18樓雞煲火鍋專門店

營業中

休息中

呢度簡直係荃灣地標之一， 18樓雞煲就梗係喺18樓啦。呢度算係平價得來多款式又好食嘅雞煲，食完個雞煲仲可以落清湯打邊爐，一個價錢就有兩種食法。雞煲惹味唔在講，薑蔥蒜都入晒味，好食！聽聞鯇魚片、鯇魚腩係必叫，咁又確係新鮮而且係真正嘅脆肉鯇，脆口的～仲有個炸魚皮，真係不得了！香脆都唔在講，鹹味得宜，淥兩秒食更加好味。淮山、蓮藕片、鮮菜籃、自家製嘅飲品都有。肉類有肥牛、羊肉、滑牛肉、豚肉片等等，仲有鮮淮山、蓮藕片、鮮菜籃、自家製冬瓜茶。我覺得必要叫嘅必選鯇魚腩、鮮蝦、蝦滑、滑豆腐，又新鮮又彈牙，真係非常唔錯。飲品佢又多選擇，罐裝果汁、汽水、涼茶、熱茶都有幾種。唔怪得長期都要排隊，確係抵食。

呢間野又係唔訂位，基本上唔洗食，排好耐，太爆場。叫左個套餐b，網上點餸，好快就送到上枱，雞煲好好食，唔會令我失望先，之後打邊爐，都係一般打邊爐有既野啦，但係d牛真係好好食。時間方面同其他打邊爐一樣啦，都係2小時任食。味道全部都好味

今日同朋友去荃灣做gym，做完之後正苦惱食咩嘅時候，朋友建議去荃灣大鴻輝睇睇。去到樓下見到好多人喺門口派街招，果棟大廈全棟大部份都係食打邊爐放題。喺眾多餐廳嘅選擇下，我地選擇左食18樓雞煲。上到去唔洗等位，好快就入座，職員帶我地到卡位，卡位非常闊。同樣呢到都係用QR code 電子落單，仲有wifi 提供，唔洗用數據。餐單有好多選擇，雞、牛、豬、海鮮都有好多種，酒精類飲品需要額外收費。菜可以到出面有大型雪櫃取，都有幾款菜。雞煲我地點左中辣，配料都算多嘅，洋蔥芫荽都足夠，而醬汁濃，辣度剛剛好。職員將爐開保溫，既可以熱住d雞，又唔會焦。d雞肉嫩滑，加上辣醬汁，真係絕配食曬d雞我地就開始加湯打邊爐。加左湯之後醬汁味道都無減，呢個時候見到d配料浮上面。打邊爐響鈴不可少，當然今次雞煲係重點，打邊爐係其次，所以隨意點左dd野食就算。而野飲方面都有唔少選擇，除左普通嘅罐裝同支裝飲料外，有自家製冬瓜茶同烏龍茶，烏龍茶一杯一個茶包，味道十足。最後當然唔少得乳酪雪糕機，今次有原味同草莓味，隔離仲有6款配料可以加料。

心血來潮想食雞煲，所以放工出咗去荃灣搵男朋友一齊食😝，呢間雞煲見到網上都有唔少好評所以就嚟下！未夠七點已經有人排隊，所以嚟食最好早啲/訂定枱，好彩我同男朋友都唔係等咗好耐就有位👯‍♂️我哋嗌左一個唔辣嘅雞煲 (haha因為我唔太食到辣)份量都幾大下而且味道唔錯，其實食完已經有少少飽🤣食完我哋就開始打邊爐，呢度係要自己落湯嘅，如果想加湯就自己出去拎。打邊爐嘅配料全部都可以用Apps落單，非常方便👍🏻，種類都幾多下，咩都可以試，值得一讚嘅係，嗌完轉頭就會送到枱，慳返啲等嘅時間✌🏻✌🏻我哋嗰日食嘅是日精選海鮮係聖子🤩🤩非常surprise，而且好新鮮！除此之外仲有比較少見嘅火鍋配料，就好似鵝腸、白鱔片，平時喺出邊嗌都唔平，但呢度竟然係免費而且都幾高質😋！遲吓會call埋成班fan再嚟食過！

今日喺荃灣做完Facial約咗朋友喺附近食飯講到去荃灣食嘢一定係去大鴻輝中心度食啦成幢都係餐廳大把選擇～最後決定去咗呢間18樓雞煲～我記得以前食過一次嘅印象都唔錯！由於我朋友佢唔食牛嘅，所以就揀咗最平嗰個套餐A！我哋今日食個early dinner ，六點鐘就到喇所以可以直接book in唔使等～安排咗我哋坐卡位有個無敵靚view ~一坐低侍應已經即刻問我哋雞煲想要咩辣，大約15分鐘之後計較就已經到咗可以食啦～隻雞夠滑，味道亦都夠濃，小辣啱啱好～食完隻雞就可以到啲湯落去打邊爐～呢度係用QR code點餐非常方便，而且出餐速度奇快亦都唔會漏單～食完個雞煲之後其實都已經飽飽地所以我哋都係輕輕點左少少其他邊爐配料邊食邊吹水～主要都係點咗丸類，豬腩片，梅頭片，羊肉片～至於啲蔬菜就可以喺一個凍櫃入邊拎，有娃娃菜油麥菜，另外仲可以點秋葵等等～至於飲品汽水特色飲品就唔少得啦，另外佢哋仲有自家製嘅桂花烏龍茶同埋冬瓜茶！我人最鍾意冬瓜茶，因為唔太甜好解渴！呢一餐真係輕鬆愉快，而且價錢唔貴每人都係$178再加一，抵玩！另外真係要讚一讚佢呢度嘅抽風系統，入嚟前同食完後我都完全聞到個身有打邊爐同埋雞煲味！

今日約左朋友係荃灣行街，因為朋友想食雞煲，所以夜晚我地就揀左大鴻輝入面嘅18樓雞煲火鍋專門店食，佢嘅樓層位置咁啱都係18樓。同一般火鍋雞煲一樣，調味料同飲品都係自助形式，但呢度有一邊嘅飲品係餐廳自家沖調，有桂花烏龍茶同冬瓜茶，幾特別，兩款都唔會太甜，桂花烏龍飲落好清新，同濃味嘅雞煲好夾。 一坐低，我地揀左小辣嘅雞煲，店員唔洗兩三分鐘已經將雞煲端出來，之後我地手機點完菜，員工都好迅速上菜，又無漏單非常有效率！雞煲份量足，醬料味濃好惹味，麻麻辣辣，雞肉嫩滑，本身好怕食到鞋身嘅雞肉又或者骨多肉少，但哩個雞煲舊舊都大大件，啖啖肉。朋友推介可以叫少少配料加雞件一齊炒，我地點左魷魚、花膠、牛柏葉，隨伴雞煲一齊煮熟，等佢地吸晒雞煲嘅醬料，最後食落好入味，好美味！魷魚同牛柏葉都好新鮮爽口，每件花膠都大大件，口感岩岩好。食到咁上下，我地就加湯等打邊爐…我地叫左肥牛、羊肉片、鮮蝦串、鱔片、蝦滑、墨魚丸、蟹柳、芝士腸、豬大腸等。餐廳上菜嘅份量係按用餐人數去定，所以2個人食嘅話，食材份量係會以2-4件去上菜，咁我地又可以叫多幾款試下！打邊爐點可以唔叫，於是我叫左份即炸響鈴試下，浸曬雞煲既精華湯汁，好正！出面有

​🤍18樓雞煲火鍋專門店​​18樓雞煲有分3個套餐：​套餐A: 美國雪花肥牛 ​套餐B: 美國安格斯牛​套餐C: 極上澳洲肥牛​​我就揀左最平嘅套餐A，揀左之後店員就會送上個雞煲，然後俾個QR code你order野食，咁你食完個雞煲就可以自己加上湯，咁個雞煲就會搖身一變變成雞煲火鍋嫁喇！一雞兩食～^_^​​∞ ∞ ∞ ∞ ∞ ∞ ​​◽️套餐A雞煲 7/10 (HKD 178 + 10 週末價）​​雞煲非常非常濃味，入面有好多雞件（包括雞髀、雞翼、雞背、雞胸），我就叫左小辣，雞煲咸度、辣度適中，雞肉嫩滑，入面仲有洋蔥、辣椒嘅配料，非常惹味！建議大家尼個時候儘快食晒啲雞，因為加湯後啲雞就冇咁好味～^_^​​*:･･:*:･ﾟ･:,｡*​​◽️雞煲火鍋7/10​​加左上湯嘅雞煲亦都好好味，雞煲嘅汁同上湯非常夾，所以加左湯個邊爐仍然都好夠味，咁尼個時候，大家就可以加入岩岩用QR code點嘅配料，開始打邊爐！​​*:･･:*:･ﾟ･:,｡*​​◽️主食​​泰國粉絲 8/10 （粉絲打邊爐一流！索晒啲雞汁，而且粉絲偏幼，質料好柔韌、唔會煮斷，推薦阿！）​出前一丁 8/10 （肥仔之選，不過出前一丁

今日返荃灣探亞媽, 順便去食 18 樓雞煲兼火煱, 鍾意佢一煲兩食, 過足口癮. 這裏地方夠大, 坐得舒適, 價錢平, 難怪全場爆滿.自助醬料區, 蔥花, 香蒜, 辣椒, 想點就點.雞煲送上, 一路 reheat, 一路已經聞到香噴噴嘅味道. 紅蔥頭, 芫茜連同其他香料, 把雞的味道迫晒出來, 非常嫩滑.肥牛, 大蝦, 墨魚滑, 各類餃子, 彈牙雜丸, 不能盡錄.響鈴, 鮮淮山, 炸芋頭條, 秀珍菇, 金菇菜.....口感不同, 各有特式.仲有脆卜卜嘅炸魚皮, 必食之選.蔬菜當然唔少得. 菜芯, 通菜, 生菜, 娃娃菜, 樣樣都咁新鮮, 份量細細, 試齊全部都得.各式果汁, 汽水, 茶類飲品, 任君選擇. 我 like 這個自家制台式冬瓜茶, 似有片糖嘅香味, 加上冬瓜, 就係鍾意佢夠清熱.雪糕, 仲要係自助形式, 比你過下手瘾, 唔係度度有. 乳酪味, 草苺味雪糕, 加上爆珠, 椰果, 棉花糖等配料, 難以抵擋的誘惑......18 樓雞煲, 比個 like 你

喺荃灣行開街 就上咗去18樓食18樓雞煲火鍋專門店🤣太耐冇食雞煲 好掛住🤣餐廳嘅環境同衛生都唔錯 坐得非常舒服 隔住隔住咁 幾有私隱度 而且唔會坐得好迫一入座 店員首先會問咗想食咩餐同埋雞煲要咩辣度 今次我哋八點入座 揀咗套餐A($178未加一) 非常抵食 雞煲嘅辣度我哋揀咗小辣 非常惹味 醬汁味好濃郁 好香辣 間唔中仲會食到少少麻麻哋嘅味道 鍾意食麻辣嘅就非常啱心意 雞件煮得唔錯 食起上嚟唔會話好老雞嘅份量好多 我同朋友兩個人食 淨係食雞都食到好飽 而且係好多肉嘅 唔會話剩係得骨飲品係自己自行去飲品櫃拎 有好多唔同嘅選擇 除咗罐裝飲品 佢仲有冷泡茶 好驚飲甜野嘅大家 就有另一種選擇啦 我自己幾鍾意佢嘅燒仙草爽 同冬瓜茶 兩個都唔會話太甜 好適合一路食雞煲一路飲 另外每一台都會有一支高湯 非常方便大家食完雞煲直落打邊爐🤣打邊爐嘅材料全部都係經手機落單 非常方便 而且好快就送到上嚟 依個速度非常值得讚 我哋嗌到成枱都係打邊爐嘅料 我哋最鍾意嘅係響鈴 肥牛 芝士豆腐丸 仲有芋圓波波 當然其他都正 不過就等大家自己發掘啦真係好想讚佢嘅牛肉 雖然係放題形式 我哋仲要揀咗最平嘅餐 但係佢啲牛肉唔

因為屋企人未食過雞煲放題，所以今日就帶佢嚟試下我已經食過一次嘅18樓雞煲火鍋專門店我哋6點左右入座，揀咗最平嘅套餐A(每人$178+1)，套餐包2個鐘嘅雪花肥牛同特級肥牛以及其他配料任食舖頭隻雞仔icon好可愛，碗入面都有二人份量嘅雞煲，我哋叫bb辣辣味唔會好勁，啱啱好可以一路食雞煲一路叫定邊爐料準備打邊爐，手機就可以落到單配料嘅選擇好豐富，基本上會有齊晒打邊爐你會想落嘅嘢，加上每一份都細細份，咁就可以每樣食少少，食多啲唔同種類嘅食物加湯就打得邊爐呢度嘢飲都係任飲嘅我就主要飲佢哋餐廳自己整嘅冷泡茶，無糖嘅最後食完邊爐仲可以出去diy雪糕，好滿足！呢個價錢咩都包晒真係夠晒抵食，屋企人都話要再encore

平時嗌個雞煲都要百幾蚊 再嗌火鍋配料 埋單都500起跳 所以任食一定最抵🔥~我地嗌咗最平個set 套餐A 19:00-21:29 $178 另加一自助區有飲品 醬料 雪糕 飲品仲有自家制嘅冷泡茶 同埋菜都喺出面拎首先送上雞煲 叫咗微辣 淡淡嘅辣味帶上少少麻香 雞煲濃郁惹味 份量適中~之後自己加湯打邊爐 配料自行scan QR code落單套餐A包括任食雪花肥牛同特級肥牛除咗肥牛我地都試咗羊肉 羊肉帶膻味肥牛肉質軟身帶咬口 油脂分布平均丸類選擇都好多 其中比較特別係咖喱魚蛋普通魚蛋內包住咖喱餡料仲有各種海鮮例如海蝦及聖子 都好新鮮鮮甜 除咗火鍋配料亦有小食 蝦片同黃金香芋波波 蝦片脆口 香芋波波好食😋 最後雪糕自己係出面擠 有乳酪雪糕同朱古力味 另外仲任落toppings

雞煲同火鍋可以算係有異曲同工之妙所以無論咩季節我都隔一排就好想食😋今次嚟到呢間位於18樓嘅18樓雞煲從食物嘅質素同埋款式就可以知道餐廳真係好有心思🥰.🌟套餐B ($218)今次我哋揀咗微辣嘅雞煲🐓店員將雞煲放上枱面嘅時候已經聞到好香嘅麻辣同花椒味店員仲好細心喺食之前幫我哋炒好雞件好滑身 份量亦唔會過多 兩個人食就啱啱好依個辣度就算食唔到辣嘅朋友都接受到😙.食完雞煲之後 最期待就係可以加湯低打邊爐🤩邊爐嘅配料好多 可以scan qr code落單非常方便 仲好衛生肉方面有雪花肥牛、特級肥牛、美國安格斯牛頸脊🥩除咗有肉同菜之外 竟然仲有海鮮 例如廣島蠔🦪、手打蝦滑同扇貝真係有好多選擇.飲品方面亦都係任拎 就咁睇有超過10款嘅選擇🥤食完野仲可以食返個甜品 有好多配料選擇可以按自己嘅口味去整雪糕食🍦.任食好容易會嗌咗好多餸店員亦都好快手收走晒啲碟所以食完唔會放到成枱都係 可以繼續食😏

今日同老公落荃灣行街，經過荃灣大鴻輝，見到很多人派傳單，全部都係樓上美食，有日式放題、燒肉、火鍋等等，而我就選咗18樓雞㷛火鍋專門店，作為今日晚餐落腳點，貪佢食雞㷛又可以打邊爐，雙重享受。👍 上到18樓，未出lift 已經見很多人等候，這證明我冇揀錯。很快我哋就安排入座，紅色卡位坐好搶眼，每枱座位之間好闊落好舒服。 雞㷛出場啦，侍應姐姐還幫手先翻炒幾下，香氣立即爆發出來，急不及待即刻試吓，我點左微辣，加上少許麻椒，味道剛剛好。雞肉嫩滑，連雞胸肉都唔鞋，抵讚👍 食完雞㷛就自行加上湯打邊爐，呢度係用QRcode落單叫火鍋料。火鍋料種類豐富，除豬牛雞羊外，還有鵝腸、花膠、脆肉鯇、白鱔片、墨魚鬚、豬大腸、胡椒豬肚丸、鮮淮山和自家製響鈴等等。樣樣都新鮮有水準，抵讚👍，另外都要讚下落單後很快就送到而沒有漏單。👍👍 蔬菜、火鍋上湯、飲品都係自助形式，我特別喜歡台灣冬瓜茶，少甜而不膩，老公就鍾意桂花烏龍茶。最後食埋乳酪作為結尾，今晚好滿足，下次一定要再嚟！

＜18樓雞煲火鍋專門店＞成班麻甩佬敍舊🥲，就梗係打邊最方便，朋友介紹左呢間位於荃灣大鴻輝中心既雞煲放題專門店，橫掂未食過就一於去試下～同好多雞煲放題一樣，有自家製涼茶同自助雪糕，而呢度都係先食雞煲再加水打邊爐。今次叫左中辣，辣度比想像中低而且個人覺得有少少偏甜，但味道都算濃，之後加湯都唔覺得好淡。今次我地試左中價位既套餐B，除左一般肥牛同特級肥牛外，比套餐A仲多左安格斯牛頸脊同埋3款海鮮。牛頸脊偏瘦，但有肉味同有d咬口，個人幾鍾意。3款海鮮有急凍既廣島蠔同扇貝，其實都冇咩味道😂，而蝦滑亦都雪得太耐，不過都仲彈牙。其他配料都係不過不失，另外呢度既響鈴係炸到成個波咁，第一次見😂

好耐冇食雞煲啦 平平哋就梗係黎18樓雞煲啦 為咗個雞煲癮 都係揀咗最平嘅嗰個餐因為唔係好食得辣 每次都係叫小辣 我覺得個辣會越煮越辣 今次當然都唔例外 食到一半之後就好快加湯打邊爐啦講返啲雞肉 一樣保持到水準 唔會有冰鮮味 而且每一舊都好入味 係會令到你越食越停唔到口打邊爐當然唔少得牛肉 雖然係最平嗰個餐 但係特級牛肉一樣好有水準 唔會一味得個肥字當然點少得叫啲海鮮呢 值得一讚蝦真係好新鮮 非常彈牙 是日海鮮係花甲 冇沙 而且上枱嘅時候花甲仲會郁 真係估唔到放題火鍋都有咁新鮮嘅海鮮 絕對對得起呢個價錢跟住叫咗幾款丸 特別推薦黑椒台灣腸 一條一口 調味好好味 另外叫咗鮮淮山 爽口好味打完邊路梗係唔少得食返啲雪糕 仲可以任加配料添