔鞋，香料比出邊更加惹味再加埋紫洋蔥所有野配搭都恰到好處酸酸辣辣嘅泰式鳳爪，又點可以少得你呢唔算太難，唔係好食得辣嘅人都可以試吓沙律菜都好新鮮小食拼盤，全部新鮮炸起一定要趁熱食加埋個醬汁，大滿足冬陰公湯又係唔會太難，一啲都唔搶喉重帶有少少甜味泰式河粉蝦夠哂爽脆，加埋青檸汁，絕對唔可以睇少炸軟殻蟹，分別俾咗泰式甜醬，同埋沙津醬個人覺得最好食就係加沙律醬不單止可以提鮮，重將個蟹肉提升到另一個層次泰式咖喱牛腩肉質鮮嫩，唔會好似其他牛腩咁一夾就散哂值得一食再食甜品都好精緻，賞心悅目檸檬撻個蛋白脆脆，成隻帆船咁不論擺設同埋味道都係一樣咁好

今日朋友約食飯， 佢提議去觀塘食， 雖然我係觀塘半個地膽 ，這間餐廳都係第一次去 ，食市在工厦入面， 一打開門就覺得餐廳好吸引 ，畀你有井井有條嘅感覺 ，侍應好有善帶我哋入去坐低 ，餐枱嘅setting清潔整齊 ，未食已經對呢間餐廳好有好感 餐廳中心放咗一大盤植物 ，感覺好優雅和好有泰feelset lunch有七個選擇, 價錢由68至88元我叫海南雞湯米線雞肉好滑好入味， 湯底好清甜又有蘿蔔配咗豉油同酸甜醬, 真係好夾酸甜醬好惹味朋友叫泰式無骨滷水豬手飯豬手係一件件切開咗， 我攞咗兩件嚟食 炆得好淋好入味一啲都唔肥膩， 同埋配佢哋嘅獨特醬汁真係好好味呀！其實本小姐平時甚少食豬手，真係要比個like另外配了一個小食就係泰式鳳爪加25 元便可。 套餐跟飲品飲品嘅種類都不少，我哋兩個就叫咗熱嘅洛神花茶，顏色加味道……非常好。惠顧套餐有八元優惠券 搵日要嚟試下佢哋嘅晚餐

今中雖然係開心星期五既前一日，放工亦無阻我約朋友食飯，想約就約話咁易，朋友眼紅我去泰國係咁食，所以特意約佢食泰國菜，依區隱藏唔少美味餐廳於工廈內，真係唔花少少功夫都未必搵到，依間泰國菜餐廳亦係依區幾有名氣，做開勇者既我當然要食下佢既泰菜功架啦黎到餐廳門口見到一列椅子排好比等位既客人坐，一入餐廳已全場滿座，預早訂座既我早到左十分鐘，店員亦友善叫我地係門外等一陣，餐廳既裝修都以文青簡約風做主題，舒服得黎似屋企感覺泰式生蝦一份有四隻，每隻都大隻新鮮，夾埋蒜粒同辣椒粒點生蝦汁一口食，肉質爽滑彈牙，本身辣汁惹味十足，令鮮味更提高，真係食極都唔厭泰式炒金邊粉 本身我都不太愛食pad Thai，因為食過好多間泰菜餐廳炒既都偏酸，由於朋友鍾意食所以點左，估唔到我由此愛上依度既炒金邊粉，食落無平時一般食到既咁酸，反而甜味較強，咀嚼緊先慢慢有陣陣既酸味出黎，而且有每條金邊粉都掛左汁咁，加配料非常豐富，食落好滋味啊，愈食愈開胃，完全唔抗拒仲要係咁夾黎食，好味喔海南雞半隻 一送上枱見到賣相已經相當吸引，淨係睇到都覺得好食，雞肉旁邊有兩款醬汁，分別係黑醬油同酸辣汁，雞肉嫩滑啖啖肉，愈食愈香，全部雞肉連皮既肥瘦適