黃記煌三汁燜鍋 (已結業)

天氣開始轉涼喇，突然好想打邊爐，䁔一暖個身，咁岩朋友話尖沙咀有間雞煲做緊七折，於是就即刻book位。黃記煌三汁燜鍋係正地鐵站附近，上一層就到，入到去出示被侍應睇，已讚好黃記煌Facebook/instagram，就可以7折享用三黃雞燜鍋。我哋叫咗個三黃雞燜鍋，醬汁叫咗招牌鹹鮮汁。另外又揀咗啲火鍋配料，蔬菜野菌拼盤，淮山同埋娃娃菜，食完雞煲可以加湯打邊爐。另外侍應攞咗碟竹炭花生 幾特別而且外層甜甜地 都幾好味。待應拎咗個紅色大樽出黎，原來係「六寶盒」用黎裝住啲食物，首先見到侍應攞咗舊豬油膏放落個煲到，然後放咗啲蔬菜喺底，有紅蘿蔔 洋蔥 青椒 紅棗 蒜頭 蕃茄 番薯 ，然後細心慢慢舖上雞件，冇加到湯就關蓋煮15分鐘，冇水燜煱原來係有效保存食材營養成分及帶出原有嘅鮮味。最後加埋啲醬汁，等多一陣就食得啦。出奇地雞肉完全唔鞋口，而且好嫩，醬汁非常之夾，好好味，兩個人食一隻雞，都已經飽啦。然後叫侍應加湯食埋啲蔬菜就好滿足了。許留山同埋呢間餐廳係同一個集團 叫第杯嘢飲就半價，另外慶祝一周年埋單嘅時候待應被咗張$100嘅現金券留番下一次用。下次同屋企人可以再嚟食過

天氣開始轉冷，又係打邊爐、食雞煲的時間，今晚就約了三五知己，去了尖沙咀的黃記煌，它的星期六晚上booking 不算full，當日早上打電話去訂枱都ok。食物方面，鍋底的選擇十分多，有三黃燜雞鍋、牛蛙燜鍋、海鮮大軍燜鍋等十多款，最後選擇了三黃燜雞鍋配招牌鹹鮮汁，等了十多分鐘，侍應拿了一個像花瓶的容器來，然後一層一層打開放裡面的食材到鍋裡，焗了五分鐘，一打開蓋就聞到一陣陣鹹香味，雞件十分鮮嫩，味道惹味。吃完後，再加一點火鍋配料打邊爐，配料不過不失，勝在鍋底搭夠。以價錢和地理位置來說，黃記煌不失為一個好選擇。

這間過江龍的黃記煌，早前去深圳的時候見到已經想試，但最後都無機會。今日終於黎到香港分店。座落於尖沙咀的黃記煌原來跟許留山是同一集團的。所以在享用他的招牌燜鍋的時候，更可以點許留山的甜品或特飲一齊食。我們點了自選燜鍋，可以選擇4款配搭：牛舌、牛柳粒、石班魚柳和大腸。食物來的時候不是一盤整好的，侍應會逐樣由蔬菜開始幫你逐一慢慢加上去，然之後冚蓋慢慢煮熟，當差不多熟的時候，他們便會加入自家的醬汁一齊攪勻，香噴噴的鍋物就完成。4款主材料都弄得頗為入味，最好味是牛柳粒，用上美國安格斯牛，入口鮮嫩無渣，跟醬汁配得很。當食到差不多完的時候，如果你有加火鍋配料的話，侍應就會給你放些高湯作打邊爐用，我們點了三黃雞和油麥菜。由於湯底跟之前的在鍋裡醬料混和一起，所以湯底十分濃厚，吃雞的時候更增添一份味道

黃記煌今日約咗朋友食飯，本來大家想去打邊爐，但係朋友又想食雞煲，最後我哋揀咗尖沙咀呢個地方食燜鍋。餐牌上面介紹左無水烹調，先吃後燙燜鍋各種食材 放喺「六寶盒」內，採用霧水方式烹調，仲有專人幫我地將食材放喺個鍋入邊添。侍應提議我們先吃開胃兩菜及燜鍋，食晒之後，就可以後燙，大概當啲蔬菜剩返餘下一半嘅時候，就可以加入高湯及涮菜，呢個食法真係原汁原味。講返個雞煲，本來我哋想叫麻辣，不過讚好黃記煌Facebook或 follow Instagram，就可以7折享用三黃雞燜鍋。哈哈，我哋梗係叫個平平哋試吓先啦，呢個promotion 做到12月5號呢。好彩都冇令我地失望。三黃雞燜鍋(招牌鹹鮮汁)$238望住侍應為我哋先在煲底舖上大量蔬菜，然後再加上雞肉，望住佢製作過程感覺好有趣，而且侍應好細心將每塊雞肉都擺得整齊，務求你每$1雞肉都能夠吸收蔬菜嘅精華。然後絕無加上任何嘅湯，就把鍋具蓋上。大概烹調咗15分鐘，侍應就為我地添上醬料，醬料的顏色同口感有啲似我哋食腸粉嘅海鮮醬呢。然後再蓋上鍋蓋，等左一陣就食得啦。份量比我想像中多，而且雞肉真係好嫩，真係估唔到完全冇加任何水份，但係雞肉都唔鞋口，亦都唔乾身，

上星期日與朋友說開打边爐與雞窩, 原來她很喜歡的, 這星期便相約在尖沙咀一起吃, 從前我不時會到這座大廈的食店幫親，地點也方便。我們點招牌雞鍋，蔬菜，應該夠食罷！三黃雞燜鍋$238這個趣緻瓶用來盛雞件，頂部放牛油，好像是牛脂，侍應由落牛油，蔬菜，舖上雞件，加調味，燜焗都是在我們面前處理，友人問她放了甚麼調味料, 有五香粉，孜然粉等等 ，還有杞子酒。我們點的是小麻小辣，調慢火慢慢食，雞件越煮越入味，剩下幾件雞時，請侍應加水/上湯煮，我們轉火鍋。白蘿蔔$28 ,手打墨魚滑$65，油麥菜$35蘿蔔煮至入味才食，無根無渣，是當造蔬菜。墨魚滑，沒想過是2支，魚滑彈牙，煮久了也不變硬。油麥菜新鮮，焯一會就食，偶而食下花椒粒。佐多角玉梅子酒$42坐下時友人已問我飲不飲梅酒，我選了特價$29飲品，芒椰蘆薈爽，點第二杯會有半價，有蘆薈可下熱火， 梅酒，友人起初覺太多冰，有點不滿，冰慢慢溶解，越覺味道更甜甜酸酸。結帳後，侍應給我們現金券，說今年12月前再來幫親減$100, 友人欣然收起來。侍應們不時走動去處理鍋物，頗勤力。

雞煲就食得多，但燜鍋係香港真係未見過，鍾意食雞既我又點可以錯過呢！這間黃記煌在尖沙咀區，地點方便，而且地方又大，可以約埋三五知己一齊去食燜鍋。我們點了三黃雞燜鍋，本來想試麻辣味，但朋友食唔到辣，所以叫了香辣豉皇汁，店員話辣味會很輕微。雞鍋是即叫即做，將蔬菜舖底後放上生雞肉及醬汁，雞肉吸收了醬汁味道，而且蒸的時間剛好，肉質嫩滑而且雞肉味新鮮，比雞煲更好味。之後就加湯打邊爐，不過食到最後都幾咸，建議可以加水溝淡。韮菜餃：韮菜味濃郁有肉汁。魚腐：吸收了湯底味道，比較咸。鮮蝦雲吞：外皮較厚，餡料較少，蝦肉都爽口。鵝腸：剪得太碎，全部都斷斷續續一截截，但味道爽脆。芒椰蘆薈爽：正牌許留山產品，芒椰不會太甜，還有粒粒蘆薈幾有咬口，而且第二杯有半價優惠。青島：濃味雞煲點靈以無啤酒呢！多芒小丸子：芒果粒粒加煙韌小丸子，以前最鍾意食既甜品。埋單送上$100 coupon下次幫襯時用，原來係一周年推廣活動，另外還可以讚好fb仲可以7折食三黃雞。

同幾個朋友去了尖沙咀的黃記煌食燜鍋，餐廳為慶祝成位一周年，只需要like佢facebook及指定廣告就可以七折享用三黃雞燜鍋，本著執輸行頭慘過敗家既心態，一於like左先講啦！前菜$10碟是竹炭花生。三黃雞燜鍋配香辣豉皇汁，店員先將蔬菜墊在煲底，再舖上醃過的雞肉，蒸了一陣再加上特製香辣汁，最後蒸至熟透再灑上香茜，雞肉火喉控製準確，雞肉剛熟透，肉質嫩滑，帶點辣味，醬汁味道較濃郁。食到七七八八，店員會加湯再打邊爐。火鍋配料味道大眾化，手打蝦滑及手工鵝肝蝦丸，前者爽口彈牙，後者肝味較重，蝦丸比較粉。美國安格斯頂級肥牛色澤偏粉色，肉質較鞋，味道比較一般。西瓜汁應該是西瓜沙冰，夠冰夠凍夠解渴。

今日去客公司開會, 會後跟同事一齊食埋飯先歸家. 問過客人, 他們介紹 “黃和記”.  “黃和記”的雞煲跟一般的有分別. 因為係無水燜鍋. 而且又好近客人公司. 係尖沙咀加拿芬道16號金輝大廈1樓. 就正正係客人公司隔離座大廈. 而且聽落都幾有興趣, 所以就去試試! “黃和記”自製菠蘿酒. 由於我地時間尚早. 大概6:30左右, 所以仲有位. 但如果要7:00後入座, 最好先book 位呀! 入到餐廳後, 燈光火猛, 感覺唔錯, 而且坐位亦好寬敞. 坐得舒服. 又唔限時. 所以係三五知己聚腳好地方. 價錢又唔貴. 再望望枱上的宣傳, 原來係11月15日到12月10日, 用手機讚好“黃和記”Facebook及追蹤Instagram專頁, 又或者係不同媒體的廣告關於“黃和記”都可以7折享用 三黃雞燜鍋一客. 咁我地當然唔執輸啦. 第一時間like咗“黃和記” Facebook. 首先當然係以7折嘅三黃雞燜鍋啦. 三黃雞燜鍋除咗有新觧三黃雞之外, 仲有好多材料的. 紅蘿蔔，蕃薯，洋蔥，蒜頭，紅棗及辣椒….等職員隨後奉上一個紅色酒瓶物體. 原來係裡面係裝咗所有材料及醬汁. 之後職員會將材料逐層

几乎从来不写食评，但这次实在是觉得无法忍受。在香港突然想吃牛蛙，搜两个字单出一个黄记煌，50分钟地铁到达后点上了牛蛙锅。由于到达时候已经9点半，很是肚饿，应该只要不是太难吃，都会吃得很开心。然而真正等待它焖好下筷子的时候心中草泥马翻腾而过。1. 微辣酱汁辣度过头，而且无香味，辣度靠辣精创造。2. 最主要一点，牛蛙肉柴，有腥味异味，一吃就知道是冻过很久很久的。3. 特调饮料味道ok，但大量色素也让人很尴尬。总之，比起之前深圳吃过的，差之十万八千里有余。当然，与店员沟通后确认他们是冻蛙，且不知冻了多久，但好心还是送了一小份鸡，鸡下锅后味道不错，很嫩，可能也是其他好评的原因。于是我和老婆一行两人停食所有牛蛙，只吃鸡与蔬菜，未饱，于是再相信一次点了份羊肉。羊肉再次负分差评! 久冻，味腥，肉柴。结账两人500，实乃不值。最后! 第二天本人拉肚子而我已老婆呕吐两日!不是经常写食评亦无拍图习惯，仅发表下失望的情绪。

第一次到呢間店幫朋友慶生。。地方乾淨夠寬闊， 人不是太多， 但都有少少嘈。 叫咗個香辣雞煲，一見到紅色盅， 朋友就好奇地問， 侍應都好有心機解答。味道不太辣，個醬亦好好味，食完雞煲再打邊爐， 叫咗肥牛，響鈴，娃娃菜，淮山。。肥牛麻麻好肥， 其他食物亦一般，朋友飲完啤酒，問侍應攞水， 竟然要收$6.00一檯。。最終我地決定叫許留山特飲。。

極度極度失望! 店員態度極度惡劣是日慶祝媽媽生日，抱住期待既心情諗住試下新野全程食飯基本上都無咩人過黎serve其實都無咩所謂問下店員介紹一下個湯底姐換來一句極度晦氣既回答都算諗住算啦當自己唔好彩本來買左個蛋糕叫左佢地放入雪櫃但太飽食唔落唯有拎返屋企點知個蛋糕盒一拎出黎竟然係半開成個蛋糕入面亂哂，d裝飾跌哂依個時候都唔係話想要咩賠償只係想要句抱歉店長Joe語氣強烈地話唔關佢事仲要話唔接受我地咁樣質詢佢老老豆豆個蛋糕搞到咁問句都好正常掛質詢！？邊度質邊度詢呀佢一面不屑咁話唔關佢事最後仲發埋脾氣走開全店都無仼何一個店員過黎表達過任何抱歉之情24421882客戶服務熱打廿次都無人聽到底依間食店有多重視客人體驗真係完全感受到我自己就點都唔會再去強烈奉勸各位如果唔怕食個西面飯既可以一試

三黃雞燜鍋(招牌鹹汁)👍👍👍👍👍好好味，雞件好滑，好夠份量。墊底的材料除了有紅蘿蔔，還有蕃薯，好味道。食完炆鍋，加湯叫火鍋料，就有點失色了。配料沒有很特別的，點了黑豚肉、午餐肉、黑松露墨魚丸、韮菜餃等，味道都是一般般。不過餐廳提供的黑色竹炭花生幾好味，平常不吃花生的我，也吃了很多。整體來說，不算是吃火鍋的好地方，但是雞鍋真的好吃，而且餐廳環境、以及員工服務都很不錯，所以如果可以在其他火鍋材料上改善就好了。

朋友介紹下， 中午去咗呢間餐廳食lunch, 一上到去環境幾舒服，座位好寬敞😍😍 唔使等位就 入得去坐我哋叫咗黑毛豬梅爽肉燴燒飯套餐， 同埋紅魚柳燴燒飯套餐， 套餐除咗鮑煮食之外仲會有賣甜品芒果糯米糍， 仲包熱銀菊露， 或者加8蚊可以轉特飲，一個套餐都係50幾蚊，好抵😍我哋另外叫咗涼拌拍青瓜，作為前菜，辣辣地好開胃👍👍紅魚柳配香辣汁都幾好食，黑毛豬都ok😋 唔會好韌👍👍👍整體嚟講都幾滿意呢間餐廳😊

吹水的一餐- 有點難找。服務過程很新鮮以及招呼都非常之好！佢地會幫你煮好。由得我地可以繼續吹水！黑炭花生🥜超超好味！叫了雞煱！雖然是麻辣（小），但都非常的辣（個人覺得）-建議吃不了辣的不要選。我們喝了3壺銀菊露and 2壺西瓜汁（可想而知！如果少辣多麻會好一點。雞不太滑。不會再試！反而下次要試那個大海鮮煱。手打黑松露墨魚丸（香和彈）手打鵝肝鰕丸（好好味）牛面頰（特別！有少少根，吃了好似牛展的感覺！非常棒！）

呢間係源自北京嘅黃記煌三汁燜鍋 尖沙咀店係第一間香港分店 所謂燜鍋 有d 似雞煲 先食煲內食物 再加湯食火鍋 - 今次我食午餐 就係成個燴飯煲 雞排飯套餐（$53免加一） 每鍋都有固定蔬菜 好入味 分量唔少 鋪滿鍋面 最後有得自選醬汁 店員話海鮮味會淡d 所以我就揀香辣味 但d醬太多 令成個鍋味道偏鹹 寧願白飯另上😂😂 不過分量真係好多！ - 整體我覺得好入味 但真係太多汁 仲有好抵食 杯銀菊露好好好大杯 仲有甜品‼️ 下次好肚餓都會諗諗 但午餐就唔會專程去食多次😂 📍黃記煌三汁燜鍋 尖沙咀加拿分道16號金輝大廈1樓