337
4
2
港鐵旺角站 E1 出口, 步行約3分鐘
繼續閱讀
電話號碼
90359755
營業時間
今日營業
11:00 - 02:00
星期一至日
11:00 - 02:00
以上資料只供參考, 請與餐廳確認詳情
有關餐廳
食家推介
相關文章
近排繼續搵川菜食😌 今次又俾我搵到呢間位於旺角嘅正宗川菜館🌶，當日係平日晚市六點半已經八成坐滿，都幾多人去食，也設有卡位，環境整潔舒服，最適合三五知己聚首一堂！😎 佢哋嘅午市套餐仲好抵食！我下次都想試吓~🤭1. 🥘招牌香鍋 ($26) 另+鮑魚 ($68)、羊卷肉片 ($58)、牛肉片 ($46)、牛舌 ($46)、沙白 ($46)今次叫咗微辣的香辣味，最少選五個配料，配料也可以隨意加錢配搭，另叫咗鮑魚、沙白、🐏羊卷肉片、🐮牛肉片、牛舌，上枱已經聞到好香，鮑魚好大隻又新鮮，沙白厚肉無沙，其餘的肉類炒得好惹味，全部配料都好入味！ 餸飯一流！🤪 份量足夠3人食，食極都仲有👍🏻🤣2. 🍤黃金蝦球 ($128)蝦球即叫即煮，肉質爽口彈牙，再加埋咸蛋黃一齊炒，令到每件蝦球都沾上金沙咸蛋黃😍，非常香口，真材實料，好惹味，食唔停口! 大滿足！😛 必叫嘅邪惡之選!😈3. 🐮夫妻肺片 ($66)有🐮牛肉、牛舌、爽口金錢肚🐮、紅蘿蔔絲、青瓜絲等等加上麻辣醬汁和芫荽，夠晒麻香惹味!😎4. 🍹百香果檸檬茶 ($36)5. 🍹 金梏檸檬茶 ($28)兩款飲品甜度剛剛好，飲完透心涼又解辣!😜
繼續閱讀
經過旺角砵蘭街這區，正正在朗豪坊商場附近，非常方便，跟朋友在旁邊經過後，步出門外便看見麻辣香鍋 這間川餐廳，十分吸引，裝修中國風，場地光鮮，環境舒式。餐牌款式有很多選擇，主打香鍋，酸菜魚，串燒，各四川涼拌小食及飲料，每一樣都很吸引！必試當然是招牌金湯酸菜魚，有辣度選擇，魚塊份量多又沒有骨，名不虛傳的魚片泡在花椒、辣椒配上大量芽菜，酸菜及彈牙水晶粉，盡吸辣湯底，份量十分多，陣陣的酸辣和花椒味道，惹味又開胃。鮮甜而嫩滑的大塊魚肉口感奇佳，魚味十足，真材實料！這道菜還可額外加配料，我更加了一碗白飯！配料同樣豐富有酸菜，菇，木耳等，十足惹味！香辣魚皮涼拌小食選了微辣，靈魂是個辣汁，果然夠麻夠辣，紅油適中不會過油膩，魚皮口感爽脆可口沒有腥味，值得一讚！清炒萵筍絲，很爽脆鮮甜，幼嫩少油，份量大碟！京蔥羊肉，富有羊味又不過羶，肉質口感軟綿綿，鮮嫰保留到肉汁，脂肪比例平均，油香感十足，加上麼麼皮包著同吃，口感十足不油膩紅糖糍粑，每一塊是一口的份量，擺碟精美，屬誠意之作，口感煙韌，紅糖濃郁，甜度剛好另點了兩杯凍檸茶解去油膩！冷涼又清爽！下次想帶家人一起品嚐這間川菜，食物質素高，交通地點方便，相信家人會讚不絕口!
繼續閱讀
每次出親旺角揀食咩都要諗好耐, 今次朋友突發想食辣野, 我第一時間諗起辣乾鍋, 上網搵到依間係朗豪坊附近就去試下, 好在平日時間人唔多, 唔洗等位用電話掃瞄二維碼電子落單, 即刻叫左個招牌香鍋, 分別有香辣、麻辣同唔辣既醬香味, 我地揀左香辣, 辣度都分左6個級別, 我地怕太辣, 所以叫左小辣配料可以隨意加錢配搭, 叫左薯粉、牛肉片、蓮藕、沙白同魷魚鬚, 一送到上枱已經勁香, 沙白隻隻開口厚肉無沙, 薯粉夠哂煙刃, 蓮藕爽脆惹味, 魷魚鬚夠彈牙, 牛肉片食落幾入味同軟熟, 估唔到份量比想像中多, 食極都仲有咁, 食一半都已經有少少飽另外叫左個清炒土豆絲, 條條土豆都爽滑脆口, 唔會炒到好冧, 食完辣再食口土豆絲清清地幾好涼拌黃金皮蛋個涼拌汁辣得黎好惹味, 皮蛋溏心得黎唔會太過漿口, 我幾鍾意全晚除左乾鍋最期待之外, 就係依碟黃金蝦球, 每隻蝦球外都沾住滿滿既咸蛋黃沙, 蛋黃沙溶係口中好香, 蝦球口感彈牙, 超好味!最後九成飽都要叫埋個甜品食, 紅糖糍粑係我必食甜品菜單之一, 外皮炸得酥脆可口, 點住紅糖食好正, 配糍粑一絕, 估唔到一碟有成8件咁多, 超抵食!整體而言, 個人認為座位都尚算寬敞, 唔會話好迫, 電子落單真心方便, 食物質素同價錢成正比, 以旺區黎講算平, 食物每碟份量都比一般去連鎖餐廳食既多同大份, 支持小店!
繼續閱讀
寒冷天氣值班於新春日子，食辣可驅寒，又係附近睇完賀歲片，行經呢間川菜館，今餐就係呢度開啦。菜館提供大路川菜，如酸菜魚，水煮系列，孜然牛/羊，川式小炒及香鍋等，辣度隨你喜歡。前菜先黎客夫妻肺片 ($66)，份量以前菜黎講算幾多，加入甘荀及青瓜絲中和麻辣度之餘仲加一份清爽。無肺但有牛舌及牛肚，牛舌切成一大片入口軟滑，配以麻辣醬汁，麻香辣度可接受，用黎送凍飲，食住等熱炒上枱。一向都鍾意食干煸四季豆 ($72)，材料簡單但肉碎炒得夠乾身，加入醬油蒜蓉米酒一齊炒，四季豆掛到少少油之餘又唔會太過油膩，單食或送飯都唔錯。 要食魚片，唔一定要叫酸菜魚，可以考慮叫呢碟蓮藕仔炒鯛魚片 ($98)辣椒指數係一隻，味道偏酸辣; 無骨鯛魚片，入口偏爽口第一次食蓮藕仔，迷你身型好得意，口感食落似食荀般爽脆，幾過癮; 仲有其他配料如洋蔥，木耳，甜椒及蔥段，豐富咗顏色賣相及口感。呢客川香鮑魚鷄煲 ($168/半隻)，好岩新春日子食，有鮑魚又有鷄，豐衣足食。連殼鮑魚有4隻，起肉都唔算太麻煩; 入口彈牙，唔係食緊香口膠; 選擇唔辣，半隻鷄件份量相當對眼，加入其他配料一齊炒，幾惹味，又係好岩送飯。食川菜指定甜品，當然係紅糖糍粑 ($58)無走鷄。一客有成10條，相當抵食。每條炸至金黃色，沾上紅糖漿一齊食，入口先係外脆，之後有糯米嘅軟糯感，兩啖就KO一條，香口味甜，邪惡度爆燈。上菜速度快，熱度夠，味道岩口味，下次可以試下其他菜式。
繼續閱讀
又同朋友嚟呢一間麻辣香鍋食🥰今次encore都係再食返麻辣香鍋招牌菜，今次嘗試左唔同嘅配料，真係夠晒風味！🤭!以下係詳細食評:.▫️ 【 麻辣香鍋 】⭐️⭐️強烈推介⭐️⭐️ 呢一間嘅麻辣香鍋已經唔係第一次encore了，最鍾意食佢嘅香辣鍋，今次我哋點咗中辣！😝食材包括小酥肉、雞軟骨、沙白、萵筍、四季豆、青尖椒、土豆片！🤡當中我最推介係小酥肉，非常香脆，夠晒惹味！另外土豆片及萵筍都非常爽脆🤭辣感柔和，又唔會太過咸，送飯一流！真係令人食上癮👍🏻👍🏻👍🏻.▫️ 【金湯酸菜肥牛】⭐️⭐️強烈推介⭐️⭐️ 估唔到份量非常之足料，呢一款金湯酸菜肥牛配料真係多到食唔晒，除咗有酸菜同肥牛之外，仲有炸蒜、芫荽、雜菇、紅薯粉！🤡酸味同辣味非常之平均，而且好開胃😋肥牛又唔會過老，唔錯！.▫️ 【 紅糖糍粑 】紅糖糍粑炸到外脆內軟，就算攤凍咗也不失風味，口感煙煙韌韌，食出淡淡糯米香氣，配上濃稠紅糖漿，口感不俗😊.▫️ 【百香果檸檬茶】檸檬茶帶有百香果味道，增加清爽清甜嘅味道！正
繼續閱讀