鼎泰豐

營業中

休息中

今日晚飯得自己就係出面食算了，而且琴日聽同事食鼎泰豐嘅小籠包，個心就一直想去食，自己都幾鐘意嗰間嘅小籠包，但近幾年都好多人排隊就好少去幫襯，而家有時間就排隊都無所謂喇。一開始我以為佢呢度只係小籠包好食，但聽佢同事話雞湯都唔錯，就整個雞湯比自己補補，女人唔補好易老，燉雞湯啱曬我地女仔，雞湯果然無介紹錯，燉得夠火候，雞湯好濃郁，好甜。小籠包水準仲系保持得咁好，怪唔得越嚟越旺，不過價格有D貴，$60先得6個，不過真系皮薄餡靚，湯汁好清甜，好多汁，肉醬好好味，如果唔系價錢問題，真系想點多份，幾個唔夠食，太好味喇。杏仁豆腐唔知系咪之前都系食咸嘅嘢定點，其實豆腐整得幾滑，但味道好似有少少唔啱FEEL。