龍華酒店 (下禾輋)

營業中

休息中

今日我老細退休啦，我哋為咗要慶祝佢嘅離開，我哋就揀咗一間遠赴馳名嘅酒樓食，你一間酒樓嘅名就係大家應該都比較熟悉嘅，而且係位於喺沙田旁邊嘅叫做龍華酒店距離地鐵站大概10 分鐘嘅路程，雖然路程有啲格攝，而且係夜晚嘅時候其實都有啲唔方便，但同事一直咁讚佢話佢嘅燒乳鴿真係好正好正，我呢個咁為食嘅一定要去啦。呢日真係好熱，但我都唔介意行左10分鐘，亦經過一條長命車想到你呢個有少林寺嘅廚房呢度，我哋食完呢一餐，發現佢最正嘅真係燒乳鴿，係食呢隻乳鴿之前佢亦都準備咗手套俾大家，方便大家用手原隻咁去享用，佢嘅乳鴿真係好新鮮好香脆同好熱辣辣，我真係未食過咁好食架， 我極度建議大家叫多你兩隻你食！另外呢一個蝦球真係好吸引好香脆同埋好入味仲有好彈牙而呢一個避風塘炒蝦真係好龍尾筒好趣博博，真係可以連學都食埋㗎

龍華酒店呢個地方，睇粵語殘片真係睇得多，今次自己去睇下先，呢個地方10分難搵，去到嘅時候真係好似返咗粵語殘片嘅年代嗰條斜路，放滿啲紅燈籠10分懷舊我哋都係叫咗一啲招牌菜當然唔少得燒乳鴿今次我哋叫咗原隻上，乳鴿新鮮熱辣，環境一流，可以一試

大紅燈籠高高掛。第一次來是兩年前，因為我未食過，所以兩口子就去試下，但兩個食唔到d咩，今次一圍檯慶長輩生日，仲預先買咗團購，超抵食，因為平時一隻鴿都要108，而家成個餐都係一千左右，雖然唔係名貴菜式，但來龍華都係志在食鴿，其他都係陪襯啦！由沙田火車站行去ikea再行村路過去大概15分鐘，以前好似話有動物睇，長輩們話仲可以在戶外庭園打牌，好妙！當晚有小小落雨，而去廁所既路係露天，要開遮過去，又係另一妙！

媽咪好鍾意食乳鴿，所以細個都帶過我黎幾次，呢度都算係有兒時回憶。數數手指都有超過十年無黎過食，所以早排趁媽咪生日，就一齊再黎重拾當年嘅味道。.龍華酒店嘅交通唔算太方便，位置係瀝源邨同沙田警署附近。餐廳係山上面，所以要行一條樓梯上去，年輕嘅我都還好，條樓梯對爹地同媽咪黎講都幾辛苦，行上去都幾吃力。我地上去嘅時候，見都有個婆婆好努力咁行上去，我就諗如果可以安裝番一條扶手電梯就更加方便老人家。沿途有好多紅色燈籠，有啲千與千尋嘅感覺，有興趣可以係到留影。行到上頂仲會有啲雀籠，我記得細個係有雀仔睇，沙士之後就無嚕。龍華有準備到四人至十二人嘅套餐，如果唔知叫咩好，可以直接叫套餐。我地唔太想飲湯，套餐又無平好多，所以就散叫。.龍華紅燒乳鴿 ($98@1)我地一行四人，叫左四隻乳鴿，一人一隻你可以叫廚房原隻上，又可以叫佢幫你斬件上。我地叫左斬件，一開四，方便食。乳鴿一定要趁熱食，凍左就唔好食啦。熱食嘅時候皮脆肉嫩，咬落去有肉汁流出，十分惹味。不過，媽咪話以前有得叫乳鴿王，係再大隻啲，再好食啲，而家都無咁好食。.我地另外叫左三個小菜：- 椒鹽豆腐 ($108)呢個豆腐炸得幾好，唔會太熱氣同太油膩，不過食

話說遠來外國的表妹好有心話成日人在外國冇得請我地食飯，就比左錢我，叫我安排親戚一齊食飯，咁一大家人，又想座得舒服又想食中菜，咁就來左食龍華了。龍華乳鴿 ~ 果然好味道，仔仔一個人食左3件呀！，差不多一隻 燉雞湯 ~ 好足材料， 每人都讚夠味湯甜。鮑片花菇生菜 ~ 花菇炆得好夠淋同埋入味， 但我反而鍾意食佢個配菜生菜。炸蝦 ~ 炸得好香口，唔油膩。鮮蝦北寄貝炒西芹 ~ 呢啲反而好唔掂一啲味都冇。雞粥 ~ 因為我唔鍾意食粥所以我冇食到，但仔仔佢哋都話好味。草菇炒伊麵 ~ 普通貨色，但叫做夠大碟。

龍華酒店簡介        沙田禾輋村龍華酒店始建於1938年，以紅燒乳鴿著名，至今已跨越80周年，為李小龍練武之地、末代港督彭定康亦為常客。龍華酒店環境清幽，景色雅緻，在五、六十年代深受各大作家歡迎 ，金庸、梁羽皆曾在此閉關寫小說，更是粵語長片取景之熱門地方， 到此拍片者不計其數，知名影視名人有張活游、曹達華、陳寶珠、蕭芳芳、紅線女、鄭錦昌等等。店內裝修仍以懷舊為主，保留昔日風情，其露天茶座，彰顯著懷舊色彩和往日情懷，是香港唯一的園林酒店， 至今仍飼養了孔雀、鸚鵡等供遊人欣賞。      非常特色的懷舊餐廳

為乳鴿風味，由沙田站走過一段小路，有懷舊燈籠丶古色古香戶外環境丶令人期待的乳鴿。我們一行12人到龍華酒店，長者前輩們説著往事，一點一滴的細說沙田歷史丶建築丶保育等等。乳鴿一上枱，各人的筷子🥢已馬上行動。小朋友說有手套呢、本人應為用手比較自在些。雖然不是有很大驚喜，但環境已搭夠。我相信每一位到龍華酒店的人也有自己背後的故事，我們今次就是拜托長者前輩的福，在此不是只為食而來，而是為記憶及製造記憶而來❤️最後甜品的山水豆花也是吸引不少粉絲呢

龍華酒店係我兒時經常被父母帶去的地方,記得當年因家裡環境不是太好,所以好少有機會出外食飯,但每年都會有一次家庭聚會在龍華舉行。當年的紅燒乳鴿、炒鴿珍和椒鹽鴿蛋是我必食的菜式。長大後因工作關係已經十幾年未去過龍華食飯,今日原本約了朋友聚會食飯,朋友心血來潮話想食乳鴿,又剛剛身在沙田,所以提意到龍華懷舊一番。剛到之時(大約7點左右)眼見只有3、4枱客心想可能因為星期三所以無咩客人,座落到8點半左右已經差不多座滿客,我地叫咗佢地龍華三寶,紅燒乳鴿、🐔粥、豆腐花同幾味小菜(原本諗住叫椒鹽鴿蛋同炒鴿珍,原來炒鴿珍已經無做,鴿蛋又因為唔係經常有所以都無得食😭😭)。1. 紅燒乳鴿 - 重係可以做到皮脆肉嫩。2. 🐔粥 - 可能因為用了腐竹一齊煲,所以粥底軟綿食落有陣陣的腐竹的香氣,雞肉夠入味,不似坊間的又無雞味又無咸味。不過應該係改用了冰鮮雞的關係雞肉始終不夠當年好食。3. 燉湯 - 飲落都材料十足, 夠火喉。4. 鎮江骨 - 我覺得味道適中不會太大酸醋味,朋友就覺得味道不夠濃。5. 北菇扒菜 - 我覺得有一點鹹,反而朋友覺的可以接受。😅😅6. 豆腐花 - 超正, 豆味濃郁再加埋桂花糖水簡直係一流。

本身一家人過生日開開心心，食到生蝦真係掃興負評一 上菜速度過快 未食完第一道餸，佢就已經上左幾多，問佢可唔可以分開一道道，遲少少上，侍應答：我哋控制唔到個廚房Ok 我地忍點知一食個天婦羅竟然比我地發現係生蝦，完全唔熟。我地投訴，咁大間酒店，等左成個鐘都冇人可以話到事。終於有個經理黎處理，我地要求佢負責任（因為我地當中有孕婦同老人家食左生蝦），佢地左推右推，冇人可以負責。又拖成個鐘，老闆又唔係到，最後唯有報警處理！大家下次去真係要小心D食物熟未，成碟生蝦都可以上比客食

由沙田搭火車到去火炭，成日會睇到龍華大大嘅招牌，燒乳鴿算係佢地嘅招牌菜。我地都成為咗龍華嘅回頭客，今日就介紹下佢地嘅燒乳鴿龍華脆皮燒乳鴿 $108/1隻我地試過嗌斬件同原隻上，原隻會保留到多d肉汁，但係會好燙手，食起黎就要俾多d耐性，斬開一件件就會易食d，但個人鍾意原隻上。乳鴿嘅皮燒得香口，少少脆，偏煙韌多汁，唔算非常脆嘅type。而肉身無論係鴿脾定鴿胸，都係嫩滑嘅，不會鞋，呢個就係我超鍾意食乳鴿嘅原因，基本正正常常整出黎都會又嫩又滑。價錢方面我會覺得少貴，但係香港地想坐低食隻好食嘅燒乳鴿算係咁。地方較隔攝，不過有google map都冇難度其他餸菜都係普通中式嘅味道啦😬不過服務就麻麻啦，等位入庭嗌野食都十問九唔應架。

是日母親節， 和母親大人來慶祝 ， 看到食劣評多過正評真的有點擔心， 但估不到喜出望外， 可能因為未來過， 不和以前作比較， 食物味道其實不差， 乳鴿上菜時還熱騰騰的，母親大人是乳鴿控， 我們試過各大小酒家的乳鴿， 這裡的乳鴿味道算是中上， 雖然$108/隻有點小貴。 菜胆雞比坊間的夠味， 裝修後環境整潔， 有懷舊風味， 待應都是年輕人， 服務尚算不錯， 只是不能有車直達門口， 要行天橋過來對老人家來說有點不便， 但估計還是會再來的。 紅燒乳鴿

有一次黎食午飯，見到有花生芽既小炒，聽都未聽過，一試之下十分好味，芽菜身好粗好多肉汁，個頭有粒花生都可以食埋，好食過芽菜好多，深深愛上。 再睇下啲資料，原來花生芽好有益的，所以今日放假特登帶老爺奶奶黎試，點知已經無做，十分失望喔～坊間好多餐廳都有賣乳鴿，價錢平同好食，其他餸菜不錯但價錢較貴，吸引我來只有花生芽喔，但已經無了~

也是很巧，本來要去新根記，無奈已經搬家，於是就近來了這一間，號稱全香港最好吃的乳鴿酒家。紅燒乳鴿是招牌，外酥裡嫩，滋味十足。推薦本來想點粉絲蝦皇，無奈已經沽清海皇雜菜煲十分驚艷，青菜非常清爽入味椒鹽豆腐和螺片個人感覺一般店內裝修極具四五十年代的風格，可以看出80年的風雨，這裡是記載歷史的地方。新年期間，客人絡繹不絕，生意極好，本地人居多，很多家庭是一大家子過來聚餐。

一行5人，由大埔出到沙田食飯，諗住試新野，未食過龍華酒店，見食評講到咁出名咁好食，就去一試。5大一小，叫左5個送，3隻乳鴨、煎豆腐、大良炒奶、o者o者雞煲、菠蘿咕嚕肉、4個飯，食店環境ok，懷舊風格、侍應態度熱情。==============================脆皮乳鴨：皮唔脆、肉係厚，但味道一般，無乜風味，深井d燒鵝乳鴿好食惹味好多==============================煎豆腐：無特別，不值一提==============================o者o者雞煲：幾入味，可以一試==============================菠蘿咕嚕肉：新鮮菠蘿，同咕嚕肉d味分開左，我都係鐘意大排檔個種，酸甜咕嚕肉配菠蘿個種配搭==============================埋單1千1百幾，CP值超低，試過一次，真心唔使再嚟！Bye

今晚去左沙田龍華洒店食乳鴿😃之前都來過幾次今晚心血來潮想食 車泊喺附近停車埸 行條天橋過對面 可能夜左 又落雨 當晚只有4-5枱客 揀嘢食先😆😆 同朋友一人一隻紅燒乳鴿 $108/1隻 原隻上😆正！每枱都有手套附上👍🏻唔洗食到隻手油淋淋👍🏻肉汁豐富!另外叫左碟蒜蓉炒小白菜 正常嘢 同一桶豆腐花 原桶上 配桂花糖水 呢個糖水冇得彈 桂花好香😊埋單$500有找 😁再有機會一定再去食😃另外有揸車嘅朋友 埋單記得比埋泊車飛餐廳