1963 木十豆寸

營業中

休息中

《1963木十斗寸》冇錯，又係灣仔最近係呢邊返學所以要發掘下呢區既餐廳有介紹既朋友，不仿留言話我聽🙃今日試咗呢間台灣野老闆都係台灣人餐廳位於唐樓上兩層冇lift既所以食飯前要做下運動啦餐廳佈置行舊式復古風個人覺得幾有特色座位都算闊落雖然位置算喺馬路隔離但可能因為上咗樓所以冇乜噪音可以靜靜地傾偈👍🏻叫左一個炒飯同牛肉麵櫻花蝦炒飯 HKD80份量有啲細男仔食可能唔太夠但飯係炒得幾香，粒粒分明滿漢牛肉麵 HKD90分開紅燒湯同清燉湯清燉嘅味道反而比紅燒更加濃郁略嫌牛肉唔夠淋但味道係唔差嘅紫薯拿鐵 HKD42紫薯味唔夠，奶可以少啲有興趣嘅朋友記得訂位呀😉

今日下午同朋友去灣仔經過附近就去試下！第一次食，所以叫了台灣菜中最普通的紅燒牛肉麵同黑糖奶茶！因為愈係普通的菜式就愈顯得到餐廳/食物的水準！果然一試之下見真章！紅燒牛肉麵入面睇落正常，但入面嘅牛筋硬到連筷子都插唔入，根本不能入口！麵條又唔彈牙，入口似未煮熟咁！杯黑糖奶茶一d茶味，黑糖味都冇！好似一杯奶水咁！最離譜係竟然俾一隻崩左杯邊嘅杯俾客人用！崩位摸落去重有少少界手嘅！雖然飲凍飲多用飲管，間餐廳又係sell 懷舊，但呢d 事關飲食安全嘅問題，作為一間餐廳都可以咁唔在意，就算食物真係好食都冇用！重要食物係咁難食，飲品又咁難飲，真係唔會再想幫襯！

無意中響Openrice 見到呢間食肆，令我諗起幾年前台中旅行去過嘅一間懷舊飯店，諗住食完飯慢慢欣賞其擺設同裝修，點知上到去同想像完全兩回事，地方比較夾窄感覺有點焗束，又唔可以揀位座，加上店員大多唔友善，我同媽咪食完都即刻走人。🥢台式豆乳雞 $70⭐️⭐️⭐️⭐️唔好誤會豆乳係豆腐，其實係豆腐乳/腐乳，呢度啲豆乳雞炸得幾金黃香脆，內裡juicy嫩滑，淡淡腐乳香好好味，而飯又粒粒飽滿有飯香，推介！🥢台灣鳳梨牛肉麵 $75⭐️⭐️一上枱有啲失望，兩片鳯梨又細又薄，同menu個圖差好遠，而牛肉算入味但唔夠腍，食完黐晒牙，麵爽口彈牙掛湯，湯底有淡淡鳯梨味幾清新。🥢荔枝蘇打$15⭐️有荔枝香但甜得滯，飲咗兩啖放棄咗！二人共消費：$176後記：1）據聞有得訂位，但我打咗幾次都無人聽，上到去問我有無訂位，我話無，跟住店員無回應⋯⋯幸好上去等咗一陣好快有位。2）問店員個鳳梨牛肉麵辣唔辣，佢答我唔知，跟住我表明媽咪唔食得辣，佢都無動於衷唔去問，服務態度認真麻麻！

這家餐廳位於灣仔鬧市，但門面比較少要小心才能找得到。入到餐廳有一種懷舊的感覺，像60、70年代的家庭內一樣。疫情下不能外遊，就當自己去了台灣。我叫了一個滷水拼盤、臊肉飯套餐。滷水拼盤的味道很好，尤其是滷豬耳，爽口。另外臊肉飯也10分好吃，豬肉的油香味和飯混合在一起， 10分好吃，但也10分邪惡。小菜是青瓜，剛好平衡了油膩的感覺。

想嘗一點家庭色的台灣菜，我會推介你來這間餐廳，內裡的裝修及擺設懷舊味道十足，玩味也十足，坐喺內面有如在台灣家一樣，食物精緻又冇味精，非常適合和家人來一齊進餐，增添一份溫馨感覺。

好有格調嘅一間餐廳，由一條窄樓梯上兩層樓，樓梯嘅地磚係唐樓風格，餐廳門口有兩道大木門，一拉開又有另一番風味。餐廳嘅燈光柔和，暗暗的，周圍都充斥着一種年代味，舊雪櫃、舊相機⋯，仲有menu用的那種皺皺的紙質，真係巧有feel。我嗌左一個lunch set, 脆雞腿滷肉飯。滷肉多汁，味道剛好，撈飯一流，雞腿又真係夠晒脆，認真唔錯，同台灣嘅食台有得fight。非常推薦大家一試。

呢間隱身係繁華市區嘅台灣餐廳，一推門入去就被佢懷舊環境所吸引，餐廳佈置傢俬都好適合打卡，果日仲見到人著旗袍影相添📸🔆滿漢牛肉麵$90一開始係驚喜嘅，一碗牛肉麵端上後，仲接住有另一碗牛肉，份量十足!滿漢確實名不虛傳🙂本身期望台式牛肉麵嘅肉質都會係好軟腍，但佢嘅牛肉食落係好茶記feel，係我平日係茶餐廳食牛腩麵果種味🤨🔆烏龍茶香燻雞$80 原本好期待佢會有好香嘅茶味😌但烏龍茶只係意指放d烏龍茶葉係面？🤣舊雞食唔到有茶味🥲雞嘅質感唔嫩滑但又未至於乾柴🙈香燻味道濃烈，伴有黃芥末，100%就係燒腩仔陣味😂🔆鳳梨蝦球$75 呢個係最令人滿意😗就是普通蝦球同鳳梨🤣鳳梨唔酸👍🏼另外有點唔愉快，就係一坐低有位店員就多次催促落單🥲食完又火速收野，枱布都收埋😂只不過坐左一個鐘都無😭以為趕收舖，離開時望一望時間，距離之前告知我地嘅關門時間仲尚遠☹️

「態度、服務極差，食物質素參差的受氣西面黃店」朋友book左晚上七時三十分，去到既時候，就安排左我地係角落位，咁我地見D位未full曬，就request下可唔可以坐窗邊位，因為真係好逼，同隔離檯相距唔夠15cm。於是我地就諗住問下可否調位問曬三個樓面，一個高高瘦瘦既樓面望一望我地，揮下手拒絕左，無理到我地，勁西；然後我地再搵個女樓面，態度勁西咁回應：有其他人book jor，D位係我地安排，無得調！我地就好聲好氣話：我地都有book，而且D位係你地安排，之後黎食既人唔會知佢哋坐邊，完全唔符合邏輯。之後我地就受住氣食完餐飯。

呢間💛小店係我公司附近，不嬲間唔鐘都會幫襯，雖然感覺佢哋好似易左幾次手，食物冇乜新意，但服務及食物質素唔太consistent, 但勝在餐廳環境有d特式，傾吓食飯都唔錯，可惜最近上星期去，發覺服務態度差左好多，話要我哋一小時內食完，臨尾聲不停咁叫我哋快d埋單，之後仲直接出單，不停咁趕我哋走（但其實認真地入面大把吉位）😥其實真心想支持💛小店，但如果服務咁樣，真係有d趕客，就算💛都咁話，😔希望可以有所改善，如果唔係真係可惜

呢一間台灣餐廳已經黎過幾次，但第一次寫食評。以前過嚟都好鍾意呢一度嘅裝修，充滿住復古嘅味道，利用唔同嘅懷舊裝飾同擺設營造成個氣氛。另外，餐廳嘅空間感都非常之大，枱與枱之間嘅距離都好充足，唔會俾人感覺好逼夾今次嚟到，就係試一試佢哋嘅午餐套餐，咁我分別叫咗佢哋嘅茶燻雞烏龍茶漬飯（$78）同養生清燉牛肉麵（$65）。首先個茶漬飯係配咗烏龍茶，味道都好香濃，另外個雞都好入味，有好濃郁嘅茶香散發出嚟！而且啲雞都好滑如果你覺得啲雞唔夠入味都可以配合個芥末醬另外個牛肉麵都唔錯，份量都好足夠，牛肉都好柔嫩，湯底都有清香嘅牛肉味！

☼ 1963 TreeA Taiwanese gourmet restaurant in Wan Chai~The layout in this place was very aesthetic and photogenic, quite a dark and cosy vibe.🍽 Sesame paste noodles with meatball soup (NOT vegan!)💸 HKD 65😺 The dish itself wasn’t even vegetarian, which I found surprising as I found it on a vegan food account! (The broth and meatballs are made out of chicken).I cannot be certain that this is the only veganish dish there, as the whole menu was in Chinese :/The noodles were quite dry and there were c

見到比較多食評話好味，所以比較期待。幾個人去食，一人嗌一個麵／飯，再share 其他餸。首先，我自己係嗌咗個麻醬麵，賣相夠好，可惜金玉其外，d麵乾爭爭，又硬，我倒咗d餸汁落去先好咗少少。月見過貓係菜嚟，中間隻蛋撩勻之後，都唔知隻蛋作用係邊，好普通。佢個樣令人期待，可惜食落原來好普通，得個樣好睇，又無乜鑊氣。不過好彩叫了，因為d汁倒落啲麵度先食到d麵咋。三杯雞，呢碟幾好味，雞滑，辣椒有辣度幾正，d蒜頭大大粒都幾香幾好食。桂圓紅棗茶熱飲幾不錯，味道夠。除開一人130，食咗幾碟餸，又有飲品，唔算貴。

有得打卡既良💛小店! 餐廳位於唐樓2樓, 有個特別既名, 1963 木十豆寸. 1963係唐樓建成既年份，而「木十豆寸」係「樹」既拆字🤣 內部環境同外在一樣有懷舊古早味, 好岩打卡! 人手唔夠 要比d耐性～📣打卡注意｜淨係可以係用餐範圍附近影, 我去廁所經過個櫃想影張相都即刻被阻止, 叫我想影可以包場😂 所以比機會你黎多幾次坐唔同位再影. 好彩坐係信箱同復古燈附近 都影到d靚相🦁 食物 台南古早味, 冇咁貼近平時食開既味✅ 台式三杯雞 ($88) ｜鳳梨蝦球 ($55) 比較出色, 鳳梨加蝦幾清新➡️ 滷肉飯 ($30) ｜ 醋溜高麗菜 ($65)｜鳳梨蘇打 ($35)正常味道❎ 古早味滷排骨 ($75)個排骨好多人推薦 但食落好”鞋” 比較失望-🦁 1963 木十豆寸灣仔灣仔道110號中匯大樓2樓🦁 人均消費：$128 ｜推介：❣️❣️❣️/5

是日老細未夠12點就叫我去食飯，好耐冇黎灣仔搵食，即刻開個地圖指點下迷津先😂由於時間尚早，一條友可以慢慢揀，最後竟然比我發現灣仔道有間唔錯嘅台灣菜😍鋪頭位於唐三樓，要行兩層先到，去到門口岩岩12點開門，已經人頭湧湧，入到去見到d裝修好特別，懷舊得黎d裝飾又幾靚，大家都不停打卡，不過疫情期間唔比過檯影相，有點可惜🥲午市主要都係飯麵類，本身想試鳳梨牛肉麵，但係又口痕想食辣野，所以最後就揀咗麻辣牛肉麵！另外仲加錢叫左杯烏梅汁😋😋麻辣牛肉麵 $70平時食譚仔我會食二小辣，相比之下呢個麻辣牛肉麵唔算太辣，值得讚嘅係個湯底同餐牌所講嘅一樣，唔會太鹹，飲多幾啖都唔會覺得口渴，仲好重牛肉味👍🏻牛肉大概有四舊，另外有兩舊牛筋，牛筋炆得超淋，差不多入口即溶！！麵條第一下食落有d似拉麵，幾煙韌，撈埋啲湯食幾夾🤤烏梅汁(冷) +$15開頭怕太辣，所以叫咗杯烏梅汁，酸酸地嘅感覺真係好啱夏天飲！唔知係因為啲店員太忙，定係因為我坐咗喺個死角位，開頭想叫嘢食嗰陣揚左幾次手都冇人理我，到埋單嗰陣我都費事再等喇，直接行左出門口位置叫佢收錢🙃🙂

朋友早咗成個星期先book到位，一行四人都滿心期待，因為想試呢間餐廳好耐。中午大概一點去到，都已經滿座。餐廳嘅裝修好有舊式風味，睇得出用咗唔小心思放滿擺設。自己點了古早味滷排骨飯，味道唔會偏鹹，但排骨入口較為乾身，份量亦都偏少。滷肉飯就不過不失，肥瘦適中，有啲家庭食嘅感覺。另外，嚐了些朋友點的脆皮雞腿飯，雞腿炸得酥脆，份量相對亦都較多，不錯。有點了養生牛肉麵的朋友話，藥材味濃，如果喜歡杞子既話可以一試。