麻辣風雲 (荃碧大廈) (已結業)

知道佢推出左中午一人火鍋食，決定過來食下。我地兩個人分別叫左肉老大一人酸菜鍋同珍寶海鮮一人麻辣鍋。呢兩個餐都跟2個餸，之後再叫就另加錢（$8up)，我哋叫咗萵筍片、豆腐、鴨血、娃娃菜、蓮藕片、牛肉餅、廣島蠔，一鍋跟薯粉，另一鍋係特色鍋底粥。酸菜鍋果然係招牌👍🏿酸菜夠多，湯底夠香濃，酸酸地勁開胃又勁入味。落埋豆腐花、娃娃菜清清地食一流🤤麻辣鍋一樣出色，鍾意食辣嘅朋友一定要試吓佢，真係好辣！落埋鴨血、牛肉餅、蓮藕片同埋薯粉落去煮，吸埋d辣味正👍🏿食完個鍋最後就食佢既鍋底粥，佢推薦係酸菜鍋或者麻辣鍋都好食，咁我今次就揀咗酸菜鍋，佢張餐單有教學，跟足流程先放飯一直攪拌佢，然後等d飯差唔多吸晒d湯就落蛋。煮多陣就落埋配菜。😋😋搵日放假要再來食先得👍🏿推介大家都黎試下🤓

琴晚凍凍地咁岩經過 見到食川菜就心郁郁 冬天最岩就係食辣的時候 入到去坐低我地就嗌左幾樣野食 ❤️惹味雞軟骨: 是一個冷盤 用的是口水雞的醬汁 麻麻辣辣 非常惹味❤️口水雞: 味道比起外間的更加香麻 雞皮亦能保持爽脆❤️香辣雞煲: 我地揀左少辣 黎到果時有d嚇親 因為原來份量好大而且有好多配菜 e.g.蓮藕 萵筍 洋葱 每一樣配菜都好爽脆 醫汁的味道亦岩岩好 唔會太辣太咸 雞亦保持到肉汁 唔會乾柴柴咁❤️炸饅頭: 呢個真係必嗌 炸得非常鬆化 唔會食到成口油 加埋個煉奶 真係無得頂❤️各式串燒: 試左三款都中上的水準 唔會燒得太乾或者有燶既情況出現 都值得一試呢度d 侍應姐姐都好好服務態度 佢地仲會推介下有咩必試的項目俾我地 真心服務唔錯 下次想食辣的話我一定會再黎食

見到荃灣'麻辣風雲' 有大閘蟹食，套餐價錢$488,約埋愛吃大閘蟹的朋友來試試。點菜才知道這裏創新口味的大閘蟹，可選清蒸、香辣、麻辣和鹽焗，很特別呢！我們就試試清蒸和香辣。先來的清蒸大閘蟹，是兩隻蟹公，估不到雖然細隻，但蟹膏味也頗香，肉質清甜軟滑，雖然細隻但尚算過得去。創新口味的香辣大閘蟹，拆開蟹蓋後吃，其實食不到辣味，只是蟹腳要慢慢細嚼，就會食到辣味，小辣而已，惹味香口感覺似避風塘炒蟹的味道；而這兩隻是蟹乸，蟹膏口感更香濃，更結實。食完大閘蟹，套餐還包括酸菜魚、蒜蓉炒時蔬和薑茶，真的是最佳配搭，因為大閘蟹寒涼，食完食辣嘢和薑茶都可以驅寒。這盤酸菜魚味道不錯，而且配料充足，墊底的酸菜芽菜很多，魚片份量也不少，而且冇骨，肉質頗滑。這個湯底味道只是小辣，但用魚片過後味道鹹得來又有鮮味，非常好喝，我和朋友把整盤酸菜魚都吃光沒浪費。蒜蓉炒時蔬是油麥菜，蒜蓉多又香，油麥菜新鮮爽口，吃完濃味的，再吃青菜清一清口腔，配搭得非常好。當晚星期三，有一蚊一份口水雞，口水雞偏鹹味，很多花生香味，並不辣，雞肉很滑。最後來一壺薑茶，薑茶味道十分夠薑，像番薯糖水的甜味，非常好喝，當甜品還不錯，為這個套餐劃上句號。

同男朋友係荃灣行完街心思思想食雞煲，上網search下有冇邊間好食，搵到一間主打四川菜嘅麻辣風雲，見有唔少好評，係荃灣街市街附近，咁就上去試下啦。去到間餐廳嘅時候都幾多人，我地都要等多一陣先有位，入到去個環境好寬敞，座位都坐得好舒適。我哋叫咗個香辣雞煲，個雞煲醬汁濃郁食落口又香又麻，份量同配料都好足夠，而且雞肉都好嫩滑。見d人話炸饅頭係必食所以都叫左，新鮮炸起趁熱食個皮好脆，入面係軟林林既，超好食真係值得一讚依家口水雞特價 HKD 1，所以我地都叫咗口水雞試下本身諗住咁平應該份量都好少，點知黎到個份量又ok喎，肉質又夠嫩，食落口又夠麻辣，真心抵食

見網上好多好評，專登去試下。叫左酸菜魚, 麻辣乾鍋, 炒四季豆, 炸饅頭。全部都好一般, 最好食係無得輸既炸饅頭.1) 酸菜魚: 味道還好, 酸菜都算多但魚片分量偏少2) 麻辣乾鍋: 叫左牛肉 雞件 蝦 金菇 娃娃菜 等等.. 牛肉都幾羶 雞件唔知炸左幾耐又淋晒 金菇 娃娃菜分量勁少...3) 炒四季豆: 唔夠入味 鍋氣差咁啲4) 炸饅頭: 即炸 好食 (基本上好難唔好食)整體黎講 食物一般 環境一般 真係好一般

<< 四隻爆膏大閘蟹套餐 係咪真係咁爆？>>依家係大閘蟹當造 餐廳推出左3種大閘蟹套餐 分別有4、8、12隻選擇 XXG叫左4隻 只係$488 包埋蠔油/蒜蓉炒時菜，半份酸菜魚/水煮魚/金湯魚同一埕薑茶~▪️8/10▫️<< 大閘蟹 >> (公) 揀左鹽焗同清蒸各2隻 每隻大約4両重 幾大隻🦀 清蒸好鮮甜 但推薦鹽焗 都幾特別 好香又唔乾 一路食膏一路食到表面嘅鹽粒 別有風味😋 肉唔多 但有2隻蟹膏都幾爆 另外2隻就正常 蟹膏味重好邪惡🤩 食到想叫多幾隻▪️7.5/10▫️<< 水煮魚 >> 中辣 半份其實都幾大碗😯 食落唔算好辣 湯底花椒味重🤤 採用鱸魚無骨魚塊 滑身 但美中不足係有幾舊食到好細條嘅骨⚠️ 配料都豐富 由其配埋寬薯粉食一流▪️7/10▫️<< 蒜蓉炒時菜>> 揀咗椰菜 望落比較清淡 但其實又炒到有啲鑊氣喎 椰菜大碟 爽口 落埋爆香左既蒜蓉炒 比較油但幾惹味👍🏻▪️7/10▫️<< 薑茶 >> 套餐好貼心附送咗一埕薑茶驅寒☺️ 唔

食物質素很一般（酸菜魚及蟹）服務真心差上菜特慢食大閘蟹自助餐，只成功食到4隻原因不是我慢...是落單、上菜等等將來唯有去番大集團、有口碑的店唯一好，接線留位的姐姐

大閘蟹的季節 🦀🦀見到麻辣風雲推出了新的大閘蟹套餐所以決定跟家人試一試大閘蟹有四種味道可以選擇！味道分別有：清蒸、鹽焗、麻辣、香辣四款都好吸引~~~出現選擇困難🙈最後我地選擇左清蒸跟麻辣😋 $488 的大閘蟹套餐🍽包 4 隻大閘蟹連薑茶🍵再跟一份酸菜魚或水煮魚 + 一碟炒菜餐廳主打麻辣的菜式，但都有數款唔辣的小菜可以點我地另外叫左一碟蕃茄炒蛋比兩個仔仔👬 🔶大閘蟹有四個口味選擇 (清蒸、鹽焗、麻辣、香辣)套裝可以自選兩種口味，我地選擇了清蒸跟麻辣每一隻隻蟹都有好多膏呀😋😋 非常鮮味！我個人比較鍾意麻辣，好惹味 🔶酸菜魚大大份的酸菜魚，每塊魚片都好滑，大部份魚片都無骨，啖啖肉好滿足！味道不錯，很有水準。味道不算太辣，即使無食開辣既朋友都食到呀餐廳環境裝修都好有中式氣派連餐牌都好有心思

𝟸𝟶𝟸𝟶 𝙽𝚘𝚟我地都鐘意食麻辣但有小朋友之後, 兩個人出去食既時間真係少左好多 最近老公食Lunch, 試左一間好吸引 搵日我都要偷偷出去食下 😂自選干鍋$68有4種口味揀: 蔥爆/ 重蒜/ 香辣 同麻辣 仲有超過40款配料任配搭今次就揀左麻辣🌶🌶再配美國肥牛, 鴨腎, 肥腸, 鴨血 同廣島蠔🦪一黎到已經聞到勁惹味 好足料, 好開胃🤤 配料都唔少, 份量十足 兩個人食都夠飽（⭐️記得叫返2碗白飯⋯ 香口惹味係需要白飯襯托的)原來佢地仲推出左午市一人火鍋😍😍 媽媽係打邊爐控, 真係要再試 📍麻辣風雲荃灣海壩街 114 號 1 樓#麻辣風雲 #麻辣 #川辣 #川菜 #重慶菜 #干鍋 #熱辣辣 #惹味

同屋企黎開呢頭搵食！荃灣食下川菜啦！今次去到呢度見到樓下已經有menu 同易拉架，仲有個侍應招萊，上樓上慢慢試下先！原來唔止係川菜，仲有鍋底粥同大閘蟹食添！咁我地見到隔離枱d 野食超吸引，所以就跟住佢地叫左炸饅頭啦hahaha...都係$48咋，上菜嗰陣見到佢地用黎裝饅頭的餐具超有中國特色 仲有枝旗仔添！同埋炸饅頭咬落去外層仲係脆卜卜嫁！跟住仲嗌左香辣雞煲-半隻，$148,香辣雞煲係乾鍋黎。上菜嗰陣會點火，等一會兒便可以吃，雞肉算幾嫩滑，同埋值得一讚係佢地用既配料好足，食到味道層次好豐富。

近來天氣稍涼， 可以吃一些暖笠笠的食物就最好 ， 碰巧這間餐廳推出了一人火鍋套餐 ，十分吸引了一些一個人而又想打邊爐的人去嘗試 。湯底有多項選擇 ，有麻辣、酸菜、蕃茄等等， 我便選擇了店內的主力推介- 酸菜湯底 ，外加多款食物： 例如豚肉、雞肉、 腸仔… 魚片、公仔麵、 白菜、 響鈴 鴨血、 生魚片、 薯粉 。值得留意套餐內的薯粉是可以無限添加的， 店員上菜速度亦都很快， 亦很有禮貌主動推介飲品， 我選擇了仙果百花茶， 味道清新又有果肉進吃 ，其次湯底酸味十足 ，與公仔麵拌在一起吃簡直一流， 其次鴨血食得出很新鮮，其次雞肉亦都起了骨，非常細心，近來天氣稍冷，歡迎大家一試

天氣開始凍成日心思思想打邊爐，見到荃灣市中心呢間麻辣風雲午市有抵食一人火鍋推介，$48起好抵，有5款湯底，3款主菜自由選招牌湯底有麻辣風雲湯同埋招牌酸菜湯，另外三款湯底分別係:田園南瓜湯、蕃茄湯同椰子湯底，都一樣幾吸引，我哋叫咗酸菜湯同埋椰子湯，酸菜湯好足料好濃郁，椰子湯一打開見到奶白色就知正。3款主菜有雞/海鮮/和牛，配菜連鴨血、豬肚同廣島蠔都有，選擇真係幾多～打完邊爐唔夠飽仲可以加$15整埋個特色鍋底粥，冬天食完個胃暖晒♥️如果想lunch坐得舒舒服服，呢間真係唔錯。

話說有位人兄專程出到黎荃灣搵小肥妹食飯，仲話想食辣野，咁啱醒起附近開咗間麻辣菜館，就同佢去試吓喇😎• 自選干鍋 $68再另加配料配料方面都幾多選擇，總有幾款啱你心水，不過咁樣嗌下依樣嗰樣，其實價錢都唔平～上到枱就會有個火爐仔keep住加熱，令到啲餸菜可以保持溫度，得閒要攪兩攪以免燶底😂配料我哋揀左鴨血、肥腸、魚春、肥牛同鴨腎，另外本身個鍋已經附有蓮藕、椰菜花、萵筍同京蔥，每款配料都不過不失，冇邊款令小肥妹特別印象深刻，主要味道來自於個醬汁，揀左麻辣醬汁的確夠麻夠香，但食耐左就覺得有啲油膩同單調，尤其係配肉類，好似每舊都差唔多味，反而配蔬菜個辯識度會好啲🤨• 香辣桶蠔 $168桶蠔Size都幾大隻，份量大約有7、8粒左右（冇刻意去數😆）有先炸過再炒，炸粉有啲厚同硬，如果能夠做到薄脆個口感應該會更加好，蠔肉冇咩味道，可能係因為醬汁偏鹹同濃味，幾重口味，味道上亦都冇咩層次，感覺單一，配菜同干鍋重疊左，都係蓮藕同椰菜花，所以最後都食唔哂🤣• 炸饅頭 $48一上枱真係有俾佢嚇親，估唔到一碟$48既炸饅頭居然出場得咁有氣派，霸氣十足😎企係船頭嗰位呀伯相信你哋都識，佢就係諸葛亮喇，饅頭依樣食物亦都係

位於荃灣主打四川菜麻辣風雲，今日中午就試下佢地超抵嘅午市火鍋，唔好以為麻辣火鍋全部都係辣，佢哋都有其他唔同嘅湯底可以選擇。入到餐廳，座位都很寬敞而且保持安全座位距離。呢度有3款一人鍋選擇，包括肉老大、珍寶海鮮同極上和牛鍋。今日就試下珍寶海鮮(包2款配料)同極上和牛鍋(包3款配料)一人鍋，至於湯底就有5款湯底選擇，我哋就選左佢哋嘅招牌酸菜湯同蕃茄元氣湯，再加配其他配料，再額外追加廣島蠔(+$18)。薯粉就係無限添加，食到最後可以加粥底都祇係+$15。酸菜湯底很出色，充滿濃濃嘅酸菜味，而且每份配料都已經有白菜，唔駛額外點的。蕃茄湯底入面有好多蕃茄，蕃茄味濃。由於湯底出色，所以佢哋準備調味料都可以唔用。佢哋準備調味料有豉油、辣椒及蒜蓉，可隨個人喜好添加係食物上。極上和牛果然係極上，牛肉片充滿濃香嘅牛味，蝦同廣島蠔都非常新鮮。食到最後就可粥底係酸菜湯入面，先加飯入湯底入面，然後加蛋攪勻，之後熄火加蔥花及脆脆就可以食得， 酸菜味滲入咗係粥裏面好入味。呢間係好抵食嘅正宗四川火鍋，如果鍾意食辣，可以試下佢哋嘅招牌麻辣湯底🥘，應該會唔錯！

喜愛食大閘蟹的我，第一次來到荃灣的麻辣風雲，試試他們的$488大閘蟹套餐，可以選擇清蒸、香辣、麻辣、鹽焗，我就選了麻辣同清蒸各兩隻，合共一個餐有4隻！蒜蓉炒時菜很有驚喜，時菜選了菜芯，份量適中，很美味！再選了半份酸菜魚，魚很滑很多，而且配料很多，超多芽菜，好吃！大閘蟹大大隻，而且多膏同惹味，清蒸食到蟹的鮮味，很好吃！最驚喜的是，麻辣十分入味同好味，比清蒸更惹味！同場加料，一埕薑茶，配搭大閘蟹一流！