麻辣香鍋

營業中

休息中

旺角嘅麻辣香鍋，絕對係嗜辣之人的天堂！呢次晚餐，香辣乾鍋，泡椒炒牛肉，涼拌毛肚，每一樣都充滿四川風味，讓人食指大動。首先，**香辣乾鍋**絕對係今次食飯嘅靈魂！牛肉片經過高溫爆炒，鎖住肉汁，入口嫩滑；大腸則煙韌有嚼勁，吸收晒香辣乾鍋醬汁嘅精髓，每咬一口都散發出濃厚香氣；而娃娃菜提供咗一點清新口感，同乾鍋嘅麻辣味形成絕妙對比。整體嚟講，乾鍋香氣四溢，麻香刺激，令人一口接一口停唔到手。**泡椒炒牛肉**更加係一大亮點！泡椒帶出獨特嘅酸辣感，令牛肉味道更有層次，唔止辣得過癮，仲多一份回甘，呢種四川特有嘅泡椒風味簡直係驚喜。牛肉本身炒得恰到好處，保持嫩滑又唔失彈牙，配埋泡椒，真係刺激味蕾！最後，**涼拌毛肚*就好似一首溫柔嘅樂曲，為麻辣菜式提供咗完美嘅收結。毛肚爽脆多汁，加上秘製涼拌汁，微酸微甜，清新解膩，食完麻辣嘅主菜後來一口，剛好平衡味蕾，讓整個晚餐更加圓滿。今次旺角麻辣香鍋之旅，真係一次味覺盛宴，每款菜式各具特色，麻、辣、鮮、香交織出極致嘅川菜享受。

今天終於約到朋友同我一齊食旺角呢間麻辣香鍋川菜啦! 舖面雖然唔算好大, 但簡約整齊又有少少中國特色嘅裝潢, 燈光柔和, 有舒適嘅座位。餐廳嘅食物種類都多呀, 有香鍋, 酸菜魚, 烤魚, 片皮鴨, 小炒都有。招牌香鍋 - $28(起)我哋點咗一個招牌香鍋配5餸起炒, 口味要麻辣小辣; 餸就揀咗 蓮藕 ($28), 鮑魚 (4隻)($68), 蝦球(4隻)($48), 豬頸肉($48), 墨魚餅($36); 香鍋嘅份量真係大, 真係4個人食都夠; 上枱嘅時候, 已經聞到香味, 香鍋有多種香料一齊炒, 辣椒乾, 薑蔥芫茜, 辣得嚟帶有花椒香, 味道真係好豐, 而且一啲都唔油膩。鮑魚夠鮮味, 蝦球都好爽口。 乾煸四季豆 - $72四季豆煸得外皮微焦, 口感爽脆。肉末加上蒜蓉和辣椒乾炒得乾香, 帶有鹹香微辣, 越食越好味, 加埋一碗白飯就更加好。籐香雞 - $66選用三黃雞髀, 皮薄雞肉嫩滑, 籐香的味道係香多過辣, 冷盤嚟講, 真心好食, 好滋味呀!烏龍茶 - $16飲品方面，我哋要咗兩支烏龍茶, 清新解膩, 平衡咗辣味。

朋友話要帶我食麻辣食店，雖然我真係少食，但係都樂意去試吓原來呢度叫麻辣香鍋，香鍋嘅意思，係醬料再加選料嘅一個干鍋，由入門口到坐低，經過每一枱，香鍋嘅味道真係令我垂涎三尺點選了涼拌黃金皮蛋作為餐前小吃，有麻辣醬拌勻，皮蛋咬入口的柔軟感加上麻辣的刺激，即刻胃口大開，而且還沒有一些皮蛋那種腥渴的感覺，選料佳！干鍋最少要選擇五款材料，特色係沒有肉同菜嘅限制，即是可以選五款肉，或者五款菜，不同材料清楚列明價目，但我哋當然取個平衡，有肉有菜啦：肉類選擇了肥牛，豬腰片，墨魚餅，蔬菜類則選了腐竹和茄子，可以選多過五款，而醬料有三款可供選擇，我們選了微辣原來五款材料裝成一個大鍋，已經很豐富，上菜實在香噴噴，忍不住叫了一個白飯，一人半碗拌著干鍋吃，店員說香辣醬是自己調的，經過多次嘗試，才出現現在的味道，特別着重香味的調配。而整個干鍋不用撈勻，由面頭慢慢吃即可，吃到底的時候，食物仍保持熱度，而且不油膩，很厲害！我們尤其是選對了茄子，因為茄子索醬料是最好吃的，在伴上百香果檸檬茶，一邊吃鍋一邊喝檸檬茶就是爽選對了的還有京蔥羊肉，一上菜已經即刻夾入口，羊肉有少少孜然粉放在京蔥十分香口，而且咬口極佳，隨著羊肉會附上

相約朋友行完朗豪坊， 購物完我們就去了呢間#麻辣香鍋 食晚飯，餐廳地點好方便，就系朗豪坊旁邊！好早之前已book定檯，因為這餐廳亦都係街坊之選！🌶️招牌香鍋*（香辣，小辣）蓮藕仔+牛肚+豬皮+土豆片+薯粉可自選不同配菜，似足車仔面咁!辣度都可自選，叫左小辣，一眼看到大量乾椒，以為好辣。但入到口岩岩好，蓮藕仔夠爽脆。豬皮脆嫩可口。土豆片入曬味，樣樣餸都好好食，成個鍋好惹味呀， 而且一啲都唔油膩添!🌶️川香鮑魚雞煲有四粒大大的鮑魚，而且一啲都吾韌，都幾大隻同新鮮多汁。雞肉夠曬彈性，夠晒醬汁夠曬惹味，香辣嘅味道真係令人食極都唔厭，好彩我哋叫咗少辣，朋友都能食得到！過足癮！很適合伴飯食。🌶️酸菜炒肥腸上枱視覺極震撼！勁多酸菜，肥腸細心切成片方便食嘅，食落口感豐富又香口🤤用酸菜是坊間甚少見的川菜，絕對可以成為招牌菜😋🧊金桔檸檬茶🧊百香果檸檬茶呢度有2杯特色飲品，清爽解辣，粒粒百香果，口感層次豐富，又唔會得個甜👍🏻而呢度服務員都有禮，價錢合理，性價比之選！

這間餐廳位於人來人往的旺角地地鐵站,大概2分鐘,十分之方便，加上餐廳性價比十分高，適合朋友的聚會.湯色金黃濃郁，酸菜脆爽帶出鮮明酸辣味，湯底酸香微辣，非常開胃。魚片切得薄而嫩滑，入口即化，沒有土腥味，搭配粉絲或金針菇吸飽湯汁更美味。湯底香濃喝多可能稍膩，適合喜歡重口味的人。 鮑魚彈牙、雞肉嫩滑，醬汁濃郁帶川式麻辣香氣，微辣中帶點甜，醬香十足。雞肉燜得入味，鮑魚鮮味突出，整體鑊氣夠，適合配白飯或拌麵* 四季豆煸得外皮微焦，內裡仍保留汁水，口感爽脆。肉末炒得乾香，加上蒜末和辣椒提味，鹹香帶微辣，非常下飯。不三款菜式風味濃烈，適合嗜辣或重口味人士。金湯酸菜魚酸辣鮮美，鮑魚雞煲醬香濃郁，乾煸四季豆鑊氣十足，整體表現不錯。推薦搭配白飯或啤酒，痛快享用！

麻辣香鍋就係朗豪坊對面的地舖，鄰近旺角地鐵站出口，同朋友行完街，步行五分鐘就可以過嚟食川菜，好方便！我同朋友次次都會嗌招牌香鍋！今次我中午過嚟食，見到個場都好滿座！✦ 招牌香鍋 ✦任選五餸起炒食材配料係自己揀既，有幾十款選擇！之前成日試麻辣口味，今次朋友唔係好食得辣就試下香辣口味，小辣~配料方面我哋就揀咗牛肚、肥牛、萵筍、雜菇、薯粉。上枱時即刻聞到香噴噴的辣椒味，辣椒的顏色紅亮，牛肚同肥牛食落辣味溫和香口，令人越食越上癮！！而且份量好多，加埋個薯粉，兩個人都食到好飽~🌟口水雞賣相好正宗，雞肉的份量幾多，而且睇得出係雞髀位，冇咩骨，一啖全部都係肉😍❤️口水雞的肉質好新鮮又嫩滑，雞皮都好爽口，口水汁好濃厚！酸，辣，麻的配合得非常好！👍✦ 鑊氣小炒 ✦京蔥羊肉（配6張麼麼皮）羊肉好夠穫氣！京葱好香口，配埋羊肉的少少羊羶味，我個人好鍾意😍，麼麼皮上枱嘅時候好溫熱，食落軟糯有口感!羊肉配埋麼麼皮好似片皮鴨的食法。下次試埋佢嘅其他菜！

我最近又去咗我最鍾意嘅麻辣香鍋，真係每次去都唔會失望☺️京蔥牛肉配上六張麽麽皮牛肉嫩滑，京蔥嘅香味好突出，搭配麽麽皮一齊食，口感超級好🤩招牌香鍋有麻辣同香辣，我選咗香辣小辣配菜揀左新鮮鮑魚，四隻只需$68，鮑魚肉質鮮嫩，味道非常鮮美，真係好抵食！另外，蝦球同雞軟骨都唔可以錯過，蝦球彈牙，又大粒，雞軟骨香脆，食落去好有口感😋再加上花菜同土豆片，兩者都吸收咗香鍋嘅香辣，味道更加出色，特別係花菜，超級入味，真係好好食🤤🤤配碗白飯，將所有嘢一齊食，真係無得輸😋😋另外仲點左紅糖糍粑，份量都幾多，外脆內軟，點埋紅糖，正👍

麻辣香鍋 (旺角)旺角砵蘭街198號地舖今日我哋去咗旺角麻辣香鍋，真係好開心呀！一入到去，嗰種濃濃嘅麻辣香味就撲面而來，令人忍唔住已經口水直流。我哋點咗招牌香鍋，選擇咗香辣小辣，味道剛剛好，唔會太過辣。鍋入面有牛柏葉、海蝦、牛肚、五花肉片同埋鯛魚片，每一樣都鮮嫩可口，特別係牛柏葉，咬落去非常有口感，海蝦更係鮮甜得不得了，真係一試成主顧！另外，我哋仲叫咗一個水煮沙白，沙白嘅肉質滑嫩，加上香辣嘅調味，真係令人愛不釋口。夫妻肺片就更係一絕，薄薄嘅肉片配上香香嘅調味，吃得我心花怒放，根本停唔落手！飲品方面，我哋選擇咗金桔檸檬茶同埋百香果檸檬茶。金桔檸檬茶清新解渴，而百香果檸檬茶就更加水果味十足，酸酸甜甜，正好中和咗辣味。整體嚟講，旺角麻辣香鍋真係值得一試，無論係食物質素定係環境氣氛，都令人感到開心。下次一定會再嚟，繼續探索更多美味！

大盆花菜，呢煲花菜真系好有鑊氣，🥦菜花炒到卜卜脆帶焦邊，五花腩的香滲哂入菜度，辣椒吊味但唔嗆喉。豉油香帶住微微甜辣，🍚撈兩啖飯即刻清曬成碗，蒜泥白肉，薄到透光嘅五花腩片蘸滿蒜茸醬！🧄蒜蓉堆到成座山仔，🌶️淋埋紅油香到流口水。肥膏位彈牙似啫喱，瘦肉嫩滑到溜喉，蒜辣湧出，慢品回甘，芫荽爽脆解膩🧊麻辣香鍋，一上枱紅當當夠曬架勢！🍲花椒辣椒爆到滿屋飄香，蝦肉，蓮藕，薯仔索盡麻辣汁，咬落爽脆又有嚼頭。🥢最正系兜底嗰啲薯粉，掛滿辣油，啜入口，香辣惹味。

路過鉢蘭街，見到一間名為麻辣香鍋嘅川菜餐廳，內邊都好多人，基本上坐滿晒，所以我哋就入咗去啦。招呼我哋嘅係個靚仔，坐低之後，算好詳細介紹咗佢哋嘅菜式，因為當時好多人，所以佢介紹完就急急腳去招呼第二個，第一感覺都唔錯。我哋叫咗一個香鍋，配料有牛肉，墨魚餅，豬皮，炸豆腐同豬頸肉。牛肉好嫩，墨魚餅好爽好彈牙，豬皮都爽同咪好入味，炸豆腐偏硬身，有咬勁，最後豬頸肉都唔錯，都好爽，成個鍋色香味俱全，勁有食欲，越食越辣，停唔到口。口水雞，雞肉好嫩滑，雞骨見紅，配合嗰靈魂口水汁，紅色椒油，夾咪嫩雞肉，麻辣、鲜香、微甜等化學作用，直頭好味到震呀。酸菜炒肥腸，落咗好多酸菜同青椒粒，肥腸睇得出洗得好乾淨，完全冇嗰陣豬臊味，食起上嚟都好嫩滑，完全入味，火候充足，配合得天衣無縫。3道菜完全可以體驗到川菜嘅特色，而且份量十足基本上三至四個人食都可以，有下次，仲要試咪其他菜式。臨走前問靚仔，廚師喺邊度人，佢話係四川人，唔怪得啲菜四川咁濃！其他姐姐服務態度都唔差，問佢哋拎支匙羹，燙咗滾水後先俾我哋，細心！加分！

今日同朋友去旺角行街，夜晚突然間想食啲香口辣嘢。喺附近搵到呢一間麻辣香鍋🌶️舖位唔算好大，但係入面好光猛而且非常多客人🤓喺門口睇咗幾眼餐牌之後決定入去試下先！一坐低我就覺得今次冇揀錯餐廳，因為店員服務好好，仲會提供熱水比我哋洗餐具，除咗去酒樓飲茶或中菜館，我都真係好少遇到呢項服務（食飯途中，我問店員姐姐拎多一隻匙羹，我仲見佢專登用熱水洗一洗先比我🥰）。舖頭叫得麻辣香鍋，梗係要揀佢嘅招牌啦！🍲招牌香鍋好似車仔麵咁任揀餸菜，最少五款起炒。我哋揀咗小辣配牛肉片、豬頸肉、墨魚餅、豬皮，炸豆腐。小炒：酸菜炒肥腸。冷盤：口水雞。另外再嗌咗兩碗白飯,凍酸梅湯同埋凍檸茶。首先上枱嘅係口水雞，非常推薦大家叫呢道冷盤👍‼️雞件做到黃皮肉白骨紅，好嫩滑，而重點就係佢嘅口水汁，辣得嚟帶點酸，真係好好味，我仲用佢嚟撈飯💯🤤接住第二道餸就係麻辣香鍋，估唔到係咁大兜😂應該係三至四個人份量呀嘛（我哋兩個人咋🤣）。入面嘅牛肉片好嫩、豬頸肉夠爽口、墨魚餅好彈牙、豬皮吸曬醬汁嘅味道，炸豆腐外層微焦內嫩（配口水雞汁一流！）。最後一道係酸菜炒肥腸，啲豬大腸處理得非常乾淨，一啲騷味都冇，再配埋一大碟酸菜，真係低估咗佢哋嘅份量，實在太

最近去咗呢間旺角<麻辣香鍋>，平日去都full House，價格相宜，啱晒鍾意食辣嘅朋友。招牌香鍋🥘我見台台都會叫招牌香鍋，所有配菜都可以自己揀！有麻辣同香辣，我選擇左香辣嘅小辣，唔算好辣，但香氣十足，鍾意食辣嘅朋友可以叫中辣！我哋揀咗好多配菜，上菜一刻真係好誇張，好大鍋🤣🪹新鮮鮑魚（4隻）特別值得一提，真係非常大隻且彈牙，吃起來鮮甜可口。🐖豬大腸的處理也非常乾淨，冇肥膏，煮到好腍好入味 ！沙白高質量，有好多隻！新鮮冇沙。五花肉片，出奇地唔係好肥，薄片唔會好油膩！其他蔬菜萵筍、土豆片、豆皮同金針菇也為鍋中增添了幾分風味，全部Sok 曬d汁，正！🐟鮮椒魚（$198）鮮椒湯底麻而不辣，份量真係非常之足，好多魚同配料，魚肉滑嫩，與薯粉搭配得天衣無縫，薯粉更是吸滿了湯汁，煙韌滑口！涼拌黃金皮蛋，搭配左香醇的醬汁，令人好開胃！

旺角行過見到入面都幾多人，就入去食。估唔到佢唔單止價錢唔貴，份量仲超大🔥！欣嘗佢嘅辣唔會死辣同好咸，雖然我地係點小辣但都好食唔錯，值得再Encore。 🔹 自選麻辣香鍋揀咗香辣小辣， 辣椒炒到香氣撲鼻，配菜好多選擇，點左飽魚（竟然有飽魚仲要都幾大隻）、金菇、豆皮、萵筍、豬腩肉、土豆，全部配菜唔會太乾但又好入味，仲要好大盤超足料，必食！🔹 鮮椒魚好多魚片，魚片嫩滑唔錯，個鮮椒唔會過油或過咸，但如果個椒味再出D會更好。仲有薯粉底，份量大到２個人都食唔哂。🔹涼拌黃金皮蛋比較小見嘅黃金色皮蛋！比一般皮蛋青甜但都幾濃郁，下面有青瓜絲，濃郁＋清新嘅口感幾好

今日去旺角行街想食辣野，就去左呢間好出名既麻辣香鍋試吓，個個都讚話好正麻辣香鍋配肥牛 豬大腸 牛百業 豬頸肉 雜菇 呢得呢度開餐，就緊係要試下呢度既名物，麻辣香鍋啦，我地揀左麻辣味既中辣，中意食辣既就會覺得岩岩好，好正好惹味孜然牛肉 配6張麼麼皮呢個牛肉有牛味又夠林，孜然味好香，配埋麼麼皮食好鬼正黃金蝦球 黃金蝦球大大粒，份量十足，蝦肉好爽口，黃金醬整得好出色，外皮都炸得好香脆 酸梅湯 烏龍茶 飲品選擇好多，解辣多選擇

今日朋友介紹嚟呢度食，目標是坐一個鐘左右食飯傾計，面對面坐是傾倒計的，旁邊的聊天也不至於太受影響。呢度用qr code自助落單，沒有加一。由於我是吃素的，所以在app下單以後加了備註，然後找服務員協助，她再三和廚房說明，態度認真有善，而且結帳時主動提出協助分單。食物方面符合水平，選擇微辣是符合預期的。座位方面，如果人多服務員會協助併枱，當時就見到有這種操作了。如果午餐menu轉咗，下次都會再嚟，又或者試一下其他時段。