麻辣風雲 (荃碧大廈) (已結業)

難得去到荃灣咁遠嘅地方🤭就梗係要去試吓新開嘅店舖啦比我發現到呢間麻辣風雲係新開嘅川菜🤤去之前已經好期待💛入到去見到其他人點嘅菜仲期待見到餐牌有好多唔同嘅嘢食揀本身仲驚會好辣🔥好彩有得揀大，中，小辣😼涼拌雞腎 $58作為前菜嚟講，味道叫做適中👏🏻就算揀左小辣都好，唔會話特別辣又唔會特別麻🤭個Balance做得幾好！但我個人覺得太梗🤣干煱肥腸 $108佢會Keep住燒熱d腸💥令到佢幾時食都係熱嘅。內臟好難整到啱啱好咬口，佢哋呢個可以做到外脆內軟💛如果keep住個火係度，應該會愈煮愈辣🤤煱入面仲有好多配料。如果你食得辣嘅，建議可以叫中辣或者大辣！麻婆豆腐 $88好大膽咁叫左中辣，一開始好驚超辣🤭到個陣勁大份，好驚食唔哂🤣但佢個賣相非常吸引，就算食曬其他嘢都想要食埋😻豆腐會係好嫩滑，整體來講係又酸又辣。口水雞（半隻）$128同樣叫左少辣，上面嗰啲花生🥜口感一流，又脆又有咬口。雞肉嫩滑，而且辣味已經深透左入去💥好彩只係叫左小辣！呢個真係超值得試下🤤

哩排疫情期間，每個人都會特別注重衛生，而位於荃灣嘅麻辣風雲哩間餐廳做得非常足又俾牛皮袋裝口罩之餘，又俾酒精搓手液去消毒，務求令大家食得安心。 除此之外，佢地用得麻辣做鋪頭名，作為一個好辣之人，當然想試下唔同嘅辣味小菜試下啦，就叫左個水煮魚黎食啦，未食已經聞到非常麻香，好開胃而啲魚肉食落又嫩滑，超新鮮，非常之有水準。而哩間餐廳都有顧及其他客人食辣嘅程度，有大中小辣你揀，如果好食得辣嘅朋友，不妨試埋哩間餐廳嘅辣椒醬，一定停唔到口，一個字 爽而其他菜色例如辣子雞都好值得推介俾大家，好有獲氣，所以菜都係即叫即整，下次口痕想食辣嘅話 我一定會再黎哩間餐廳再食過。 食完出身汗，人都精神啲。

今次去左朋友推薦嘅麻辣風雲試試。首先order涼菜開開胃，手拍青瓜、涼拌皮蛋❤️份份都好大碟，皮蛋好好食。唯一比較遜色嘅係拍青瓜，青瓜涼爽脆，可惜係個汁略嫌唔夠味，或者係我哋比較口味重，唔係個汁嘅錯都唔定。次輪上男士們最期待嘅大菜，我哋叫左毛血旺、辣子雞丁、乾鍋肥腸、乾鍋鮑魚酸菜魚、川味炒大蜆、酸辣土豆絲、清炒青笋絲等等所有菜式都係水準以上，無論味道、份量、價錢都令我哋非常滿意。不得不提，近幾年上館子食辣子雞，多數係見到雞丁都中獎嘅情況，雞丁極細粒，辣椒多到晤使錢咁，完全將雞丁封冚住，食完雞後睇落同剛上枱根本毫無分別，食到一肚氣。但係麻辣風雲既辣子雞，雞同辣椒比例一半半，雞丁一D都唔丁，size正好一口一啖，睇落好似好乾，其實肉質好嫩滑，麻辣到位有層次，食完個口麻痺到非常爽，辣子雞就是這個味！

吃貨朋友介紹，嗜辣既一定要試下麻辣風雲！.涼拌小食一上枱，大家都好驚喜，我都未見過分量咁多嘅涼菜，立即舉筷逐樣試下！至於主菜，當中有幾個菜絕對係唔食就笨嘅精彩級別，令人回味無窮，尤其係最愛既酸菜魚！.麻辣豬耳 $58獲得大家一致讚賞，無論份量、質感同味道都係無得輸，話咁快掃清光。.泡椒鳳爪 $58雞腳好入味，辣得黎又清爽，係我哋女士們嘅至愛。.酸菜魚 $268係比較貴既菜式，不過物有所值，大大兜，魚好鮮好嫩，一D都唔腥，酸味同辣味好平勻，誰都不搶誰風頭，正！.毛血旺 $148講究毛肚新鮮鴨血滑溜，佢既毛血旺可以稱得上完美，毛肚爽爽的吸盡湯汁、鴨血無怪味，滑之餘仲有DQ彈，係食過番尋味嘅菜式！

今日搵埋閨密食好西，首先要上一層樓梯先，然之後門口格離就大大個「掂」字！唔知d野食有冇咁掂呢之後侍應就比左個2人卡位我地，環境都好闊落，座位之間都有1.5米距離，入門口之前仲比左個袋放口罩。咁我地得2個人就叫左3個送：酸辣土豆絲、涼拌皮蛋，水煮魚酸辣土豆絲大大碟，好爽脆。酸酸辣辣開胃菜涼拌皮蛋勁似x仔個皮蛋，小麻小辣主菜水煮魚，勁多魚肉，勁滑。我地叫左小辣岩岩好，唔會勁多辣椒，勁少肉。3個人都夠食，仲有薯粉、佛手瓜👅好味唔止偷食完要maat嘴，食完川菜，最緊要就係maat嘴。🤭搞笑濕紙巾設計🤗

經過荃灣見到間麻辣風雲好似新開咁，就試試。餐廳上一層原來好大。一上到去就立即安排座位，服務唔錯。打開餐牌當然全部都係辣野為主，見到個京蔥牛肉應該唔會好辣，京蔥牛肉辣辣地，有蔥爆過嘅香味。牛肉肉質唔錯。想食海鮮，叫咗個川味炒蜆。炒蜆味道好香，呢個辣味更香濃，但係又唔會遮蓋到蜆嘅鮮味。另外在叫咗麻婆豆腐。麻婆豆腐係我食川菜通常都會叫嘅一道菜色。麻婆豆腐充滿花椒八角香味，嗰種麻辣味食到好過癮。豆腐充滿麻辣醬汁，加埋肉碎真係可以食好多。食辣野當然要叫番啲凍飲，爽呀！

我幾鍾意食麻辣嘢，但係我又唔食得好辣。主要鍾意少少辣再加啲麻香。呢度嘅麻辣菜唔算太辣，容易入口，如果食得好辣嘅朋友可能要叫佢加辣。首先叫咗麻婆豆腐$88 ，一碟份量好多，好抵食！豆腐夠滑，肉碎夠麻香，用嚟撈飯真係一流！酸菜魚$268份量亦都好多，魚切成薄片，好夠滑，湯底酸酸辣辣。不過食魚嘅時候要小心，因為都有啲細骨喺入邊。干鍋鮑魚$148，一上枱就非常之香。鮑魚設成一半，大概有九件左右，夠林！仲有萵筍、蓮藕等配菜。清炒筍絲$78，呢個係必叫！好清新爽口，好好食！食麻辣嘢配備呢啲咁清新嘅菜真係好啱！見到有炸饅頭，好正！新鮮炸起，炸饅頭金黃，點埋煉奶作甜品真係好正！

有辣有唔辣 任君選擇～～～我好鍾意食辣 大嚿又怕辣 但係通常佢都會好好 會陪我食辣 而最近我哋就喺荃灣搵到一間新開嘅川菜 本來係佢主動話要帶我去食 我都有d guilty 因為驚佢去到全部野都唔啱食 點知去到之後 發現佢哋嘅餐牌好多選擇 啲食物有辣有唔辣 我又食得開心 佢又食得開心 真係超好啊😊😊～～～好肚餓嘅我哋一叫就叫左一大堆嘢食 有京蔥牛肉 涼拌皮蛋 蒜蓉炒時菜 干鍋鮑魚 上湯拉麵口水雞半隻 同荔枝特爽～～～京蔥牛肉 ：一上檯就聞到非常香 牛肉嫩口 好下飯 味道做得超級到位～～～涼拌皮蛋： 皮蛋係靚皮蛋 帶微微流心 而且皮蛋味濃 加埋啲芫荽味 真係冇得頂～～～干鍋鮑魚：非常彈牙 而且味道好新鮮 干鍋嘅做法令到鮑魚嘅鮮味更能緊鎖喺當中 我同大舊都好中意～～～上湯拉麵：大大碗而且啲面好彈牙 大舊話個味有少少似一蘭拉麵添啊 但係呢度仲要平勁多～～～口水雞半隻：分量多到令人難以置信係半隻 雞肉彈嫩 辣味又夠 好好食啊😍～～～蒜蓉炒時菜：食完啲濃味野 最啱就係食返個清清地嘅蒜蓉炒菜 呢度嘅炒菜就做得夠清 味道啱啱好 食完令人覺得好舒服 ～～～荔枝特爽：呢杯飲品 係為咗驚大舊頂唔順 覺得太辣

🎈麻辣風雲 (荃灣)🔍荃灣海壩街108-114號荃碧大廈1樓 -----週末決定遠離港島，去荃灣一帶行下南豐紗廠，然後再到荃灣區內幾個商場行下街，放鬆一下緊繃咗成個星期嘅神經。行完街之後，B仔就同朋友嚟咗呢一間食辣嘅餐廳享受我地嘅Dinner。-酸菜魚$268 起晒骨嘅魚片非常方便食用，魚質嫩滑，魚片厚度足，唔容易夾爛之餘，份量仲比得好大方。湯汁濃厚而不膩，飲落酸酸辣辣帶點鮮，而且魚片更會越浸泡越入味，加埋爽脆的豆芽菜，同豆卜等，令人感到非常滿足。-炸饅頭$38 唔好以為炸饅頭好簡單，其實要炸得好，真係一門大學問。B仔之前自己炸過，搞到成個廚房都油油膩膩之餘，個饅頭仲要滴曬油，真係見到都唔想食。而呢度嘅炸饅頭就炸得好有水準，顏色焦黃，表面酥脆，內裡軟綿，而且仲要毫無油膩感👍🏻。-清炒青笋絲（$78）食落微微甜甜地又微微辣辣地，爽口又清新，配搭炸饅頭同酸菜魚一齊食，正好作為一個合適嘅平衡。-----👶🏻B仔整體評價：8/10個👍🏻👶🏻B仔抵食程度：8/10個👍🏻👶🏻B仔環境評分：7.5/10個👍🏻👶🏻B仔味道評分：8/10個👍🏻👶🏻B仔回頭機會：8.5/10個👍🏻-----#swallo

星期日晚約埋一衆好友去呢間垂涎已久嘅麻辣風雲飽餐一頓。因為人多嘅關係，可以叫多幾個餸開心share啦。首先試下冷盤，order左麻辣豬耳，手拍青瓜同涼拌皮蛋，青瓜同皮蛋雖然無乜驚喜但都算合格，要推薦嘅係麻辣豬耳，依個豬耳不得了，入味之餘脆中帶軟，唔會硬崩崩，絕對係水準以上嘅必叫之選。食完涼菜，硬菜上枱。酸菜魚-魚片新鮮嫩滑，份量足夠大，滿足到大家嘅胃口。乾鍋大腸-味道正宗，乾身惹味。辣子雞-雞肉大大粒又juicy，夠辣夠麻，食得出藤椒味，送啤酒一流。毛血旺-毛肚口感爽滑好新鮮，鴨血大大片，大家都讚不絕口，唔使諗馬上追加一份。川味大蜆-正宗川味，麻辣鮮香，仲食得出大蜆鮮味。酸辣土豆絲-大家都覺得酸味太重，辣味不足，唯一認為需要改良的菜式。乾鍋鮑魚-又係一道較遜色嘅菜，鮑魚有點硬，唔夠入味。食左咁多重口味嘅菜式，當然要order個清淡菜中和一下味蕾啦，推薦清炒青笋絲，看似冇乜技術含量嘅一道菜，不足過簡單之中見真章，同枱女性朋友都好喜歡，5分鐘掃清一碟，實在係必叫之選。依間位於荃灣嘅川菜館，果然無令我失望，整體而言都付合我口味，分量又足，價錢合理，大家都好滿意，捧住肚皮約定下次再去啦喂！

今晚女朋友帶我去食川菜，去到荃灣呢一間麻辣風雲。酸菜魚係其中一樣我好鍾意既川菜，佢地落左好多酸菜，酸味十足，而且辣既程度岩岩好，非常好味👍🏻酸辣味將魚既鮮味提升了很多，越食越開胃😍入面重有豆卜，豆卜吸收晒湯底既酸辣味，好正我地重叫左個炒萵筍，爽口清淡，食完味道比較濃既酸菜魚，食返個清啲既萵筍，中和返口腔中既濃味，而且可以吸收多啲纖維，可以幫助消化👍🏻最後我哋仲叫咗一碟炸饅頭，佢哋係新鮮即製，饅頭外皮炸到金黃香脆，內裏香軟，配上煉奶，令人回味無窮，兩個人食咗六個炸饅頭，非常滿足😍食咗咁多酸辣野，一杯解喝既飲品係非常重要，餐廳竟然有多款特飲可以選擇，真係非常窩心。大家如果對川菜都情有獨鍾，可以去呢間餐廳試下。

轉眼間又今年又過了一半了，抗疫的日子，發現從前垂手可得的事，原來並非必然。簡單如出街食個飯已經顧慮多多，約朋友更難，下次見原來真的一等就大半年了。好不容易疫情緩和了，限聚令稍稍解禁，上星期就相約2位朋友見下面，熱辣辣胃口都好一般，諗起食辣野又唔錯喎，就book左荃灣新開既四川菜《麻辣風雲》刺激下。聽個名以為係打冷店，原來環境好唔錯，整齊新淨，地方濶落，枱同枱之間都有距離，亦有2排卡座，食都食得安心一啲。點菜工作交比朋友，反正志在見面，眾人的受辣程度不算高，所以揀既菜式有辣有唔辣。泡椒鳳爪（$58）以辣椒醃製，散發香麻味道，但又不會太搶喉，鳳爪亦唔係炆得好稔，保留口感，係好開胃既餐前小食。香辣雞煲 （$238全雞）枱中央放了電池爐位，十分方便。熱辣辣的雞煲一開蓋香氣撲鼻，一股香麻味道讓人垂涎。一鍋雞煲成功與否，雞件以外，配料也很重要。乾蔥、辣椒、蒜頭等比例剛剛好，香味中滲出麻辣，汁料炒得乾身，每件雞都充份沾上辣汁，很入味，肉質嫩滑，相當惹味，但又比想像中無咁辣，麻的感覺也只是維持了短時間，大家吃得滋味又舒服。干鍋鮑魚（$148）鮑魚在一鍋配料中，有尋寶的感覺。選用的鮑魚size 都唔細，

是日放假，又係周圍食好西嘅好日子😂上晝去左西環歎慢活咖啡夜晚就黎荃灣朋友推薦嘅新開張小店食川菜一日嘅行程就係呢間麻辣風雲中作結。.由於係新開張，所有用具，枱凳都好新正🙈餐廳地方寬敞，空間感夠足吾會覺得壓迫👍枱與枱之間格左一段距離係呢段非常時候，比到我地安心嘅感覺～.餐廳圖文並茂，簡潔又易明，選擇性仲好多添每款菜色都以「辣」為主有吾同程度嘅辣可以選擇食得辣嘅你，可以向大辣挑戰😜相反，亦可特別要求吾辣😂.🔸涼菜小食美味指數：🌕🌕🌕🌕先黎兩道小食手拍青瓜，女朋友至愛😂冰凍爽口嘅青瓜加左大量蒜粒，辣椒，醋等咬落輕脆又開胃👍麻辣豬耳口感又韌又脆，味道鮮香又不膩.🔸酸菜魚 $268美味指數：🌕🌕🌕🌕以鱸魚作為「酸菜魚」既主角比起其他魚如鯇魚，我比較中意食鱸魚鱸魚肉質肥美又比較鮮，嫩滑且不帶小刺每條鱸魚片帶住魚皮滑得黎依然保住魚肉嘅紋理配上大量嘅酸菜同辣椒集酸，麻，辣於一身！呢種辣味香而酸爽回甜嘅味道，令人一食上癮少少湯頭，少少魚肉就已經好玩飯啦😋仲有豆腐卜同芽菜，盡吸湯頭嘅精華一咬勁juicy🥳PS. 若加寬粉落去，更完美😈.食川菜，一定要嗌埋飲品🙈冰涼透心又解辣第一次飲檸檬忌廉三大片檸檬加上冰底

#麻辣風雲 (荃灣)經過門口外邊兩行花籃，好有氣勢。新開張已經見到人頭湧湧。#口水雞 $128/半隻一般，比較失望嘅係醬料只係覆蓋表面，雞肉比較厚，中間吸唔到醬汁，似白切雞。#水煮魚 $268辣勁十足，香辣麻齊全。魚片薄身大片，最重要係又滑又無骨，可以放心大口食。湯底好好味，底既幼晶粉好惹味，係我最愛。#香辣蝦 $138真係好香口，唔會太辣，香為主。每隻蝦都去咗蝦腸，好貼心，戒左一刀之後蝦更加入味。每隻蝦都好新鮮彈牙。#干鍋肥腸 $108肥瘦適中，整得乾身又唔肥膩，都係好香口。#大蔥炒牛肉 $88牛肉片大塊滑身，只係得一兩舊有筋，好有鑊氣，好下飯。

疫情期間揀餐廳食飯都要落d功夫除左要好食衛生都係最重要今晚同家人食飯因為自己想食川菜就揀左荃灣既麻辣風雲入餐廳前 櫃台一個可愛女侍應先為我地測體溫 再為我地雙手吱上消毒液最後派發牛皮紙袋比我地進餐時裝住帶緊既口罩櫃台妹妹非常有禮 隔住口罩都感受到佢笑容滿分店家防疫做得很足夠細心 加分餐牌入面都係一般川菜菜色值得一提係辣度可自由選擇我地一行四人 有二人唔太食得辣我地唯有揀最小辣度涼拌皮蛋係食川菜必點既開胃前菜呢度個皮蛋係溏心入口即溶正合我心意同面頭既大量生蒜同辣油一齊食香口又開胃另外我地叫左個香辣雞煲要煮一煮先食得雞件份量不少肉質嫩滑味道無平時食既雞煲咁重味比較清酸菜魚酸酸辣辣再加埋胡椒粒既香氣魚肉肥美嫩滑呢個炒牛肉亦有驚喜牛肉軟熟牛味濃 帶陣陣孜然香京蔥同牛肉味道好夾超級下飯份量亦是非常大碟餐牌除左汽水仲有一d特飲供應食川菜一定要飲大大杯凍飲清涼一下午市有米線選擇