龍華酒店 (下禾輋)

營業中

休息中

離哂大譜。早前見佢話就來結業，又話不合消防條例，怕第日沒有機會再來。又見團購出了四人餐，諗下俾佢呃極有限，就買團購試一試。我們一行五人，其中一位是小朋友。團購價338，我們加了一隻乳鴿、一碗白飯。埋單要再俾381。價錢不是一個問題，食物質素、份量等，我是從未見過如此差。先來乳鴿，燒得黑黑，又鹹。個蒜香骨最離譜，只有4小條，用隻小碟盛，我仲以為係前菜。炒面焾哂，一PAT東西，衰過街邊炒面。份量少，吃不飽。不過不敢再叫，唔想再俾佢呃多D。後悔團購前，沒有上來OPENRICE先看看，我好少咁失策！！！千祈唔好試，想懷舊，找日上去打個轉行兩行無問題，千祈唔好坐低！行完去大圍大排檔食，好過佢多多聲！惟一好處係星期日都唔駛等位，我原本訂8點，七點三早到，一樣俾到枱！

其實我覺得幾好食，不過臨尾找既時候，個侍應拎起我＄60叫我俾員工貼士。 我很愕然不過最後都俾咗，因為佢其實佢揸住左。我都唔好意思問佢攞返，我覺得屈冇分別～可能今日係端午節，屈原上身😏

今日和一班同事參加公司既冬季旅行，午餐的時候去了龍華酒店食乳鴿餐，有乳鴿湯，燒乳鴿（其實仲有其他餸既，不過掛住食無影到）燒乳鴿就食得多喇，不過乳鴿湯就真係未飲過！乳鴿燉湯，好甜又保身。至於燒乳鴿呢，我本人就鍾意切好四份咁食，因為一隻咁食，好唔方便，味道一般啦，唔係傳聞中咁特別。

媽媽團購左龍華既乳鴿餐去回味下裝修好獨特保留八九十年代既風味乳鴿浸過魯水汁之後再炸上木台仲真係熱辣辣味道偏咸 不過炸得好食肉質結實豬油渣炒麵 完全食唔出有豬油渣同普通炒麵差唔多不過都好食既燒汁帶子依個好好食帶子好大粒 啖啖肉 好正燒汁都好惹味好食蜜汁京都骨好食蜜汁甜度剛好 肉質好 唔會好乾 雞湯 湯好好飲好香雞味同草蟲花味雞肉都好好食 好滑

於龍華食團體餐。粟米羹-有幾粒粟米同有dd咸味的水 。 生炒骨-一舊外面有少少酸味的肉。蝦仁炒野菌-ok。 杞子上浸時蔬-浸津白ok。 乳鴿-夠味。豆腐炒野菌-ok。泰式龍利球-味道係糖酷魚。凍豆腐花-不夠滑。野菌雲耳木須雞-野菌炒雲耳。總括來說食物是只會用糖醋，鹽來烹調。服務非常之有霸氣。

好耐之前已經聽聞過龍華酒店嘅乳鴿係沙田好出名，不過好貴、都幾偏下(行10-15分鐘)。後來，小編知道有團購，於是買左一席試下。餸都有好多款式，有湯（燕窩蟲草花炖雞）、炒麵、蔬菜、雞粥等。。。乳鴿都有6隻，仲好貼心地準備膠手套，方便用手食。不過，木桶豆腐花有啲失望，唔係用木桶載😣😣糖漿好特別，有桂花混合了，好香哦😚整體來說，服務員態度好好，辛苦哂一位年輕嘅waiter serve我地成枱人(佢仲要兼顧其他人）; 餸菜份量和味道都唔錯，值得俾個LIKE👍🏼

買了團購票, 額外費用高達650, 團購12人餐998， 已經覺得太巧立明目，茶錢都要另外加一，這些都算吧。這些加起來都是140一個人，也不算離譜。但份量太少，說12位用，但豆腐花和雞粥都無可能分到12碗，好艱難才分到12個細半碗, 同酒樓反映， 佢話買套票係咁，唔夠自己加，服務態度之差，我以為佢聽日會關門，盡地一鋪，劏埋最後一批幫襯的傻仔。呢間酒樓著名的乳鴿偏咸，雞粥無味道。酒樓的地方四圍都堆著垃圾，衛生情況不理想。

星期日一家五口到龍華食晚飯。由於時間尚早(未夠6 時）所以未有訂位，我們被安排在團購餐那邊廂進食。叫了一份4人套餐再加多一隻乳鴿。乳鴿售價也不便宜，每隻要 98元。但是卻令人十分失望。首先乳鴿的肉質極非新鮮更完全無肉味。真係枉費這間以'馳名乳鴿' 為名的酒家。至於那煲蟲草雞湯不是材料多而是味精多。那碟豆腐買相簡直嚇人。原本酒家出名' 山水豆腐' 就被此食肆完全破壞。還有此店侍應的服務態度甚差。成枱只供給一碟份量極少嘅喼汁，主要因為乳鴿完全無味要靠調味才較易入口。但侍應表現十分不滿。總括來說，此店食物的質素比不上集團式的快餐店。

一個多星期前上網經tablemap訂位在星期日午餐，去到竟然話無記錄。俾經理睇個訂位的電郵內容，又話旅行團散席有十幾張枱，要我地等吓。乳鴿味道尚算ok，每隻$98再加一，上枱時竟見3隻屈在一隻細碟中，似平日食剩餸時轉細碟的情景，三百幾元一碟的餸菜賣相咁差，有點兒過份。睇怕在我喜愛的食肆名單中，要刪除龍華酒店了。

今日去沙田龍華食乳鴿。入座時是下午5時半。個場不是太多人。我點以下菜式。紅燒乳鴿 $98沙田雞粥 $68橙汁 $10埋單$202隻乳鴿一開四，好鮮嫩，肉質上等。紅燒後食到乳鴿汁份，混入食鹽同鼓油。特別滋味。個場有免費保鮮手套。方便食客享用乳鴿。個雞粥好大碗，當中有雞肉。雞肉好鮮嫩，個粥好重雞肉味。粥底好稀。入口好似飲湯。橙汁好重汽水味。個味道好一般。下午6時後開始好多人進場。建議食客最好訂枱或6時前進場。

好多後生一代都未必去過龍華。呢間野名叫酒店但其實係酒家。由正門入去會經過一條暗暗的通道,旁邊有大孔雀俾遊客觀賞, 是幾隻會開屏的孔雀。叫左最馳名的菜- 炸乳鴿。聽說中餐廳專門聘請一個廚師炮製乳鴿，負責選出嫩鴿。乳鴿皮脆肉滑,唔似其他吊燒的鴿子, 大部分肉汁都鎖住, 一點也不乾。啖啖都食到蜜味,塗得均勻,好明顯係上糖炸, 用滾油一層一層慢慢淋上去。老闆說炸好了便放在秘製的滷水汁浸熱, 所以咬上去d鴿肉滲透著九製陳皮甘香滷水味。一隻鴿80 幾蚊, 都幾貴。

自少認識龍華酒店,知道它的乳鴿是招牌菜。近日跟媽媽講起,她50年前去過一次,於是我在團購網買了6 人套餐,打算讓媽媽回憶舊日風味。結果是,服務差~預左(畢竟幾十年老店,待應也該做了幾十年),我問待應取餐牌,他向著天花說不用加,夠食啦!食物質素更差.馳名招牌菜乳鴿,應該說是中鴿或老鴿,咸到無朋友,扇貝無甜味幾十年招牌乜差成咁!

說起沙田區酒店相信第一時間會想到以乳鴿馳名的 龍華酒店已經一段時間沒有光顧,是次又大夥兒飯聚.首先介紹一下環境高貴優雅有D懷舊Feel而且枱與枱中間都幾闊落,十個人坐得都幾舒服率先品嚐還是以馳名的 紅燒乳鴿新鮮燒好總算熱辣辣,香噴噴、皮脆肉嫩難怪能成為龍華的招牌菜式之後輪到黑松露煎釀蟹鉗蟹鉗配以稀有矜貴的黑松露、煎焗等方法炮製蟹的鮮味與黑松露的香氣,意外地配合！表面金黃香口,酥脆香軟,而內部的肉質結實不失蟹的鮮味.味道極有層次,口感極為豐富！實在想不到會有不喜歡的理由來到自己最愛十分期待的湯翅時間紅燒蟹肉大生翅,裡面好多翅配合鮮甜的湯底當然不客氣先喝一口,喝得滿身溫暖喜歡的話,可以加一點醋,味道會更加豐富起來緊接著大碟頭的翡翠花枝蝦球賣相吸引花枝片比較腍,蝦球好爽口彈牙,也有點鑊氣隨後而來清蒸雙海班肉質都幾嫩,相信用來送飯吃，也是一流的選擇實在是一切來得太鮮味 !吃過海上鮮，之後鮮菠蘿咕嚕肉看見那色彩豐富已經叫人興奮亮點是不同顏色的青椒紅椒黃椒鮮菠蘿伴以酸酸甜甜的汁落去排骨一起甜度和酸度都配合,既酸且甜換來是既開胃又美味的組合而且d排骨夠厚,咬下充滿鮮香肉汁,吃得愛肉朋友點頭讚好那當然

第一次食乳鴿係係雍雅山房，後來結業了，就轉移陣地去龍華食。雖然越食越貴，但始終味道唔錯，兼且環境古色古香，所以偶爾都會去食下。早兩日有傳連佢都就快要執，如果屬實，真係覺得好可惜⋯乳鴿有好幾種製法，我最鍾意都係紅燒，皮油亮香口，有肉香不過某些部位會比較鞋。上枱果陣唔係好熱，而且好快就送來，唔知係咪連reheat都冇做呢？比起乳鴿，我更愛乾炒牛河，炒得乾身條條分明，碟底亦冇乜油，食落夠味有鑊氣，相比之下牛肉已變成配角。雞粥都係沙田名物，一窩四五個人分的話都可以每人兩碗以上，粥底煲得好綿，味道略淡，雞味亦走唔到入粥裡面，反而雞就醃得夠味。雖然整體食物都稱唔上驚艷（或者是退步了），但最少想食乳鴿仍然會第一時間諗起呢度。好多人話呢度服務差，我食咁多次又唔太覺，叔叔姐姐們都幾周到。值得去指數：

MAMI B DAY，雖然尋日出去食左飯，但今日飲茶時突然又話去龍華酒店食晚飯，好！即去！叫了6道菜，講返乳鴿先，都叫做招牌菜，但我真係覺得一般，唔係好脆咁；個安格斯一口牛反而做得好好，甜味都適中；個娃娃菜，呢個簡直極品.....難食=_______=我竟然話佢食落口似垃圾房味，對唔住，唔好問我垃圾房咩味..XD*我唔知點講；豉油皇大蝦碌都叫OK架；雞粥就叫做好過強記；個傳統油渣麵都係極品，完全中伏，問個侍應點傳統法，話係炒既，好似上海粗炒咁，一上檯，咦？變左豉油皇炒麵既？個咁個侍應唔好話似粗炒啦...Orz只係炒麵上加多幾條肉＊Ummmm...可能我唔識欣賞，都＄９８/碟架。話說以上６道食左＄９０４（我地咁岩坐緊張檯都係９０４喎XDD），其實都係平均180蚊一個，又唔係話咩野，但食物質素係可以再再再有進大大大大步！因為好似中伏咁，話晒咁多年歷史，加油吧。＊＊我地唔係食團購餐＊＊