影片
更多
2009-06-22
17 瀏覽
父親節訂咗龍華七點,開頭時不算太多人,被安排到東廳樓上,當天有套餐和散餐,但侍應話套餐快啲,所以揀咗個八人餐--鴿皇懷舊風味餐.龍華燒乳鴿八隻 -- 揀咗四隻紅燒,四隻鹵水,斬件上,總覺紅燒是最好味的,雖然太多人味,唔知擺咗幾耐先攞上嚟,但都是熱的,鹵水別有一番風味,但比較多油.乳鴿非常大隻,又多肉,如果八個人一人一隻,已經飽咗一大半.老火陳腎燉螺頭 -- 睇個名好似幾好,飲落去又唔係覺得咁正.農家荷香蒸滑雞 -- 叫得農家,賣相梗係唔好,但估不到啲雞又幾滑喎.鮑片菜膽扣玉掌 -- 菜都算多,玉掌都好淋,又夠入味.百花帶子蒸豆腐 -- 食的時候沒有留意原來是沒有帶子,換了蝦餃,味道一般.馬蹄鴿崧生菜包 -- ok紫菜百花龍利卷 -- 唔知係咪轉咗菜式,食晒成碟都揾唔到有龍利肉,剩係將啲薯蓉用點點紫菜包住嚟炸,但係又炸得幾好食.鹹魚吊片蒸肉餅 -- 全檯人一致裁定:咸到無倫.野菌銀杏炒露笋 -- 無食到,不能給評論.蝦子脆油渣橯麵 -- 幾特別,味道都算不錯.石磨山水豆腐花 -- 唔駛講,呢度最出名的其中一個菜式,味道當然是不錯啦.汽水一支(普通裝),盛惠十三蚊,白飯一碗,盛惠十蚊.父親
父親節訂咗龍華七點,開頭時不算太多人,被安排到東廳樓上,當天有套餐和散餐,但侍應話套餐快啲,所以揀咗個八人餐--鴿皇懷舊風味餐.
龍華燒乳鴿八隻 -- 揀咗四隻紅燒,四隻鹵水,斬件上,總覺紅燒是最好味的,雖然太多人味,唔知擺咗幾耐先攞上嚟,但都是熱的,鹵水別有一番風味,但比較多油.乳鴿非常大隻,又多肉,如果八個人一人一隻,已經飽咗一大半.
老火陳腎燉螺頭 -- 睇個名好似幾好,飲落去又唔係覺得咁正.
農家荷香蒸滑雞 -- 叫得農家,賣相梗係唔好,但估不到啲雞又幾滑喎.
鮑片菜膽扣玉掌 -- 菜都算多,玉掌都好淋,又夠入味.
百花帶子蒸豆腐 -- 食的時候沒有留意原來是沒有帶子,換了蝦餃,味道一般.
馬蹄鴿崧生菜包 -- ok
紫菜百花龍利卷 -- 唔知係咪轉咗菜式,食晒成碟都揾唔到有龍利肉,剩係將啲薯蓉用點點紫菜包住嚟炸,但係又炸得幾好食.
鹹魚吊片蒸肉餅 -- 全檯人一致裁定:咸到無倫.
野菌銀杏炒露笋 -- 無食到,不能給評論.
蝦子脆油渣橯麵 -- 幾特別,味道都算不錯.
石磨山水豆腐花 -- 唔駛講,呢度最出名的其中一個菜式,味道當然是不錯啦.
汽水一支(普通裝),盛惠十三蚊,白飯一碗,盛惠十蚊.
父親節嚟龍華,見識的不是這裡的乳鴿或豆腐花,要見識的是這裡的墟冚場面,我地嗰層最少有二十幾張檯,得三個伙計做嘢,做到佢地傻吓傻吓,好彩我地張檯係樓梯位兼斟水位,先至有第一手服務,去厠所途中見到,除咗我地同下面嗰層外,仲有主廳坐滿人,睇孔雀嗰度隔離又坐滿人,另外金陵廳亦坐滿人,最離譜的是熱到趴係度,都竟然有幾檯坐戶外.
遇到呢啲場面,如果唔抱住開放同理解的態度,肯定勞氣死,因為太多人,亂晒大弄.
張貼
