龍華酒店 (下禾輋)

營業中

休息中

9-8-2009萃華 (http://www.openrice.com/restaurant/commentdetail.htm?commentid=122991) 及楓林 (http://www.openrice.com/restaurant/commentdetail.htm?commentid=1897659) 以外,「去沙田食乳鴿」龍華亦好出名, 雖然阿媽「警告」過我話其實麻麻哋好食, 但未試過始終唔心息, 呢日一行 4 人訂定檯嚟試試.燒乳鴿: 我哋怕麻煩, 唔想原隻食, 吩咐了「開邊」, 原來一隻係咁大隻 炸得熱辣, 皮唔算脆,肉夠嫩又 juicy, 趁熱食都幾好食. 不過同大圍嗰兩間比, 都係差少少 -- 特別係萃華的鹹鹹香香鴿心/肝/腎, 好懷念呀!豉油皇乳鴿: 呢個吩咐了「斬 4 件」, 唔使落手食 豉油汁帶甜, 肉比燒的更嫩, 好食.香炸琵琶豆腐: 食第一件, 只食到釀了腍腍散散的鯪魚肉, 豆腐就唔脆又唔香, 可幸無可怕的酸澀味; 咬開第二件, 就發現一隻完整的蒼蠅屍體 好噁心, 不過好在睇到啫, otherwise 容乜易食埋落肚都唔知 已

事緣某天晚上婆婆預備的晚餐裡出現了乳鴿…我奇怪問為何有乳鴿吃…她說因為突然想吃所以就買了…同時也因為乳鴿的關係所以順便提及到龍華酒樓可能要關門大吉…其實當天我看報紙已經看到該篇報導…也有打算打婆婆再去吃一次…不過週末比較忙碌而且婆婆下午通常都要打麻雀…時間比較緊迫…後來晚上跟爸爸說起的時候…原來公公下午也跟他提起過這事…而剛好星期六爸爸請了假不用上班…既然如此就不如速戰速決…兩天後就立即去吃…~由於婆婆要趕及一時回家打麻雀…有幸得到熱心友人相助…借來車子車我一家到龍華…不用轉車那麼麻煩…雖然去的時候因為不熟路而走了點冤枉路…但總比自行坐車去快點吧~一下車我就急不及待跑上去拿位置…十一時四十分…幾乎空無一人…嚇得我差點以為已經關門了…幸好有一個侍應走過…立即安排我坐下…一坐下我就問乳鴿要等多久…心想不如先點乳鴿吧…其他菜就容後再點…~不過侍應說只需要幾分鐘…我驚訝的反問: “只需要幾分鐘…都已經煮好的了嗎?” 原來乳鴿本身是燒好了…只是再炸一炸外表就可以了…過了一會兒…公公婆婆爸爸媽媽和友人都到齊了…由媽媽拍板…叫了五隻乳鴿…豬油撈粗…焗芝士海鮮伊麵…和通菜煲…~乳鴿都不只等了幾分鐘呀…

「龍華乳鴿」ge大名相信冇咩香港人未聽過。今天，我同果LF兩個人冒名而去食lunch，早就預左依度ge價錢同食物水平唔係咁成正比嫁啦! 所以我地淨係叫左2隻紅燒乳鴿、一筒細桂花豆腐花，同一碗白飯。 紅燒乳鴿- 下單5分鐘內到，係剛炸好的。味道絕對唔差，不過也只是一般大酒家ge水平，本著食「乳鴿王」之人係唔會有驚喜的!桂花豆腐花- 豆腐花確是比坊間ge略勝一籌! 而且桂花糖漿與豆腐花配搭能予人新鮮感，值得一試。我覺得食野開心唔係淨係睇食物ge! 你話二百多個大洋食餐值唔值?光論食物一定唔值! 但係加上懷舊ge格局，同埋時光倒流ge感覺，間中來一次又何妨呢? Btw, 我地走果史見到「孔雀開屏」呀!

仲諗住嚟回味下兒時回憶....所以沙田一日遊之後去咗呢道食晚飯....唉.... 燒乳鴿 (9分)：的確係名菜...又大隻又熱又脆....味道KEEP得住.... 炸豆腐 (4分)：無味...乾乾的 雞粥 (4分) ：又無雞味又淡....最唔鍾意佢加生菜落去煲粥.....大圍好過佢好多! 最慘係環境唔好...第一次張枱附近超多蚊...第二次張枱上面有八顆大燈射住...真係熱到想死....夏天我唔會建議人嚟...冬天就淨係嚟食乳鴿啦...

參加了某議員搞的本地一天遊，到沙田龍華酒家吃乳鴿基本上同意樓下幾位板友的評價︰乳鴿不是想像中的好一餐標準團體的餐單，當然少不了乳鴿，還有蛋花豆腐湯、粟米斑塊、齋、粉絲鍋、山水豆腐花等 (也許應還有一兩道菜忘記了)先說招牌菜乳鴿，炸得幾香口，但太油膩，而且也許炸得太耐，完全失卻了原有乳鴿的鮮味水準不是太差，但也沒有甚麼特別，平平無奇正如其他板友所論，與沙田同區的新強記、金沙角水準相若看來「乳鴿大王」這名實受之有愧了簡評其他小菜︰蛋花豆腐湯清淡有餘，毫無蛋花之實；粟米斑塊太多骨；粉絲鍋尤如炒米粉似的；山水豆腐花則算幾甜 以食物的水準而言，不過不失吧但若以這間遠近馳名的金漆招牌來看，實教人有少許失望 再論其服務水準、衛生狀況，難聽點說，實只比屋村低檔酒樓稍為好少少而已

父親節訂咗龍華七點,開頭時不算太多人,被安排到東廳樓上,當天有套餐和散餐,但侍應話套餐快啲,所以揀咗個八人餐--鴿皇懷舊風味餐.龍華燒乳鴿八隻 -- 揀咗四隻紅燒,四隻鹵水,斬件上,總覺紅燒是最好味的,雖然太多人味,唔知擺咗幾耐先攞上嚟,但都是熱的,鹵水別有一番風味,但比較多油.乳鴿非常大隻,又多肉,如果八個人一人一隻,已經飽咗一大半.老火陳腎燉螺頭 -- 睇個名好似幾好,飲落去又唔係覺得咁正.農家荷香蒸滑雞 -- 叫得農家,賣相梗係唔好,但估不到啲雞又幾滑喎.鮑片菜膽扣玉掌 -- 菜都算多,玉掌都好淋,又夠入味.百花帶子蒸豆腐 -- 食的時候沒有留意原來是沒有帶子,換了蝦餃,味道一般.馬蹄鴿崧生菜包 -- ok紫菜百花龍利卷 -- 唔知係咪轉咗菜式,食晒成碟都揾唔到有龍利肉,剩係將啲薯蓉用點點紫菜包住嚟炸,但係又炸得幾好食.鹹魚吊片蒸肉餅 -- 全檯人一致裁定:咸到無倫.野菌銀杏炒露笋 -- 無食到,不能給評論.蝦子脆油渣橯麵 -- 幾特別,味道都算不錯.石磨山水豆腐花 -- 唔駛講,呢度最出名的其中一個菜式,味道當然是不錯啦.汽水一支(普通裝),盛惠十三蚊,白飯一碗,盛惠十蚊.父親

剛在星期六晚食過, 帶著無奈,憤怒的心情離開. 如果價錢平, 無說話好講, 但5個人, 每人差不多$200落樓, 以咁嘅質素來講,同打劫無分別.1) 原隻乳鴿 x 6: 乾身, 不知所謂, 同意muchampion的見解, 沙角大排檔比較好吃.2) 雞粥: 任何一間粥店都比它好.3) 鹹魚肉餅: 一般過一般4) 啫啫通菜: 只是用小鍋載著一些通菜及糊狀物體, 絕對不是啫啫, 被騙!5) 椒鹽豆腐: 還可以, 但味偏淡6) 伊麵: 茶餐廳好過.7) 3支可樂: keep到水準. 夥計態度: 同一般老字號一樣……無謂講.結論:如果龍華老闆無心經營, 倒不如執咗佢, 無謂影響香港”美食天堂” 的美譽, 重夠膽話自己的乳鴿是馳名國際. 有其他食評話豆腐花好吃, 咁不如喺火車站推車仔淨賣豆腐花吖! 把物業捐給“正生書院” 造福社會,公德無量, 南無阿彌陀佛!!

龍華酒店一向以沙田三寶自詡: 豆腐花+雞粥+乳鴿, 但質素只是普通, 很普通, 不見得比強記或沙角大排檔的水準高, 但價錢卻比人貴三十蚊. 另外炒甘筍, 當中的雞髀菇有霉味. 雞粥的粥底...只可以用爛飯加水黎形容這個還不是令人失望的地方.唯恐父親節等位太久, 早上致電訂枱, 訂8:30. 準時去到, 卻仍是要拎籌等枱, 等到差不多九點, 咁...我訂枱黎做咩? 如果一早知道係咁, 我地就早d去嘛.有位了, 坐左5-10鐘, 叫左不下四五次, 仍未有人黎執枱......落單了, 不想豆腐花太早來, 待飯後做甜品, 但侍應小姐溫馨提點, 怕遲d叫會售罄, 建議照落單先, 飯後才叫上菜, ok...咁咪照落. 飯後就著一位侍應來豆腐花, 她問我們是不是一早叫了, 我們回應說是, 她便寫單後離開, 結果等了約十分鐘, 她行近鄰枱時, 鄰枱問她有沒有豆腐花, 她說沒有了, 我聽到後起初還慶幸自己一早叫了, 但想了想感覺不對, 便問她我們叫的豆腐花有沒有, 她回答是:"沒有了!" 咁1) 我地一早落單叫黎做咩????? 2) 沒有豆腐花了, 我再問她時她卻沒提出, 還依樣落單

以為流感關係會少人d,點知要排隊等位不過好在都係等左15分鐘。食左佢地既農家私房小菜鹹魚肉餅我老豆食到停唔到咀啖西洋菜湯清甜滋潤,味濃但不膩馳名乳鴿水準之作,記住要襯熱食,凍左真係差d ga!其中最正係豆花,除左滑之外,佢地自製既桂花糖醬簡直係畫龍點晴。會再去!

(1) 招牌乳鴿$68隻~又乾、又硬、又老、又無味道!(2)冬荀鮑粒炒鴿崧+生菜包$98~又咸、鴿崧一舊舊、生菜又黃，完全唔覺有鮑粒，成碟都係芹菜、蔥粒! 勁呃錢!(3) 招牌雞粥$88(大窩)~雞是雪雞無味又小家(只有不到10舊)，只是粥底還可以，但超勁雞粉味!(4) 乾炒肉片河$68~比一些茶餐廳還要差九百幾倍，無味道、肉片又乾又有怪味，河粉一舊舊!(5) 蒜蓉芥蘭$68~又老、又硬、又生!我對這餐廳一次比一次失望!5年內絕不會再去!影衰沙田馳名乳鴿之國際聲譽!4個人食都罵著出來，又貴、又難食!

講左好多次想去食~但冇一次去得成今次去陳根記的途中經過~就拉埋D fd一齊去食啦行樓梯去食真係辛苦左d~老人家真係去唔到~店內係有孔雀俾小朋友看......始終覺得一間食肆有呢d珍禽異獸~係一件奇怪的事~幸好早到~冇訂位的我們都唔洗坐室外~叫了紅燒乳鴿~豉油王乳鴿~鹽焗乳鴿~釀豆腐~雞粥~鴕鳥肉炒河~同埋小圓蹄滿心期待的紅燒乳鴿~的確係比一般酒家做的出色~冇咁油~但相反~又冇人地d咁脆~香口~但唔特別~同行友人喜歡鹽焗乳鴿多d~但我自己覺得豉油王好味好多豉油王要好味有點難~一來怕太甜或太咸~又怕唔入味~太入味又怕老~但呢一隻乳鴿冇以上的問題~而且好味~啱味~釀豆腐真係普通~但唔難食~至於沙田雞粥呢.....................上次食河畔嗰間就太咸今次呢間係~~~無味!!!!!!!!同行的朋友話~作為一碗白粥~佢好好味~但一定唔係雞粥~完全同意呢一個形容連平時唔加胡椒粉的我~都要加~88蚊一窩...真係當白粥咁食吧...鴕鳥肉炒河係出奇地好味的~油就一定有返咁上下嫁啦~但味道剛口~又香口~比牛河又冇咁多調味料味~至於全晚的重點~居然係小圓蹄~一隻都唔洗一百蚊~但係肉冧~膠質夠

尋日同朋友踩完單車~~諗係係沙田區食飯最後簡左龍華我對上一次黎已經成3,4年..環境一早知唔係太好係殘舊不過我d fd鐘意食乳鴿所以冇咩所謂我地一行12人嗌左個8人餐 (已有8隻乳鴿) + 散叫3隻乳鴿乳鴿我覺得真係ok好味之後有煲翅，ma ma地..當普通湯飲就ok..如果話佢係翅就ma ma啦之後仲有幾樣野..有碟瓜~~ok既...有古魯肉，都係叫ok啦..不過不失最特別既係一碟睇落好似係炸魚但實際入面係薯仔+紫菜既野好好味,,好特別可惜我唔記得左叫咩名之後仲有乾燒衣面，我冇食到唔知係點至於雞粥um..我覺得個感覺怪怪地我d fd話係「綿」wor...我唔知..不過我唔太鐘意另外好似仲有生炒骨呢個都ok..但冇咩特別咁最後係豆腐花..好味!!!另外我覺得個到d service好好唔知係咪客少都幾無微不至..好主動又有禮貌呢方面比8個gds~~~~

早上, 睇到報紙廣告, 滿心歡喜同老婆去食晚飯, 點知換來一吐氣, 大約八時半到了門口, 企在門口無人理, 招呼勁差, 我們當晚叫了乳鴿一隻, 雞粥, 椒塩鮮魷, 我哋見餐牌中價錢都不平, 滿以為會很好食,1. 乳鴿 -- 是預先炸熟, 再求其翻炸, 食落口又乾, 又似舊柴, 又唔熱, 重要 $68. 一隻, 勁失望,2. 雞粥 -- 是漿糊粥 (即是開了生粉的粥), 一般在茶餐廳會食到這種粥, 粥也不夠熱的, $48.3. 椒塩鮮魷 -- 簡值不知所謂, 竟用乾魷魚而不是用鮮魷, 離譜, 又乾又無味, 我哋從未食過 如此怪的椒塩鮮魷, 我哋不是要求要食好新鮮的魷魚, 但用啲無味的乾魷魚實在太過份, 簡直當我哋係水魚, 煮得又無味, 我哋一路食一路要加鹽, 真氣憤, 重要收到 $78. 碟, 是但找一間大排當, 都好食過佢萬萬倍, 而且不需這麼貴, 質素勁低劣, 比十個大交叉 X X X X X X X X X X , 絕對是一間賺到盡的食市, 以後都不會 去

見到之前的食評, 都覺得龍華的衛生同食物都幾差, 但我和男友都未去過龍華, 而我地又鐘意D60,70年代D野, 於是昨日去試下.........1. 環境 - 入口掛哂D燈籠, 幾有懷舊FEEL, 但日久失修, 破破爛爛.2. 衛生 - 雖然每張枱都有盒濕紙巾, 但我發現到D 侍應唔係次次都換枱布(即係, 如果上手客食得乾淨D的話, 佢地唔會換枱布, 下手客會用同一張枱布); 我對筷子有一隻斷左1/4, 長短筷子點食野? 而洗手間外面的碗碟及食物殘渣, 堆了十幾廿盤, 見到有D 嘔心!3. 食物 - 我們兩人點了 ~ 一隻脆皮乳鴿 - 熱騰騰, 味道OK!咕嚕肉 - 都OK!鷄粥 - 很明顯用了生粉開, 只用了少量的米去煮. 為免肚痛, 我地只食了半碗!炸豆腐 - 炸得OK, 但味道很淡, 沒有椒鹽味. 一支可樂.綜合而言, 我地都係覺得"來一次已足夠'!

從未嚟過，滿懷期待咁冒名而至，但失望而回！我哋一行四人係開車嚟既，因為唔熟路同埋都唔太肯定個位置（雖然打過電話問），所以將架車泊咗喺附近屋邨，但原來要行好一段路先到，大熱天時，真係汗流浹背！到埗後，對於個格局都有啲意外，好＂懷舊＂ｆｅｅｌ，叫咗啲大路嘢：乳鴿三隻一窩雞粥椒鹽豆腐汽水三支椒絲腐乳炒通菜就咁就差唔多五百蚊喇，都幾貴！講真啲食物水準好一般囉，尤其啲乳鴿尤為失望，一啲都唔肥美，沙田強記啲水準都高過佢。山長水又遠，連啲伙計既態度都好麻麻，仲有佢哋啲衛生意識好低，絕對覺得試一次知道係點就夠喇，一定唔會有下次。