龍華酒店 (下禾輋)

營業中

休息中

今日來沙田探朋友，之後兩支公一齊去食晏。山長水遠入嚟，梗係去食「沙田三寶」啦！第一時間想起屹立於下禾輋村的老字號食肆「龍華酒店」。「龍華酒店」為香港現存最古老園林式酒家，早年仍有翻新店內設施及研發新菜式，將愈見稀有的本土情懷延續。很喜歡這裡的裝潢，懷舊而經典的紅燈籠長廊、古色古香的四方樓、會開屏的孔雀，再加上寬敞舒服的園林雅座， 置身其中，著實令人身心歡暢。這裡的招牌三寶，乳鴿、雞粥和豆腐花，是來此必吃之物，當然不可以錯過，另外再加咗碟乾炒牛河。一人一隻龍華脆皮燒乳鴿 ($98@)，兩隻乳鴿的件頭都頗大，外型結實飽滿，色澤金黃兼具油光，賣相十分討好，而且雖然花了少許時間拍照，但吃時仍有點燙口。外皮炸得甚香脆，肉味濃郁且具層次，無論任何部位的肉均嫩滑多汁，可見火喉控制得宜，細嚐下更帶陣陣滷水滋味，真的令人百吃不厭。  沙田滑雞粥 ($118)，雞粥熱辣辣上檯、勁大窩，雞件下得甚慷慨，而且調味適中，入口皮滑肉嫩，微微鹹香，雞味十足。粥底亦很有水準，綿密細滑，加上雞的肉汁精華都落在粥中，入口鮮甜甘美，食落有米香。乾炒牛河 ($128)  牛河以圓碟上，盛得滿滿的，感覺真材實料。河粉細薄微焦，

龍華酒店是香港絕無僅有的花園式食店, 以燒乳鴿馳名中外, 幾年前差啲因為牌照及消防條例問題而搞到執笠, 幸好最終都可以解決到才能保存食店至今, 我都唔知幾多年冇嚟食了, 難得今天放假便相約同學仔來懷舊一番。從門前的紅牆入口已充滿懷舊氣息, 進入食店前再來大紅燈籠高高掛長廊, 好有時光倒流七十年嘅感覺, 走過80多年歷史真的不簡單。印象中.....以前呢度係有動物睇, 又有好多植物園藝可以供來賓拍照, 而家淨返嘅動物唔多, 我只見有啲雀鳥及孔雀在籠裏。很有holiday mood嘅露天茶座, 可惜今日有少少雨, 坐露天唔太方便。龍華酒店面積頗大, 食飯嘅眼見最少有四~五個獨立建築物餐室, 如果你夠人多可以包一個獨立的餐室。疫情下都有咁多客人, 仲見到個80年代幾紅吓既偶像歌手係度食燒乳鴿!開業於1938, 分分鐘老過你阿爸阿媽, 很多懷舊美食呢, 呢度最出名嘅除咗乳鴿外, 仲有用新鮮菠蘿的咕嚕肉及豆腐花。我哋今日叫咗個溫馨浪漫二人餐加甜品三個人食, $398 有龍蝦、鮑魚, 仲有佢哋嘅必食燒乳鴿, 仲使諗? 一於叫呢個餐。溫馨浪漫二人餐 ($398)龍華紅燒乳鴿頭抽豉油煎龍蝦懷舊鮑魚蒸豆

今天約了家人到沙田"龍華酒店"飲茶。 從粵語電影片和父母口中得知的"華龍酒店"以前是多有的名氣， 今次才是第一次來，很有新鮮感！ 雖然已是70多年的園林酒店，但還有一定的 魅力存在。 入口的大紅燈籠很奪目和金漆招牌 ， 顯示 到當年的氣勢！還見到電影裹常出現的招牌露天茶座，雅氣猶在！酒樓內很有舊情壞， 牆上掛有昔日的明星照片……圓拱的窗外透視樹木景色， 雖然是舊了一點但整潔舒服！看 餐牌午市的價格不算高，不同配搭的套餐收費也很合理！菜式配搭還很不錯。當然！首先要點馳名的燒乳鴿了！乳鴿兩隻 $ 196上枱熱辣辣的，賣相悅目！爲免肉汁流失，原隻上枱，棄刀叉，用手食，特別滋味，斯開脾位肉質嫩滑肉汁豐富，味道鮮！北姑手做燒賣 $ 29整粒燒賣甘香鬆軟，外貌與口感和一般吃到的都有分別！這個標題是李小龍也愛的……乾炒牛河 $ 128份量超大，河粉炒得乾爽，不油膩！還有點煙火味，很特別！ 其貌不揚 的 菜膽煎釀手做豆腐 $118芡汁比較厚了一點，冬菇粒厚肉很爽滑，味道很好！芡汁下的釀豆腐有八件，豆腐很有質感，不是很滑的那種，而是粗粗而有豆香的，又是另一種的口感，是一種老的家常味

嚟到沙田食乳鴿， 又點可以唔來龍華酒店。相傳金庸同 黃霑 先生， 當年作曲作 金庸著作， 都係呢度上 的常客， 山外青山樓外樓 如此江山美色先可以拎到如此 靈感。龍華酒店 沿著山路梯級上， 沿途有大紅燈籠高高掛。好鬼古色古香， 有一種世外桃源的感覺。我哋先嚟隻乳鴿， 乳鴿原隻上 夠曬原汁原味。店員會提供膠手套， 好似食家鄉雞咁原隻食先做 豐味。乳鴿皮脆 肉質嫩滑， 咬落肉汁仲好juicy即叫即整。其次要 讚就係菠蘿咕嚕肉， 和個菠蘿切片， 新鮮菠蘿好好味。 咕嚕肉爽脆炸得好鬆化。鄉郊景色心曠神怡 叫多幾味餸 享受完美的一晚。

在香港地小人多的地方，找一間餐廳有戶外雅座，環境自成一個的，已很難找到了！加上這間真的是老店，接近80年歷史，更只此一家！近日在沙田附近工作位置很近這店，便約了同事到此吃午餐。我們一行兩人吃了這裡馳名燒乳鴿，香噴噴熱辣辣的！皮脆肉嫩多汁，味道剛好！另外也點了一鍋雞粥，份量是7-8人，粥底好綿，雞用酒浸過亦好入味，雞肉嫩滑，味道也不錯！那天是平日中午，不用預訂已能入座，下次可一家大細到這裏懷舊一下！

係沙田讀書讀左十幾年，學校又係龍華附近，但竟然未去過龍華食乳鴒....行完HOME SQUARE，心血來潮，近近地不如食龍華LOR!經過一段民居既路，到左龍華入口，行條樓梯，兩邊掛哂紅色燈籠，行行下，左邊見到隻孔雀@@ 雖然有籠困住不過都俾佢嚇親。兩個人叫個左三樣野食，不過都食唔哂脆皮乳鴒咕嚕肉椒鹽豆腐馳名脆皮乳鴒係好食，但係唔係得佢一間咁好多食呢? 又唔係WOR，出面好多地方其實都差唔多，而且都幾貴，所以感覺麻麻，可能因為期望太高。咕嚕肉椒鹽豆腐不過另外兩個送就好好味~ 比出面D 中餐好食~ 服務不錯舊式裝潢，都幾特別既~

好耐無行山，今日行完黃牛山回到沙田，在無頭緒，而各人都未試過下決定識下聞名已久的龍華酒店中菜。   睇報導就睇過好多次，每次都對這裏的乳鴿讚不絕口，難得今日有機會，當然要試下。經過門口掛滿紅燈籠的長走廊，入到去貴賓廳，環境比預期的陳舊，室外撐起太陽傘，都有幾枱客，室內客人較少。牆上掛滿了名人的合照，可見這裏的確有不少名人到訪。   餐廳選擇不少，最終我們選了個4人餐外加2個餸。上菜速度令人滿意，先講花雕乳鴿，肉質可以，但花雕味不濃，聞落去都無甚花雕香，失望！    馳名的脆皮乳鴿是合格的，皮脆肉也嫩，但就有點乾，沒有想像中好食，味道不過一般，期望越大所以帶來有點失望！   好吧到大良炒鮮奶，好耐無遇過可以炒得咁老嘅鮮奶，個樣還可以，但入口真係唔得！如果你話唔健康加油落去炒到水嫩都可以接受，但這裏的係炒得好老，類似乾左嘅蛋白咁！啲帶子又細粒。連普通茶餐廳質素都不如！5人一致覺得難食！！ 腐皮卷味道正常，可是沒有很香脆，普通貨色！懷舊琵琶豆腐味道正常，豆腐都做得入味，算係不錯。   水餃麵份量頗多，但啲水餃肉質不算太新鮮，入口帶粉，基本上隻水餃咬咗一啖，就食唔落去。麵底鹼水味都重，所以

嚟到龍華唔使多講啦, 最出名係咩, 就一定要食乳鴿!! 其實對佢啲小菜無咩興趣, 又聽人講好似唔係好好食, 所以都無叫到小菜. 唔知係咪肺炎嘅關係無咩人堂食隻乳鴿嚟得好快.兩條友真係淨係叫咗個乳鴿其他餸都冇叫. 個乳鴿因為實在太好食好多汁好惹味, 個皮仲好脆熱辣辣, 超級香口, 忍唔住連手指都食埋, 啲汁同油太正! 好掛住呢個兒時嘅味道, 就算香港其他地方有乳鴿都食唔返呢個味, 懷舊之夜~登登登登! 鴿中之王就係佢~

食燒乳鴿相信無人唔識龍華酒店。餐廳歷史悠久，同老人家嚟食，別有一番風味。一人一隻燒乳鴿，當然唔少得要叫佢原隻上。非常熱辣辣，香脆可口，多汁。雖然係貴左啲，但係味道都唔錯。其他小菜就普普通通，所以呢度要推介嘅係原隻燒乳鴿同鴿肉炒飯🙂

一家人出外吃飯，這家餐廳坐得滿滿，記得提前幾天打電話訂位喔。大部分餸名都好有新年意思喔！1️⃣ 鴻運前程就是新鮮菠蘿咕嚕肉(HK$138)咕嚕肉炒得很脆口，咕嚕汁調味很好，酸甜好開胃，新鮮菠蘿好甜喎！2️⃣ 喜鴿迎春就是脆皮紅燒乳鴿 (HK$108/隻 x 5隻)熱辣辣的脆皮乳鴿，啖啖肉，不過食食下覺得有點鹹，滷水汁比較重口味一點喔！3️⃣ 竹報平安就是竹笙扒上素 (HK$148)除咗有竹笙，仲有雪耳、黑雲耳、小粟米、草菇，青青地，幾好味。4️⃣ 金錢滿屋就是北菰紅燒豆腐 (HK$118)豆腐皺晒皮扁晒，唔似係新鮮整的，似雪過嚟，認真麻麻哋。5️⃣ 生炒糯米飯 (HK$138)沒有特別如意的名字，不過也是麻麻哋，糯米飯一pat pat，比較硬身，唔係好軟熟，味道也淡一點。因為年初一食飯，食飯時仲有舞龍舞獅表演，摸摸龍頭如意今年可以紅運當頭！

教友們聚首一堂，一致決定到龍華吃乳鴿餐。紅燒乳鴿乃店之名物，來一客當然是少不了的事情。乳鴿味道是入味的，但又瘦又奀，作為前菜尚可。炸豆腐外皮頗香口，調味亦夠，只是內裏的豆腐卻未見特別水滑。鴿崧生菜包的鴿崧炒得很香，XO醬下得足，還有松子更添口感。生菜新鮮爽脆，大家都很滿意。眾人不想吃齋灼菜，叫來一碟蟲草花菜芯。惟蟲草花發揮不到多少作用，而且幾靭，結果大家都是只吃菜芯，蟲草花留在碟上。雞粥的粥底較烯，不算太綿；雞件雖然件頭小，但亦算多，滑而夠味。席間談談笑笑，總之大家是歡歡樂樂的共晉一餐。

門面好有古色古香既味道🤗脆皮燒乳鴿每一張枱必點既餸菜之一個皮燒得好脆 但又唔燶 火喉控制得岩岩好保留到乳鴿既肉汁 而肉質都好嫰滑🥰🥰🥰特色乾炒牛河夠鍋氣得黎又唔太油而且牛肉都好軟熟 唔會炒得太乾茄汁大蝦好似咕嚕肉既醬汁咁 酸酸甜甜好開胃蝦真係好大隻架 但都要記得挑蝦腸蝦雖然大隻 但都好新鮮彈牙七味椒鹽脆豆腐外層既皮 可以炸到厚薄好均勻而內層既豆腐好滑加埋啲椒鹽七味粉 味道更加豐富🤩原味手造豆腐花食飽左都仲要叫返一個細既豆腐花雖然我食到少少渣 但整體而言都係好香滑佢個糖漿有陣清清既花香做點綴 呢個係外邊食唔到哦 我食完覺得整體都算唔錯啲姨姨叔叔都好nice 好樂於助人 仲會撩你傾計講笑但見佢咁多劣評覺得好奇怪研究左一輪可能係因為佢地買團購所以質素差啲🤔🤔🤔

從新城廣場　行到龍華店夢與真之間　要行半小時要是搭的士　一定被糾纏怕沒權利　可以落車正圍村盆菜    真係好足料有蝦有元貝　沒翻開的勇氣還有炆鴨掌　髮菜和蠔豉鮮竹豬手　蘿蔔結尾食完　盆菜好飽乳鴿    係招牌菜色佛跳牆湯    還有枝竹羊腩大煲歡樂今宵    來糯米飯再沒餘地　繼續纏繞食多一點　發現胃部極渺小留下一點　再來甜品豆腐花呀歡樂今宵　紅酒一支啤酒汽水    飲飽食醉

帶爸媽去龍華酒店晚飯等佢哋懷緬過去，點了最出名的乳鴿、 咕嚕肉、豉油王大蝦、椒絲腐乳西洋菜和雞粥。服務是好的，但食物質素真是一般過一般。乳鴿味道只是ok，冇驚喜！皮不脆啲肉仲有啲靭，對這間出名食乳鴿的餐廳感到失望！另一王牌咕嚕肉，啲皮唔脆嘅……豉油王大蝦是冰鮮蝦，蝦肉冇鮮味椒絲腐乳西洋菜，老人家食覺得菜好韌雞粥味道還可以，粥底是很傑的粉漿粥，沒有米粒的晚飯期間有兩位結他手到每一台彈結他唱歌，如果怕嘈請勿坐在室內， 結他聲、唱歌聲再加上 食客傾計的聲音在空內困住曬好嘈！

今日我老細退休啦，我哋為咗要慶祝佢嘅離開，我哋就揀咗一間遠赴馳名嘅酒樓食，你一間酒樓嘅名就係大家應該都比較熟悉嘅，而且係位於喺沙田旁邊嘅叫做龍華酒店距離地鐵站大概10 分鐘嘅路程，雖然路程有啲格攝，而且係夜晚嘅時候其實都有啲唔方便，但同事一直咁讚佢話佢嘅燒乳鴿真係好正好正，我呢個咁為食嘅一定要去啦。呢日真係好熱，但我都唔介意行左10分鐘，亦經過一條長命車想到你呢個有少林寺嘅廚房呢度，我哋食完呢一餐，發現佢最正嘅真係燒乳鴿，係食呢隻乳鴿之前佢亦都準備咗手套俾大家，方便大家用手原隻咁去享用，佢嘅乳鴿真係好新鮮好香脆同好熱辣辣，我真係未食過咁好食架， 我極度建議大家叫多你兩隻你食！另外呢一個蝦球真係好吸引好香脆同埋好入味仲有好彈牙而呢一個避風塘炒蝦真係好龍尾筒好趣博博，真係可以連學都食埋㗎