鼎泰豐

營業中

休息中

26/6 試左香港既鼎泰豐. 一如其他朋友所講, 並唔好食. 我比既評語, 係劣. 原因, 台灣既鼎泰豐比佢影衰左.等位, 等左成粒鐘先入到去.菜單, 好明顯比台灣, 或一般既上海菜少... 食紅油抄手, 係有蝦既, 劣! 最憎食唔正宗野! 小籠包, 到滿意既水準, 但比起台灣既, 仍然無咁好食, $45/6隻, 唔算平... 蒜茸炒通菜, 唔係唔好食既... 不過阿媽整得好食過佢菜肉包, 好淡, 無乜味, 但唔怪得佢, 好似係台灣都係咁上下炸醬面, 第一次食有蕃茄既炸醬面... 又係憎唔正宗!唯一讚既, 係油豆腐粉絲湯, 係有返水準既! 綜合以上各點... 唔會去下次. 講完

早兩日終於去試左呢間咁出名嘅食肆 鼎泰豐。招牌菜小籠包：都係一般啦，無驚喜。蟹粉小籠飽：只係覺得味道好腥。糯米燒賣：賣相吸引但食落無味；返而個粽嘅味道尚算唔錯。紅燒牛肉麵：牛肉就幾鬆化，但湯底就過咸。酸辣湯：味道唔夠。花雕醉雞：肉質都算滑。紅油抄手：尚算普通。菜肉雲吞： 雲吞皮夠薄，湯底清。紅燒牛肉麵：牛肉就幾鬆化，麵質都唔錯，但湯底就過咸。清湯燉牛肉：牛肉夠腍夠鬆化。燻魚：味道唔差但太腍，係左香脆嘅感覺。烤夫：味道好濃。因我地一行 7 人，有一個朋友係食素嘅，但佢為素食客人預備嘅菜就無幾款啦，食素朋友只有一個素菜包、烤夫、馬蘭頭、炒芥蘭同赤豆鬆糕。總括食物嘅份量都好精細，所以千萬唔有以為我地好大食呀！整體嚟講唔太差，但無驚喜！

很久之前已經想來了，但知道佢次次都排隊排到死，所以唔敢提出，今次生日大哂，終於可以o黎la~~~足足等o左45分鐘，因為人齊先可以入，所以比較麻煩，不過唔緊要la，都預咗ga la．今次點咗好多嘢食ar~~~~~小籠包：咁係招牌菜，冇理由唔叫啫，但真係好失望，個賣相的確係好靚ge，每一摺都好分明，不過味道唔係好突出，爸爸話覺得個餡d肉好爛tim wor，湯汁都唔係熱騰騰的．真係唔ok紅燒牛肉麵：麵質麻麻，都係上海小館好d，但係紅燒牛肉就正，好有台灣的風味，都係好淋，好入味的，即刻超懷念台灣担担麵：湯底好濃好傑，但唔係特別好食咋，可以唔叫菜絲炒飯：好普通的一個菜式，但原來又做得唔錯wor，好香口，飯粒分明，內有蔥粒及蛋碎，很惹味的．糯米燒賣：一般般吧，但頗有趣的，好似用皮包住d糯米飯咁食，但可惜冇咩味，不合適味濃人仕菜餃：這個好好味ar，餃皮是不錯的，包著滿滿的菜絲，很鮮味的一個菜式，又是簡簡單單的才味美蝦肉炒飯：是因為菜絲炒飯的美味而追加的，但不知何解全家一致認為這個反而不及菜絲炒飯美味，但肯定的是蝦肉是鮮蝦來的，一分錢一分貨吧芋泥小籠包：這個甜品是我最想試的．果然冇令我失望，芋泥的確

去到鼎泰豐，一定會食小籠包。但小籠包以外，吃什麼好呢？！見到糯肉燒賣這個名，覺得好得意，就試下。外表似燒賣，內裏都是糯米和小蝦米，味道令我回想起小時候在酒樓吃的糯米包，即黃色皮，圓形那種。可惜現在的即叫即蒸酒樓己沒有這道點心。如果想回顧這糯米包的味道，可在鼎泰豐試試這糯肉燒賣吧！

,一百元以下的午餐多的事還中規中矩. 但中餐貴如走了...好的實在不多. 但今天來了午餐,要了兩個午餐. 前菜可選幾項,選了燻魚醉雞, 燻魚挑骨挑得細心...也香口.比幾間大上海的餐廳來的美味. 醉雞味道 有酒香夠雞味又少了酒的苦味不大吃酒菜的太座也讚好.主菜來了,椒鹽魷魚及京都骨？京都骨有點兒骨多肉少,魷魚就選料上乘.新鮮有咬口,還有勝在不乾身.

補番係8月25晚同壽星女仲有同細佬既晚飯.初初諗住去萬麗食步飛. 考慮到我地3個食量都唔大,無謂迫自己食得咁辛苦.所以決定去e度!7點鍾到,唔使等位!正我地叫左:酸辣湯我同妹好都覺得只有辣味,冇酸味, 有點失去食佢既意義..不過佢d配料都幾有份量.小籠飽x 2不用多說,皮薄,又多肉汁.黎到唔食佢,,會係一個遺憾!蟹粉小籠飽其肉汁比小籠飽少,甚至覺得有小小乾. 可能我唔識食點既蟹粉先為止好啦.覺得味道有點腥. 一般!醉雞細佬話係台灣食既醉雞食無骨wor, 不過我地2姊妹未去過.覺得味道恰好,肉質都幾滑!紅油抄手妹妹唔多食得spicy野,不過我同細佬都覺得好食, 可能我地都會食辣野啦.佢呢個又唔係得個辣字,有埋佢既肉味.gd=]唔知咩蝦燒賣塊皮好厚,個餡又汁,同小籠飽完全係兩回事. 初初仲要以為舊蝦係鮮蝦,點知係蝦乾..好一般!Total食左$410, 可以接受! 同埋對於我地黎講,點都划算過去步飛

We went shopping at TST and gf wanted to have hot and sour soup. We realised Din Tai Fung is now located at Silvercord so gave it a go.It was a sunday night after 9pm so we only waited for aound 15mins for a table. It was one of those at the corridor though. We were both starving so couldn't be bothered. We ordered:- soy milk HKD16: not cheap and a little too sweet; also realised other drinks such as carrot juice (HKD38) costs a fortune!- beef stomach HKD42: slices are v. thin in a small plate;

上星期三, 因為媽媽生日, 於是特別出尖沙咀鼎泰豐食晚飯一放工便立即飛過來, 免得等位等太久好在弟弟他們預早在6點的時候已先登記, 所以我大概在七點前已能入座一入去, 覺得位置都很寬敞, 不會像其他飯店般好容易就碰到人帶位的亦很有禮貎, 不斷回望怕我們走失似的說真的, 餐牌上的菜式並不算太多, 而且我相信他也不會太大碟, 況且都是自己請客,於是二話不說, 看上就叫, 都不怕會吃太飽了...點了一個四季烤夫, 一個水晶肉(全名不記得了, 但其實等同肴肉)一個小籠包, 一個排骨蛋炒飯, 一個芋泥小包, 一個豆莎小包, 一個酸辣湯四季烤夫, 水晶肉, 小籠包, 水準也真的不錯, 但是, 排骨蛋炒飯, 真的要特別讚一下我本身不太吃排骨(即豬扒), 因為質素很參差,有的很乾很硬, 咬不開的; 有的炸得皮還皮, 肉還肉, 像食炸粉一樣;但這個豬扒, 味道很夠, 也很軟, 很香, 而且上枱時, 飯上面全鋪好豬扒, 感覺很好, 不會覺得欺場, 你知道很多時只有3-4小件的豬扒, 飯倒是給你很多...飯也很好吃, 但我本人覺得不夠咸, 可能先吃豬扒, 所以覺得飯沒有味道.我其實都去過台北的鼎泰豐, 可能

經常因為鼎泰豐的長龍而卻步，這天時間尚早(5:45pm)，終於一試。等了約10分鐘就可入座，太好了~點了原盅雞湯麵($55) - 湯好清，雞好滑菜肉雲吞麵($41) - 雲吞皮薄餡靚，感覺很精緻，麵質不錯，湯底清而夠味。小籠包($4x) - 皮薄湯多，熱辣辣，十分不錯!服務很好，燈火通明，環境很舒適整潔，檯與檯有相當距離，下次再來。

慶祝特別日子的晚飯與女友第一次去這間餐廳輪了近一小時, 最後點了........醉雞 : 沒有想像中那麼味美酸辣湯 : 味道還可接受, 材料十分足夠特色小龍包 : 此店出名的菜式之一, 當然要品嚐, 一句:太棒了xd排骨雞蛋飯: 味道有點兒像豬扒飯,哈哈哈總括來說, 這餐廳可以試多幾次xd

Food: only so-so. Can't say it's not edible however the taste is definitely not super. and the flavour is kinda light for this kind of cuisine.Price : dun match with the food quality, over-priced as the portion is way to small.Environment: tables are closely lined with each other, however over the atmosphere is niceService: The best point among all, undoubtedbly-The end result is I won't be back here again

行完 city super, 一個人食晚飯,又好想食小籠包,哈 ! 為食到一個人都走入去, 肯搭枱即刻有位 坐低盤算良久, 好多野想食,最後決定一籠小籠包 + 酸辣湯好好味....... 好合我個人口味,不太酸不太辣, 小籠包皮簿汁多肉 ok 啦.... 其實我鍾意滬江 ge 小籠包多 dd 下次會等多幾個一齊先再試多幾款

早2個星期四放工臨時決定與男友dinner~貪就腳+最近蔡生介紹過諗住去襯壚~次次行過都見勁多人~好彩星期四少d~由於係一時興起~冇睇過冇咩推介~是但叫o左:蟹粉小籠包 - 呢度出名所以叫~但我其實第1次食蟹粉小籠包~所以都冇得比較~但感覺就麻麻~上檯即食都有少少鯹~但個皮好薄而且唔易穿~下次會試普通的~紅燒牛肉麵 - 個湯底幾香濃~d麵非常之滑~好似烏冬咁~正~粽(咸) - 唔記得個名~d米用肉汁煮~幾香~但唔算好特別~淨水餃 - 入面有d綠色好鞋的菜~但我唔知係咩菜來的~口感唔好~只食要一粒要男友代清~唔好叫~豆沙包 - 豆沙好香有沙的感覺~不錯~最滿意係佢地o既服務~見我地冷主動問要唔要熄細冷氣~見我地唔知叫乜又主動話俾個menu我地睇下d圖~好有禮貌~但唔鍾意係款真係好少~揀o左好耐先揀到食咩~

有一日放左個WEEKDAY 假期, 所以相約左BB去試下小籠包, 而且知道係台灣好出名! 我太約六點幾就去到羅位, 因為知道好多人...所以早少少去! 但點知原來要等齊人先可以入得...所以我羅住編號先, 等埋BB先入去食....個度D態度幾好....D茶又好飲...野食又好快上...我地叫左四樣野食都好好味...有小籠包...排骨蛋炒飯.....油豆腐粉絲湯同埋擔擔麵....小籠包同埋排骨蛋炒飯最好味.......大家可以一試....好開心同BB食到一餐咁好既晚餐...

鼎泰豐開店半年後，終於有機會試一試，實在令人興奮，尤其是在香港可吃台灣的出名蟹粉小籠包！由於是首次來吃，事先也沒專登看看其他食評，所以就任點了。蟹粉小籠包最好吃的小籠包，湯汁未至於很多，但份量剛好，蟹粉有濃濃蟹味，包皮亦算薄，整體水準真的幾好。但如果更新鮮熱辣會好吃一點呢！花雕醉雞雞肉肉質不算很滑，但花雕酒質素不俗，不苦。蛋炒飯和蝦炒飯要蝦就要加$20，值不值見仁見智，但可幸蝦的份量也很多，差不多每啖都有蝦！蝦應該經輕微調較，但亦有少少蝦味的。炒飯是濕濕的，份量普通啦。排骨湯麵排骨醃得好入味，但由於排骨被湯浸著，所以外層不太脆，若不更佳。紅燒牛肉湯麵牛肉湯頭是正常水準，但味道層次較單料，要吃更好的就要到大婆吃了。炸醬撈麵炸醬偏向濃味和咸，撈著麵食的確開胃，不知可否要求多一點麵呢？糯米燒賣友人們因想吃得飽肚而點的點心。本人當晚並未有食呢。服務一流，當客人行過他們都會低頭，走那時又會有侍應在兩道說謝謝。為蟹粉小籠包而來Encore也真不過份了，而且一大班來吃其實是很抵吃的。