麻辣香鍋

營業中

休息中

麻辣香鍋 (旺角)旺角砵蘭街198號地舖今日我哋去咗旺角麻辣香鍋，真係好開心呀！一入到去，嗰種濃濃嘅麻辣香味就撲面而來，令人忍唔住已經口水直流。我哋點咗招牌香鍋，選擇咗香辣小辣，味道剛剛好，唔會太過辣。鍋入面有牛柏葉、海蝦、牛肚、五花肉片同埋鯛魚片，每一樣都鮮嫩可口，特別係牛柏葉，咬落去非常有口感，海蝦更係鮮甜得不得了，真係一試成主顧！另外，我哋仲叫咗一個水煮沙白，沙白嘅肉質滑嫩，加上香辣嘅調味，真係令人愛不釋口。夫妻肺片就更係一絕，薄薄嘅肉片配上香香嘅調味，吃得我心花怒放，根本停唔落手！飲品方面，我哋選擇咗金桔檸檬茶同埋百香果檸檬茶。金桔檸檬茶清新解渴，而百香果檸檬茶就更加水果味十足，酸酸甜甜，正好中和咗辣味。整體嚟講，旺角麻辣香鍋真係值得一試，無論係食物質素定係環境氣氛，都令人感到開心。下次一定會再嚟，繼續探索更多美味！

大盆花菜，呢煲花菜真系好有鑊氣，🥦菜花炒到卜卜脆帶焦邊，五花腩的香滲哂入菜度，辣椒吊味但唔嗆喉。豉油香帶住微微甜辣，🍚撈兩啖飯即刻清曬成碗，蒜泥白肉，薄到透光嘅五花腩片蘸滿蒜茸醬！🧄蒜蓉堆到成座山仔，🌶️淋埋紅油香到流口水。肥膏位彈牙似啫喱，瘦肉嫩滑到溜喉，蒜辣湧出，慢品回甘，芫荽爽脆解膩🧊麻辣香鍋，一上枱紅當當夠曬架勢！🍲花椒辣椒爆到滿屋飄香，蝦肉，蓮藕，薯仔索盡麻辣汁，咬落爽脆又有嚼頭。🥢最正系兜底嗰啲薯粉，掛滿辣油，啜入口，香辣惹味。

路過鉢蘭街，見到一間名為麻辣香鍋嘅川菜餐廳，內邊都好多人，基本上坐滿晒，所以我哋就入咗去啦。招呼我哋嘅係個靚仔，坐低之後，算好詳細介紹咗佢哋嘅菜式，因為當時好多人，所以佢介紹完就急急腳去招呼第二個，第一感覺都唔錯。我哋叫咗一個香鍋，配料有牛肉，墨魚餅，豬皮，炸豆腐同豬頸肉。牛肉好嫩，墨魚餅好爽好彈牙，豬皮都爽同咪好入味，炸豆腐偏硬身，有咬勁，最後豬頸肉都唔錯，都好爽，成個鍋色香味俱全，勁有食欲，越食越辣，停唔到口。口水雞，雞肉好嫩滑，雞骨見紅，配合嗰靈魂口水汁，紅色椒油，夾咪嫩雞肉，麻辣、鲜香、微甜等化學作用，直頭好味到震呀。酸菜炒肥腸，落咗好多酸菜同青椒粒，肥腸睇得出洗得好乾淨，完全冇嗰陣豬臊味，食起上嚟都好嫩滑，完全入味，火候充足，配合得天衣無縫。3道菜完全可以體驗到川菜嘅特色，而且份量十足基本上三至四個人食都可以，有下次，仲要試咪其他菜式。臨走前問靚仔，廚師喺邊度人，佢話係四川人，唔怪得啲菜四川咁濃！其他姐姐服務態度都唔差，問佢哋拎支匙羹，燙咗滾水後先俾我哋，細心！加分！

今日同朋友去旺角行街，夜晚突然間想食啲香口辣嘢。喺附近搵到呢一間麻辣香鍋🌶️舖位唔算好大，但係入面好光猛而且非常多客人🤓喺門口睇咗幾眼餐牌之後決定入去試下先！一坐低我就覺得今次冇揀錯餐廳，因為店員服務好好，仲會提供熱水比我哋洗餐具，除咗去酒樓飲茶或中菜館，我都真係好少遇到呢項服務（食飯途中，我問店員姐姐拎多一隻匙羹，我仲見佢專登用熱水洗一洗先比我🥰）。舖頭叫得麻辣香鍋，梗係要揀佢嘅招牌啦！🍲招牌香鍋好似車仔麵咁任揀餸菜，最少五款起炒。我哋揀咗小辣配牛肉片、豬頸肉、墨魚餅、豬皮，炸豆腐。小炒：酸菜炒肥腸。冷盤：口水雞。另外再嗌咗兩碗白飯,凍酸梅湯同埋凍檸茶。首先上枱嘅係口水雞，非常推薦大家叫呢道冷盤👍‼️雞件做到黃皮肉白骨紅，好嫩滑，而重點就係佢嘅口水汁，辣得嚟帶點酸，真係好好味，我仲用佢嚟撈飯💯🤤接住第二道餸就係麻辣香鍋，估唔到係咁大兜😂應該係三至四個人份量呀嘛（我哋兩個人咋🤣）。入面嘅牛肉片好嫩、豬頸肉夠爽口、墨魚餅好彈牙、豬皮吸曬醬汁嘅味道，炸豆腐外層微焦內嫩（配口水雞汁一流！）。最後一道係酸菜炒肥腸，啲豬大腸處理得非常乾淨，一啲騷味都冇，再配埋一大碟酸菜，真係低估咗佢哋嘅份量，實在太

最近去咗呢間旺角<麻辣香鍋>，平日去都full House，價格相宜，啱晒鍾意食辣嘅朋友。招牌香鍋🥘我見台台都會叫招牌香鍋，所有配菜都可以自己揀！有麻辣同香辣，我選擇左香辣嘅小辣，唔算好辣，但香氣十足，鍾意食辣嘅朋友可以叫中辣！我哋揀咗好多配菜，上菜一刻真係好誇張，好大鍋🤣🪹新鮮鮑魚（4隻）特別值得一提，真係非常大隻且彈牙，吃起來鮮甜可口。🐖豬大腸的處理也非常乾淨，冇肥膏，煮到好腍好入味 ！沙白高質量，有好多隻！新鮮冇沙。五花肉片，出奇地唔係好肥，薄片唔會好油膩！其他蔬菜萵筍、土豆片、豆皮同金針菇也為鍋中增添了幾分風味，全部Sok 曬d汁，正！🐟鮮椒魚（$198）鮮椒湯底麻而不辣，份量真係非常之足，好多魚同配料，魚肉滑嫩，與薯粉搭配得天衣無縫，薯粉更是吸滿了湯汁，煙韌滑口！涼拌黃金皮蛋，搭配左香醇的醬汁，令人好開胃！

旺角行過見到入面都幾多人，就入去食。估唔到佢唔單止價錢唔貴，份量仲超大🔥！欣嘗佢嘅辣唔會死辣同好咸，雖然我地係點小辣但都好食唔錯，值得再Encore。 🔹 自選麻辣香鍋揀咗香辣小辣， 辣椒炒到香氣撲鼻，配菜好多選擇，點左飽魚（竟然有飽魚仲要都幾大隻）、金菇、豆皮、萵筍、豬腩肉、土豆，全部配菜唔會太乾但又好入味，仲要好大盤超足料，必食！🔹 鮮椒魚好多魚片，魚片嫩滑唔錯，個鮮椒唔會過油或過咸，但如果個椒味再出D會更好。仲有薯粉底，份量大到２個人都食唔哂。🔹涼拌黃金皮蛋比較小見嘅黃金色皮蛋！比一般皮蛋青甜但都幾濃郁，下面有青瓜絲，濃郁＋清新嘅口感幾好

今日去旺角行街想食辣野，就去左呢間好出名既麻辣香鍋試吓，個個都讚話好正麻辣香鍋配肥牛 豬大腸 牛百業 豬頸肉 雜菇 呢得呢度開餐，就緊係要試下呢度既名物，麻辣香鍋啦，我地揀左麻辣味既中辣，中意食辣既就會覺得岩岩好，好正好惹味孜然牛肉 配6張麼麼皮呢個牛肉有牛味又夠林，孜然味好香，配埋麼麼皮食好鬼正黃金蝦球 黃金蝦球大大粒，份量十足，蝦肉好爽口，黃金醬整得好出色，外皮都炸得好香脆 酸梅湯 烏龍茶 飲品選擇好多，解辣多選擇

今日朋友介紹嚟呢度食，目標是坐一個鐘左右食飯傾計，面對面坐是傾倒計的，旁邊的聊天也不至於太受影響。呢度用qr code自助落單，沒有加一。由於我是吃素的，所以在app下單以後加了備註，然後找服務員協助，她再三和廚房說明，態度認真有善，而且結帳時主動提出協助分單。食物方面符合水平，選擇微辣是符合預期的。座位方面，如果人多服務員會協助併枱，當時就見到有這種操作了。如果午餐menu轉咗，下次都會再嚟，又或者試一下其他時段。

麻辣香鍋 (旺角)旺角砵蘭街198號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：招牌香鍋 (麻辣,大辣) (連5配料) 共 $278招牌香鍋 (麻辣，大辣) $28：麻辣與大辣的完美融合加上香葱和香茜，還有自選的5種配料精心炒製，變成足料大香鍋，令人驚喜！😄😄😄新鮮鮑魚(4隻) $68：鮑魚4大隻，隻隻大份飽滿，肉質彈牙有勁，炒至邊緣微焦，鮮甜的鮑魚滋味在舌尖盡情綻放，令人難忘！👍👍👍小酥肉 $48：外表金黃色，散發著誘人的香氣，咬下去卻意外地鬆軟可口，肉質鮮嫩多汁，入口即化，讓人難以抗拒，份量也相當豐富，絕對能滿足您的食慾！😍😍😍鯛魚片 $42：鮮嫩多汁的魚肉，搭配上恰到好處的調味，在口中化開的感覺讓人欲罷不能，每一口都能感受到鯛魚的鮮甜滋味！😋😋😋牛舌 $46：牛舌以薄切炒製， 所以非常入味，而且肉質厚實多汁，入口嫩滑，令人難忘，加上麻辣調味，簡直一流！❤️❤️❤️牛肚 $46：醬料的調配恰到好處，既不會蓋過牛肚本身的鮮美，又能突出其獨特的風味，值得一試！👏🏻👏🏻👏🏻

一個禮拜唔食辣，已經周身唔聚財，今日收工就近近地去咗旺角食川菜。平時有時經過見到都要排隊，今日6點零去到未到食飯時間可以直入。金湯酸菜魚（中辣）魚片份量多而且嫩滑，仲有好多唔同種類嘅配菜，例如萵筍、薯粉、雜菇同酸菜，增添咗層次感。湯頭酸中帶香，辣得過癮又開胃。麻辣香鍋（小辣）配菜五份起，我哋揀咗三菜三肉。肉類我哋揀咗牛柏葉、田雞同埋豬大腸，菜就揀咗蓮藕、土豆片同埋娃娃菜。一上菜嗰刻超大盤，調味嘅醬料非常入味，風味濃烈，加埋大大隻嘅紅辣椒望落去賣相超吸引。麻辣嘅味道爽得來又唔會太過刺激，適合重口味嘅朋友。藤香雞一擺低已經聞到好香嘅藤椒味，雞件肉質鮮嫩，內裡保持到肉汁，散發着陣陣嘅香氣。金桔檸檬茶百香果檸檬茶兩杯嘢飲嘅味道清新又酸甜，金桔同百香果配檸檬茶都係好夾，食住辣嘢飲零舍解渴解辣。我自己都鍾意金桔多啲，相對上冇咁甜；男朋友就鍾意百香果，果香味濃郁，層次感重啲。值得一提嘅係阿姐嘅服務態度超好！我哋坐咗喺梳化，本身中間有個擋板隔開咗，變咗兩張二人枱。姐姐特登幫我哋拎開塊板，等我哋食得舒服啲，話如果陣間個場係滿先隔返開。我哋隻碟裝晒啲骨頭，佢又主動拎咗兩隻碟過嚟幫我哋換，勁貼心。

今晚嚟到川菜館，竟然無點辣餸，因為見到其他款式都好吸引，所以點吓點吓就無點辣🤣片皮鴨半隻 （10片麼麼皮），我和我的他好耐都無食過片皮鴨，我哋2人點半隻啱啱好🥰價錢都算抵喎🤑鴨味濃厚，鴨皮夠脆鴨肉份量都好多，肥瘦均勻，配埋京葱、青瓜、甜麵醬，太滿足啦🤤黃金蝦球，我最鍾意食邪惡系列🤣蝦球一上到枱，嘩😍熱辣辣、蝦仁超大隻，夠爽口又鮮味，鹹蛋黃簡直絕配😍好好味😋京葱羊肉（6片麼麼皮），好夠鑊氣！唔會太臊，配合京葱炒，減輕油膩感，羊肉且香且滑，水準之作👍清炒萵筍絲，點咗幾味邪惡菜式，梗係點返個清清哋嘅炒菜平衡返😁我好鍾意食萵筍，呢度竟然有👍熱辣辣又爽口嘅萵筍，炒得夠火候，個人即時清新晒🫶點咗2大碗白飯，我哋點嘅餸實在太適合配白飯，餸加飯全清🤣🤣勁呀🤣

期待已久的川菜終於去吃了!位置超方便，在旺角站行幾分鐘便到達，還好我們早點去到，店內已坐滿了8成位置，所以不用等位招牌香鍋香鍋可以選麻辣、香辣、不辣，而辣度也可以自選，配料最少要叫5樣以上，我們點了肥牛，五花肉片，鴨血，鮮腐竹及炸豆腐份量超級多，我們3人行也吃不完這道菜!香鍋是以乾炒的方式，用香料、辣椒等等再跟所選的配料混合，沒有過多的水份令味道變淡 / 把爽口的食材浸軟每一樣食材都非常入味下飯。片皮鴨半隻(10張皮)完全沒有想過有片皮鴨提供! 我偏愛這種皮+肉各佔一半的切法，可以吃到鴨皮的香脆之餘又能品嚐到鴨肉的香嫩。 搭配青瓜蔥段及靈魂醬汁，口感層次分明，非常滿足黃金蝦球超邪惡! 滿滿的鹹蛋黃裹著蝦肉，味道不會過鹹，吃得到粒粒分明的鹹蛋黃~廚師有把蝦背介開，所以蝦身很乾淨;外層金黃酥脆，蝦球新鮮爽口，鮮嫩多汁 

黎到旺角砵蘭街食咩好嘢好啊🤪 小編突然間就想食啲麻辣/酸辣嘢😬 咁就搵下先，比我搵到呢間「麻辣香鍋」，咁就捉埋太太去試吓先得😋招牌香鍋$28 + $46 豬大腸 + $32 鴨血 + $28 萵筍 + $28 炸豆腐 + $36 鮮腐竹呢個招牌香鍋小編就最鍾意食嘅就係豬大腸🤤 食落脆卜卜！而且好煙韌，仲要好乾淨👍唔會好似食神咁都未通乾淨仲有舊💩係度😂 辣度亦岩岩好👍 真係刺激到小編就食慾😋其餘4個餸都係非常之入味☺️ 突顯出香鍋嘅味道👅 實在太正啦😊片皮鴨 （半隻）（10張麼麼皮） $168片皮鴨一向都係小編同太太鍾意嘅餸菜之一😬 所以比我哋一見到Menu有片皮鴨一定要嗌黎試吓啦😂 麼麼皮皮薄再包住脆卜卜嘅鴨皮，然後再配上配料包埋一齊食！真係人生一大樂事😋金湯酸菜魚 $188首先講吓啲魚先！鮮嫩而且魚肉爽口！一食就知係新鮮魚👍 配上酸酸辣辣嘅湯，真係食到好開胃🤤 而且仲有薯粉係底，索哂啲精華👍 不可不試😋凍檸茶 $18凍柑桔檸檬茶 $28

喺旺角砵蘭街呢個美食戰場，竟然俾我哋搵到間超足料嘅麻辣香鍋！平時食開嘅香鍋多數得幾款肉同菜🤔但呢度嘅「自選麻辣香鍋」真係好誇張！有土豆片、豬頸肉、薯粉、牛百葉、鮮腐竹、肥牛、窩荀等😋未食已經覺得視覺衝擊💥 每款食材都吸盡麻辣湯底精華，辣得嚟帶住花椒香唔會死鹹！食到最尾仲有陣陣麻感👍🏻絕對係正宗四川風味！ 特別要讚佢哋嘅豬頸肉，切得厚薄適中😋爽口得嚟帶焦香！啖啖肉汁撈埋辣油真係停唔到口😋 而牛百葉同鮮腐竹完全係驚喜位！牛百葉煮得剛剛好，爽脆唔韌！腐竹吸湯能力100分💯咬落去爆汁嘅感覺超治癒～ 仲有我最愛嘅土豆片，口感粉糯掛汁一流！ 小食方面炸饅頭絕對係解辣神器✨ 外皮炸到金黃酥脆內裡軟綿綿！點煉奶食簡直係邪惡組合！將麽麽皮捲住香鍋嘅食材一齊食😋多咗層煙韌口感創意味道都加分👍🏻 雖然鋪頭唔算大但冷氣夠勁(食辣最緊要唔好焗！)座位之間唔會逼夾！侍應姐姐仲好貼心❤️主動問辣度同麻度😋怕辣嘅朋友可以揀小辣一樣夠香🌶️ 埋單人均$150左右💰以咁多料嘅香鍋嚟講算係抵食👍🏻兩個人食到捧住個肚走～ 呢間絕對係「重口味星人」嘅天堂！下次想約班friend一邊辣到嘶嘶聲一邊狂啤啤🍻或者純粹想挑戰味蕾！

🌶️🥣🥢出色一人麻辣香鍋✨qr code 落單，免加一✅香鍋客飯套餐 -$65配菜有60多款選擇，而呢個午市套餐就可以自選3款配菜。我選了茄子、蓮藕及小酥肉。不辣是醬香，辣可以選香辣或麻辣，辣度都可以選擇，我選了香辣微辣。上枱香鍋都算大份，煮得好有鑊氣，每款配料份量都吾少，而且好入味。仲有大量辣椒同韮菜，雖然有咁多辣椒，但係都唔算好辣，符合微辣嘅程度。茄子香口惹味，蓮藕都爽口，小酥肉炸得好脆，全部撈飯都一流。如想多一款配菜要加$25，有d貴，如果可以變4款配菜每款少d就好啦😄飲品熱飲要加$3，凍飲+$6，吾算好貴，不過我今次就冇加啦。除咗麻辣香鍋仲有其他午市套餐可以選，可以encore嘅餐廳。