影片
更多
2020-06-05
1696 瀏覽
轉眼間又今年又過了一半了，抗疫的日子，發現從前垂手可得的事，原來並非必然。簡單如出街食個飯已經顧慮多多，約朋友更難，下次見原來真的一等就大半年了。好不容易疫情緩和了，限聚令稍稍解禁，上星期就相約2位朋友見下面，熱辣辣胃口都好一般，諗起食辣野又唔錯喎，就book左荃灣新開既四川菜《麻辣風雲》刺激下。聽個名以為係打冷店，原來環境好唔錯，整齊新淨，地方濶落，枱同枱之間都有距離，亦有2排卡座，食都食得安心一啲。點菜工作交比朋友，反正志在見面，眾人的受辣程度不算高，所以揀既菜式有辣有唔辣。泡椒鳳爪（$58）以辣椒醃製，散發香麻味道，但又不會太搶喉，鳳爪亦唔係炆得好稔，保留口感，係好開胃既餐前小食。香辣雞煲 （$238全雞）枱中央放了電池爐位，十分方便。熱辣辣的雞煲一開蓋香氣撲鼻，一股香麻味道讓人垂涎。一鍋雞煲成功與否，雞件以外，配料也很重要。乾蔥、辣椒、蒜頭等比例剛剛好，香味中滲出麻辣，汁料炒得乾身，每件雞都充份沾上辣汁，很入味，肉質嫩滑，相當惹味，但又比想像中無咁辣，麻的感覺也只是維持了短時間，大家吃得滋味又舒服。干鍋鮑魚（$148）鮑魚在一鍋配料中，有尋寶的感覺。選用的鮑魚size 都唔細，
好不容易疫情緩和了，限聚令稍稍解禁，上星期就相約2位朋友見下面，熱辣辣胃口都好一般，諗起食辣野又唔錯喎，就book左荃灣新開既四川菜《麻辣風雲》刺激下。
聽個名以為係打冷店，原來環境好唔錯，整齊新淨，地方濶落，枱同枱之間都有距離，亦有2排卡座，食都食得安心一啲。
點菜工作交比朋友，反正志在見面，眾人的受辣程度不算高，所以揀既菜式有辣有唔辣。
泡椒鳳爪（$58）
以辣椒醃製，散發香麻味道，但又不會太搶喉，鳳爪亦唔係炆得好稔，保留口感，係好開胃既餐前小食。
香辣雞煲 （$238全雞）
枱中央放了電池爐位，十分方便。熱辣辣的雞煲一開蓋香氣撲鼻，一股香麻味道讓人垂涎。
一鍋雞煲成功與否，雞件以外，配料也很重要。乾蔥、辣椒、蒜頭等比例剛剛好，香味中滲出麻辣，汁料炒得乾身，每件雞都充份沾上辣汁，很入味，肉質嫩滑，相當惹味，但又比想像中無咁辣，麻的感覺也只是維持了短時間，大家吃得滋味又舒服。
干鍋鮑魚（$148）
鮑魚在一鍋配料中，有尋寶的感覺。選用的鮑魚size 都唔細，一開二再切花，香辣味更滲透。
鮑魚得有嚼勁，鮮味十足，原來除了清蒸以外，鮑魚用這方法煮又另有一翻滋味。
青椒爆豬頸肉 （$78）
豬頸肉十分彈牙爽口，炒得好有鑊氣，夠乾身。
清炒青筍絲 （$78）
青筍即窩筍切條，十分清脆，有油麥菜的獨特香氣，中和肉氣又可解辣。
欖菜四季豆粒炒飯（$78）
男士們喜歡有飯落肚，呢個炒飯炒得十分有水準！雖然材料簡單，只有欖菜同四季豆但飯粒粒粒分明， 乾身又帶點油香，大家一致讚好。
炸饅頭 （$38）
食左咁多辣野，以甜甜地炸饅頭黎中和最適合不過。
麻辣風雲絕對有驚喜，食物有四川的香，但又調較了適合香港人口味的辣度，整體食物好有水準和火侯，滿足到想食辣同鑊氣小炒既慾望；環境好舒適，最讚既係上菜效率快，員工亦很helpful, 太耐無同朋友出街食飯，久別重逢加上美食，很滿意的一晚。
張貼
