龍華酒店 (下禾輋)

營業中

休息中

很久歷史出名店舖，突然很懷念，所以特意前來的。上網睇到團購，約了群友一起群聚前來。環境好特別，還見到孔雀，服務態度都唔錯。我訂了一個團購套餐，龍華紅燒乳鴿，姖松茸海星燉玉瓜， 原隻鮑魚釀手造豆腐，翡翠鳳梨鮮蝦仁，蜜餞宮庭醬燒骨，鮑粒乾果炒鴿松，黑松露大良野雞卷， 紫淮山杞子浸自耕菜， 紅米炒飯， 馳名沙田雞粥。紅燒乳鴿還可以接受，不過不失，剛炸起熱辣辣，味道也還ok 姖松茸海星燉玉瓜，味道清甜，而且湯料豐富翡翠鳳梨鮮蝦仁，鮮蝦新鮮爽口原隻鮑魚釀手造豆腐，賣相美觀精緻，夠清淡蜜餞宮廷醬燒骨，味道不太甜其實如果不是團購，又想去，我諗我未必會去，不過有點真是太失望，水準下降了很多，真是有點遺憾，不過現在食店太多了，如果真不再改善，那麼有特色風味景點店舖，很快會被淘汰。

好友鐘意食乳鴿, 無論點整法佢都like, 有日佢就帶左我去龍華食我地淨係食乳鴿, 一坐低叫左兩隻燒既(98蚊一隻), 黎到熱辣辣皮脆肉嫰又juicy, 唔洗點淮鹽都好好味食過燒既, 再叫多隻豉油王乳鴿(都係98蚊隻), 鹵得都好入味, 好友好欣賞呢隻豉油王, 但我始終覺得乳鴿係燒既好味d

難得去沙田便順道去龍華酒店食馳名乳鴿，滿心歡喜地叫了一隻脆皮乳鴿$98，一隻鹵水乳鴿$98和特色乾炒牛河$118。先來乾炒牛河，味道不錯有鍋氣亦不多油，但牛肉就沒有牛味，相信是用了肉鬆粉梳打粉之類醃製過。脆皮乳鴿都很香口，味道過咸，肉質很“鞋”，失去了以前嫩口多汁的美味，質素與一般酒樓的特價乳鴿無異，但價錢貴很多。鹵水乳鴿我認為不合格， 只食到八角味，而且亦是太咸，肉質很"鞋"，不值這價錢。最後兩位埋單$367，不會再有下次了

一直已經好想好想黎沙田食乳鴿。 但一直都有機會。。。又係拖下拖下。 知今日會去沙田。 昨天咪試下訂左位先囉今日去到。。超多人。。好彩有訂位咋。。。七點已經坐滿。 其實整體既食物都算唔錯。 服務都算ok. 但當然冇真正既酒店級啦。。但個乳鴿真係令我有d 失望。。 唔係唔好食。 但未去到要山長水遠用黎到。 用$98黎食囉。。 講真。 真係一般級數。 反而佢個老雞湯有驚喜。 超好飲。 好明顯係煮左好耐。。其實其他食物有好食亦有一般般既。。 整體覺有有少少名氣過大。。。。

乳鴨不錯，炸得剛剛好，一撕便有肉汁流出。雞粥有黃元粉，一口牛比較甜，紅燒豆腐有些變壞，入口酸酸的，可能是保存得不太好有關。最後使用passfeed付款，由於我第一次使用，不太曉得。老一輩的收銀員不懂得使用，便說要客人自己處理，還非常不滿。幸好有一位好有善的年輕店員教，才能付款。不太愉快的經歷。地點是有特色，很多人拍照留念，長通道很漂亮，有孔雀看，意想不到。這個地方我可能只會來一次便算，當作是人生到此一遊吧

之前見到有龍華酒店四人餐團購，只需 $388。由於太抵食，忍唔住買來試試。諗住團購質素或份量會差D，但意外地，好味夾大件龍華鎮店乳鴿皇，有兩隻，又香又脆，而且準備好膠手套，方便用手食姬松茸海星燉雞，湯好濃郁，又夠熱。柚子蜜餞脆香骨，酸酸甜甜，脆脆地，幾好味。翡翠龍帶玉蹄香，西蘭花大大舊，玉蹄外面夠脆。淮山浸有機菜，淮山同木耳幾新鮮。馳名沙田滑雞粥，粥底幾綿，但可以再熱D。西班牙黃薑海皇飯，正常炒飯一個。香滑石磨山水豆腐花，非常好味 豆腐花滑，仲有桂花糖，超級正(由於太好味，一到就食，忘記影相 LOL )

一行6人，下午6點半左右，本身想去陳根記，但無枱，唯有近近地試下龍華。去到叫左6隻燒乳鴿，肉少，比以前無咁好食，但都入得口。炒蜆，上枱無煙無鑊氣，蜆係常溫，汁就熱。菠蘿古老肉，菠蘿無一齊炒，涷的，只係伴碟。雞粥，雞無味，粥又無雞味，同埋粥好"結"，好似白膠漿咁。咁就埋單千幾蚊，好食都話。。。。你地會好奇6個人點解咁少餸，本身餐牌好少選擇，二來諗住邊食邊叫，點知咁難食，拿拿聲食完大家就揸車去左大圍下一埸。完全係靠老名氣引人去，衰衰地去火炭大檔都好食多多聲。

我從未去過龍華食飯，上星期專成帶外婆去食龍華，等外婆開心下，等佢懷緬下六、七十年代，佢留唔少腳毛既地方，佢同我講以前成日黎龍華打麻將，不過十幾年冇黎過～揸車去到近禾輋邨附近，有龍華食客專用既代客泊車位，之後行過行人天橋，再行一段路先去到門口，去到門口，再要上三十幾、四十級樓梯先去到食飯既地方，對老人家黎講，段路都幾吃力～坐底後，問外婆想食乜，佢話梗係叫乳鴿同粥，叫侍應照跟落單再加多幾個小菜～第一碟黎乳鴿，味道可以～但冇乜特別，再來雞粥同其他小菜～～oh,名過於實～配合價錢一d都唔抵～龍華只有一個亮點，就係仲有真既識郁既孔雀睇，學我外婆話齋，食就真係差過之前喇～～

龍華酒店因為乳鴿而聞名，它的裝潢也是特色之一！餐廳保留了開業時的模樣，令上一代的顧客每次到來也會不禁懷緬一番！主角出場！老實說我覺得龍華的燒乳鴿出名之處不在於其烹調方法（我吃不出有什麼分別），而是乳鴿比較多肉！每隻乳鴿都是大體積！看那乳鴿山家人都說味道依然保持到水準！菜遠班球：魚塊件數比例上較少（3-4塊），但魚肉很滑，清清的一道菜又不太油膩。醬燒骨： 正呀！醬汁特別，肉不太老而且有軟骨位！ 較濃味的一道菜。紅燒豆腐：普通啦！不過略嫌少少咸，建議另點白飯一起吃！

服務差，一坐下就問我們需不需要加食物。想轉座位不容許。食物出到一半拖慢出，想人加食物。10人份量出一小碟炒麵。踢一腳動一下。問問服務員可否替我們追一追單，她們推卻會被罵。如果唔是保育，建議千萬不要去。食物小得可憐。好似把我們當作乞丐一樣。吃過兩次，一次中秋節，一次生日。吃到一肚子氣。7人叫十人餐，決定以後別光顧算吧。

香港+乳鴿  =  沙田+龍華。龍華的乳鴿，由小時候起計，連外賣相信已吃過近廿次，對一個非沙田友的九龍人來說，倒也不少吧！開幕於1951年的沙田龍華酒店，以色香味俱全的乳鴿最為出名，而他們其他的風味美食也算是可以之上。甚有特色的園林雅趣格調的裝修，無論牌匾或是沿路的裝飾都保留著五六十年代的風格，他們有一個小廳曾是李小龍的《唐山大兄》拍攝地。曾試過在那小廳進餐，可惜樓底低，燈光昏暗，相信會較適合老外。名叫酒店，龍華過去曾是間經營有十間客房的旅館，從新聞節目及報章得知著名武俠小說作家金庸曾於酒店長住來創作小說。龍華酒店的網頁自稱有〝沒吃過龍華乳鴿等於沒有到香港〞的美譽，但我從來都覺得並沒有言過其實，乳鴿真的超好吃啊！龍華的乳鴿是以先滷後炸的方法處理，所以皮脆肉嫩，味鮮而且肉汁豐富，縱使不及從前的美味，但我仍覺得是香港之冠。其他風味美食及小炒全都算是水準之作，椒鹽食品，如椒鹽魷魚鬚等，非常惹味香口。沙田滑雞粥，粥底綿密加滑嫩雞肉，非常鮮甜；另外，炒鴿旦亦是不錯的特色菜式。2015年11月龍華曾因牌照續約問題，差點就關門大吉，所以當時新聞一出，我便立即放工去吃了一次，幸好最後暫時解決了，我還之

乳鴿炸得香脆，$98一隻，如果叫套餐會抵食， 餐廳古色古香，當年粵語片年代經常以此地作拍攝現場，香港越來越少這類特色餐飲，其他食物如波蘿咕嚕肉也好好味，值得一試。

大年初三男友媽媽話去龍華食乳鴿， 就同男友一家去懷舊下， 我自己就未黎過！ 到步後， 整條路都好有特色🏮 等待入座期間同帶位叔叔傾左幾句，喱度有成80年歷史 整體來講，除出名乳鴿外，其他也是一般般！特別是乾炒牛河，收$100多元味道相對茶餐廳的數十元的質素還要差主要是懷舊的環境吧🤗粟米班塊， 味道也不錯， 但個人比較喜歡連汁煮的那種粟米班塊，這個汁覺得稀左少少！飯後甜點豆腐花， 佢配一個桂花糖水一齊食， 豆花嘗算滑加入桂花糖水幾清新😋紅燒乳鴿，好味👍🏻 兩位小可愛也吃得津津有味忘了什麼蝦，這就大家都認為一般乾炒牛河，味道不出也不夠矱氣，這價錢不太值！

山長水遠做下遊客先，係沙田火車站行過去15mins到。沿途行上餐廳都有好多燈籠佈置，甚為古色古香，帶有60年代香港的風味。鍾意坐室外，好似睇緊粵語片一樣，回到過去，好真實的片場感覺。紅白色的格仔枱布，綠色的太陽傘，還有好多雀仔飛來飛去。龍華脆皮乳鴿($98)真係好味道，香噴噴的鴿味，肉嫩非常，真係要一人一隻先得。不過價錢太貴，可以再相宜些。琵琶豆腐($118)是傳統的做法，附瑤柱醬汁。豆腐又香又脆，一D都唔覺得熱氣。沙田雞粥($68一碗)用公雞碗裝，很懷舊喔。雞好滑帶點咸味，粥綿綿的清清地，食得幾滋味。另有茶芥$10位再加一。來龍華都係食風味和懷舊，值得黎試下，老香港是這樣鍊成的。

龍華開左咁多年 咁大個女第一次黎食聽阿爸話佢細細個龍華已經係到 咁多年都無變過阿爸話黎到龍華一定要點燒乳鴿！個人覺得無咩特別😂唯一可讚既係d乳鴿真係有肉 因為曾經係出面食過又瘦又細隻既乳鴿雞粥好鍾意呢d傳統既碗 好靚 個粥超級好食 粥煲到好綿同滑 一碗裡面大概有5件雞件 雞肉唔會un炒鴿鬆食個時要包生菜 唔好睇炒呢碟 原來個量都好多 材料主要有鴿粒 菜粒等等 可能預你食個陣會夾生菜 所以炒得咸少少？椒鹽豆腐成餐最好食係呢樣佢真係做到外脆內軟既質感咬落時感覺到個皮脆裂 跟住裡面又熱又滑 加上椒鹽調味 一線棒