麺屋武蔵 (已結業)

首先多謝Open rice選中及有幸出席試食活動...對於一個不常到拉麺舖之本人，今個初體驗絕對來予個人味覺之感，不作比較、純為個人意見每人各自選上拉麺湯底、分別有黒武骨、白武骨、亦武骨及沾汁麺(我所見沾汁麱，即分開上之撈麵)我本身叫上一個白武骨...义燒，鄰近之食友叫上黑武骨...义燒，因此我們也相相交換了些少湯底試飲作比較我覺得白武骨...义燒，比黑武骨...湯底濃，反而黑武骨...湯底雖然黑麻麻，但一作比較我最喜歡白武骨湯底多了，聽經理講、係用豬頭骨、雞腳、同魚煲上十小時之精華麵質方面，亦合我心水,不會太幼身，煮得不至過淋，唔錯。义燒方面...薄薄的叉燒半肥瘦，肉質淋滑，入口完全冇渣，味道不是太咸、可能怕搶去湯底之味道。至於小食當日也有差不多七款給我們品嚐...1)比目魚柚奄燒，唔腥，係我個人No.1推介、魚肉燒得剛剛好，一點都不太油，有魚香之餘、我心想...再來兩份可以麻2)次推便是呢款武蔵煎餃子，平凡外表、不平凡之肉身，入口肉質好滑，味道也剛好、不至太咸，正3)明太子青椒燒...呢款都幾特別，入口以為好辣，吖、誰不知又不會，食到尾才有少少青椒味在口裏反覆遊盪4)野菜沙律...

是晚到apm處理一些旅行事宜,一個人閒逛之際,看見這間人龍拉麵店冇人排隊,也許是時間尚早的關係,便入內試試, 坊間眾多的人氣拉麵店,我一間都未試過,實在不想排長龍,是晚真的幸運, 一個人最好坐吧檯,點了: 黑武骨$72, 其實對於拉麵,我比較喜歡醬油拉麵,但這裡出名豬骨湯拉麵,便試下加了黑蒜油如何, 先飲一口湯,感覺不到有蒜香, 只有淡淡豬骨湯味,不太濃,麵條略粗很彈口, 我最喜歡這種麵質, 但份量不多, 叉燒有一塊,肉質鮮又唔鞋, 好吃, 一塊好像太少了, 可惜是荵絲冇香荵味, 吃完一碗有點半天吊,唔夠喉!麵條真的是我喜歡那種,下次要帶朋友仔來試試!

月頭寫過武藏食評，說武藏價格貴，份量少…上次只於午市試了得一塊叉燒的白武骨叉燒拉麵…今次朋友未試過，所以再一次結伴到訪晚市時段，給你一次機會。7點半左右到達，要等候大約10張檯…三人檯等到差不多8點才入座最裡頭的卡位，應該都算快，而且舒適﹗一坐下就有服務員問要凍水還是熱茶，由於仲要等多一位朋友，所以我們坐了蠻久還未落單，幸好服務員沒有催我們落單。上次點了白武骨覺得湯底唔夠濃，所以今回選了黑武骨湯底嚐嚐。黑武骨叉燒拉麵 – 名符其實，湯底真的是偏黑的，先來一啖湯底，湯底濃香帶鹹，與上次吃的白武骨相比，白武骨湯味清淡香滑，我才發現白武骨更勝一籌﹗ 一塊的叉燒仍是在這裡的最佳選擇。由於明知得一塊叉燒，而且又未試過這裡的豚角煮，所以我追加了一份$20的豚角煮。早前來吃過的朋友說豚角煮入口融化，今次我試了的豚角的肥膏部份不至很腍，也不太入味，因此叉燒是比較好的選擇。另外，我們點了武藏炸雞及武藏煎餃子。武藏炸雞 – 新鮮炸出的雞件配上芥末醬，好清新的感覺，完全不覺膩口，抵食同值同推介的選擇﹗武藏煎餃子 – 同一般餃子沒大分同，不嘗試也可。好似$330左右埋單，我覺得這個價格食晚飯的是OK的﹗如果大

估唔到一家咁多好評嘅拉麵平日夜晚竟然唔洗等位有得食！我諗我食飯嘅時間實在係太遲...是日試咗黑武骨豚角煮，係我第一次食黑蒜油拉麵~雖然唔覺黑蒜油有咩咁特別香口好味, 但OVERALL實在係正~!黃色粗身拉麵唔會淋夠咬口又彈牙, 湯底夠濃唔漏我飲晒D湯咁濟~~=] 隻溏心蛋夠晒正宗~蛋黃流流吓見樣就知好味啦~~有機會一定要ENCORE~!

我和友人D都十分喜愛拉麵，早前他提及在東京吃過很好吃的麵屋武藏來香港開店，於是我們再次組二人團遠赴APM。我們都喜歡比較濃味的拉麵，所以點了「黑武骨」。第一口湯感覺還可以，但我們吃到一半就覺得這個湯只是「呃得下人」，越吃越覺得這個湯是味精湯，並不是「淆」出來的。倒是餃子很不錯，皮薄餡靚。若然我在APM逛街，相信也寧願去吃「胡椒午餐」的牛肉飯。遑論再特地山長水遠來吃。

平時呢間拉麵好多人排隊, 唔係個朋友過去提早取籌, 都好難有機會試咯.完來排隊係合理GA......佢D湯就好出名 - 白武骨、赤武骨、咖哩麵、沾汁麵、黑武骨我地兩個人兩個面加一個餃子我試左黑武骨叉燒拉面啦, 濃而不膩, 黑蒜GA香味不在話下!最攪笑係在我嘗到拉面GA時候, 對住個朋友講: "個拉面本身仲好味個D湯底, 吹脹!"我朋友個赤武骨就唔係想像中咁辣, 可以話係小小辣係! 個拉面GA 彈牙度, 同味道另我有D失控.......爽滑彈牙, 麵GA味到無比D湯GA味道搶走 .餃子同叉燒都交到功課, 不過都係配角啦~~~~( 好似好HURT 餃子同舊叉燒咁 )

上星期因為到apm一逛, 就試試這家新開張的麺屋武蔵。因為時間尚早( 約6:15pm), 所以仍有不少坐位.二人點了一人一個麵加一客小食。我點了個人偏愛的沾麵(つけ麺)這是黑武骨湯底, 即是豬骨湯加黑蒜油,麵面彈牙, 湯汁味也適中, 不會太淡口。叉燒, 筍及玉子是凍的, 建議先放湯浸一會。老公點的是白武骨豚角煮拉麵,相比之下, 豚角煮雖然肥膩一點,但肉質入口即溶, 值得一讚。湯底的味麵也清新, 不像一般的豬骨湯。小食點了芥末醬炸雞塊,本人不喜歡小食比主菜上得快,可是他一來先捧上炸雞, 隔了一會才有拉麵。這醬汁調味不錯, 可惜雞肉炸得乾身, 一點也不嫩滑。話說報章雜誌稱麺屋武蔵為日本第一拉麵店,但始終過到香港也變質了, 味道只有日本基本拉麵店的味道,實屬雷聲大雨點小, 再者, 可能真的因為人客少, 一堆5-6個廚師竟然站在面對食客吧枱的位置吹水, 有缺專業感。

麵屋武蔵6:15pm 去到已經有條短人龍....人氣強勁幸好15mins就入座麵湯底分白 黑 赤 白是豬骨濃湯嚐了一啖很鹹鮮呀赤帶辣油的豬骨濃湯其實辣度好微又燒偏鹹麵夠彈身不會煮得太軟身沈湯久了,也不會發水變軟湯越食湯越鹹越濃=__=好濟呀,食到大半已飽到上心口炸雞一般不夠脆身而且個wasabi salad 醬不太match總結湯太鹹太濃不是人人接受到或喜歡個人口味認為可以下小點盬味蕾受不了

中午12點半去到食，見到有新產品出，即該就叫個黎食，新產品個名叫「神山沾汁麵」，聽個名已經覺得好勁，而且個店員話呢個沾汁麵同普通個沾汁麵會有分別，口感味道都會唔同，所以都試下啦!!一黎就見到個湯好”傑”，而個汁燒豚角好香好惹味，食之前飲一下個湯，真係好濃，味道較咸，但係就好有叉燒味，入口都幾滑，再食一口個汁燒豚角，好juicy，比平時食開個個豚角更好味。不過原來呢個「神山沾汁麵」係每日限售50碗，售完即止，所以如果想食就要早o的黎食!!

中午差唔多1點半番到KT, 第一次去試武藏原因係因為呢間野好似好出名咁..白武骨叉燒拉麵聞名已久終於一賞，湯底清淡，味道尚可…配埋好有口感既拉麵，夠晒彈牙叉燒一塊，叉燒好腍好好味溏心蛋半只，蛋王半熟，仲流心的，不錯! 仲有蔥好香，全部夾埋食係一流～再試可以試下黑武骨，我覺得食拉麵湯底濃味會更好食! 但一碗麵埋單要$80 (已加一)，我本人覺得貴咗少少..係日本食一碗$80拉麵一定大過佢，或者起麻都多一塊叉燒啦..我覺得佢既味道係幾好，但價錢就唔貴咗D… 可能係重質不重量吧!

經過呢間拉麵舖甘多次, 次次都勁多人排隊, 今日下畫3點幾唔駛等位即刻入去試下先…聽聞呢期都好流行沾汁麵, 所以叫左個黑武骨試下先, 個湯底勁香濃, 拉麵亦係我中意嘅粗度, 曲度令到佢好掛湯 但係個麵嘅份量真係好少, 唔夠飽…..下次我會叫多 幾個朋友黎食, 甘就可以試佢多d小食!點左個比目魚柚奄燒…好好味!!!比目魚好滑呀!!!

記得喺過農曆年前行過apm，見到有間新拉麵店，門口好多人排隊，果時只不過係星期六下午五點幾，心諗有無咁正呀？咁返到屋企check下開飯，食評又幾好喎！就下定決心要試下，終放機會來了！撞啱夫人今個星期收早，五點幾喺觀塘收工，立即約返日去試下間拉麵。下午六點鐘去到，大把位任揀，坐邊都得！20分鐘後就唔同講法！一坐低都唔知食乜，就用手機睇下開飯D食評有咩好介紹，由於太耐無更新過，原來已經有好多一般的食評，心諗“唔係嘛”！睇左一輪我決定左叫黑武骨豚角拉麵，夫人就叫左個黑武骨叉燒拉麵，再加一個凱撒沙律，十分鐘左右就上唒枱，三樣野，睇樣都ok，但係唔明點解夫人碗叉燒拉麵只得一塊薄薄的叉燒講真我成日都食拉麵，真係未見過得一塊咁大把的拉麵！再講返自己碗拉麵個湯真係差到不得了，一點兒豬骨味都食唔到，味道同質感都有少少似屋企食一丁D湯咁，再講下個麵，麵身粗同比較硬身，我本身都幾鐘意，無奈同個湯完全夾唔埋，D湯濃味少少，就最好，當然我估大眾會比較喜歡幼少少同軟身少少的拉麵，因為易入口嘛！豚角幾特別，味道甜甜地，有少少似東坡肉，可能根本就係，而夫人果碗食到十二分無奈，叉燒又薄又少，面又粗又硬，個湯又唔掂，攪到

三人行再次黎食！今次我地叫左黑武骨沾汁麵、白武骨沾汁麵同黑武骨豚肉片！仲叫多左個武藏炸雞同沙律小食！沾汁麵個湯比我叫普通拉麵湯底較濃，一上枱就已經好香好吸引！而定仲可以加清湯飲埋佢！真係正呀！下次我都可以試埋個赤武骨湯！上次黎都有點武藏炸雞！佢個芥末汁配炸雞真係好好味！ 好清新！

睇雜誌介紹麵屋武藏，好似好吸引。咁啱有幾個朋友都可以放5點，所以放工後就去試吓。5點多去到，無咩人。由於有一個朋友要遲少少先到，所以我地坐住等。我要咗黑武骨叉燒拉麵，佢地就要白武骨。再叫個餃子share食。好快就有得食。黑武骨湯底黑色，而且仲有一層肥油。配料有蔥一大堆，菠菜、半隻蛋同一片叉燒。湯底夠熱，不過好油膩；雖然話用上黑蒜油，但一點也嚐不出，比一丁麵那包黑蒜油還遜色；而且湯唔夠層次，亦飲唔出豬骨嘅濃郁味，只有咸味。叉燒瘦中帶點點肥，滿意；半熟蛋也真能做到半熟流心，但未算入味及滑。麵條粗身，尚算彈牙，但驚喜不大，越食越淋，麵條也有少許發脹。餃子，一客五隻，即叫即煎。皮薄餡多，不錯的小食。服務不錯，我地食完坐咗好耐，都無被人趕，又頻頻加水。

知道公司附近開左間新拉麵店，一直都未有機會試，剛好今日工作安排遲左食晏，就去試下！兩點幾，我一個人唔洗等位。聞說"麵屋武藏"係觀塘區新晉的「日本第一」拉麵店，好多同事都食過了，久仰大名，輪到我到此一試，果然不失所望。我點了個小食"山芋赤麵豉青瓜沙律"，呢款小食淨係聽個名都好特別，都無在其他舖頭食過。D青瓜好爽口，咬落去都"索索"聲，上面鋪左麵豉醬料，口感幾清新！不過如果唔慣食山芋口感的人，就可能叫沙律比較岩口味。左揀右揀，我揀左白武骨叉燒沾汁麵。沾汁麵個食法係將麵和湯分開上，將麵條沾上湯汁來食，啖啖都充滿香濃豬骨湯味！叉燒亦非常大片，水準甚高，抵讚！今次肚子空位有限，下次約朋友黎一定會試埋其他款色。