更多
2021-08-10
3380 瀏覽
這間18樓雞煲火鍋已經是第二次食,去年食旺角的分店都覺得性價比很高。今次帶一位大食朋友來,他都讚不絕口。雞煲是即叫即製,等待的時間可以飲住嘢先,也可以用環保電子碼落單慢慢揀嘢食。今次發現有金黃芋泥波波,唔洗淥直接食得,而且好優質。芋泥香甜,仲有鹹蛋黃。電子落單又快效率又高又唔會漏單。相對較高級嘅食材例如蝦、花膠等都叫幾多來幾多。打邊爐要有嘅嘢都一應俱全,醬料蔬菜自取。雞煲來到,足料調味,不止吃得出,肉眼也看得出有花膠、辣椒、洋蔥等等。我們都不算好辣的人,叫BB辣剛剛好。吃落口有一點點麻嘅感覺,但又不掩蓋雞肉嘅嫩滑同鮮甜。用雞煲嘅醬汁點爽脆炸魚皮都好好味。特別介紹幾款我喜歡嘅食材:花膠,諗住只有指甲咁大塊,點知來到足足有手掌咁大,而且係淥熟之後嘅Size。抵食指數又再上升。台灣腸,同埋佢後面嘅清熱檸檬飲。台灣腸爽脆而且調味夠鮮甜,係我飛佛,平時喺街食小食都係首選。打邊爐有得任食實在太爽。另外唔想飲汽水可以配呢個飲品,唔太甜,順便清下打邊爐嘅熱氣。萵筍+後面嘅牛腩。萵筍呢種食材又係近年流行,唔止索湯,而且爽脆,佢嘅菜青味同其他食物嘅味道仲會產生好夾嘅化學作用。牛腩亦都肥瘦相間,咬開即融,媲
雞煲是即叫即製,等待的時間可以飲住嘢先,也可以用環保電子碼落單慢慢揀嘢食。
今次發現有金黃芋泥波波,唔洗淥直接食得,而且好優質。芋泥香甜,仲有鹹蛋黃。
電子落單又快效率又高又唔會漏單。相對較高級嘅食材例如蝦、花膠等都叫幾多來幾多。
打邊爐要有嘅嘢都一應俱全,醬料 蔬菜自取。
雞煲來到,足料調味,不止吃得出,肉眼也看得出有花膠、辣椒、洋蔥等等。我們都不算好辣的人,叫BB辣剛剛好。吃落口有一點點麻嘅感覺,但又不掩蓋雞肉嘅嫩滑同鮮甜。 用 雞煲嘅醬汁點爽脆炸魚皮都好好味。
特別介紹幾款我喜歡嘅食材:
花膠,諗住只有指甲咁大塊,點知來到足足有手掌咁大,而且係淥熟之後嘅Size。抵食指數又再上升。 台灣腸,同埋佢後面嘅清熱檸檬飲。台灣腸爽脆而且調味夠鮮甜,係我飛佛,平時喺街食小食都係首選。打邊爐有得任食實在太爽。
另外唔想飲汽水可以配呢個飲品,唔太甜,順便清下打邊爐嘅熱氣。
萵筍+後面嘅牛腩。萵筍呢種食材又係近年流行,唔止索湯,而且爽脆,佢嘅菜青味同其他食物嘅味道仲會產生好夾嘅化學作用。
牛腩亦都肥瘦相間,咬開即融,媲美清湯腩店鋪嘅招牌出品。
比起傳統中式火鍋呢度多左D好玩嘅乳酪雪糕機,可以自行調配,加朱古力豆、糖漿之類。 有士多啤梨味,唔太甜,食完熱辣辣邊爐用乳酪雪糕做結尾就最完滿了。
張貼