18樓雞煲火鍋專門店

營業中

休息中

有一日突然心癮起，想食雞煲同埋打邊爐，朋友就搵到呢間二合一嘅餐廳。先講食物味道，雞煲偏鹹但量多，但雞煲個味係好食嘅，惹味！火鍋個湯底偏淡，望落去麻辣嘅色但係可以再濃味啲。牛肉都唔算韌，比起其他鋪已經唔算肥。丸類正常發揮，芝士丸個餡唔會好空心，都實淨。芝士腸唔係雜牌腸，係金妹嗰隻，幾好。水餃淨係食咗粟米同菠菜兩款，粟米餃麻麻，菠菜餃好好多，叫中規中矩。蟹子墨魚滑好正，係真係有墨魚味，爽口彈牙，唔會好似食緊擦膠咁。響鈴好大嚿，個shape都幾得意。醬料方面都係大路野，如果有埋麻醬就更好！打完邊爐去試咗雪糕，有朱古力同乳酪揀。乳酪嗰隻食落去真係乳酪，好啱早餐食之餘，飯後食都可以解膩，開返個胃食其他嘢，不錯不錯。服務方面，一入座就有waiter嚟整熱個雞煲，落order之後好快就送到過嚟，又唔會漏單。值得一讚嘅係落單menu大多數都係以一粒/一份為單位，建議可以先試一兩粒，覺得正嘅可以再瘋狂加單，咁就唔使嘥晒啲食物。座位方面，餐廳大多數都係卡位，幾闊落，坐得好舒服。

好鍾意任食打邊爐，尤其是有埋雞煲嗰種，食完個雞煲先落湯打邊爐，又可以同朋友傾住計，一路烚吓烚吓，好開心～😄😄成日都好想試吓呢間「18樓雞煲火鍋專門店」，不過成日想book都full，今次預咗成個幾星期之前book，終於可以試到啦！🎉今次同朋友叫咗美國雪花肥牛個餐。一上雞煲就已經聞到香噴噴，我哋叫咗小辣，都好香辣好惹味，啲雞都幾滑，份量都多。食雞食到差唔多，就再加湯打邊爐。我哋叫咗兩款牛肉、脆肉鯇、手打丸、少少海鮮&響鈴，食物都幾新鮮。本來再想試多幾樣，但係已經好飽。另外，仲有調味料、雪糕、菜、飲品等，都可以自己出去無限拎。要特別提下佢哋嘅飲品，佢哋放咗好幾個飲品櫃喺場內唔同位置，原來幾個櫃裏面嘅飲品都唔同，所以去到，真係要逐個櫃睇吓自己有咩啱，有啲飲品都幾特別，有驚喜嘅😆今次試唔晒，因為實在太飽，下次要再嚟試多幾樣先～

今日嚟到荃灣大鴻輝中心食雞煲😋 18樓雞煲火鍋專門店 全層18樓都係佢哋嘅 一去到門口服務員已經問我哋雞煲要咩辣度 然後就帶我哋入去坐啦 環境好大又坐得好舒服😌 跟住再揀埋打邊爐要邊個套餐 咁我哋就揀咗套餐A 精選美國雪花肥牛 然後店員就會拎張QR code俾我哋再自己揀打邊爐嘅嘢食👍🏻 睇緊打邊爐有咩嘢食嘅同時 熱辣辣嘅雞煲好快就到啦😍 今次我哋揀咗微辣 個雞煲一上枱嘅時候超香 個汁做得好惹味🤤 有微微既麻同埋辣 唔會做得太咸 鍾意食辣嘅朋友可以叫再辣啲👍🏻 雞肉份量都多 同埋煮得入味又夠滑 連洋蔥都好味😋 食到差唔多就可以開始打邊爐啦😍 佢一早已經放定上湯起枱面 隨時倒啲湯落去就可以開始打邊爐啦👍🏻 雖然打邊爐放題大部份都係食嗰啲嘢 但值得一讚嘅係 佢所有份量都唔會話太多 好多都係一件一件咁樣上🙂 好多時候食放題都會不知不覺叫咗好多然後又食唔晒好浪費 所以佢細份啲寧願叫多幾次都唔會浪費幾好👍🏻 咁我哋都叫咗好多嘢食呀😆紅薯粉、蟹籽墨魚滑、自家製響鈴、魚皮、金菇雞髀菇、萵筍、山藥、炸芋頭、雪花肥牛、紐西蘭羊肉片、蟹爪肉棒、花膠、墨魚仔、是日海鮮：蜆 飲品都係自助形式 自己出去拎

你可能會說這個價格你可以食到最多的東西，但絕對不是高CP。 我建議你存錢，用錢嘗試另一頓價格更高但味道不錯的。 食物一般， 不知為何拿到這麼高的分數。這家商店以非常便宜的價格提供“吃到飽”的火鍋。 這就是它如此受歡迎的原因。 我選擇了雞肉鍋，你可以在火鍋之前完成煮熟的雞肉。 我們點了牛肉、蔬菜和各種聚會套餐，味道很好。 還提供免費飲料和冰淇淋。 物有所值！ 不過，飲料的選擇，不錯，特別是冬瓜茶。 我給它5星。雞肉很好吃，冰淇淋也很好吃。 餐廳服務很好。 但切記不要穿昂貴的衣服，因為它們會吸收火鍋的味道。

🇭🇰荃灣抵食雞煲邊爐放題【#18樓雞煲 】套餐A 精選美國雪花肥牛 $178耐冇食雞煲梗係要去搵抵食嘅放題雞煲邊爐啦，今次揀咗美國雪花肥牛套餐，性價比真係超值喺呢個價錢但係俾到你一流食材嘅體驗，首先上菜嘅雞煲辣度可以任你選擇，雞煲嘅醬汁加埋新鮮啖啖肉嘅雞件真係唔錯，食完個雞煲就要加入上湯去打邊爐任食啦，而家全部都係電子落班喺手機上面睇晒要寫呢撳幾個掣就送到嚟面前啊！無論係肉類蔬菜海鮮都好多款選擇，大家一定要記得揀是日海鮮一定會有驚喜！最後仲要去自助甜品區食返幾杯乳酪雪糕咁就圓滿啦！⚠️120分鐘用餐時間 加一服務費⚠️📍18樓雞煲火鍋專門店 (荃灣)荃灣眾安街55號大鴻輝(荃灣)中心18樓

出餐時間慢，原本話10-15分鐘之內上餐，但過咗20分鐘不但沒有上餐仲要食客提醒才發現未上餐。之後餐廳裡面仲出現曱甴，經理態度不良，沒有作出正面回應仲趕食客走睇到曱甴都冇晒食慾！

18樓雞煲都好出名，專係開喺商業大廈嘅18樓，今次就揀咗荃灣分店，裡面面積好大不過都好多人！ 安排咗全部都係卡位，坐得舒適好寬敞。呢間餐廳通常都會食咗雞煲先打邊爐，但係因為朋友對雞敏感，所以就直接揀邊爐湯底。原先如果雞煲嘅話打邊爐只能夠加清湯，如果其他湯底就要加錢。如果直接揀湯底就沒有額外收費。今次就揀咗鹹菜胡椒豬肚湯，味道鹹香有層次，仲有好多豬肚喺裏面，胡椒味道濃郁。依家用手機order非常方便，當然一定要叫肥牛，叫咗雪花肥牛、特級肥牛、其他肉方面就叫咗頂級梅頭豬肉、滑雞柳、雞件。D牛嘅花紋分布都OK，對得住價錢，滑雞柳、雞件就真係有啲喜出望外，個質感真係好滑！另外一定唔少得海鮮同其他配料，滋補花膠大大片，早啲落嘅話可以更加入味；是日海鮮係蜆，鮮味十足。自家製響鈴卷+山根當中，竟然呢度有得食山根，平時中式先有得食，所以係咁encore；自家製響鈴卷形狀特別亦都好香脆。炸魚皮、白菜豬肉餃、包心芝士丸都值得一試！唔少得嘅菜有order嘅金菇菜、鮮准山、秋葵，出面就可以自取蔬菜籃。除此之外仲有甜品雪糕，兩款口味仲可以加上唔同嘅配料增加口感；最近亦都多咗自家製飲品，包括冬瓜茶、烏龍茶等等，冬

最近成日落雨 天氣涼涼地就想食雞煲打邊爐一講起雞煲 18樓雞煲係最佳選擇價錢唔貴 食物質素好—套餐A $178最基本嘅選擇就係套餐A但都包雪花肥牛同特級肥牛任食如果7點前離座或9:30後入座平$20-先講講雞煲 叫左小辣味道岩岩好唔會好咸 雞都好入味兩個人既份量都唔少 食完仲想再食呀！-食完雞煲就出去拎上湯打邊爐就可以任叫唔同既食物每碟既份量岩岩好 唔會因為得兩個人而叫左好多特別推仲海鮮 有魚有蜆同蝦蜆非常新鮮 上碟既時候仲識郁入口一啲腥味都冇無限encore!其他既食物都好味 而牛肉都唔會太肥-除左野食新鮮 餐廳都提供左好多唔同既飲品怕肥既關係我都係飲左幾支茶又可以清下熱氣-下次同朋友想食雞煲去18樓又係一個好選擇

今日經過荃灣，就試下荃灣大鴻輝中心既18樓雞煲火鍋！ 點解會簡呢間？因為我未行到大鴻輝中心，就已經遠距離見到佢地既招牌阿！ 聲稱#地表最強雞煲火鍋🌝 好！我就去試下！我地2個人就食19:00，選擇左套餐A: 精選美國雪花肥牛 （雪花肥牛、精選肥牛）價錢係$178@1人 我覺得都合理🤩❤️唔貴。依家即刻分享食完嘅感受。我想講。個雞煲真係好好食！ 😚我愛佢地個雞煲醬！ 煮到d雞都好肉滑！ yumyum食完個雞煲之後就打邊爐，打邊爐就我覺得普通， 同平時喺屋企打邊爐差唔多，不過不失🥰 其實食完佢哋啲雞都已經飽咗一半，因為隻雞真係太正。跟住再叫啲牛丶烏冬、丸、豬等等，好快就已經食到滿滿的滿足，飽晒。然後就可以食佢哋嘅乳酪雪糕/草莓雪糕🍦 #不得不提佢哋飲品選擇提供好多，仲有自家製嘅茶飲💕

朋友介紹呢間又平又好食嘅雞煲火鍋，果然冇失望 🥰一嚟到朋友就落單嗌咗好多肉同埋海鮮，肉非常新鮮而且有好多選擇，牛豬羊同埋唔同嘅內臟😂 最令我驚喜嘅係叫咗是日海鮮，竟然係聖子！！仲要好新鮮好夠肉，最後四個人嗌左四碟😋😂菜同嘢飲就自己喺出邊攞，菜都幾新鮮，嘢飲又係有好多唔同嘅選擇，佢嘅冬瓜茶同埋烏龍茶都唔錯 👍最後食到超級飽然後每人只需要百幾蚊 🙌🙌🙌

預咗今日去荃灣買野更係順便搵食啦。。男朋友話好耐冇食雞煲就搵吓搵吓見到"18樓雞煲放題"🐥🐥又可以滿足佢嘅雞煲我又可以食吓其他野😬🤫最好嘅係可以係openrice 個apps book 位𠻹👍🏻餐牌有A,B,C餐真係要"抵贊""抵食"👍🏻👍🏻#二人一煲份量大約有半隻雞好入味𠻹😋😋可以選擇大，中，小辣#仲可以做會員儲分換獎品#食完雞煲多數加湯打邊爐多數加水或者啖味湯底點知係加濃湯👍🏻所以佢提示"可以唔洗點豉油"呢個係堅夠味😋#用QR Code 落下夠環保#最好嘅係可以每粒計下單出菜好快👍🏻#響鈴係自家制😋😋#有自家制台式樽裝及杯裝飲品#甜品有乳雪糕🍦#個爐有驚喜👉🏻有保溫功能(好少有) 又拍佢煲住會燶,但係又想熱食呢個真係掂

18樓雞煲火鍋專門店食完雞煲之後有得任食火鍋，每人都係$200左右，價錢非常親民，非常之抵食。雞煲嘅醬汁非常惹味，就咁食都唔會好鹹。食完雞煲之後，可以倒入濃湯，之後就可以打邊爐啦。用電話scan QR code落單揀食材，落完單只不過係唔夠1分鐘嘅時間，店員就將食物逐一送上，速度非常之快，完全唔使點等就有得食，呢樣野值得一贊。都唔知而且每份食物嘅份量適中，可以試晒咁多款嘢食。個人最推薦嘅係脆肉鯇同海蝦肉質彈牙，又有啲鮮味。最咪仲有雪糕作為甜品。

呢日小妹同友人殺到黎荃灣大鴻輝18樓尋找18樓雞煲火鍋專門店嘩！叫得地表最強雞煲，呢間專門店原來只做晚市，下午5點開到凌晨3點，唔同時段都有唔同收費，小童長者仲有優惠價話明雞煲放題，呢度食物十分多元化，點菜就用手機先scan 二維碼進入落單系統，操作簡單方便打邊爐最緊要既爐同湯底已備，馬上上菜小妹叫左一個原味雞煲（半隻/唔辣），配料有哂洋蔥🧅莞茜、蔥同埋重慶風味醬重濃微甜既重慶醬汁真係好好味汁加上嫩雞肉，真係無得輸食哂半隻雞，小妹繼續同友人瘋狂點其他心水邊爐料，要讚餐廳每項食物預設份量都預一人份量，滿足到食客樣樣都想試既心態特別推薦滑雞柳，口感真係好滑嫩，一叫就食左三碟墨魚滑夠彈牙黃金芋泥球，即食炸物甜點，外表金黃，內裡芋泥配上蛋黃香味十足，外脆內軟，好食到同友人每人食左5粒今次仲唔fatfat 飲品方面，小妹好欣賞餐廳設有自家飲品專櫃，入面有冬瓜茶同烏龍茶，岩哂打邊爐清清熱食完呢餐，地表最強雞煲果然名不虛傳，下次想食雞煲又多個選擇

久唔久喺屋企食飯，都總會想出去打下邊爐。今次就揀咗荃灣一間樓上鋪，18樓雞煲。之前都食過一次覺得幾好味，邊爐嘢食夠多款，嘢食又新鮮，而且喺荃灣旺區，唔怕交通唔方便。今次就叫咗個小辣雞煲，上到枱一開蓋就聞到好香麻辣味，口水已經不斷流。啲雞唔使等佢熟，一開蓋食得，呢個係值得一讚！食到咁上下，覺得有啲辣，出去睇吓有咩飲，今次見到有冷泡桂花烏龍茶，一於試吓。飲落茶味好清香，解辣一流！食完雞煲梗係要落湯打邊爐啦，全自助式，鍾意落幾多堂都得，連菜都係喺出面雪櫃拎好新鮮。肉類值得推介嘅有滑牛肉，海鮮就有鮮脆鯇骨腩，海中蝦。脆鯇骨腩碌落唔會點縮水，食落好鮮冇腥味食完正餐梗係要食甜品，佢有自助雪糕機，埋尾都食咗三杯回本！每人價錢都只係178，同朋友相聚值得一試！

大鴻輝不嬲都多嘢食，尤其係啲雞煲火鍋今次就食朋友推薦嘅呢間18樓！約咗7:00去到都唔算有太多人，不過後尾就好多啦～座位都算闊落而且好多卡位同朋友傾偈啱晒！一坐到埋去佢哋就問我要咩辣，叫咗BB辣！二人份量嘅雞真係嚇死我！俾足三隻雞全翼，勁多舊雞脾肉！🥺個人勁鍾意食骹位，佢俾超級多！好開心！如果食得辣嘅人可以叫辣啲因為我叫呢個都冇乜辣味！但係就…超！級！惹！味！雞肉炆得好軟滑，咬落去係有肉汁嗰種，醬汁好足夠鋪滿隻雞～～令人忍唔住一食再食😭配料洋蔥都好入味!真係建議要加埋萵筍落去食～好正！！！食完咁熱氣嘅計梗係要飲一飲野～我鍾意佢呢度嘅嘢飲係好台式風味嘅冬瓜茶～烏龍茶之類，對好茶者如我真係一流！而且唔會有死甜味～話咁快就叫到成枱野😚每一樣都有應有水準好滿足肉片薄切，每一塊嘅份量一啖啱啱好，肥瘦均勻～有肉味脆肉鯇爽口，啲魚都幾出色菜係自助領取🤫響鈴自家製～大舊索湯～