麺屋武蔵 (已結業)

那天父親節(我爹娘不在港)， 中午和蝦子餅在APM行下行下 。。。 鱷魚恤中心上酒樓的人龍長得驚人，打晒蛇餅；排到入APM ~~~ 呀 。。。麺屋武蔵不用排隊 曾聽姐姐說他就是我在日本吃過最好味的拉麵店(虎藏)在香港的分店??? 平時很想去試但每次行過都好多人排隊排隊排隊 今天不用排 立刻入內一試 ~~~~ 我最喜歡是父親節、母親節、中秋節、冬節 。。。 除了食中餐，吃甚麼到不用排隊! 其實一看餐牌就知。。。他不是姐姐所說的，不過一試不妨 點了2碗招牌拉麵，我要黑武骨；蝦子餅要白武骨湯底 + 冰凍 ASAHI 2個湯底不算濃，麵質爽口沒帶煙韌，叉燒夠淋；腩肉爽口不肥膩，全碗麵我最喜歡是糖心蛋呢 奇怪是以上全是各自各味道，獨立得不可再獨立呢?!

避了剛開業的人潮，這時便是試食的好時機。黑、白武骨配豚角煮：麵嘛，硬身，鹼水味重，份量足，個湯好膠，張住個口同喉嚨，上枱麵面已經有層油封住，舊豚角煮好大件。一碗$72，加一服務費，這是我食過的拉麵當中，無論湯、配料、麵，也是最重口味的，就算是在日本，也沒有食過湯底這麼濃和重膠質，也沒有這麼有份量的配料，不論是否正宗，只要合自己口味便行，我嘛，還可以！

今晚六點半到，不用等位。入內後聞到一陣油益味，不是味兒。我叫了赤武骨豚肉：中辣，食到岀汗，肉片太熟，又硬又冇味，麵也過硬而且冇mud味，蛋普通。食完後見湯中有一粒粒的半mm大的肥肉（五六粒）載浮載沉，有點嚇人。J仔叫了黑武骨叉燒：湯底顏色有點嚇人，味道怪怪的，了無特別，叉燒帶一片肥肉，賣相不佳，結果和J MA交換。J MA原叫了咖喱豚肉：原來是三個中最好的，味道合宜，夠味，但肉一樣是又硬又冇味。侍應個個做自己事，不會望客，幾乎要大聲叫才有人理。成七十蚊一碗，極之失望，整體上一個差字。吃的時候我還說：寧願食三碗雲吞麵；浪費了二百幾蚊。

XD 我又黎喇上次試食, 經理RINGO哥哥送左50蚊QPON俾我, 今次襯媽媽生日用左佢 今次:chopstick :媽媽食黑武骨拉麵 (左上), 佢話幾好, 湯底冇味精 爸爸食咖哩拉麵 (右上), 佢話一般啦, 唔辣 言師寺食赤武骨つけ麵 (左中), 上次試食已經食過, 好LIKE, 今日水準都好OK, 唔會因為上次係試食而好食D(E間麵屋食つけ麵可以揀麵既份量架, 好貼心, 建議男仕們都食つけ麵大盛, 包保夠飽) 柚子比目魚 (下), OK, 爸爸媽媽都話好, 但係再大舊D會好DD ^^我仲會再黎食架 (好老土: I will be back~~~~~~~~~~~~~~~~~~~~ XDD)

難得是日出觀塘, 本身想去食 PIZZA EXPRESS, 但係俾人 BAN 了 最後去麵屋武蔵試沾麵. Order 左一個黑武骨同白武骨配叉燒既沾麵 (即係黑蒜味同濃豬骨), 麵既份量係劃一價錢, 所以要了大盛! (合符晒我地大食又經濟既原則 ) 再來多客炸雞 結果等了差不多 15 分鐘先有拉麵上檯, 食得日式拉麵小店多, 等 15 分鐘唔知點解已經覺得好耐好耐!先上既係炸雞, 炸雞佔碟既一半, 另一半為椰菜絲. 炸雞炸得表層有 D 乾, 肉汁唔夠, 全靠芥末醬汁挽回唔少分數. 整體只屬合格水平!後上既係兩碗沾麵, 我的黑色沾麵湯面頭明顯結了一層油塊, 再輕輕嚐一口, 完全唔熱!!! [(angry)] (我最怕飲唔熱唔標煙既湯!!!) 而且我們坐的是 BAR 檯位, 出風口吹到正一正, 食物涼得更快! 湯底除了有淡淡的黑蒜味外就完全嚐不到豬骨味! 但嚐了劉生的白武骨沾麵湯底亦完全唔似豬骨味, 與大坑拉麵來的水準真是差天同地!!!! 武蔵的麵屬較粗較硬, 係我鐘意既麵質, 而且粗既麵質可以沾多些湯汁. 另外, 不用加錢既半隻溏心蛋, 亦都係我欣賞既一部分. 反而叉燒有一大塊,

食咗都有一排但遲遲都冇寫食評,過咗一段時間但唔代表唔記得味道,因為麺屋武蔵其實係值得再光臨既一間拉麵館.近呢一年,大家都知道仿間開咗好多唔同類型既拉麵鋪,大部分都有個日本師傅喺鋪頭鎮守住,麺屋武蔵都唔例外.麺屋武蔵有既係開放式廚房,坐喺bar枱可以睇到一目了然.每一個人都有自己既崗位.睇住班後生仔做嘢,好難令人相信平時啲人點樣批評80/90後既工作態度.因為佢地都好認真同好用心咁去做.可能係麺屋武蔵訓練有素,你亦可以話麺屋武蔵提供既食物唔多,但如果你既出品只係得一樣但都冇用心去做,出嚟既嘢都會係垃圾.同愛人叫咗一黑一白,我要黑,佢要白,當然大家都有試過對方既湯. 黑既係黑蒜湯,白既就緊係普通豬骨湯啦. 佢既黑蒜果然冇令我失望,好濃郁既蒜味,非常重口味. 好在係試黑既湯之前已經試咗個白既味道.相對嚟講就緊係冇咁啱我口味啦.但佢唔係唔好食,只係比較淡口啦. 至於佢既面,彈性適中,當然絶對唔會係淋,但亦唔會彈到唔熟咁.好適中.我所食叉燒大一大塊,又係一大滿足.今次冇試佢個沾汁麵,下次一定要再返嚟試番先.

我的第一篇食評就由拉麵開始啦!難得放假所以約左舊同事去 APM 食個 lunch 聚下舊, 今次揀 o左平時 lunch time 要勁排隊 ge 麺屋武蔵~ 提早 12:00 到左唔洗等即刻有位, 平時過左 12:15pm 就排哂隧...之前路過幾次都食唔到 >.<d 侍應生都幾有禮貌, 坐底就問要水 or 茶, 拉麵大致分為 3 種 - 白武骨 (豬骨湯) / 黑武骨 (黑蒜油) / 赤武骨 (辣)最後我地點左:- 白武骨 (豬骨湯) - 黑武骨 (黑蒜油)- 豚肉卷- 餃子我個白武骨湯底好濃好夠味, 但 d 拉麵就硬左少少...配叉燒 + 溏心蛋半隻 (不過唔太溏心)同事個黑武骨個湯底黑蚊蚊, 但有好香 ge 蒜味, 配叉燒, 紫菜 + 溏心蛋半隻2 個小食水準都幾好, 豚肉卷 o黎到果時仲 "sa sa 聲" 夠哂熱同香嘖嘖! 特別 ge 係 lee 到 ge 豚肉卷入面包住 ge 係芽菜而唔係金菇, 幾 fresh~最後我 o地傾到差不多二點幾先埋單走~

是次午膳時間獨自來到了麵屋武蔵，等候不久，便分配到bar 枱位置。 這裡的拉麵可選湯拉麵或沾麵，湯底就有「白武骨」、「黑武骨」、「赤武骨」，而配料就可以選 : 叉燒、豚角、豚肉片。 第一次來還是穩穩陣陣試了湯拉麵配叉燒，湯底就選了心水的「黑武骨」。不知從什麼時候開始，很多新進駐香港的日本拉麵店都有供應黑色湯底的拉麵。 湯底不再單單是傳統的豬骨湯、醬油、鹽味、味噌等等。 麵屋武蔵也不例外，它的「黑武骨」拉麵，湯底是黑黑的，就是加入黑蒜油而成。 但其實，有眾多的黑色的拉麵湯底中，黑色湯底配方是不盡相同的。豚王的「黑王」湯底是豚骨湯加入了墨魚汁，魂的「太極」則是墨汁湯底跟豚骨湯底形成了太極圖案，而隠家拉麵工場的「隠世黑伝」和這裡的「黑武骨」都是在麵湯底中加入黑蒜油。我的黑武骨叉燒拉麵，配有紫菜及半只溏心蛋。麵身是粗而彎曲的，是我喜歡的類型，很有咬口的。 黑蒜油麵湯也算濃香，只是味道比較簡單，略欠複雜性。 兩件叉燒也完整、夠厚身; 溏心蛋半熟，不用另加錢order，也合乎我的經濟原則。麵屋武蔵跟一風堂有點相似，就是在供應拉麵以外，有不少小食供應，而且兩者都在商場內開店，不是地舖麵屋的風格。

星期六去apm睇戲前，搵地方醫肚，聽朋友講過麵屋武藏，聽講幾好食，決定試下。時間尚早，唔駛點等就有位。我叫咗黑武骨配豚角煮，湯底味道唔太濃，同時亦唔太油，啱我口味，不錯。第一次食豚角煮，感覺上似叉燒，但肉質較軟，不錯。朋友叫咗赤武骨配叉燒，佢食得辣，個湯可以飲到尾。但我唔太好辣，飲頭幾啖都ok，再飲落去就攻鼻。叉燒得一塊，但好太塊，一塊等如出面兩塊，厚身又腍，朋友話好正。不得不提隻糖心蛋，好滑好嫩。

閒日約1:30pm去, 唔使等位, 正!我首次吃沾麵, 選了黑蒜油叉燒版.將麵放在濃湯中沾來吃, 湯味極香濃! 讚!最近店子做promo, 同一個價錢可加底. 所以我點了中size (即1.5個麵), 較划算.老公點了黑蒜油豚角湯麵.我最鍾意食肥豬肉, 所以覺得豚角不俗.但湯底相對沾麵的淡.兩個麵其實都好食 (出前一丁的所謂黑蒜油簡直不值一哂)個人喜歡沾麵, 因為麵身感覺更嫩更彈.老公則偏愛湯麵 (雖嫌分量較少).可謂各花入各眼~

日本人氣第一的麺屋武蔵選擇在觀塘 apm 開業，此地點大約可以避開拉麵大戰的區域。開業時已經有不少食友盡快吃過一次，想看真一點才試的我因其後排隊人數太多而失去興趣，看到 openrice 有試食活動當然報名參加。這次試食可以試拉麵或沾麵，是次選黑武士拉麵。店方說這兒的麵也是日本運過來，用上軟水，湯底也花了不少時間去淆製。湯底是豬骨湯底加黑蒜油，豬骨湯底未算很濃，而油份已經刻意要求減低，蒜的味道可能因此變得不多。麵條不是我喜歡的種類，對此粗身有點公仔麵的彎曲的麵條沒太多興趣。而兩塊叉燒的厚薄不一，兩塊也算偏厚的，豐腴而且肉質不乾，肥位也不會膩，還算不錯。小食中最喜歡的是比目魚柚奄燒，喜歡的是魚肉的肉質造得夠滑溜，就算我們放涼了還是好吃。炸物如蝦天婦羅和蝦春卷也是平平凡凡，春卷加入粉葛之類的，也沒化學作用。餃子的皮煎得不夠香口，中間的餡也沒特別。比較喜歡的是炸雞點的醬汁，因為那少許的芥未的香味把炸雞的味道帶出。明太子青椒燒，不會有平日吃大型的青椒的辣感，加上明太子細小而且脆卜卜的口感，幾特別的。就算說是第一也要吃過是不是合自己胃口的。是次試到的，個人認為拉麵算合格，而小食的質素可以再提高。

四月十六日 (星期一)香港人總是貪新鮮的，拉麵吃膩了，沾麵熱潮又起帶起沾麵熱潮的，又是日本通Meter Chan自問沾麵吃得不多，最深刻印象的是周月的酸醋沾麵和帆立貝油麵早於開業時，其實麵屋武藏已有供應沾麵，不過我們吃過其拉麵，感到有待改進，所以再沒有再來過不過早前又行經此店，看到門口有一大塊海報宣傳新款的神山沾汁麵而且每日限量五十碗，立刻問一問店員是否還有供應店員說還有最後一碗，見機不可失，立刻進店看其名稱，心想是與沙巴的神山有關嗎?一問經理，原來是 因為湯底源自東京麵屋武藏的神山分店其 料理長曾川太郎也曾親臨香港指導調配湯底因為製作需時，也要力保質素穏定，所以每天只能供應五十碗沾麵可自選份量，由一百至四百克，以一般份量有約二百克計，四百克就是二人份量，真是十分超值，但我們還是想留點空間再吃一次拉麵和武藏炸雞，所以只是少少地選了小盛的三百克沾麵湯底是豚骨餚製，湯底非常濃厚稠杰麵則呈粗曲，掛湯力就更強入口非常煙韌彈牙，加上極濃的豬骨湯和麵本身的蛋香亦十分合拍，真是喜出望外~神山沾汁麵的另一主角要數那加大碼的厚切豚角外表就如一塊大版的東坡肉，肉與肥膏比例約是二比一肥膏看似油膩無比，但入口

除了一般的日式湯麵外，此拉麵店還供應沾汁麵，即像撈麵。期間限定沾汁麵分四種份量，劃一收費。落單前指明其中一種份：＂並＂，＂中＂，"大盛＂及"特盛＂，分別是一個，一個半，兩個，及五個麵的份量。更令人驚喜的優惠是特盛拉麵（每日限售十碗）可無限量追加拉麵，而每次追加的份量以兩個麵為上限，以防止顧客浪費食物。因此麵不能分食，心想除雙撲手外，應該只有少數人能挑戰此巨型拉麵。拉麵是彎彎曲曲的。由於麵條較粗身，所以比較飽肚。白武骨叉燒沾汁麵的湯底十分濃，濃得有點過鹹。不過，因沾麵似乎沒加入什麼調味料，所以沾了鹹鹹的湯卻味道剛好。叉燒水準則一般。黑武骨叉燒沾汁麵加入黑蒜油，所以份外香口。湯底同樣較鹹，只適合配沾麵吃而非單獨飲用。芥末炸雞的炸皮香脆，雞肉嫩口，果然是衆望所歸的推介小食。整體而言，其它過江龍拉麵更加吸引。

由於本人放假既關係 可以早少少到達麵屋 避開D OL食飯人潮 一到步就已經入得 食飯最正就係咁了 入到去全店都以黑色做主調 配以一D日式既裝飾 份外體現到一陣濃濃的日本味 坐下又睇下D環境之後 主角終於出場 我同女友分別點左黑武骨配豚角同白武骨配叉燒 然後加一客餃子 首先試一試個白湯 豬骨味一般濃不過帶點魚的味道 叉燒質地比較粗糙 另一款黑骨就濃得多了 味道較特出 對比叉燒 豚角就軟身得多同埋應該鹵過非常入味最後個餃子都皮薄餡靚 不過幾隻痴得幾實下 分開O個陣實整爛總括黎講食物都唔錯 但未去到一試難忘的地步哦

小弟太多食評債, 但因今次乃openrice 與麵屋武藏聯辦的試食會, 因此給個priority, 先寫這篇吧.經常來此商場的小弟對商場內的店並不陌生, 其實之前也與此店有一面之緣, 只是還是被旁邊的那間快餐店的下午茶吸引了過去. 是次乃小弟首次有幸抽中來到openrice 的試食會, 第一次與多位食家同台食飯確是十分緊張, 因為自己向來只是“為食”, 對食其實也不太講究.小弟並沒有出國到過日本, 亦不“崇日”, 因此對日本飲食文化以及拉麵的智識只是皮毛. 與朋友談到此拉麵店過江到香港, 朋友說這間店的拉麵在日本每一間分店都有其不同之處. 不知在香港又會有什麼不同, 希望是變好了.入坐後立刻點拉麵, 開頭點了湯麵, 最後才發覺湯麵和沾麵是二選一, 那還是改選了黑骨武叉燒沾麵, 一完嚐不到隱家的沾麵夢. 侍應問我要熱茶還是凍水, 我趕過來已經很熱了, 但最後還是選了品茶. 這裡用上的據說叫麥茶, 飲下少許穀麥味, 但不強烈, 清淡的茶用來送美食更佳.食拉麵前先有7款小食過口癮.先來的是金時野菜凱撒沙律. 食材全都是生的, 生菜以外還有南瓜片, 蕃薯片和蓮藕片. 每樣都切得好薄, 非常考刀