龍亭

大埔鐵板燒小店Lunch set 飽肚又滿足-生蠔配魚子 口感豐富今日係法國生蠔海水味重，但係唔會腥-煙三文魚沙律配埋魚子醬食落感覺鹹鹹香香，但係唔會太鹹 係新鮮之選-溫泉蛋配魚子醬 蟹子口感豐富有三文魚子同埋魚子醬 係開胃前菜-海鮮盤賣相精緻 有帶子 魚柳同埋師傅會分開張魚皮煎到脆卜卜 仲有配上黑松露醬既菇 -鵝肝酥餅配有檸檬蛋白醬同埋水果蓉係我未食過既配搭～口感食落酸酸甜甜 有鵝肝既油香但食落唔會好油膩👍🏻-簿燒香蒜牛我揀咗五成師傅會問你使唔使走蔥或者走蒜 我揀左走蔥。伴碟會有一份鵪鶉蛋配香菇同埋Wasabi可以俾你自己個人調一調味 好似壽喜燒咁將蛋黃配上牛肉薄光食 香蒜係超級好食！卜卜脆勁香蒜蓉味配上牛肉真係唔錯-去到蟹籽魚子炒飯其實已經食到好飽😂但係都忍唔住食多幾啖 -麵豉湯配有鮑魚 味道鮮甜成碗湯即刻高級左 -甜品係柚子雪葩超級解膩醒胃👍🏻飲品配左生啤 餐廳亦有提供其他選擇

呢間主打鐵板燒嘅餐廳藏身於大埔市區一角，門口相當隱蔽，未必一眼睇得出，要按門鈴等職員開門，感覺好似入咗私人會所咁，神秘感十足。不過餐廳內部空間比較細，座位唔多，適合鍾意靜靜地慢慢食嘅人。叫左杯美人梅酒，酸酸甜甜，幾開胃。前菜沙律用上有機蔬菜、煙三文魚同中華沙律啫喱，清新有層次。法國生蠔份量十足，有兩大隻，上面鋪滿大粒魚子，配埋wasabi魚子醬一齊食，海味濃郁但完全唔腥，反而好清甜，令人印象深刻。白松露蟹籽溫泉蛋賣相精緻，蛋白滑到似湯，蟹籽啖啖咬開爽脆，啡色嘅松露香味撲鼻，層次感豐富。跟住上枱嘅係紐西蘭龍蝦寶寶，淋上加拿大海膽醬，蝦肉鮮嫩彈牙，其中一隻仲有滿滿蝦膏，濃郁鮮甜。燒和牛油脂分佈靚，包著蔥、沾上炸蒜。配上蘑菇，惹味又唔膩，但反而配菜如白蘑菇黑松露更令人驚喜。炒飯以三文魚子同蟹籽炒成，鹹香有咬口，份量啱啱好。甜品係吉士紅豆pancake，煙靭似糯米糍，甜度適中，為成餐畫上完美句號。整體體驗滿意，食材新鮮、味道有驚喜，但場地細同位置隱蔽，如果唔介意呢啲，絕對值得一試。

有幸受到朋友邀請嚟到大埔嘅龍亭度食Omakase，舖頭地方唔算好大，兩張細枱同埋七張BAR凳，廚師就得兩個人，所以我哋都係坐咗上吧枱。沙律係魚子醬鹹香搭配煙燻三文魚加咪幾粒龍珠果，清甜解膩，火箭菜新鮮脆口，再加咪啲黑醋汁，口感幾好同豐富。法國生蠔新鮮好綿，三文魚子鹹鮮，再加咪少少WASABI提鮮，好正又唔會又唔會搶咗蠔嘅鮮味。溫泉蛋配魚子醬同白松露，簡直就係奢侈嘅組合。口感好似布丁，廚師教落要將三樣嘢撈埋一齊口感會好似忌廉湯咁，朋友就撈勻晒，我就撈咗七成，感覺上會多啲口感，唔係靜飲湯嗰種感覺，白松露嘅香味好濃郁，成個菜配合得天衣無縫，又香又滑，好好味，難忘之一。鐵板龍蝦酥皮，啲酥皮係脆嘅，好似三文治咁包埋啲龍蝦肉同埋蝦膏加埋啲海膽嚟食，係惹味嘅，係好食嘅，但係感覺上又唔算太過特別，視覺上滿足。帶子原本都覺得無咩特別，但係廚師就煎到外面少少脆脆哋內面就嫩嫩哋，加咪啲加咗CREAM嘅昆布醬(個醬汁好滑)，三文魚子又再增加鹹香，帶出帶子本身嘅鮮甜，哩個有驚喜。和牛焦香嫩口，油脂分佈得都好平均，夾咪啲好脆嘅炸蒜粒同蔥粒，蔥蒜味好濃，牛肉嘅火候掌握得好準確，廚師係有技術嘅，口感係有嘅，肉係嫩嘅，

一入店內，就能感受到其典雅的氛圍，私密且舒適的環境，讓人瞬間放鬆。服務更是貼心至極，工作人員對每道菜品的介紹詳盡又專業，給用餐加分不少。 菜品是這裡的靈魂所在。極品海膽和牛龍蝦（十品），將海膽的鮮甜、和牛的嫩滑、龍蝦的彈牙融為一體，一口下去，豐富的口感在舌尖上層層疊加，每一口都是奢華的享受。墨西哥海膽玉子豆腐，軟嫩的玉子豆腐裹著濃郁海膽，鹹鮮滋味瞬間在口腔中散開。塔斯曼尼亞海膽配法國生蠔皇，新鮮生蠔的海水味與清甜海膽碰撞，簡直是新鮮的究極體驗。白松露海膽蘭王溫泉蛋，蛋液流心，搭配白松露和海膽，香味醇厚。 柚子海膽雪葩成功扳回一城，酸甜柚子中和海膽的濃郁，冰爽口感為這頓盛宴完美收尾。總之，龍亭在食材品質和菜品創意上極具誠意，是追求高端美食者不容錯過的好去處。

同朋友食好嘢，就係開心！今次跟我嘅閨蜜去大埔食鐵板燒！地理位置比想像中方便，喺太和站行過去，唔使10分鐘餐廳唔算好大，除咗吧枱位置，好多人嘅話都仲有枱可以安排到，晚上氣氛唔錯😊😊打響頭陣嘅沙律，已經令人眼前一亮！煙三文魚包着蔬菜，配上黑醋汁，好開胃，仲有非常特別既中華沙律粒粒，四四方方，口感好爽！有啤酒，咁就可以更爽地暢談啦！新鮮、甜美嘅生蠔，配上海膽，係鮮上加鮮呀！我發現師傅用海膽嘅份量真係好重手！呢一款前菜，將海膽、松露同埋溫泉蛋撈埋一齊，口感滑脫脫，好舒服，味道好似飲緊超濃郁嘅松露海鮮湯！師傅精心燒嘅帶子、魚柳帶子本身已經好厚身，再加埋粒粒飽滿嘅三文魚子，成個口腔都超鮮甜！安格斯牛肉薄燒卷賣相非常靚！色澤同油脂非常均勻嘅牛肉，包着大量蒜頭同埋香蔥，一放入口，牛油香氣同蒜香混合，係超級超級好味！師傅用心地以其他蔬菜配搭，令到成個主菜非常精彩，就好似蘑菇裝住鵪鶉蛋，食到滿滿蘑菇汁，又食到濃郁蛋香味，好睇、好玩、又好食！最後食埋炒飯同埋甜品，真係非常滿足！個炒飯絕對唔可以錯過，蟹籽三文魚子勁大堆頭！海膽再一次出現！呢一餐鐵板燒，真係完全被感動！每一啖炒飯，都咬到卜卜脆嘅蟹籽同三文魚籽，

最近聽聞呢間餐廳有優惠$980（二人前omakase）另收加一，感覺好抵，所以即打電話預約。舖頭位置有啲隱蔽，跟google map行都用咗少少時間先搵到。可能因為係平日嘅關係，到達時只有一組客人。二人前omakase 由廚師揀選新鮮食材，即場烹調。1.沙律🥗 魚子醬鹹香搭配煙燻三文魚，龍珠果清甜解膩，中華沙律啫喱一粒粒特別嘅口感，加上醋汁，層次豐富且平衡。 2.🦪法國生蠔鮮嫩多汁，三文魚子鹹鮮爆漿，魚子醬點綴奢華感，芥末微辣提鮮不搶味，不重海水腥味。 3. 好似湯又不是湯🍲溫泉蛋白滑嫩如布丁，白松露醬香氣濃郁，蟹籽脆脆增添口感，攪拌均勻，入口如忌廉湯一樣，簡單組合卻有高級感。 4. 鐵板龍蝦🦞酥皮鬆脆包住濃郁龍蝦膏與海膽，經廚師烹調後，散發陣陣香氣，像三文治般享用，滿足感十足。 5. 帶子煎得外微焦內軟嫩，奶油昆布醬鮮甜滑順，三文魚子增加鹹香，日式風味明顯，個奶油好出色👍。 6. 炒飯粒粒分明鑊氣足，三文魚子與蟹籽嗶啵彈牙又脆口增添口感，而廚師亦會預先問我地食唔食紅蘿蔔等等，仲係炒既時候畫左個心比我地❤️。 7. 和牛薄片焦香柔嫩，油脂分布均勻，夾著脆脆炸蒜碎與蔥粒，蔥蒜味

餐廳設有鐵板燒吧台位可以近距離欣賞師傅席前料理擺盤精緻 烹飪過程亦很打卡able店員告知新出了廚師發辦龍蝦和牛8道菜亦是獨家secret menu ！！性價比超高！最好於3天前訂座時告知 方便準備食材 ⍢《廚師發辦龍蝦和牛8道菜2人前》$980（另收加一）煙三文魚沙律以煙三文魚包裏沙律菜搭配聖女果 酸酸甜甜 清新開胃法國生蠔配馬糞海膽法國即開生蠔 新鮮肥美配上滿滿馬糞海膽 入口鮮甜加拿大海膽溫泉蛋海膽搭配溫泉蛋 加上白松露醬建議撈勻一起吃 入口順滑就像喝忌廉湯一樣～黑松露牛油扇貝扇貝肥美 以牛油黑松露調味入口帶有淡淡酒香味底下的菇類都很入味～秘製鐵板龍蝦師傅先灑酒點火 打卡之選選用澳洲龍蝦 肉質彈牙可口以剛從龍蝦頭拆來的膏點綴 啖啖濃郁龍蝦味 加上澳洲海膽 配合多士吃 口感更豐富鐵板肉類一品（和牛/雞/豚）和牛薄燒 熟度燒得剛好鎖住肉汁 牛味濃郁 入口油香不膩伴碟的蔬果都燒得很美味三文魚籽蟹籽海膽炒飯頂部舖滿滿到傾瀉的海膽及三文魚籽而炒飯配料有蔥花及蛋等粒粒分明 鑊氣十足鮑魚味噌湯原隻鮑魚加上昆布 啖啖鮮甜啤酒套餐不包 但值得點⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡♡/5⧐龍亭📍大埔

Book餐廳前，職員話有最新優惠$980/2人廚師發辦，有龍蝦食，就即刻book咗。去到估唔到有咁多道，食到超飽。前菜有煙三文魚沙律🥗，好開胃法國生蠔配馬糞海膽好大隻生蠔🦪海膽味道鮮甜加拿大海膽溫泉蛋有驚喜，呢個要絞碎啲海膽撈埋溫泉蛋，食落好似飲緊海膽忌廉湯，好特別！奶油昆布麵豉扇貝好鮮甜，建議一口食晒，多重口感。秘製鐵板龍蝦好似睇表演，有火花。龍蝦肉質Q彈，店員話用火燒5秒會更加香口。燒和牛和牛入面有炸蒜等配料，入口香脆，隔離擺盤配上時令海膽三文魚蟹籽海膽炒飯廚師會整成唔同嘅圖案，跟住加上三文魚同蟹籽再加海膽，撈埋一齊甜品甜品係自家製吉士醬同紅豆班戟

結婚週年紀念，訂了兩位海膽龍蝦預付套餐，除咗服務好，每一道菜都有解釋食物材料，而且份量非常足夠，每一碟都有精美擺盤，生日會有生日歌之外，週年紀念都會有日文情歌🥰，侍應會主動幫忙影相，推介特別日子慶祝

我今日同媽媽來到這間鐵板燒餐廳慶祝生日，整個體驗非常難忘！首先，餐廳的服務非常周到，從進門到用餐結束，每一位員工都笑容滿面，細心照顧我們的需求，讓人感到賓至如歸。食材方面更是無可挑剔！鵝肝煎得外脆內嫩，入口即化，香氣四溢；龍蝦新鮮彈牙，搭配廚師獨特的調味和烹飪手法，簡直是味蕾的享受。每一道菜都能感受到廚師的用心和對食材的尊重。特別值得一提的是，廚師在我們面前即場烹調，不僅展示了高超的技藝，還細心講解每一道菜的特色和吃法，讓我們在品嚐美食的同時也學到了不少知識。總的來說，這間餐廳無論是服務、食材還是用餐氛圍都讓人非常滿意，絕對是慶祝特別日子的好選擇！強烈推薦給喜歡鐵板燒的朋友們，一定會讓你有個難忘的用餐體驗！特別感謝chef Chris ,

之前睇社交平台見到人哋分享呢一間龍亭今日終於得閒嚟試吓同朋友慶祝生日食物比想像中有驚喜師傅同埋其他店員都有禮貌同埋服務唔錯今次我去咗大埔分店雖然吧枱得六個位左右但係細舖先至做到質素每一隻碟唔係求其整一堆醬 是但嗨下裝飾而係好認真咁樣擺放食材煮得都好好食，味道啱啱好絕對有機會再嚟過🤘🏻🤘🏻🤘🏻喺網上面買套餐券連埋+1每人唔使$600 我覺得性價比都好高有生蠔、有海膽、有鮑魚、有鵝肝個鵝肝其實幾有驚喜佢唔係用粉嚟煎 係直接煎完放上去中間有一層檸檬蘋果蓉全部加埋一齊食好開胃👍🏻👍🏻👍🏻下次會試吓佢接近$700嗰個餐慶祝生日師傅仲整咗個pancake俾我哋仲會熄燈點蠟燭播放埋生日歌👍🏻👍🏻👍🏻

大埔區食物不多選擇，最近同朋友食左呢間新開既鐵板燒。揀左$688的8道菜厨師發辦套餐。店員服務周到，每道菜都會解釋。價錢實惠。🥗 黑松露三文魚沙律黑松露畫龍點睛。🥚蟹膏海膽溫泉蛋全部攪拌完一齊食香噴噴滑溜溜，好特別的口感，好食。🐟鐵板海鮮飛魚子燒帶子醬汁香濃。🥩鐵板肉類食鐵板燒我最期待就係鐵板牛，和牛5成熟剛好，食既時候熱度岩岩好，肉質又滑，旁邊的拌菜都精緻，有黑松露菇，瓜又甜。 🥣三文魚魚子炒飯 ＋鮑魚海帶湯魚子爆棚，食唔曬！個海帶鮑魚湯有驚喜，好鮮甜。🥞紅豆牛油pancake 口感係煙硬既，唔係普通鬆餅，夾埋十勝紅豆同cream好滿足。🥤梅酒好飲🥢龍亭 🌏大埔翠樂街11號美豐花園地下10號舖

今日慶祝朋友升職，於大埔一間新餐廳試了一餐$688 的高汁入門八道菜廚師發辦套餐。和朋友兩個人聚餐，整體感受相當愉快。首先一座下，晚餐每人各點了一杯清爽的 KIRIN （麒麟）啤酒 🍻。 🥗 沙律方面，黑松露三文魚沙律的風味不錯，三文魚搭配黑松露的香氣，讓人一試成主顧。接下來的前菜是蟹膏溫泉蛋🥚，把溫泉蛋打爛與白松露攪拌，口感滑順。🐟鐵板海鮮兩品更是讓我印象深刻，飛魚子黑松露燒帶子的醬汁非常美味，搭配多士一起吃，讓人回味無窮。而熟海膽與鮑魚的組合，則能吃對了海鮮的鮮美與豐富層次。至於鐵板肉類 🥩，我選了5成熟和牛配鵪鶉蛋汁，肉質嫩滑，滋味十足。隨後的野菜炒飯 🍛 清新可口，為整餐增添了飽腹感。鮑魚海帶湯 🥣 的鮮香，則完美地為這頓主菜畫上句號。最後，紅豆牛油班戟 🍮 作為甜品，柔軟可口，甜而不膩，令人滿意。整體而言，這次的 omakase 體驗讓人感受到廚師的用心，值得一試！

大埔遊樂前已定呢間龍亭鐵板燒，預約好時間到場便不用等位。主打日本高質鐵板燒料理，有多種菜式料理，廚師即叫即做，新鮮熱辣又好吃😋。先叫了2杯麒麟啤酒嘆下先。招牌沙律，用煙三文魚卷住新鮮沙律菜，有微酸的黑醋，令人開胃。白松露海膽溫泉蛋，店員說食材攪勻像飲一碗忌廉湯，入口香氣獨特有3重享受😋。海膽燒糖心鮑魚，將煎到脆香的海膽，放在帶子上，再夾埋多士一併食，脆軟香口，好捧啊。鮑魚有彈性鮮甜好吃。A5和牛卷, 將炸蒜、蔥粒卷進薄切的和牛上，和牛嫩滑香軟，滋味十足。碟旁的配料擺得精緻，豐富又可增添食慾。原隻鮑魚昆布麵豉湯，原隻鮑魚爽彈的很好食，湯底清甜好飲。海膽和牛脂炒飯，將海膽拌埋炒得香噴噴的炒飯內，就是美味可口。最後食埋個吉士醬、紅豆嘅pancake, 完滿的一餐。店員都有禮且服務到位，過了一個相當唔錯👍的晚上🌃。

前排紀念日老公帶我食好嘢，揀咗一間位於大埔嘅鐵板燒，店舖唔大，大約有六個鐵板燒吧枱位置，另外亦有兩張枱有幾款廚師發辦套餐，亦可以散叫我哋選擇咗九道菜廚師發辦套餐，$988/head另外加咗美人梅酒$93一支首先，第一道菜:煙三文魚沙律用煙三文魚包裹住沙律菜，配黑醋汁蕃茄仔同埋龍珠果日本帆立貝配魚子醬帆立貝size好夠大，亦好新鮮，將魚子醬當豉油配上Wasabi咁食都係第一次日本溫泉蛋配白松露將兩者撈勻，好似豆腐花，白松露嘅味完全滲入咗蛋入面，好似飲緊松露忌廉湯鐵板燒新鮮海斑擺盤好靚，下面配左意大利黃瓜及海藻汁，海斑煎到僅熟，外皮好脆，肉質好滑鐵板燒鮑魚每人有兩隻鮑魚，肉質非常硬，配2片燒咗嘅鱈魚乾，師傅建議同鮑魚一齊食用，可以添加脆口感覺，配埋蛋白忌廉山葵汁少少辣，好好味鵝肝多士呢一度菜式係成晚最impressed既 收線，真係未試過食咁大舊鵝肝，都好厚身，煎得好香，唔好以為咁大個就好油膩，夾埋菠蘿醬汁中和返，口感非常豐富，入口即溶，實在係太太太太太滿足喇我哋一個套餐選擇咗澳洲牛柳，另一個套餐選擇咗美國安格斯牛肉薄燒卷澳洲牛柳好香濃嘅牛味，要求既五成熟亦都煎得啱啱好；而安格斯牛薄燒卷