麻辣香鍋

同媽媽行完街，通常都係食日本菜，今晚帶佢轉吓口味，食川菜。行到有D熱，即刻叫杯凍飲。唔想飲凍檸茶咁普通，就可以試呢杯百香果檸檬茶 ($36)，有埋柑桔仔助攻，甜中帶酸，清爽岩飲。今餐就由我發辦，有辣有唔辣，由大路款式開始。喜愛萵荀嘅清爽度，來一客清炒萵荀絲 ($68)。切成絲容易一注夾起，味道清甜。惹味之選就係呢客黃金蝦球 ($138)，成碟有成8隻蝦球，幾抵食。蝦球外披上一身炸漿，再淋上用咸蛋黃炒上嘅醬，咸香味滿滿; 蝦球爽口，再飲啖凍飲，正呀喂。壓軸出場有金湯酸菜魚 ($188)，辣度有得選擇，呢客係小辣。唔少魚相片浸於金湯內，頂上再有紅辣椒及芫茜，顏色配搭惹人胃口。魚片無細骨，入口相當嫩滑。另有酸菜，萵荀片，乾菌，鮮菇及紅薯粉，湯底酸辣度岩口味，用少少金湯撈飯都唔錯。媽媽想食甜品，就叫咗紅糖糍粑 ($58) 比佢試吓。兩啖一條岩岩好，外脆內有糯米嘅軟糯感，沾上紅糖漿食，有人食到一條接一條，哈哈…….呢餐川菜好合媽媽胃口，已經講定下次想食咩菜式。…查看更多

在旺角的繁華街道上，麻辣香鍋以其獨特的風味和多樣的選擇吸引了不少食客。這家餐廳的裝潢簡約但一進門便感受到熱情的氛圍。這次的用餐體驗，我們點了片皮鴨半隻、招牌香鍋，以及兩款清涼的飲品——百香果檸檬茶和金桔檸檬茶。首先，我們的主菜片皮鴨半隻來了，搭配十張薄皮，令我期待不已。鴨皮酥脆，肉質鮮嫩，搭配特製的甜麵醬、青瓜、蔥絲，味道恰到好處。每一口都讓人感受到大廚的用心，既有傳統的風味，又不失現代的創新。接下來是招牌香鍋，這道菜可謂是麻辣香鍋的精華所在。選擇了香辣味，辣汁濃郁，香氣撲鼻，令人食指大動。我們自選的配料包括新鮮鮑魚、田雞、萵筍、蓮藕、花菜、鴨血和薯粉。鮑魚鮮嫩，田雞肉質滑順，而萵筍和蓮藕則為整體增添了脆口的口感。辣汁的香辣味在每一口中均衡釋放，讓人感到過癮。飲品方面，百香果檸檬茶的酸甜味道清新脫俗，正好中和了香鍋的辛辣。而金桔檸檬茶則帶有淡淡的果香，口感清爽，適合在炎熱的天氣中享用。整體而言，麻辣香鍋是一個讓人驚喜的用餐選擇，無論是食材的新鮮程度還是菜品的味道，都讓我感受到這家餐廳的用心。服務人員的態度友好，讓人倍感舒適。結束這次的美食之旅，我已經迫不及待想再回來品嚐更多美味了。如果你也想體驗麻辣的魅力，旺角砵蘭街的麻辣香鍋絕對是不容錯過的好去處！…查看更多

平時行開朗豪坊都會經過呢間麻辣香鍋，今次終於約到朋友一齊食~🥢招牌香鍋(香辣)- 新鮮飽魚(4隻)、炸蝦球(4隻)、雞件、土豆片、萵筍每枱必點招牌，5樣餸起炒，超多款可以自選醬汁香辣，好夠鑊氣，原隻鮑魚好厚實，入口彈牙，鮮味十足，吸晒香辣醬汁精華。蝦球大大粒，色澤橙紅，爽彈鮮甜，辣味滲入蝦肉，好惹味。雞件外皮帶少少焦香，內裏嫩滑多汁，辣味同雞香互相提升。土豆片吸晒鍋底辣汁，入口糯滑，帶微微焦香，辣中帶甜。萵筍片翠綠爽脆，食落去清新解膩🥢片皮鴨(半隻) – 連10張皮鴨肉厚薄適中，肉質嫩滑，薄餅皮包埋鴨肉、青瓜、京蔥，再塗少少甜麵醬，外皮軟、鴨肉鮮嫩、蔥同青瓜爽口，帶住微甜醬香，油而不膩，層次豐富🥢秘製拍青瓜入口爽脆多汁，青瓜味道清甜，秘製醬汁帶微微麻辣同蒜香，醋香開胃🥢炸饅頭炸饅頭炸到金黃色，外皮脆卜卜，內裏鬆軟，咬落去外脆內軟，配埋煉奶一齊食，甜甜地又帶麵香，唔會太膩🥢百香果檸檬茶 有粒粒百香果籽，飲落去酸酸甜甜，百香果香氣清新，檸檬味醒胃，用嚟配辣野食，特別解渴解辣…查看更多

今天相約好朋友出旺角吃餐川菜，《麻辣香鍋》選擇豐富，交通都好方便。金湯酸菜魚(微辣)~大大盆，有好多件魚，啖啖肉，完全冇骨，食得好暢快，其他配料包括萵筍、冬菇、薯粉等等，仲有片片雞髀菇，索了酸菜湯，特別好吃。川香鮑魚雞煲(半隻)~上菜時香噴噴，半隻雞嘅份量都唔少，鮑魚都有四五隻，件件雞掛滿醬汁，好入味，唔算好辣，味道香濃，越食越野味。孜然羊肉(配6張麼麼皮)~羊肉同洋蔥炒香，用麽麼皮包住食，十分美味。黃金四季豆~即叫即炸， 熱辣辣脆卜卜，非常香口，鹹蛋脆皮勁正！凍檸樂&凍檸茶~食辣嘢就一定要配凍飲啦。見到隔離枱食烤魚，賣相好吸引，下次嚟要食呢個。…查看更多

旺角砵蘭街呢間麻辣香鍋真係挖到寶！本以為主打香鍋，點知佢哋嘅片皮鴨、回鍋肉同藤椒雞，個個都勁有驚喜，食到我同朋友頻頻豎拇指！必食TOP1 片皮鴨🦆！師傅現場片鴨，鴨皮金黃油亮，脆到咬落「咔嚓」聲！拎起薄餅，夾埋脆卜卜嘅青瓜絲、蔥絲，再蘸少少甜麵醬，一口落去，鴨油香同餅香勁夾，油脂香濃但一啲都唔膩，食完一舊仲想再嚟！招牌回鍋肉簡直係送飯神器！🐷五花肉煎到邊邊微焦，肥而不膩，搭配爽脆嘅青蒜苗同香噴噴嘅豆豉，火候啱啱好，鹹香帶少少辣，撈埋白飯食，我一個人就食咗大半碗飯！仲有藤椒雞，麻香直衝天灵蓋！🐔雞肉切得厚薄均勻，滑嫩到入口即化，藤椒嘅麻香滲入每一寸肉，辣度唔算好勁，但麻味夠持久，食完舌頭微微發麻，夠晒過癮，連盆底嘅青紅椒都唔捨得浪費！…查看更多

落左外賣後 open Rice話3點可以去取 2點55分去拎 店員係到傾計 我去到先入機落單 姐係我吾去到 佢都吾會落單 店內又吾係忙 D服務質素真係差到一個點 問佢係吾係依家先落單 佢仲好意思話係 話openRice果到寫住3點先落單 大姐係3點取餐 吾係3點落單丫 浪費我既時間…查看更多

同friend喺旺角睇完戲，求其躝入砵蘭街想食辣野，發現呢間幾枱客枱面嘅餸菜份量都好大吓，完全啱晒我同個friend兩個超肚餓嘅狀態！🍲 自選五餸香鍋（香辣小辣）我哋揀咗肥牛、五花腩片、脆毛肚、萵筍同鮮腐竹，最好食係肥牛！啲肉完全鞋好嫩口！五花腩咬落去油脂同麻辣味一齊爆出嚟。脆毛肚每塊都切到啱啱好，鮮腐竹亦都係必叫，海綿咁索晒的湯汁，最後叫咗萵筍片好似令到個香鍋健康啲，爽脆入味！平時食開譚仔三小叫小辣其實都好夠～🐟 麻辣魚皮 魚皮撈得勻循，伴紅蘿蔔絲同埋香葉，成件事好似冇咁邪惡，每塊都黐滿芝麻同辣汁，入口先係脆，跟住辣味慢慢滲出，送飯一流！🍋 金桔檸檬茶 杯野凍冰冰，飲落酸甜適中，仲見到幾嚿金桔肉沉喺杯底。最正係夠大杯，檸檬片夠多，飲完成個口即刻降溫，對付麻辣最啱晒🍍 百香果檸檬茶 熱帶果味爆棚，每啖都飲到百香果籽，咬落卜卜聲。甜度調得剛剛好，唔會死甜，食食吓香鍋可以解辣…查看更多

旺角嘅麻辣香鍋真係一個令人垂涎欲滴嘅美食天堂！成日都會令人回訪🫣黃金蝦球絕對係必試之選，外脆內嫩，蝦肉鮮甜，咬落去仲有一陣香脆嘅口感，食到停唔到口🤤麻辣香鍋佢哋嘅鍋底香辣十足，配料更係豐富多樣，可以自由選擇，今次揀左鮑魚、花菜、雞軟骨、鯛魚片同小酥肉，每一樣都吸收咗麻辣醬汁嘅精華，食落去真係好過癮🤩特別係鮑魚，鮮嫩滑口，令人回味無窮😻仲有花菜都勁入味😚最後，唔好忘記試下佢哋嘅紅糖糍粑，外層香脆，內裡軟糯，淋上紅糖醬，甜而不膩，完美結尾😚📍 麻辣香鍋 (旺角)旺角砵蘭街198號地舖…查看更多

今天和朋友一起来尝试了这家店的招牌麻辣香锅，点了「香辣小辣」口味，锅底香浓不腻，辣度适中，很适合不太能吃辣但又想解馋的小伙伴。🍽️ 推荐菜品亮点：· 新鲜鲍鱼：个头饱满，4只分量很足· 肥牛 + 鸡软骨：两者搭配绝佳！· 鲜椒鸡：藕片画龙点睛香辣鱼皮：鱼皮爽脆麻辣，开胃小菜🍹 饮品搭配：我们点了百香果柠檬茶和乌龙茶，酸甜清爽，非常解辣，和香锅是绝配！…查看更多

突然陸癮起想食d又麻又辣 見朗豪坊行前小小有間小店try walk in, ok有位!餐廳地方唔大, 位置都算逼狹 (基本上都聽到隔離台講咩)開放酒吧 難免會有油煙味 現場感覺真係好似返咗sz 😃😃😃🌶️招牌香鍋28$ + 任選五餸起炒, 辣度任你pick 牛舌 (46$)牛栢葉 (42$)蓮藕 (28$)薯粉 (22$)金針菇 (22$整體真係好有獲氣, 熱鍋上出哂煙, 無失望, 叫咗小辣夠辣夠惹味好味！香辣魚皮 (68$)魚皮夠爽 掛埋辣油 真係必叫開胃小食！炸饅頭 (48$)絕對係新鮮, 無油耗味, 酥脆內軟, 絕對係有驚喜！！！片皮鴨半隻 (168$) 皮有10pcs, 唔加一算抵食,皮脆多肉, 大大份, 份量真係夠4個人食睇翻啲相已經想食🥰🥰…查看更多

在旺角正頭痛著吃什麼的時候，bff就提議到「麻辣香鍋」吃川菜。說實，近日轉天氣喉嚨有點不適，不想吃辣的東東，幸好餐廳的菜式可選辣度，不吃辣的就可放心了。川香鮑魚雞煲雞煲煮得非常入味，充滿醬香，味道不會過，而雞肉肉質嫩滑惹味，鮑魚大隻厚身，口感鮮甜彈牙，讚。黃金蝦球蝦球大大隻，全都被滿滿的咸蛋黃漿包著，外層酥脆，內層大蝦爽彈，每一口都充滿咸鮮香味。片皮鴨我點的是半隻，但份量挺多，鴨肉嫩滑不柴，肉汁相當豐富，鴨皮香脆，油膩豐腴，非常甘香，放在麼麼皮上，隨著青瓜及京葱絲一同享用，滋味滿分。黄金四季豆四季豆外層掛著薄薄的黃金咸蛋黃衣，不論是外層及內層，口感都超酥脆，就算放涼了亦不影響口感，咸香味十足，推介！…查看更多

朋友介紹喺朗豪坊對面砵蘭街位置有一間專食鑊氣川菜的「麻辣香鍋」，紅色霓虹燈招牌非常易認，店面廣闊，枱之間有足夠嘅空間不會太密！坐得舒服，同朋友聚會一流🎈。主打招牌香鍋，口味可以選擇麻辣香辣或者醬香。辣度更加可以選擇不辣微辣中辣小辣大辣。所有人士都啱食。吾辣簡醬香都得！材料方面可以選擇肉類或者蔬菜類。識食當然選擇醬香香鍋：萵筍爽脆感覺健康，椰菜花蘸上適量乾辣椒好花味！海蝦爽口彈牙，外殼經過醬油香煎封口，外脆內軟殼都食埋。牛肚有肥有瘦，香脆可口，肥的有適量油脂肥膏，口腔充滿啖啖醬香。小酥肉外脆內軟，蘸滿醬香。孜然牛肉配六張麼麼皮：洋蔥🧅爽脆又帶啲稔身，口感確實好得意味道清甜。因為食材本身味道比較淡所以用嚟配牛肉同埋醬汁一起炒。 孜然牛肉都好軟焾，有大量洋蔥🧅增加口感，調味又不會太辣。好下飯！、份辣十足！麼麼皮熱辣辣，夠曬薄皮。香辣魚皮：買少見少嘅功夫菜，魚皮好爽口，充滿花椒油獨特麻香，新鮮Q彈魚皮，濃郁香辣，嚼勁十足，帶來衝擊味蕾的鮮爽口感，越吃越過癮。檸檬茶：配合檸檬透過擠壓釋出檸檬酸味，茶底吾會太苦澀，相得益彰。總結：必點麻辣香鍋 醬香上癮特色香辣魚皮充滿花椒油香…查看更多

來到旺角覓食，想吃辣，同友人去食麻辣香鍋~「金牌滑田雞」肉質鮮嫩如豆腐，以青花椒與乾辣椒爆炒，麻香突出卻不過嗆，田雞腿肉飽滿入味，是必點之選。「黃金蝦球」將鮮蝦裹上鹹蛋黃酥炸，外殼沙沙的鹹香口感與內裡彈牙蝦肉形成巧妙對比，忍不住連吃數顆。「鮮椒魚」選用鱸魚片浸在青紅雙椒湯底中，魚肉嫩滑無刺，椒麻清香滲入肌理，湯汁鮮辣開胃，適合配飯。「孜然羊肉」炒得鑊氣十足，羊肉片嫩而不羶，孜然香氣濃烈，用柔軟的麼麼皮捲著吃，平衡了油膩感。叫了「雞骨草」甘甜中帶草本清香，恰好緩解麻辣刺激。😊整體調味到位，麻、辣、鮮、香層次分明，能吃出川菜精髓。推薦給喜歡重口味卻又重視食材原味的人。…查看更多

和朋友們去完朗豪坊出到來找餐廳食晚餐，一直向前行經過一間吃麻辣香鍋的，我們喜歡吃辣，二話不說就入去了，見到有外國人都來這裡吃。🔸我們點了一個自選配菜的麻辣香鍋，最少5種配菜，所以我們點了雞件，田雞，牛柏葉，花菜，炸豆腐！大大鍋好足料，牛柏葉好脆口，雞件大件多肉，肉質都幾嫩口，花菜無得輸，爽口！田雞不錯，炒得好惹味！🔸金湯酸菜魚，魚肉好多，而且好滑，沒有骨，酸菜味道不會太酸，裡面還有萵筍和薯粉，好飽好滿足！🔸黃金蝦球，太喜歡鹹蛋黃的味道，炸得很酥脆，裏面的蝦好大隻😋…查看更多

之前朋友介紹過呢間專食麻辣嘅餐廳，今日去旺角行街就過嚟食晚餐😋今次點咗呢款招牌香鍋真係超正，多款配料自選，揀左五花肉片、牛舌、豬大腸同娃娃菜，大大鍋份量十足，每啖都吸收哂辣味同濃厚嘅香鍋醬汁。五花肉片肥瘦均衡，入口軟嫩，牛舌爽口彈牙，炸豬大腸經過醬汁浸透，味道濃郁唔腥，炸豆腐外皮微脆，內裡軟滑，娃娃菜爽甜，辣度更可以自選。除咗香鍋，我哋叫咗香辣蝦同口水雞，蝦肉好彈牙，醬汁香辣又醒胃；口水雞酸辣麻香夠勁，肉質好嫩滑。最後甜品點咗紅糖糍粑，外皮脆口，內裡鬆軟Q彈，可抵消重口味，好食得嚟又唔膩。…查看更多