點點心 (已搬遷) 新店位置

看了open rice的食評，今日特地跟爸爸前來品嘗。一時多店中已坐滿人，進去店員先派籌碼和點菜單給我們，我們就在外面邊等邊選食物，最後選了七種點心。等了約十分鐘就到我們了！先來的是脆蝦腸，入面是經炸過的蝦，很爽口！吃下去又滑又脆，而且蝦很大粒，吃完想再吃。真係菠蘿包。新鮮滾熱辣！皮雖然不脆但餡料補救了，菠蘿餡很香甜，包亦很鬆軟。黑松露小籠包。又是新鮮滾熱辣！咬下去有肉汁流出，肉質厚實。燒汁釀茄子。很愛吃之一！面頭是肉，茄子很新鮮很滑，加上燒汁極為合配，還在回味中！菜苗餃。看表面精凝通透，已知皮簿餡靚，吃下去有很大粒的蝦仁，菜亦帶出香味，整體感覺很健康！鳳抓。沒有試，但爸爸愛吃，聽他說也很好吃！金沙肥豬仔。樣子很可愛呢！可能放久了，餡不太流心，但沒有影響味道！奶黃比我平時吃的香濃，很香甜的奶黃味！推薦。我們還點了杯豆漿，沒有特別。茶位每人$3平均每樣點心$20，埋單$170每樣野都即叫即蒸！所以要等一段時間，但全部都新鮮滾熱辣！不怕攤到凍晒，個人認為好食過酒樓！只要鋪位太狹窄，食物要叠上叠先夠位擺，店員態度都ok，重點食物好吃，下次要叫埋媽媽來吃

Tea time去既,唔使等位,不過都幾full~一坐低就有茶~兩個人叫左個下午茶飯餐(因未食飯),再加4籠點心~唔知點解點心紙上無左金錢肚?好耐之前食好好味的...下午茶餐--鳳爪排骨飯+汽水+油菜,都只係$28鳳爪排骨飯好好味,排骨肥瘦岩岩好,鳳爪入味,最鍾意d飯粒,好有口感~唔知咩鮮尤,同豆卜一齊上,個人麻麻地豆卜,但佢整得幾好味~另一個餃唔記得咩名,內有蝦,菜苗同蛋,口感黏濡,非常正!最後係蝦春卷,好新鮮好脆,內有沙律醬,有小小似酒樓海鮮卷,但好味得多~D啊姐幾忙,但其間都不斷有加茶,野食上得又快,唔錯

之前在Facebook上看見朋友不約而同地上傳豬仔包（真的是一個豬頭），身為女生的我當然立即大叫「kawaii」，然後問了數位朋友後才知道這家點點心點心專門店，第一時和Mr.K說要去吃。那天剛好去到旺角，時間有點晚，加上也想不到吃甚麼，只好Openrice一下，看到這家店名才想起豬仔包，所以二話不說就在接近半夜時分吃點心。以前吃點心都是叫吃早點，而且一定要去茶樓才有，那會像現在滿街都是點心店，想多晚吃也沒問題，真幸福啊！

一入門口就有位，不用等坐低已經有二杯唔知飲過未的茶，咁咪叫阿姐換咗佢囉，點知阿姐喺度阿吱阿咗，已經心有不爽-___-!咁好啦叫嘢食，鳳爪排骨飯(尚可)，粉果(冇味道，皮太厚，唔知食緊乜，好難食)，千島醬蝦春卷(ok啦，炸嘢熱辣辣，好難唔好食)，燒汁虎皮椒(算係最好味的一個)，牛柏葉(賣相OK，一食入口，點知係凍嘅，激氣!)由於唔好食的關係，決定埋單走人，點知五分鐘之後，個肚好唔舒服，以後都唔會再幫襯！第二日仲病咗！

7個月既食評1/3/2013 又到左星期五男朋友放晏既日子自從佢調左去旺角之後，有好幾次都想俾個surprise 佢等佢收工但每一次去到附近都放棄左，令我好怕最後多左另一個唔開心既surprise特別自從元旦食飯佢聽到有人叫佢就甩開我隻手開始今日被醫生叫左返醫院抽完血，之後就無意識咁又再去到旺角，就收到男朋友電話所以就一齊食左佢之前同我講過，覺得好食過添好既點心佢一見到我就拖實我隻手，仲好似幾開心咁由拍拖開始佢有緊緊咁拖實我隻手今次都只第三次去到點點心我地坐係一張細枱我地叫尼到既名物-真係菠蘿包，脆皮鮮蝦腸，仲有酥皮蛋撻仔 （因為男友食完就要去踢波，唔可以食太飽）真係菠蘿包-裡面有菠蘿肉係裡面，仲有d黃色既醬好似鳳梨酥咁，好香好好味脆皮鮮蝦腸-我對蝦敏感，雖然男友都係唔記得，見佢包著好大隻鮮蝦，應該幾鮮下，蝦就麻煩佢幫我ko；食左外層晶瑩通透既米醬腸粉外皮同中間既脆皮，確係同未攞到米芝連既添好運一樣好食酥皮蛋撻仔 -細細個有d似細過酒樓果d咁，不過暖暖地，同好有蛋香尼餐雖然平價，但係反而比去港島香格里拉既情人節自助餐更好，係拍左拖尼幾個月黎食得最開心既一餐。 

平時去茶樓就多 見朋友FB POST 過相又覺得幾得意所以約左我BEST FD陪我去食招牌豬仔奶黃包 , 雖然吾系流沙但都吾錯 招牌蝦腸 系等別既因為蝦系炸左既,但MIX埋一齊就吾多夾 下次5會再叫燒賣就太大大粒但太多肥豬肉 可以我不嬲都吾鐘意既肥肉掛 所以覺得麻麻牛柏葉吾似酒樓細細碟得果幾舊 好爽 ... 不過如果加埋薑落去整會仲好食最後招牌芥末咸水角睇到咁既樣就知BAD 完全食吾到芥末 食極都系粉D涵少到睇吾到...

个日一到步就同姐妹涛到旺角行街，行行下就见到依间点心铺，因为人太多我地就打算叫外卖。我地点左波罗包，脆皮鲜虾肠粉同埋虾饺。D波罗包未吃就闻到香喷喷嘎牛油味，一口咬落去就吃到好有层次感，除了牛油还有一粒粒嘎波罗，口感一溜！赞  个脆皮肠粉也俾我惊喜连连，吾会因为外卖而逊色，虾饺更加吾赛讲嘎好吃！ 我下次一定会再朝圣。

今日黎開旺角,見仔仔、工人仲未食野,於是搵下有咩好食,不過仔仔平時食好少野,而且我又食咗野,突然諗起一直都想試下呢間點心專門店,而且點心份量又唔會太多。間鋪好細,所以坐位唔多,下午茶時間通常都無人,但係呢度就坐滿人,好彩仲有一張枱。叫咗4樣野,有招牌嘅菠蘿包、好多人讚嘅蝦餃、北菇雞飯、牛肉腸粉,呢度d點心即叫即做(佢話),雖然唔知係咪,不過全部熱辣辣,而且個樣唔似擺好耐,好新鮮。菠蘿包 ------- 一般菠蘿包得個名,入面唔會有真菠蘿,但呢度幾特別入面真係有菠蘿,仲有d奶皇,而表面同 一般菠蘿包個樣冇分別,只係變咗迷你版,味道好夾,仲熱辣辣蝦餃 --------- 皮又薄,而且個餡好足料,d蝦好大北菇雞飯 ----- 主要係叫俾工人同仔仔食,應該同平時食個人d差唔多牛肉腸粉 ----- 牛肉少,份量唔夠,但係d牛肉好滑不過d服務態度麻麻,因為仔仔仲細唔識睇字,枱上又只係得張點心紙冇圖,咪叫d阿姐拎menu有相可以俾仔仔睇想食咩,個阿姐唔係好願意俾!!!總括黎講,係一間特色點心店,而且食物質素唔錯,係服務態度麻麻,不過都會再黎試下其他,尤其係脆皮鮮蝦腸。

今趟又想吃點心，思前想後才回到這點點心。在幾個月前曾經到這點心店，但所拍的照片竟被刪除，導致上次沒有照片觀看。今趟與上次吃的點心有所不同，點一些上次沒吃的點心，來滿足在下。在下一直都沒有吃過這裡的真係菠蘿包，今次卻點一客來試。菠蘿包外表與一般麵包店所購的沒有太大分別，只是內裡卻包著了菠蘿。而包皮卻沒有預期的鬆脆，只是軟軟腍腍，內裡的菠蘿也算得是酸甜，而在下卻有點覺得是整色整水而言。蘋果焗叉燒酥是在下首嚐的點心，叉燒酥表面鋪滿了芝麻，而且又是色澤焗得適當。酥皮還是焗得鬆脆，可是蘋果味道較薄弱，吃不到蘋果的香味，而內裡的叉燒也比較乾身，口感不至於鬆化。脆皮鮮蝦腸則較為可取，外層軟滑，內層炸得香脆，而鮮蝦也算得爽脆。豉油和蝦腸是分開上的，以免令內層米網過份浸透。整體味道不錯，不過個別點心就就較遜色了一點。

同男友食飯, 每次提到話想食點心但最後....都唔成功尋晚佢終於聽我話喇, 哈哈哈本身諗住食家樂後面的"添x運",點知....搬遷所以開飯前, 記得要上黎"開飯"check清楚!後尾佢帶左我黎點點心, 之前佢食過一次話唔錯好好彩地,唔使等位2人叫左5樣野

就是上openrice才知道有出名的點心店, 才特登到旺角去買外賣與朋友一同分享, 我在櫃台點好了點心, 收銀姐姐就叫我不要在店內等候, 怕出入撞到我, 還說要等15-20分鐘多! (付了錢她才這樣說) 我唯有在門外等...當天晚上巳是炎熱天, 加上店外有很多小巴停泊, 街上溫度高極了! 過了20分鍾我巳全身大汗, 店內的職員在冷氣地方只顧及店內的顧客, 我唯有入到收銀處問, 那位收銀姐姐態度愛理不理只顧收錢(沒有笑容), 及只回應"我幫你問一問下...". 這樣便打發了我在門外繼續等...足足等了超過30分鐘, 只為那$13x的點心(我不記得價錢), 但給我點心的職員完全沒覺得什麼, 叫了order no.交收便算. 她們縱使有多好食評, 但沒有同理心顧及顧客的感受, 服務態度不好, 又何以成為其中一間全球最好的食肆呢?

之前同事介紹這間位於旺角的食肆, 說是什麼Newsweek 推薦的100家必吃之店.昨天和女友到旺角逛街, 本著試試無妨, 且知道店是要趁沒出名前要去的心態, 於是便到了位於通菜街的分號探個虛實.因為兩個人, 實在沒能吃得那麼多的關係, 只隨量點了幾款, 有同事推介必吃的燒汁茄子, 另外, 有看賣相不俗的金沙麥兜仔, 及沙薑雞腳, 脆皮蝦腸及蝦餃.當點心送上來是, 第一時間試了那享負盛名的茄子, 原以為那是一般酒樓的釀茄子貨色, 咬下去卻差點被熱騰騰的茄子燙到了口, 那是即點即製才能做到的效果. 而且在上面的茄子的蝦膠, 吃來爽口彈牙, 沒有硬崩崩的死實, 澆在上面的燒汁也有帶著麻香, 搭上茄子蝦膠一併吃起來, 是絕配. 女友對燒汁讚不絕口.另外, 也欣賞那道脆皮蝦腸,之前從試過, 用腸粉皮裹在鮮竹蝦炮卷外邊, 到上檯時, 裡面的鮮竹卷仍然保持爽脆, 不論醮上腸粉豉油, 或者配上剛才的燒汁, 都是美味得不得了.流沙包, 咬下去時, 裡面的奶黃餡料仍是有流質的效果, 總算不負流沙之名. 若然咸蛋黃的分量可以再多點就更好.至於其他的點心, 賣相跟味道也不俗, 只是略嫌沙薑

行完街攰攰地，想搵少少野食下。食點心就最好不過。3點幾唔係太多人，唔駛等位。都有幾多特色點心鮮蝦盞無咩特別，炸雲吞皮放左隻蝦同雜果沙律。沙薑雞腳熱既時候好香沙薑味，但唔知點解凍左就完全無味。燒汁茄子幾好味，上面舊類似墨魚丸既野幾爽口。其實我係見到呢個包先入黎架。超好味，超流沙所以會食到好污糟仲好香蛋黃味。必食推介棉花雞無咩棉花黑松露小籠包得個頂幾粒，所以其實唔係好覺。但個小籠包皮夠薄同多湯汁，所以都好味。

不需等位，不過店員說話有點大聲，再加上 sit next to kitchen，所以有點 noisy。 不過食物來得很快 旺角有幾間相似的點心專門店，這間是米芝蓮推介，門口張貼很多明星相及廣告/ Newsweek，以招徠顧客。點心整體ok，要站穩，必須保持水準，繼續創新，否則給同區點心專門店 ......

17.7.2012與好姊妹看戲前, 來了這一間以 '真係菠蘿包' 而出名的點心店吃晚餐. 由於可能是平日, 所以就算我們在七時半來到, 也仍然有位.點心店與酒樓真的不同, 酒樓的點心種類繁多但大多數有欠特色, 不過, 點心店通常選擇少但大多數帶點特色. 這間點點心選擇不多, 但大多數都算是有點特色. 大家商量了十分鐘, 終於揀了以下東西吃:白玉餃($24)一籠有三隻的, 白玉餃的表皮不太厚, 裡面的蝦肉很多, 肉質也鮮美; 粟米粒也很多又鮮甜, 不錯.蟲草滑雞飯($22)飯的表面鋪了一些蟲草, 雞塊及兩塊荷蘭豆. 老實說, 我們並不感到雞肉和白飯沾到蟲草的味道. 反而, 我們卻感到白飯中有些雞油及雞香味, 而雞肉真的很夠滑, 可惜份量較少. 真係菠蘿包($17)無錯, 這個真的是有菠蘿作餡料的菠蘿包. 一籃裡有三個細細的菠蘿包, 而每個包裡的餡料也很多. 餡料除了有甜甜酸酸的罐頭菠蘿之外, 也有少許奶皇. 而菠蘿包的表層也焗得很脆, 不太甜, 算有水準的哦.即撞蛋白杏仁茶($24 x 2)我們每人一碗. 這碗即撞蛋白杏仁茶很夠熱也夠滑, 杏仁的味道亦很香很濃, 不過略嫌蛋白味不足, 也