龍華酒店 (下禾輋)

營業中

休息中

我哋一圍12人 浩浩蕩蕩 去食團拜晚飯， 雖然星期日比較人多，但 侍應服務純熟、落單非常準確、而且上菜快！ 我哋叫咗以下食物:11隻紅燒乳鴿，免斬，全隻上， 所有乳鴿質汁都留返喺乳鴿的身體內，上枱熱辣辣，非常juicy， 好美味。我哋另外叫咗薑蔥生蠔煲、揚州炒飯、 龍鬚炒麵 、菠蘿咕嚕肉、中式焗牛柳、粟米斑塊、豉油王大蝦、雞粥一鍋、椒鹽豆腐、 甜品是 一鍋豆腐花。除咗招牌乳鴿外，我極力推介菠蘿咕嚕肉，菠蘿是新鮮的菠蘿放喺旁邊，以及龍鬚炒麵，炒麵不油不利，炒得好好食。 如果酒店設有停車場就更加方便食客。

係沙田站行過去，位置都幾入下不過唔難搵既六點幾去到環境幾懷舊之後越座越多人差唔多室內同室外都座滿晒哈哈可能係情人節當日吧呢到竟然有出情人節套餐價錢唔貴$398 兩個人，眼見都幾多人叫呢個餐不過我就無叫了睇到隔離檯既食物真係好唔吸引包括有兩碗湯兩隻乳鴿幾隻蝦一碟好細碟既炒菜一碟好似無乜料既麵兩碗豆腐花太Hea了吧哈哈，我就散叫的叫左紅燒乳鴿2隻可以選擇剪唔剪的我就不剪了，味道都唔錯皮都脆脆地，都有D肉既不過黎到點都要試下仲有兩對膠手套跟埋的波蘿咕嚕肉好正但上網睇到人地D相好似有舊菠蘿殼仔放側邊伴住賣相幾靚甘不過就唔見有，賣相即刻無甘特別了味道好味，甜酸岩岩好咕嚕肉細細舊甘，仲要無肥膏的正正同埋係用新鮮菠蘿整係特別好味哈哈沙田雞粥就有分一窩同一碗如果兩個人食要1碗就夠了好綿呀D粥，加入左生菜絲，好正的雞又大件，啖啖肉好味呀家鄉炒鴿鬆，炒得好香加入左栗米片黎炒，栗米片既口感好淋其實唔加栗米片應該好D配埋生菜同個醬的生菜份量都算多，都夠包晒D鴿鬆豆腐花要左一桶，都分到四碗左右，但是凍的，同埋都唔滑既不好味最後埋單 $691 另外D員工姨姨都幾nice 呀

今日去左龍華食飯， 因為新年嘅關係，朋友想食啲傳統餐廳。餐牌唔多選擇，正常酒樓菜式。裝修超舊，太懷舊，門口條路啲燈籠好特色既，但室內食飯地方有好大隻蚊， 一路食一路飛。未黎過， 可以黎一次， 但唔好抱期望。過橋喺對面馬路有代客泊車，不過要收$40。乳鴿一共有三款，紅燒乳鴿，滷水乳鴿，豉油王乳鴿。本身想試埋椒鹽鴿蛋，但係賣晒。紅燒乳鴿啲肉好紅，我哋叫侍應換咗佢，換左好啲。三款乳鴿嘅味道都好普通。不值得特登前來嘗試。咕嚕肉，味道普通。茄子， 都係好普通。椒鹽豆腐， 冇特別， 唔夠熱。一口安格斯牛，勁細碟， 168好貴。雞粥，完全唔夠熱， 只係暖暖地咁。豆腐花一窩 98蚊好貴。 味道普通。

好耐無去食嘞, 趁老豆生日, 帶埋媽咪一行12人去食一圍團購餐.之前都食過四人購團餐, 超大碟好味. 但今次揀咗星期六去食, 認真麻麻地.先講下個蛇羹, 上枱時得1/3, 係咪比錯咗四人餐呀? 同侍應講, 佢就搵經理黎睇, 然後加番一半, 一人都分到一碗嘅. 味道就一般啦.脆豆腐即炸上碟, 粒粒入口熱辣辣, 好搶手.龍蝦伊麵最大件夾抵食, 鮮味又唔講得好足, 但夠彈牙. 咕嚕肉撘新鮮菠蘿, 呢碟好食喎. 菠蘿唔太酸, 好快食晒. 咕嚕肉一口SIZE, 酸甜適中. 推介呢個半腩煲, 真係仲衰過蛇羹, 個汁啱啱遮到煲底, 再搵經理黎, 佢話團購份量係咁架嘞.連恰條菜都夠嘅汁,  啲羊腩勁羶. 唔合格. 招牌乳鴿,  無得彈, 脆皮肉嫰. 食多兩件都得. 超黏口糯米飯, 一嚿嚿, 味道OK, 但唔咬口.就係呢個, 都要2400架, 除咗食個懷舊風, 嘢食係會有其他更好選擇嘅. 不過, 佢地有LIVE BAND 彈個結他, 唱下民歌, 仲會唱生日歌, 氣氛好好啊.

爸爸話龍華係他拍拖時食過,他話當時係好高檔,所以都係食過一次,又古唔到可以做到而家!他話以前覺得很好食!我地今次叫咗最出名嘅乳鴿,雞粥,同豆腐花,味道都唔錯!但其它食都係一般,價錢貴咗少少！

系網上見到龍華酒店 有優惠券for 4人乳鴿蛇宴即刻買黎同屋企人去食❤️龍華酒店入面仲有磨菇園 食飯前系小花園玩左陣🙈好似玩吾大既細路🤣呢度星期六日仲有表現睇一路食飯一路有人系度唱歌果然系歷史悠久既大酒店羊腩煲系我最期待既一道主菜🥰 整體黎講都幾入味，分量一煲每人食到2-3舊羊腩☺️ 剩底既湯汁用黎撈飯蛇更 飲左兩碗 冬天點都環飲下暖下身乳鴿幾肥美，燒得好香 果然系出名既小菜餐廳椒鹽豆腐 好香脆 中間既豆腐 好鮮味～ 點一點喼汁食唔停口， 不知不過食左兩碗飯😎菠蘿豬仔骨 好惹味☺️☺️木桶豆腐花💋 一家人最愛吃豆花 我第一次試呢種糖配荳腐花呢度既荳花特別在吾系用平時普通既糖水而系用桂花冰糖做糖水，一碗仔自己鐘意落幾多糖水就落幾多❤️菜少鹽油☺️幾健康成家人都食得好開心 遲d可以再同屋企人再黎

之前係網上睇到呢度有團購餐，成日搭火車經過都想食下，因為我知呢度好耐好耐歷史，但我從來未嚟過食，見今次有團購就一於約埋一班親朋戚友嚟食下啦要經過掛上長長嘅紅色燈籠先可以去到，好有特色好似拍緊tbb啲古裝劇咁，好鍾意呢度啲環境呢個係今次團購嘅餐單聞名乳鴿開頭係隔離枱上菜先，已經聞到勁香勁香好大隻，每人半隻都好夠食不過真係抵佢出名，因為真係好好食蛇羹賣相似碗仔翅，但味道真係蛇羹嚟嘅，仲要唔馬虎，真係用足料，每匙都有花膠同蛇脆豆腐外脆內軟，雖然普通d，但都好食嘅羊腩煲食開羊嘅人略嫌唔夠（蘇）味，我就覺得好（蘇），所以好難定斷龍蝦伊麵呢個好多人都讚，煮得好過出面好多酒樓，唔會一pat嘢咁新鮮菠蘿咕嚕肉呢個真係要讚下，個菠蘿真係新鮮，超好食咕嚕肉好香口，唔會淋哂佢稱聲係自家種嘅，但真係鮮甜d嘅糯米飯，炒得好均勻，又係好食嘅自家製山水豆腐花好正，正到我飽住個肚都食咗2碗半講真嗰句，之前未嚟食過，齋睇食評，好多人都話差咗好多，負評多過乜今次我都抱住冇乜希望嘅心態嚟，但原來食過先知，又唔係d人講得咁差真係要為佢哋平反下咁嘅價錢，超值價，但最估唔到嘅係咁抵嘅價錢食到咁優質嘅菜式仲要每碟份量都超驚人，細食

地點不方便，晚飯要經過陰森小路上山吃．山下的地方很多老鼠跑來跑去．洗手間簡陋，地方十分殘舊．整體來講食物很普通，乳鴿很鹹，皮脆但肉是凍的，應該是一早整好，有客叫才淋上滾油，不見得特別好食．現在想食乳鴿已有太多酒樓選擇。不值得山長水遠來吃，服務也不算好．蛇羹開粉做似的，無味，水溜溜．羊腩煲完全吃不出有羊味，可能是煲熟先放入煲仔燜的．價錢貴，暫時未諗到再來吃飯的原因。

約左朋友去龍華，對上一次已經係幾年前平安夜，果時已經覺得好普通，今日再次到訪，一沒有驚喜地方十分殘舊，感覺好污糟懷舊同吾乾淨其實有分別舊都吾等於污糟但佢係又舊又污糟經典紅燈籠原來想坐室外，但侍應強烈不建議，因為佢地費事走出去招呼你，唯有坐室內原本都知出名貴，但睇完menu 俾想像中仲要貴，我地點左一碟炒飯，用乳鴿炒，係幾香口，夠色夠味，不過一個炒飯埋單都都$200 ,有少少over 左當我見到一碗豆腐花都要$58一碗，真係滴汗食物吾係差，但價錢真係嚇親你，建議如果翻新下個環境先考慮再黎

龍華已是兒時回憶,在記憶中,是一個食乳鴿易睇孔雀的地方,因長年以來全冇新意,食品水平下降,近年以很少惠顧,但近期在綱上見到有位姓X自稱甚麼廚神的男子不断吹噓,話在他的領導下無論在管理及食物都會有全新局面,所以抱着開心一試的心態約了一行十二走食晚飯,7:00到達大堂,只見有三幾檯國內客人在用餐,座底點菜,必食乳鴿,鴿蛋,咕嚕肉以幾款家常小菜,乳鴿皮唔乳冇肉汁,其他菜式只可以用四個字形容(粗製濫做)所以連手機都唔想食在招呼更加唔好提,全程冇招呼,冇茶冇水,只碟滿晒骨冇人理,全晚見唔有一個高級員工在場內當班,只有幾個散工在談笑風笙,而果個所謂廚神就見全晚滿場飛檯檯飲酒,這樣的管理又何來改變革新呢?在這樣真心想同龍華老闆講一句,你用這種不設實際的人來打理公司後果唔係香港人遺棄你,是你對不起香港人,在這一刻心情只可以說一句(心痛)

記得兒時我們一家人去沙田旅行，會到此店食飯，剛巧今次參加一天遊團，午飯地點在此店，正好讓我們懷緬一番。因為是團體餐，所以食物都是比較普通貨色， 值得一提是主菜燒乳鴿，記得兒時跟爸媽吃的時候是非常美味，令我非常回味，外皮香脆、肉嫩滑有肉汁，但今天食的比較失色，外皮不夠香脆，不知是否團隊餐關係 儘管食物不是昔日的味道，但四周的環境也沒有很大的變化，我跟爸爸媽媽走了一圈，還 蕩了鞦韆，不同的是，現在是我拖着他們慢慢走，畢竟歲月不饒人，往事只能追憶，珍惜現在，活在當下。

是日同男友爸爸食生日飯，聽男友同阿妹成日話龍華好多童年回憶，細個一個月至少都黎一次。所以今次就黎陪佢地尋下童年喇由沙田火車站行去龍華要行一段15分鐘左右嘅路，途中經過好多村屋，我仲一度以為自己蕩失路添 黎到門口，um⋯⋯睇得出好有歷史，老實講姐我睇到門口都有d驚驚但係入到裡面個感受就唔同哂喇，好有中國復古風，仲聽佢地講甚至會有人黎影結婚相架風味香脆炸大腸 $108 - 外皮又鬆又脆,  送啤酒一流, 食貨表示停唔到口清炒蟲草龍華翠綠油菜 $98 - 個名好長好動聽，但都只不過係蟲草花炒白菜咋唔使點評啦都係普通質素，但$98略嫌貴左d菠蘿咕嚕肉 $128 - 呢個菜上菜時覺得有d失望，菠蘿還菠蘿，咕嚕肉還咕嚕肉。形狀唔評論（因為平時個人鍾意係粒狀），炸得唔夠香口，皮唔夠脆，但酸甜味道適中，整體合格主角到我地分別叫左兩款乳鴿脆皮燒乳鴿 $98- 個皮香脆，裡面仲保留到鴿嘅肉汁，腌製個汁做得好好，好入味，加上少少淮鹽去食好美味啊豉油王乳鴿 $98 - 呢個好驚喜地比燒乳鴿更出色，豉油汁完全入哂味，鴿肉好嫩滑，大推沙田滑雞粥 $108 - 粥如其名，雞非常咁滑，煲到好綿嘅粥底加上薑蓉加生菜絲，

媽媽生日，話想去龍華酒店食乳鴿因為好多年冇去過。我就第一次去。去到見到裝修都幾得意，古色古香咁。要行一段樓梯但有斜路可以推到bb車都算ok.去到叫左個餐，有咕嚕肉，菠蘿炒飯等。啲菜上得好快，份量大碟但味道賣相真冇咩特別不藉一提。。主菜乳鴿就好大隻，好多肉。唔脆。。肉質又普通。。所以如何唔係住附近都戴你唔駛去。。衛生又麻麻。。可能以前的確值得一去但依然淨係上一代懷緬下就可以。。其他不用了

隔了很多年才去一次，期望太高，記得從前在吃的乳鴿好好味，現在吃的，賣相深黑色，而且肉很鞋＂鞋＂，味道一般！其他食物更是很一般！有表演唱下歌，都算食物外的一個賣點☺️☺️另外，雖然有人說龍華服務差，但我覺服務很好！服務員很有耐性，也有跟遲來的食物，要求加水，雪蛋糕，幫忙拍照都冇問題！拿蛋糕也預備了紙碟叉，也給火柴我們點蠟燭，埋單也説多謝老闆！總括而言，食物不再回味，服務尚可！這次是和家人慶祝生日，想尋找童年回憶，回憶中的二人對坐的千秋，中庭遊樂園不見了，只有士多，孔雀還在！

龍華酒店俾我感覺好有歷史 feel, 加上位置有D吊腳, 總係覺得去果度食飯好似去旅行咁. 眺望左佢咁多年, 終於有機會俾人約去飯聚, 好興奮  嘩, 上樓梯落樓梯, 再上斜路, 行完都餓了 我地一行14人, 菜式當然精彩啦.先嚟8隻乳鴿 --- OK正, 不過平時食開D乳鴿吾會差過佢, 起碼吾洗我行得咁辛苦.鳳梨咕嚕肉 --- 好味, 啖啖肉, 又夠林, 岩晒我!菜膽雞 --- 雞全熟但D肉仲好滑, 好入味, 好食.白鴿蛋 --- 好好好好好“特別”, 質地gel gel 地, 吾好食, 不過真係好特別, 仲好貴添, 哈哈.干炒牛河 --- 好好食喎, 夠鑊氣但吾油, 足料, 正.仲有D一般菜式 --- 咸雞粥, 賽螃蟹, 椒鹽豆腐, 西芹海斑, 炒飯, 椒絲腐乳通菜 … 味道OK, 但吾突出.最後推介 --- 豆腐花, 必食, 飽一飽都要試, 又香又滑