麻辣香鍋

營業中

休息中

川菜是中國四大菜系之一，因其辣味和麻感而聞名。作為一位喜愛辣味的食客，我來到一家以川菜為主題的餐廳，地點十分方便在朗豪坊附近。.首先是麻辣鮑魚雞鍋。這道菜的外觀十分誘人，色水吸引，裡面還有洋蔥芫荽及辣椒等配料，最重要的是大塊雞肉及鮑魚。一開始，我以為這道菜只是一道普通的麻辣鍋，但當我品嚐了雞肉時，我發現這是一道非常特別的鍋。雞肉十分嫩滑，完美地吸收了湯汁的味道，口感非常美妙，讓我一口接一口。.接下來是麻辣香鍋，我們選了不辣的醬料。可以選擇不同的配菜，我們選擇了牛肉，魷魚，蓮藕等等。我品嚐了這道菜，味道非常突出，讓我感到非常過癮。似牛也非常嫩滑，吃起來口感非常好，而且配合湯汁更加美味。.蓮藕仔炒鯛魚片十分有特色，鯛魚片鮮嫩，蓮藕仔則爽脆可口，兩者搭配在一起，口感非常棒。這道菜的調味非常恰到好處，沒有過多的調味料，讓食材的原味更加突出，讓人吃起來感覺非常清爽。.此外，這家餐廳的服務也非常出色，讓我感到非常滿意。如果你正在尋找一家在旺角好吃的川菜餐廳，那麼我強烈推薦這家餐廳。

好耐無食過乾鍋，👂🏻聽聞呢間性價比幾好。.香辣魚皮$68魚皮🐟厚實爽口，辣味有層次，🌶️辣味會慢慢滲透出嚟。.京蔥牛肉配麼麼皮$98一片麼麼皮包大片牛肉夾京蔥，😗好鍾意呢個口感同配搭，形式似片皮鴨，同出一轍。🐮牛肉鬆軟，京蔥有香味唔辛辣。.招牌香鍋$28要揀5個餸先成一鍋。✋🏻選擇都算多。想食👇🏻新鮮鮑魚$68 @4隻 呢個價錢嚟計有返好似湯匙咁上下大嘅鮑魚其實幾抵。😋鮑魚軟淋，同香鍋嘅香料都幾夾。.牛舌$46 👅唔係爽口果種，係軟腍，比較似牛腩質感果種。.田雞$48 好正正常常。.雜菇$28 🍄先走油再炒，好香口，一定要配雜菇。.蓮藕仔$42 未見過所以試下，係細細條長圓柱形狀，薄身口感爽脆，🤨但帶一種醃製過嘅酸味。 .白飯$15 🍚食香口嘢唔少得食一兩啖飯。酸梅湯$18 幾好飲金橘檸檬茶$28 有陣青檸味幾fresh

🌶️🌶️麻辣香鍋🌶️🌶️招牌香鍋（麻辣小辣）🌶️🌶️$288呢一個招牌香鍋可以揀五個餸，唔同嘅餸有唔同嘅價錢，我哋今次揀嘅五款餸都比較貴一d，但係就全部都好高質‼️我覺得係物有所值㗎💓💓我哋揀嘅餸包括有新鮮鮑魚（四隻）、海蝦（六隻）、肥牛、豬頸肉同埋鯛魚片，全部都係海鮮同埋肉類，海鮮仲非常新鮮，所有嘅餸全部都充滿着麻辣嘅香味，非常惹味。非常推薦大家叫呢個麻辣香鍋！👍🏻👍🏻💓京蔥羊肉配六張麽麽皮 🐑$108京蔥炒到非常入味，有鑊氣！羊肉幾乎冇蘇味，本身唔係特別鍾意食羊肉嘅朋友應該都會接受到✨✨麽麽皮係類似片皮鴨餅皮，非常薄身熱辣辣，配埋京蔥同羊肉一齊食，呢知食法都幾新鮮！💓💓口水雞 🐔$66口水雞嘅辣汁調味啱啱好，唔會太鹹唔會太辣，雞肉嘅肉質非常之滑，攞嚟送飯一流！💓💓百香果檸檬茶 🍹$36呢個同出面台式飲品鋪嘅水果茶味道有啲似，一路食辣嘢一路飲，非常唔錯㗎！🥰🥰凍檸樂 🥤$26咁當然凍檸樂就梗係屬於唔會輸系列！

麻辣香鍋位於砵蘭街，地理位置超方便！因此平日七點幾嚟到都要等幾張枱🙈⭐️招牌香鍋尼到min 要叫5個餸，我哋叫左豬頸肉、雞軟骨、牛舌、土豆片、薯粉，叫左唔辣，因為有個朋友仔唔食辣，但係仲係好香口、惹味，因為老闆原來加咗24種香料落個醬汁度😍同埋份量好多、食極都有🤣⭐️蒜蓉青瓜正正常常。但係略嫌比較清淡，好似冇醋嘅味道。⭐️黃金蝦球一嚟到賣相已經好靚，大大隻嘅蝦球都被鹹蛋沙包住，亦炸得香脆，蝦肉爽口彈牙。⭐️辣子雞呢個係唯一辣嘅餸😂雞粒切到細細嚿，令到更加入味，而做得好嘅要訣一定要乾身，尼到都做到了！⭐️紅糖糍粑然後外脆內軟，入邊主要都係用糯米粉溝埋紅糖製成，入口軟糯，呢個口感令人不禁一口接一口，而且唔會好甜，因為個紅糖汁另上😆

感覺春天開始嚟料💦覺得口淡淡又冇乜胃口！一於食吓辣嘢醒一醒神😆😆是晚約埋友人一齊做🌶️辣妹🌶️. ✨炸饅頭 (六個) $48炸得非常金黃香脆👏🏻上枱依然新鮮滾熱辣👏🏻沾上煉奶同食特別滋味！難怪見到差唔多每枱都柯打咗😉. ✨爐加州鱸魚 $298點咗要麻辣(微辣)原條鱸魚先炸後放入湯底連爐送上😍肉質一啲都唔嚡😍湯入面仲放有極多配料(如:蓮藕, 雲耳, 薯粉...)🙌🏻份量唔講得少！另外食麻辣就係要享受果種舌頭麻痺嘅快感😝😝尤其最後薯粉吸收哂滿滿湯汁！口感煙韌又麻麻辣辣！好過癮！！. ✨川香鮑魚雞煲 (半隻) $168呢道菜揀咗香辣(微辣)！雖然只叫咗半隻雞但同樣份量依然好足夠👍🏻除咗入味啖啖肉雞件之外！微微辣嘅彈牙鮑魚更係不容忽視😚😚. ✨可樂 $15@食辣襯可口可樂真係一絕🥤🥤

主廚擁有二十年炮製川菜既經驗，仲曾經到四川深造。鐘意食辣既朋友梗系要試下。除左香鍋，呢度仲有水煮系列同酸菜魚架。✨香辣海鮮鍋醬汁超級惹味，辣中帶麻，仲有芝麻香。海鮮材料包括蝦，蟹、鮑魚、沙白同魷魚須。海鮮全部好入味，索哂啲醬汁。尤其喜歡鮑魚（好大只，啖啖肉🤤）同埋蟹（本身蟹味好鮮，連埋醬汁，好滋味）。果然系招牌菜🙌🏻✨水煮羊肉相對比較油膩，但食得水煮又確實預左😂羊肉好味，有應有既羊羶但唔會太重，我就覺得好香。其他配料仲有芽菜同金菇。✨乾煸四季豆食咁多辣野叫返個蔬菜類健康下先😆啱送飯🙌🏻食辣野啤啤佢真心爽☺

回鄉證過咗期冇得返大陸食麻辣香鍋，點知喺旺角畀我見到有得食喎，梗係去食啦。坐低我即刻點咗個麻辣香鍋：鮑魚、海蝦球、小酥肉、牛百葉、沙白，微辣。呢度嘅辣可選唔辣、小辣、中辣、大辣，唔錯。我最喜歡多花椒，呢度真係好大方，好夠麻呀！我好鍾意呢個感覺。每一款材料都蘸上香鍋的味道，熟度剛好，有下次。黃金皮蛋真係名副其實金黃得嚟又夠透明，配埋麻辣醬，一流。孜然羊肉配麼麼皮一上枱已經聞到孜然嘅香氣、羊肉嘅香味，洋蔥炒得又香又甜。用麼麼皮包住一口咬落去，滿口孜然香，令人念念不忘。原來佢杯凍檸茶都好有檸檬味，茶膽夠香，一邊食辣嘢，一邊飲杯檸檬茶，真係爽歪歪！

一陣子沒嗜辣便心癢癢～今晚到旺豪坊movie night，意外發現到一家四川菜，路過小店，留意到有香鍋，座位9成滿，便毫不猶豫入座！ 我們點了：👩‍❤️‍👨夫妻肺片 $66好像沒有吃到牛肺？ ！但有牛舌和牛肚！ 牛舌入口軟滑，牛肚爽口入味，配合大量青瓜絲、紅蘿蔔絲、芫荽，風味十足，非常開胃(≧∇≦)🐽泡椒炒肥腸 $118最怕吃到有異味的肥腸，但餐廳處理得相當不錯。大大碟，份量非常多，肥腸爽口不油膩，以泡椒爆炒相當有鑊氣，但不算太辣，送飯一流！ 🍲招牌香鍋 $26（5款配料起）選了新鮮鮑魚 $68、雕魚片 $42 、豬頸肉 $48 、蓮藕仔 $42、雞軟骨 $42很愛這種又麻又辣的香鍋，選擇多多，每款都是自己的最愛，我係點了微辣麻辣味。未上到枱已經香氣撲鼻，去殼鮑魚大隻又新鮮，非常爽口！ 雕魚片入口竟然是脆的，非常爽口，像脆肉皖一樣，但又更為滑嫩！豬頸肉爽口入味，啖啖肉！蓮藕仔比一般蓮藕更有口感，更脆口(⁎⁍̴̛ᴗ⁍̴̛⁎)重頭戲是雞軟骨！ 細細粒，但是充滿口感，非常入味，感覺是食極都有(*ˉ︶ˉ*)調味麻麻辣辣，鮮香味濃，但不會過油嗆喉，配料入味！ 配白飯一流！🤪 份量足夠3人食，食極都仲有👍🏻

川辣蟹香鍋$168 麻辣香鍋嘅香鍋真係好出色，炒得好香，好乾身，又夠鑊氣。大肉蟹先炸過，個殼好酥脆，蟹汁依然鎖住在內，肉質鮮甜，一梳梳，好飽滿。配料除咗有大量乾辣椒之外，仲有薯仔片同埋蓮藕片，兩種食材都好爽脆，重點真係好惹味，香辣層次非常分明。水煮魚$188 熱辣辣火紅色的水煮魚 ，反而辣度相對比香鍋柔和，魚片薄得嚟夠滑，食落啖啖肉一條骨都冇，魚片份量夠多，配料仲有薯粉，青瓜條和油麥菜，適合大夥兒聚在一起吃。清炒萵筍絲$68 用清炒嘅方法非常清新，食咁多濃味嘢，叫個清清地嘅餸，幾好嘅。萵筍最緊要爽口口水雞$66 雞件生熟程度剛剛好，唔會太熟而過鞋，醬汁係靈魂 ，辣度適中，味道唔錯，不過隻雞真心滑。凍檸茶$18 柑桔檸檬茶$28鍾意食川菜辣嘢嘅不妨一試，酸菜水/煮魚/香鍋/小炒/小吃 樣樣俱全，辣味菜式味道正宗，餸菜大碟抵食。

川菜以麻辣、鮮香，口感豐富而聞名。麻辣香鍋更加係川菜代表性菜式之一。香辣魚皮充滿醋辣的香味，魚皮出奇地爽口，口感也非常不錯，肉質富有彈性，味道香辣，係一道非常開胃的冷盤。辣子雞是一道經典的四川菜，雞粒經過炸煮後非常香口，花生香脆可口更添口感，辣味也恰到好處。招牌香鍋係川菜必點之一，最少五個配菜炒起。五花肉和肥牛煮得非常入味，肉質仍然保持淋嫩。牛柏葉爽口彈牙，帶出豐富口感。再加上蓮藕和花菜等配菜，帶出爽脆的口感，整體味道表現到川菜的辣香。百香果檸檬茶是一款清新的飲料，而且營養豐富，百香果含豐富的維他命C和鈣質，檸檬取用青檸，整體甜度偏甜少少，係解渴消滯的好選擇。總體來說，這家餐廳的四川菜出品地道，位置亦相當方便

呢到既招牌菜係【麻辣香鍋】可以自己揀配菜，種類豐富，有各種肉類、蔬菜、麵條。我地就揀左肥牛、牛柏葉、魷魚鬚、牛肚同豬頸肉🌶️ 食過香港咁多間辣野，呢間真係數一數二我食過最入味既干鍋💪🏻💪🏻全部配料都掛哂汁，啲麻辣味入哂啲野食到。肥牛嘅味道最濃，我最鍾意🤩🤩。而且，呢度既麻辣香鍋調味料食得出好地道，辣度適中，帶有濃濃既川香味，好推薦。另外，我哋仲叫咗宮保雞丁，雞丁係炸完再炒，脆卜卜好香口。加埋成盤辣椒同花生，送飯一流🤤🤤

真係好耐冇食過辣野啦，所以我地特意去 #麻辣香鍋 @malahotpot.hk 試試先來一個小食：#涼拌黃金皮蛋皮蛋味道好好，麻辣嘅味道好入味！雖然佢係皮蛋中間有一啲麻辣嘅醬汁，但係我覺得就咁食就已經好好味啦～佢哋嘅 #招牌香鍋可以揀五款食物，我地就揀左 #雞軟骨、#羊卷肉片 、#牛舌 、#牛柏葉 同 #魷魚鬚。 幾估唔到原來雞軟骨同呢個麻辣味係咁夾架喎，佢嘅外皮十分掛汁，而且係咁多個食物之最。羊肉嘅味道好濃，而我就好鍾意羊肉羶羶地嘅感覺。牛舌切得好薄，所以都能夠索到麻辣汁。而最期待嘅魷魚鬚同牛柏葉，掛汁能力唔係咁強，有點可惜，如果係先炒呢兩個兩款食物或者會能夠令到佢更加入味。小菜我哋就揀咗 #宮保雞丁，雞丁走過油再配合其他材料先炒，所以十分香口。味道甜甜地咁，同我想像之中嘅宮保雞丁有少少出入，不過味道還可以。食辣嘢都要飲番杯飲品嘅，我哋就嗌咗酸梅湯同埋金橘檸檬茶。酸梅湯酸酸味咪都幾開胃，而金橘檸檬茶嘅金橘味都幾突出，唔錯唔錯！麻辣香鍋 旺角砵蘭街198號地舖

今日同媽咪係旺角做完facial 所以就係附近搵野食 咁岩見到做facial 附近有好多川菜 最後揀左呢間黎食 因為啊媽想食香鍋 因為可以自由配搭唔同嘅配料😝孜然羊肉 $108孜然好香好濃 羊肉唔會羶🤪 配埋摩摩皮食 好似食緊皮鴨咁😚 夫妻肺片$66非常香麻辣 食唔停口 好快就比我地清曬 簡直係開胃菜～金桔檸檬茶 $28（少冰，少甜）百香果檸檬茶 $36（少冰，少甜）兩杯茶底都非常濃郁 金桔個款好似普通檸檬茶，百香果個杯就正正常常～招牌香鍋 $30（麻辣，小辣）（雞軟骨 $42，鯛魚片 $42，蓮藕仔 $42，魷魚鬚 $46，牛肉片 $46）我地叫下叫下就叫左五個餸🤣 全部食材都唔錯 夠新鮮 最推介應該係鯛魚片 因為夠大塊又冇骨 啖啖肉 阿媽就鍾意食雞軟骨，因為好入味！

又跟king 姐剛好一樣是夜班，可以一起用膳。今次我們去了麻辣香鍋，地址就是旺角砵蘭街，一路由旺角往油麻地方向直行，就會到，保守估計我們2分鐘左右就到了。晚飯時間，人數比較多，但上菜都有速度的，下單到上枱，都是幾分鐘，有效率尼。人均消費$269。金湯酸菜魚$188一大盤酸菜魚，酸辣味陣陣飄散，入口酸辣適中，刺激味蕾和食慾。魚片十分嫩滑，入口即化，無骨美味可口。萵筍，蘿蔔等其他配料十分入味，酸辣爽口，有咬口。薯粉煙靭有彈性，份量亦相當多。黃金蝦球$138 蝦身爽口有彈性，體型大隻多肉。包裹着蝦球的鹹蛋黃炸漿惹味十足。餸飯一流。干扁四季豆$72 偏鹹，但爽脆口感，四季豆有泡過油，顏色鮮明有光澤，翠綠，微辣，越食越開胃。口水雞$66 肉質嫩滑，皮薄肥膏小，醬料微辣醒胃，啖啖肉，餸菜餸酒一樣滋味。白飯兩碗$30 鴻福堂雞骨草$16金柑檸檬茶$28

川菜除了雞煲、重慶火鍋和水煮魚外，麻辣香鍋亦是比較有名的菜式，但在香港相對少見。餐廳主打香鍋， 自家秘製醬汁用上24款香料調配。招牌香鍋的口味可選香辣/麻辣/醬香，亦可以選擇辣度，配料多達50種。這次選了肥牛、牛肚、牛百葉、鴨血和腐竹，份量相當多，非常入味，辣得夠過癮！辣子肥腸把肥腸多餘的肥膏去掉，皮下一層薄油脂，炒得香脆可口，完全沒有腥味，配合辣椒、花椒，辣子辛辣味在嘴裡反覆刺激。香辣魚皮新鮮魚皮帶點半透明，入口好爽脆，有點像海蜇，辣味十足。